ޚަބަރު / އަހުމަދު ޝަރީފް (ސްޓެލްކޯގެ ކުރީގެ އެމްޑީ)

އަށް މީހެއްގެ ކެންޑިޑެސީ ފޯމު ބަލައެއް ނުގަތް، އިންތިޚާބުގައި ވާދަކުރާނީ 395 މީހުން

އިލެކްޝަންސް ކޮމިޝަނުން މިއަދު ބޭއްވި ނިއުސް ބްރީފިންގައި އެ ކޮމިޝަންގެ ރައީސް ޝަރީފް (ކ-2) އަދި އެންޓި ކޮރަޕްޝަން ކޮމިޝަންގެ ނައިބު ރައީސް މުއައްވިޒް (ވ-2) އިލެކްޝަންސް ކޮމިޝަންގެ އެހެން ބައެއް މެމްބަރުންނާ އެކު.---ފޮޓޯ: އަހުމަދު ނިޝާތު/މިހާރު

އާސިމާ ނިޒާރު، މިހާރު

23 ފެބުރުއަރީ 2019 - 13:47

8 comments

އަންނަ އޭޕްރިލް މަހު ބާއްވާ ރައްޔިތުންގެ މަޖިލީހުގެ އިންތިހާބަށް ފޯމު ހުށަހެޅި އަށް މީހެއްގެ ކެންޑިޑެސީ ފޯމު ބަލައިނުގަންނަން އިލެކްޝަންސް ކޮމިޝަން (އީސީ) ން ނިންމައިފި އެވެ. އެހެންވެ، މި އިންތިހާބުގައި ވާދަކުރާނީ 395 މީހުން ކަމަށް އެ ކޮމިޝަނުން ބުންޏެވެ.

އިންތިޚާބުގެ ތައްޔާރީތަކާ ގުޅޭ މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އިލެކްޝަންސް ކޮމިޝަންގެ ރައީސް އަހުމަދު ޝަރީފް ވިދާޅުވީ މުއްދަތު ހަމަވިއިރު 403 މީހެއްގެ ފޯމު ހުށަހަޅާފައވާ ކަމަށެވެ. އެކަމަކު އީސީން ބަލައިގަތީ 395 މީހެއްގެ ފޯމު ކަމަށް ވިދާޅުވި އެވެ.

ނަމަވެސް ފޯމުތައް ބަލައިނުގެން ސަބަބެއް ވިދާޅެއްނުވެ އެވެ.

ފޯމު ބަލައިގެން މީހުންގެ ތެރޭގައި ހިމެނެނީ 35 އަންހެނުންނާއި 360 ފިރިހެނުން ކަމަށް ޝަރީފް ވިދާޅުވި އެވެ.

މަޖިލީހުގެ 87 ދާއިރާ އަށް އެންމެ ގިނަ މެމްބަރުން ކުރިމަތިލާފައިވަނީ އެމްޑީޕީންނެވެ. އެގޮތުން އެ ޕާޓީގެ ޓިކެޓުގައި ނިލަންދޫ ދާއިރާ ފިޔަވައި އެހެން ހުރިހާ ދާއިރާއަކަށް ކުރިމަތިލުމަށް ފޯމު ހުށަހަޅާފައި ވެ އެވެ. ދެން އެންމެ ގިނައިން ކުރިމަތިލާފައި ވަނީ ޖުމްހޫރީ ޕާޓީންނެވެ. އެ ޕާޓީން 41 ދާއިރާއަކަށް ކުރިމަތިލާއިރު އިދިކޮޅު ޕީޕީއެމުން 26 ދާއިރާއަކަށް ކުރިމަތިލުމަށް ފޯމު ހުށަހަޅާފައި ވެ އެވެ. އަދި ޕީޕީއެމާ އެކު ކޯލިޝަން ހަދާފައިވާ ކޮންގްރެސް ޕާޓީން 23 ދާއިރާއަކަށް، އަދާލަތު ޕާޓީން ނުވަ ދާއިރާއަކަށް، އެމްޑީއޭއިން އަށް ދާއިރާ އަށް، އެމްޓީޑީން 10 ދާއިރާ އަށް، ލޭބާ ޕާޓީން ނުވަ ދާއިރާއަކަށް ކުރިމަތިލަ އެވެ. އަދި އަމިއްލަ ގޮތުން 186 މީހަކު ވަނީ މަޖިލީހުގައި ވާދަކުރަން ފޯމު ހުށަހަޅައިފަ އެވެ.

އިލެކްޝަންސް ކޮމިޝަނުން މިއަދު ބޭއްވި ނިއުސް ބްރީފިންގައި އެ ކޮމިޝަންގެ ރައީސް ޝަރީފް (ކ-2) އަދި އެންޓި ކޮރަޕްޝަން ކޮމިޝަންގެ ނައިބު ރައީސް މުއައްވިޒް (ވ-2) އެހެން ބޭފުޅުންނާ މަޝްވަރާ ކުރައްވަނީ.---ފޮޓޯ: އަހުމަދު ނިޝާތު/މިހާރު

ޝަރީފްް ވިދާޅުވިގޮތުގައި މި ފަހަރުގެ އިންތިޚާބަށް ޗާޕުކުރާ ވޯޓު ކަރުދާސްތަކުގައި ހާއްސަ ތައްގަަނޑެއް ޖަހަން ނިންމާފައިވާ ކަމަށެވެ. އެގޮތަށް ތައްގަނޑެއް ޖަހަން ނިންމީ މިިދިޔަ ސެޕްޓެމްބަރު މަހު ބޭއްވި އިންތިޚާބުގެ ތަޖުރިބާއިން ކަމަށް ވިދާޅުވި އެވެ.

