މަރުވެފައިވާ އަނބިމީހާގެ ހަށިގަނޑު ކޮނޑަށް ލައިގެން މާޖީ ހިނގާފައިދާއިރު ދަރިފުޅު ކައިރީގައި
26 އޯގަސްޓް 2016 - 07:11
5 comments
އިންޑިއާގެ އެންމެ ފަގީރު އެއް ޑިސްޓްރިކްޓް ކަމަށްވާ އޮޑިޝާގައި ފިރިހެނަކު އޭނާގެ މަރުވެފައިވާ އަނބިމީހާގެ ހަށިގަނޑު ހޮސްޕިޓަލުން ގެޔަށް ގެންދަން ކޮނޑަށް ލައިގެން 10 ކިލޯމީޓަރަށް ވުރެ ދުރަށް ހިނގައިފި އެވެ. އޭނާއާ އެކު 12 އަހަރުގެ އަންހެންދަރިފުޅު ރޮމުން ހިނގާފައި އަންނަ މަންޒަރު ވެސް ފެނެ އެވެ.
ދާނާ މާޖީ ކިޔާ މީހާ ބުނި ގޮތުގައި އަނބިމީހާގެ ފުރާނަ ނެތް ހަށިގަނޑު ކޮނޑުގައި އުފުލަން ޖެހުނީ ހޮސްޕިޓަލުން އެމްބިއުލާންސެއް ހަމަޖައްސައި ނުދިނުމުންނެވެ. އަދި ވެހިކަލެއް ކުއްޔަށް ހިފަން ފައިސާ ވެސް ނެތުމުންނެވެ.
ޓީބީ ޖެހިގެން އަންހެނުން މަރުވީ އެމީހުން ދިރިއުޅޭ އަވަށާ 60 ކިލޯމީޓަރު ދުރުގައިވާ ސަރުކާރުގެ ހޮސްޕިޓަލެއްގަ އެވެ.މަރުވި 42 އަހަރުގެ އަނބިމީހާ ގެޔަށް ގެންދަން ހަށިގަނޑު ބެޑްޝީޓަކަށް ލައި އޮޅައިލުމަށް ފަހު ކޮނޑަށް ލައިގެން މާޖީ ދަތުރުފެށީ އެވެ.
"އަހަރެން ހޮސްޕިޓަލުގައި ބުނިން އަހަންނަކީ ވަރަށް ބޮޑު ފަގީރެކޭ. ހަށިގަނޑު ގެންދާނެ ވެހިކަލެއް އަހަންނަކަށް ނުހޯދޭނޭ. ނަމަވެސް އެމީހުން އަހަންނަށް އެހީތެރިކަމެއް ނުދިން،" އެންޑީޓީވީގެ ނޫސްވެރިންނާ ވާހަކަ ދައްކަމުން މާޖީ ބުނެފައިވެ އެވެ.
ނޫސްވެރިންނަށް އެ ފިރިހެންމީހާ ފެނިފައި ވަނީ އަނބިމީހާގެ މަރުވެފައިވާ ހަށިގަނޑު ކޮނޑަށް ލައިގެން 10 ވަރަކަށް ކިލޯ މީޓަރަށް ހިނގި ފަހުންނެވެ. ނޫސްވެރިން ވަނީ އެ މީހާ އަށް އެމްބިއުލާންސެއް ހޯދައިދީފަ އެވެ.ނަމަވެސް ހޮސްޕިޓަލުން ބުނަނީ ފިރިހެން މީހާ ދޮގު ހަދަނީ ކަމަށާއި ރޭގަނޑު ދަންވަރުގެ ވަގުތުގައި މާޖީ އޭނާގެ އަންހެނުން ހަށިގަނޑު ވަގަށް ގެންދިޔައީ ކަމަށެވެ. އޭނާ އެހީތެރިކަމަށް އެދުނު ނަމަ އެހީތެރިކަން ފޯރުކޮށްދޭނެ ކަމަށް ވެސް ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާމިނަތު
28 August 2016
އެންޑީޓީވީ އަކީ ބޯގޯސް ބައެއް
އެނޮނީމާ
31 August 2016
އޭ މިކަމާ އެންޑީޓީވީ އާ ކޮންކަމެއް . އެމީހުނަށް ތި ރުޅިބޭލީ ކީއްވެތަ. ވާނުވާ ނޭނގުނަސް ކޮމެންޓްކުރާތި . ތީދެން ބޮޑުވަރު.
