ރައީސް އިބްރާހިމް މުހައްމަދު ސޯލިހާއި ލަންކާގެ ރައީސް މައިތްރިޕާލަ ސިރިސޭނާ: -- ފޮޓޯ: ރައީސް އޮފީސް
21 ފެބުރުއަރީ 2019 - 13:15
7 comments
ސްރީލަންކާގެ ޕެރަޑެނިޔާ އެންޑް މޮރަޓުވާ ޔުނިވާސިޓީގެ ކެމްޕަހެއް ރާއްޖޭގައި ގާއިމްކުރަން ނިންމައިފި އެވެ.
އެ ގައުމުގެ ސިޓީ ޕްލޭނިން، ވޯޓާ ސަޕްލައި އެންޑް ހަޔަ އެޑިއުކޭޝަން މިނިސްޓަރު ރައުފް ހަކީމްއާ ހަވާލާދީ ލަންކާގެ ނޫހަކުން ބުނީ، ރާއްޖޭގެ ރަށެއްގައި ޕެރަޑެނިޔާ އެންޑް މޮރަޓުވާ ޔުނިވާސިޓީގެ ކެމްޕަސް ގާއިމްކުރަން ރައީސް އިބްރާހިމް މުހައްމަދު ސޯލިހާއެކު އެއްބަސްވުމަކަށް އާދެވިފައިވާ ކަމަށެވެ.
އޭނާ އެހެން ވިދާޅުވީ ކޭންޑީގެ ބޭއްވި ސްޕޯޓްސް މީޓެއް ޝަރަފުވެރިކޮށްދެއްވައި ވާހަކަދައްކަވަމުންނެވެ.
ރައުފް ވިދާޅުވީ ރާއްޖޭގައި މޮރަޓުވާ ޔުނިވާސިޓީގެ ކެމްޕަހެއް އެޅުމުގެ ޕްރޮޕޯޒަލް، މި މަހުގެ ކުރީކޮޅު ރައީސް އިބްރާހިމް މުހައްމަދު ސޯލިހް ލަންކާއަށް ވަޑައިގަތުމުން ހިއްސާކުރައްވައި މަޝްވަރާކުރައްވާފައިވާ ކަމަށެވެ. އަދި އެކަމަށް އެމަނިކުފާނު އެއްބަސްވެވަޑައިގެންފައިވާ ކަމަށް ވިދާޅުވި އެވެ.
"ޑިގްރީގެ ފުރަތަމަ ދެ އަހަރު ދިވެހި ދަރިވަރުން ކިޔަވާނީ ރާއްޖޭގައި. ބާކީއޮތް ދެ އަހަރު ފުރިހަމަކުރާނީ ލަންކާގައި ކަމަށް އެއްބަސްވެވިފައި މި އޮތީ،" އޭނާ ވިދާޅުވި އެވެ.
ރާއްޖޭގެ އަމިއްލަ ބައެއް ކޮލެޖުތަކުގައި މިހާރު ވެސް ބޭރުގެ ކޯސްތައް ހިންގަ އެވެ. ނަމަވެސް ބޭރުގެ ޔުނިވާސިޓީ ނުވަތަ ކޮލެޖެއްގެ ކެމްޕަހެއް އަދި ހުޅުވާފައި ނުވެ އެވެ.
މީގެ 47 އަހަރު ކުރިން ގާއިމްކުރި ޔުނިވާސިޓީގައި އަންޑަގްރެޖުއޭޓަށް 7،000 ދަރިވަރުން އަދި ޕޯސްޓްގްރެޖުއޭޓަށް 2،500 ދަރިވަރުން އަންނަނީ ތައުލީމް ހާސިލްކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަދު
21 February 2019
ބައްލަވާ ރާއްޖޭގެ ތައުލީމް ހަލާކު ކޮށްނުލައްވާ. މިހާރުވެސް ދެ ޔުނިވަރސިޓީ ރާއްޖޭގައި އެބަހުރި. އެތަންތަނަށް އެކީށެންވާ ބަޖެޓެއް ނުލިބޭ. ގައުމީ ޔުނިވަރު ސިޓީ ގައި ޖާގަ އެއްވެސް ނެތް. ސޯސަންގެ އިން ބޮޑުބައި ސަރުކާރަށް ނަގައިފި. ޖަމާލުއްދީން އަތުލައފި، ސޮލާހުއްދީން އިމާރާތްވެސް ނަގައިފި. ކިޔަވާ ދެއްވާ މީހުންގެ މުސާރަ އެހާ ކުޑަ. ތި ބި ލެކްޗަރަރ އިންވެސް ތިބީ ކިޔާދިނުމަށް ހުރި ޝައުގެއްގެ ބޮޑު ކަމުން.
