ޑިންގީ ބަންޑުން ޖަހާލުމުން ގެއްލުނު ޝިމާ.-- ފޮޓޯ: ސޯޝަލް މީޑީއާ
23 ފެބުރުއަރީ 2019 - 10:43
50 comments
ޑިންގީ ބަންޑުން ޖަހާލައިގެން ރޭ ގެއްލުނު އަންހެންމީހާ އަދިވެސް ނުފެންނަ ކަމަށް އެމްއެންޑީއެފުން މިއަދު ބުނެފި އެވެ.
އެމްއެންޑީއެފްގެ މީޑިއާ އޮފިޝަލް ކެޕްޓަން އިބްރާހިމް އާޒިމް ވިދާޅުވީ ހެލްކޮޕްޓަރުގެ އެހީގައި 19 އަހަރުގެ ޝިމާ ހޯދަމުން އަންނަ ކަމަށެވެ. އަދި ކޯސްޓްގާޑުގެ ޑައިވިން ޓީމުން ވެސް ދަނީ އެ ސަރަހައްދުގައި ހަރަކާތްތެރިވަމުން ކަމަށް ވިދާޅުވި އެވެ.
"މިހާތަނަށް ޑިންގީގެ ވެސް އަދި އަންހެން މީހާގެ އެއްވެސް ހަބަރެއް ނުވޭ. މީހާ ހޯދުމަށް އެމްއެންޑީއެފް ސެންޓްރަލް އޭރިޔާ ސިފައިން ދަނީ ހުއްޓުމެއް ނެތި މަސައްކަތް ކުރަމުން،" އާޒިމް ވިދާޅުވި އެވެ.
ލ. ފޮނަދޫން އެ އަތޮޅު މާމެންދު އަށް ދަތުރުކުރި ޑިންގީ ބަންޑުން ޖަހާލީ ލ. ގާދޫ ކަނޑުއޮޅި އަށެވެ. ދެ މީހުން ދަތުރުކުރި ޑިންގީ ބަންޑުން ޖަހައިލުމުން، އޭގައި ހުރި ފިރިހެން މީހާ ފަތާފައި ގޮސް ސިކްސް ސެންސަސް ރިސޯޓަށް އަރައި އެހީތެރިކަމަށް އެދުނެވެ.
ގެއްލުނު އަންހެން ކުއްޖާ ހޯދުމުގެ މަސައްކަތް ކުރަމުން އަންނަ ސަރަހައްދު.- ފޮޓޯ: އެމްއެންޑީއެފް
ފުލުހުން ބުނިގޮތުގައި އެއީ އިންޖީނުގައި ކުޑަ ޓޭންކެއް ހުރި ޑިންގީއެއް ކަމަށާއި އެ މީހުން ދިޔައީ 20 ލީޓަރުގެ ޕެޓްރޯލް ހަމެއް ވެސް ހިފައިގެން ކަމަށެވެ. އެގޮތުން ޑިންގީ ބަންޑުން ޖަހާލީ އެއިން ޕެޓްރޯލް ހުސްވެގެން ގާދޫ އާއި ސިކްސް ސެންސަސް ދޭތެރޭގައި އޮއްވަ އެވެ.
"ޑިންގީއަށް ޕެޓްރޯލް އަޅަނިކޮށް ޖެހި ރާޅާއެކީ ޑިންގީ ބަންޑުން ޖަހާލީ،" ފުލުހުން ބުންޏެވެ.
ޝިމާއަށް ފަތަން ނޭނގޭ ކަމަށާއި އަދި އޭނާ ފްލޯޓް ކުރާނެ ހަމަކާއި އަދި ފޯނެއް ދީފައި އެހީ ހޯދަން ފިރިހެން މީހާ ސިކްސް ސެންސަން ރިސޯޓަށް ފަތާފައި ދިޔައީ ކަމަށް ވެސް ފުލުހުން ބުންޏެވެ.
އެ ހާދިސާގައިި ގެއްލުނު ޝިމާ ދިރިއުޅެމުން އަންނަނީ މާމެންދޫގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓަކިޓަކި
16 March 2019
އަންހެނަކަށް ކަމެއްވެއްޖިއްޔާ އަބަދުވެސް ފިރިހެން މީހާ ބަދުނާމުވާނީ.މީ ވަރަށް ދެރަ ކަމެއް
ދިވެހި ދަރި
24 February 2019
އެންމެންނަށްވެސް ވ.ފަސޭހަ ވާނެ ކޮމެންޓްކޮށް ފާޑުކިޔަން.. އެކަމު މި ހާދިސާ ހިގީ ކިހިނެއްކަން ރަގަޅަށް ނޭގި އެއްވެސް މީހަކާ ދިމާލަށް އިގިލި ދިއްކޮށް އެ މީހަކަށް ހީވާ ގޮތަކަށް ވާހަކަ ދެއްކުމަކީ ރަގަޅު ކަމެއް ނޫން.. އެފަދަ ހާދިސާއެއް އެމީހަކަށް ކުރިމަތިވީމަ އިގޭނީ.. އެކި މީހުން ކަންތައް ކުރާނީ އެކި ގޮތައް.. ގިނަ ފަހަރަށް ކޮންމެ މީހަކުވެސް ބަލާނީ އަމިއްލަ ސަލާމަތަށާ ރައްކާތެރިކަމަށް..