ފaޒެެލ
26 August 2016
އިންޑިއާ އaކީ ޑiމޮކްރަސީއެއް ނUން. އެއީ ކaލްޓްު ޑiމޮކްރަސީއެއް.
ބޭޑް
26 August 2016
އިންޑިއާ އެއް ނޫން އެއްވެސް އިންސާނިއްޔަތުގެ ކަންފުޅެއް ވެސް ނޯންނާނެއެވެ. އިންޑިއާ އަށް އަރާލީމާ އެކަން ފެންނާނެއެވެ. މިކަން މިހެން ދިމާވެފައިވަނީ އިންޑިއާގެ މީޑިއާ ވެސް ބޮޑަަށް ސަމާލު ކަން ދޭނީ ފިލްމުސް ޓާރުން ކުރާ ކަންކަމަށެވެ. އެކަމުގެ ސަބަބުން އިންޑިއާގެ މަސައްކަތް ތެރި ކަމާއި ފަގީރު ކަން ދަނީ ދުވަހުން ދުވަހަށް މައްޗަށެވެ. އިންޑިއާ އެބައުޅެއެއް ނޫން ދޯ ޗައިނާ އާއި ވާދަ ކުރަން އަދި ޖަޕާން އާއި ވާދަ ކުރަން. ހަނދާން ނައްތާލަން ޖެހޭނީ. މޯދީވެސް ސަަރުކާރުގެ ފައިސާ ގައި އެޓްލާންޓިކަށް ދަންދެން ދަތުރު ކޮށް އަރާމު ކުރަނީ އެވެ. އޭނާގެ ކަމަކީ ފާޚާނާ ހެދުން. އެއީ ޓޮއިލެޓް ހަދަން ވައުދުވެގެން އައި ބޮޑު ވަޒީރު ތޯއެވެ. ތަރައްގީގެ މަގުގައި އިންޑިއާ ހޭޒް ލޯންގް ވޭ ޓުގޯ.
ދަތުރުވެރިޔާ
27 August 2016
އިންޑިއާގަ ވެސް ވަރަށް ރަނގަޅުމީހުން އުޅޭ. ދާދިފަހުން ކެރެލާގަ ހުރި ރައްޓެއްސަކާ ބައްދަލުކޮށްލަން ކުރި ދަތުރެއްގަ ގިނަ އަދަދެއްގެ ބޭރުފައިސާ އާ އިންޑިއާ ރުޕީސް ލާފަ އޮތް އަޅުގަނޑުގެ ވޮލެޓް އެއް މަގުމަތިން ކުއްޔަށްހިފި ޓެކްސީއެއްގެ ފަހަތުސީޓަށް ނޭނގީ ވެއްޓިފަ އޮއްވާ ޓެކްސީ ގެ ޑްރައިވަރ ގަރާޖް އަކަށް ދިޔަތަނާ އެ ވޮލެޓް ފެނިގެން އޭގެ 5 ގަޑިއެއްހާ އިރުފަހުން އަޅުގަނޑު ޓްރިވެންޑްރަމް ގަ ހުރި ހޮޓަލަށް ވޮލެޓް ހިފައިގެން އައިސް ރައްދުކޮށްދިން. އެދުވަހު 200 ޑޮލަރ މާރުކުރިކަންވެސް ޑްރައިވަރ އަށް އިނގޭނެ. ޑްރައިވަރަކީ ހަށިގަނޑު ބިޔަ ރޫފަ ރަނގަޅު، އަބަދު ހުދު ގަމީސްލާ ކެޕް އަޅައިގެން ހުންނަ އަރޫން ނަމަކަށް ކިޔާ ފަރިތަމަކަމާއެކު އަރަބިބަހާ އިނގިރޭސިބަހުންވެސް ވާހަކަ ދައްކަން ދަންނަ ޓްރިވެންޑްރަމް މީހެއް. އެ ވޮލެޓުގަ ހުރި އެއްވެސް ފައިސާއެއް މަދެއްނޫން. އެކަމުގެ ބަދަލުގަ "ހަދިޔާ" އަކަށް ދިން ފައިސާގަވެސް އޭނާ ނުހިފި.