ލާމު އަތޮޅު ލިންކު ރޯޑު.-- ފޮޓޯ: ތޮއްޓޭ ފޮޓޯގްރަފީ
17 ފެބުރުއަރީ 2019 - 13:14
4 comments
ގަމުގައި 200 ހައުސިން ޔުނިޓް އަޅާނެ ބަޔަކު ހޯދަން ފިނޭންސް މިނިސްޓްރީން ބީލަމަށް ހުޅުވާލައިފި އެވެ.
ފިނޭންސް މިނިސްޓްރީން ބުނީ، ހައުސިން މިނިސްޓްރީން ކުރިއަށްގެންދާ މި މަޝްރޫއު، ޑިޒައިން އެންޑް ބިލްޑް އުސޫލުން ކުރާނެ ފަރާތެއް ބޭނުންވާ ކަމަށެވެ.
މި ބީލަމުގައި ބައިވެރިވުމަށް 1500ރ.ގެ ފީއެއް ދައްކަންޖެހެ އެވެ. އަދި ބިޑް ސެކިއުރިޓީގެ ގޮތުގައި 100،000 ޑޮލަރު ހުށަހަޅަންޖެހެ އެވެ. ބީލަން ހުޅުވުން އޮންނާނީ އަންނަ މަހުގެ 5 ގަ އެވެ.
މި އަހަރު ބޯހިޔާވަހިކަމުގެ ހަ މަޝްރޫއުއެއް އަލަށް ފަށަން ސަރުކާރުން ވަނީ ނިންމާފަ އެވެ. އެގޮތުން އެ މަޝްރޫއުތަކަށް 207 މިލިއަން ރުފިޔާ ހަރަދު ކުރުމަށް ކަނޑައަޅާފައިވެ އެވެ. މީގެ އިތުރުން ހިނގަމުންދާ ހަ މަޝްރޫއަކާ އެކު 321 މިލިއަން ރުފިޔާ ހައުސިން މަޝްރޫއުތަކަށް ހޭދަކުރާނެ އެވެ.
މި އަހަރުގެ ބަޖެޓުގައި ޕަބްލިކް ސެކްޓާ އިންވެސްޓްމެންޓް ޕްރޮގްރާމް (ޕީއެސްއައިޕީ) ގެ މަޝްރޫއުތަކުގެ ގޮތުގައި 6.6 ބިލިއަން ރުފިޔާ ހިމަނާފައިވެ އެވެ. އޭގެ ތެރޭގައި، އަލަށް ފަށާ 315 އަދި ހިނގަމުންދާ 229 މަޝްރޫއު ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެސް
20 February 2019
ލ.މާބައިދޫ .......... ލ. މާމެންދޫ ................ އެކަހެރިކޮއް އޮންނަ ދެރަށް... ލ. ގަމައް މި2 ރައް ބަދަލްކުރަންފެނޭ................ އާބާދީ އެއްފަސް ކުރުމުން ތަރައްޤީވެ ކުރިއަރާދާނެ.
ލަމް
18 February 2019
ރާއްޖޭގެ އުތުރު ކޮންމެ ސަރުކާރަކަށްވެސް ފެންނަނީ ވޯޓު ބޭނުންވީމަ
ސަލީމް
17 February 2019
ޚަބަރު ކިޔާ ނިމުނު އިރު ވެސް ކޮންއަތޮޅެއްގެ ކަން ނޭގުނު
ނ.އަތޮޅު ދަރިއެއް
17 February 2019
ނ.މަނަދޫގަ 400 ހައިސިން ޔުނިޓް އަޅާފަ މަގޫދޫ މީހުންނާ ފޮއްދޫގަ ތިބި މަދުމީސްކޮޅު މަނަދޫ އައް ބަދަލް ކޮއްބަލަ.. މިދެރައް ވިއްކާލީމަ ސަރުކާރައް 10 މިލިއައންޑޮލަރު ލިބޭނެ.. ގެދޮރު އަޅާކައް 3 މިލިއަން ޑޮލަރުވެސް ހަރަދު ނުވާނެ