ހޫސް
24 February 2019
ބަލަގަ ހާދިސާ އަކަށް ވީ ބައެއްގެ އިހުމާލުންދޯ!
ހުމޭ
23 February 2019
ތިއަށްވުރެ ބޮޑަށް ފުޅާކޮށް ވިސްނައިގެން ތިޔަ ސާރޗެއް ޖައްސަބަލަ. ހަމައެކަނި އެބުނާ ވާހަކައަށް ބަރޯސާ ނުވެބަލަ!
ރަންދެލި
23 February 2019
މި ހިތާމަވެރި ހާދިސާ ގައި މި ޑިންގީ ދުއްވި މީހާ ދެއްކި ކަމަށް ނޫހުގަ މި ލިޔާ ވާހަކަ ތެދު ކަމުގައި ވަނީނަމަ، މީގާ ވަރަށް ބައިވަރު ދިމާނުވާ ވާހަކަތަކެއ އެބަހުރި! ދުޢާ އަކީ ގެައްލުނު ކުއްޖާ ސަލާމަތުން ފެނުން....
އަހްމަދު 55
23 February 2019
ކަމެއްވެގެން ދީނުގަ އޮންނަނީ މަހުރަމަކާއެކީ ދަތުރުކުރަން.
ރިނީ
23 February 2019
ޑިންގީގައި އެކަނިވީމަ ކަމެއްކުރުންވެސް އެކަށީގެންވޭ. ޝައްކުއުފެދޭ ކަންކަން އެބަހުރި.
ބަބުރު
23 February 2019
އެމްއެންޑީއެފުން އެ ސާޗްކުރަނީ ވަޔަށް ބަލަަފަހެން ހީވަނީ. ތި މެޕްގައި އެވަނީ އެގޮތަށް. ކަނޑުއޮޅިތަކަކީ ވަރަށް އޮއިދަމާނެ ތަންތަން. ދެ ދިޔަވަރަށް ދެކޮޅަށް އޮއިވަރު ހުންނާނީ. ކޮއްމެވެސް ބަޔަކު އޮއިވަރަށް ބަލާފަ ސާޗްކުރުން މުހިއްމު. އެމީހުންގެ މޭޒުކައިރީގަ ތިބޭ ކަނޑުފަރު ނުދައްނަ ވެރިންގެ ކޮމާންޑަށް އެމީހުން ސާޗް ކުރާނީ
އަހްމަދު 55
23 February 2019
ކަލޭ އިނގޭމީހާ ކީއްވެތަ ކަމެއް ނުކޮށް ހުސް އަނގަތަޅަން ތިހުންނަނީ. ވާނުވާ އިނގިގެން ވާހަކަ ދައްކާ! ކޮންމެހެން ރޯނުއެދުރު ހެދިގެން މީހުންގެ ހިތުގަ ނަފުރަތު އުފެދޭ ވާހަކަ ނުދައްކާ!
ޙަސް ހަސަން
24 February 2019
ކަލޯ މިކަހަލަ ބޯގޯސް ވާހަކަ ނުދައްކާ ކަންކަން ކުރާގޮތް އަހާ ސާފުކޮއްގެން ވާހަކަ ދައްކާ.
4553
23 February 2019
ވ ރަހުމް ކުޑަކޮށް ހިގާފައިވާ ހާދިސާއެއް.
ޙަނދޭގިރި
23 February 2019
ވަރަށް ރަގަޅަށް ތަހުގީގު ކުރަންޖެހޭ މައްސަލައެއް، ތި ފިރިހެންމީހާ މިހާރުން މިހާރަށް ފުލުހުންގެ ބެލުމުގެ ދަށަށް ގެންނަންޖެހޭ، އަދި ރަގަޅު އިންޓަރޮގޭޝަންއެއް ހިންގަންޖެހޭ... ދުއާއަކީ އަންހެންކުއްޖާ ހެޔޮހާލުގައި ހުއްޓާ ފެނުން...
މަރޭމިތުރު
23 February 2019
އަންހެން ދަރިން ގެއްލުމަކީ ދެރަވާކަމެކޭ! ދަންނަ މީހަކުނޫނަސް އަސަރުކުރާކަމެކޭ!................................... އަންހެން ދަރިންނަށް މިކަހަލަ ކަންކަންވީމަ ހަގީގަތުގަވެސް ވަރަސް އަސަރުކުރޭ! ވަރަށް ދެރަވޭ ހަގީގަތުގަވެސް.