މިދިޔަ އަހަރު ބޭއްވި ރިޔާސީ އިންތިިޚާބުގައި ބޮޑު ނާކާމިޔާބީއާ ކުރިމަތިވެވަޑައިގަތުމުން އޭރުގެ ރައީސް އަބްދުﷲ ޔާމީން ވޯޓުކަރުދާހާ ގުޅޭގޮތުން ސުވާލު އުފެއްދެވި އެވެ. އަދި އެ އިންތިޚާބު ބާތިލްކުރަން އެމަނިކުފާނު ކޯޓަށް ވެސް މައްސަލަ ހުށަހެޅި އެވެ.

"ވޯޓު ކަރުދާހުގެ ސެކިއުރިޓީ ފީޗާގެ އިތުރުން، ކޮންމެ ވޯޓު ކަރުދާހެއްގައި އީސީގެ ތައްގަނޑު ޖަހާނެ،" ޝަރީފް ވިދާޅުވި އެވެ.

ޝަރީފް ވިދާޅުވީ ހާއްސަ ތައްގަނޑު ޖެހުމުން ފޮއްޓަށް ލާ ވޯޓު ކަރުދާހަކީ ސައްހަ ކަރުދާހެއްކަން ވޯޓު ފޮށި ބަލަހައްޓާ އޮފިޝަލުންނަށް ފަސޭހައިން ޔަގީންވާނެ ކަމަށެވެ.

އިލެކްޝަންސް ކޮމިޝަން އަހުމަދު ޝަރީފް (ސްޓެލްކޯގެ ކުރީގެ އެމްޑީ) ރައްޔިތުންގެ މަޖިލީހުގެ އިންތިޚާބު 2019 ސިޔާސީ

8 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަރޭމިތުރު

23 February 2019

ސާފުހެދުމެއް މަޖިލީހުގަ އަޅުވަންވީ! ސާފު ހުދުންތިބި ބައެކޭ ގެނުވަންވީ!.............................. ސާފު ހުދު ފޭރާމުގަ ތިބިބައެއް މިފަހަރު ގެންނާނީ. ފަސްބައި ކިލަނބުވެފައި ހުރި މީހަކު ނުގެންނާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

23 February 2019

އެއަންނަނީ ވައިރޯޅި ބަދަލެއް އެއަންނަނީ! މިއަންނަ މަޖިލިސް އެމްޑީފީން އެގެންނަނީ!............................ އިރާދަކުރެއްވިއްޔާ މި މަޖިލިސް އެމްޑީޕީ ބޮޑު ތަފާތަކުން ކުރިހޯދާ މަޖިލިސް ހާއްސަ ތަރިތަކުން އިތުރައް ޖަރީކޮށްލާންން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯޓްވަގު

23 February 2019

މިނިވަންކަމުން އަޅުވެތިކަމަށް ދާކަށް ދެން ދިވެހިން ބޭނުމެއްނޫން، ދިވެހިން ބޭނުމީ ރިޔާސީ ނިޒާމެއް، އިސްލާމްދީނާއި ޤައުމުގެ މިނިވަންކަން، ލާދީނީ ފިކުރާއި އަޅުވެތިކަމުން އެއްކިބާވެފައިވާ ވެރިއެއް، ޤައުމު ތަރައްޤީކުރާ ވެރިއެއް،، ފޮނިއަނގަތަޅާ ވެރިއެއްނޫން ނަތީޖާދައްކާ ވެރިއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

23 February 2019

(މިވޯޓުގަ މަގޭ ޝިޔާރަކީ "ވައިރޯޅި"! މާނަޔަކީ ބަދަލެކޭ!.............[އެއަންނަނީ ވައިރޯޅި ބަދަލެއް އެއަންނަނީ! މިއަންނަ މަޖިލިސް އެމްޑީޕީން އެގެންނަނީ!]

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

23 February 2019

ހުރިހާ ކަނޑަކަށް ހެޔޮވަރު މީހުން ގެންނާނީ! ކުރިއާއި ހިލާފައް އަހުލާގައް އިތުރައް މަބަލާނީ!............................. ވޯޓަކީ މިގައުމުގެ އެންމެ އަގުބޮޑު އަމާނާތް. މެންބަރުންނަކީ ރައްޔިތުންގެ ފުރިހަމަ ލޯބި ލިބިގެންވާ ބަޔަކަށް ހަދަންވާނެ، އަހުލާގުގެ ރީތި ސިފައިން މަޖިލިސް ޗާލުކުރެވޭތޯ ބަލަންވީ!