މައިސޫރިމާ
21 February 2019
ތިވާނީ އެމްޑީޕީގެ އެކްޓިވިސްޓަކު ލަންކާގެ ކޮލެޖަކާއި ގުޅިގެން ފްރީ ޑިގްރީގެ ބައެއް ކަހާލަން ހިންގާ ޖަރީމާއަކަށް، ރާއްޖޭގެ ޔުނިވަސިޓީއަށް ހީނަރުވާ ކަންކަން އިބޫވެސް ކޮށްގެން ނުވާނެ، އިބޫ ވިސްނަންޖެހޭނީ ރާއްޖޭގެ ޔުނިވަސިޓީ ދުނިޔޭގެ ޤައުމުތަކުގައި ކުރިއެރުވޭތޯ، ލަންކާގެ ކެމްޕަހެއް ނުޖެހޭ ރާއްޖޭގައި ހަދަން
އަސޭލާ1
21 February 2019
ޙެލޯ އެއީ ލަންކާގެ އެންމެ ގިނަ ދުވަސްވީ އެންމެ ކޮލިޓި އެއް ޔުނިވަސިޓި. ކޮލެޖެއް ނޫން އާދައިގެ.
ބައްސާނު ހަބީބު
21 February 2019
ލަންކާގެ ޔުނިވަސިޓީއެއްގެ ކެމްޕަހެއް، ލަންކާމީހުންނަށް ހީވެދާނެ މިޤައުމަކީ ކިޔަވާކުދިން ވަރަށް ގިނަ ގައުމެކޭ، ލަންކާގައި މަދީ އިސްލާމިކް ޔުނިވަސިޓީއެއް، އައިޔޫއެމް ލަންކާގައި ކެމްޕަހެއް ހަދަން ފެނޭ، އެއިރުން ލަންކާގައި ދިރިއުޅޭ އެތަކެއް މުސްލިމް ދަރިވަރުންނަށް ކިޔަވައިދެވޭނެ
ހަބީބު ހަސަން
21 February 2019
ލަންކާގައި ލަންކާގެ އެތަކެއް މިލިއަން މީހުން ދިރިއުޅޭ، ރައީސް އިބްރާހިމް މުހައްމަދު ސޯލިހު ވީނޫންތޯ ލަންކާގައި އެމްއެންޔޫގެ ކެމްޕަހެއް އަދި އިސްލާމިކް ޔުނިވަސިޓީގެ ކެމްޕަހެއް އަޅަން ބިމެއް ހޯދަން އެދުނިއްޔާ، ރާއްޖޭގެ އާބާދީގައި އުޅޭ 10000 ހާސް ކިޔަވާކުދިންނަށްތޯ ލަންކާއިން ކެމްޕަހެއް އަޅަނީ؟ މިއީ ރައީސުންނާއި އެމްބެސެޑަރުންގެ ތަރައްޤީގެ ޕްލާން ކަމުނުދާ ކަމަކީ، ލަންކާގެ ކެމްޕަހެއްތޯ މިޤައުމުގައި މިހާރު މަދުވެގެން އުޅެނީ؟
އަޙްމަދު ޒަކީ
21 February 2019
މިހާރުވެސް މިތާ އެތައް ބައިވަރު ކޮލެޖެއް ހިންގާއިރު، ކިޔެވައިދިނުމުގެ ފެންވަރު އިންތިހާއަށް ދަނީ ދަށަށް. ތިޔަ ޔުނިވަސިޓީގެ ވެބްސައިޓަށް ވަދެލުމުން ފެންވަރު ރަނގަޅުތަނެއްހެން ހިޔެއްނުވޭ. އަހަރެމެން ބޭނުމީ، ދުނިޔޭގެ މަޝްހޫރު ޔުނިވަސީޓީއެއްގެ ކެމްޕަސްއެއް ރާއްޖޭގެ ރަށެއްގައިގާއިމުވުން.
އަތްޖަހާ
21 February 2019
ދެން މިތަނުން ކިޔަވާ ކުދިންގެ %60 ޓިއުޝަން ފީ ސަރުކާރުން. ސަރުކާރުން ފައިސާ ނަގައިގެން ލަންކާ މީހުން ރަށަށް. މިކަންތައްތައް މީ އޮބި އޮންނާނެ ކަމެއް ނޫން. ހިލޭ ކިޔެވެން ޖެހޭނީ ހަމަ އެކަނި ސަރުކާރުގެ ޔުނިވާސިޓީ ތަކުގަ.