މާލޭގައި 24 ގަޑިއިރު ހިންގުމަށް ތިން ކެފޭ އަކަށް ހުއްދަ ދީފި

ސީ ހައުސް ރެސްޓޯރަންޓުގައި ބަޔަކު ހިދުމަތް ހޯދަނީ: ދަންވަރު ވެސް ވިޔަފާރި ހިންގުމުގެ ހުއްދަ އިކޮނޮމިކް މިނިސްޓްރީން ވަނީ އެ ރެސްޓޯރަންޓަށް ދީފައި.---ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

06 މާޗް 2019 - 20:25

24 comments

މާލޭގައި 24 ގަޑިއިރު ވިޔަފާރި ހިންގުމަށް ތިން ކެފޭ އަކަށް އިކޮނޮމިކް މިނިސްޓްރީން މިއަދު ހުއްދަ ދީފި އެވެ. މިއީ 24 ގަޑިއިރު ވިޔަފާރި ހިންގުމުގެ ހުއްދަ ދިނުމަށް މި ސަރުކާރުން ނިންމުމާ ގުޅިގެން މާލޭގައި އެ ހުއްދަ ދިން ފުރަތަމަ ތިން ތަނެވެ. އެކަމަކު، އަދި އެއްވެސް ފިހާރަ އަކަށް އެ ހުއްދައެއް ނުދެ އެވެ.

އިކޮނޮމިކް މިނިސްޓްރީން ބުނީ މާލޭގައި 24 ގަޑިއިރު ހިދުމަތް ދިނުމަށް ހުއްދަ ދިނީ ސީ ހައުސް ރެސްޓޯރެންޓާއި ސޯސަން މަގުގައި ހުންނަ ސެފްރޯން ކެފޭ އަދި މާފަންނު ފުޑް ކޯޓުގައި ހުންނަ ނައިސް އެންޑް ސްޕައިސް ރެސްޓޯރެންޓަށް ކަމަށެވެ.

Today, we have issued 24 hour business permits to the following establishments:

1. The Sea House, Hulhumale Ferry Terminal
2. Saffron Cafe, H. Valige, Sosun Magu
3. Nice N Spice, West Harbour Food Court, Stall No. 11, Block 02, Ameenee Magu.
— Economy & Trade (@EconDevMv) March 6, 2019

އިކޮނޮމިކް މިނިސްޓްރީގެ ޓުވީޓު

އިކޮނޮމިކް މިނިސްޓްރީން ބުނިގޮތުގައި މިހާތަނަށް ހަ ފަރާތަކުން 24 ގަޑިއިރު ހިދުމަތް ދިނުމަށް ވަނީ އެދިފަ އެވެ. ބާކީ ތިން ތަނަށް ހުއްދަ ދޭނެ ދުވަހެއް އެ މިނިސްޓްރީން ނުބުނެ އެވެ.

އިކޮނޮމިކް މިނިސްޓްރީން ވަނީ 24 ގަޑިއިރު ވިޔަފާރި ހިންގޭނެ ތަންތަން ހުންނަން ޖެހޭ މަގުތައް ހާމަކޮށްފަ އެވެ. އެގޮތުން، މާލޭގެ ބޮޑެތި މަގުތަކުގައި ފިހާރަތައް ހުޅުވުމުގެ ފުރުސަތު އެބަ އޮތެވެ.

ފިހާރަތަކާއި ރެސްޓޯރެންޓް/ކެފޭ 24 ގަޑިއިރަށް ހިންގަން ހުއްދަ ދިނުމުގައި ހާއްސަ ޝަރުތުތަކެއް ވަނީ ކަނޑައެޅިފަ އެވެ.

އެއީ:

- އެތެރެ ސާފުކޮށް ފެންނަ ގޮތަށް ހުރުން.

- 24 ގަޑިއިރު އޮޕަރޭޓްކުރާ ކެމެރާ ހަރުކޮށްފައި ހުރުން.

- ކައުންސިލްތަކުން ކަނޑައަޅާ ސަރަހައްދެއްގައި ހުންނަ ތަނަކަށް ވުން.

- ދުންފަތުގެ އިސްތިއުމާލު ކުރުން މަނާ ކުރުން.

އެކަމަކު ރާއްޖޭގައި ހިންގާ ބޭރުގެ އެއްވެސް ފްރެންޗައިޒްއަކަށް 24 ގަޑިއިރު ވިޔަފާރިކުރުމުގެ ހުއްދައެއް ނުދެ އެވެ.

ދަންވަރު ވިޔަފާރި ހިންގުމުގެ ހުއްދަ ދެނީ އަހަރަކު 2،000ރ. ގެ ފީއަކަށެވެ. މި ހުއްދަ ދެނީ ދެ އަހަރުގެ މުއްދަތަކަށެވެ. ޝަރުތުތަކާ ހިލާފުވާ ފުރަތަމަ ފަހަރު ހަ މަހަށް ހުއްދަ ހިފަހައްޓާނެ އެވެ. އަދި ތަކުރާރުކޮށް އެ ގަވާއިދާ ހިލާފްވާ ނަމަ، ހުއްދަ ބާތިލްކުރާ ގޮތަށް ވެސް ވަނީ ހަމަޖައްސައިފަ އެވެ.

ކެފޭ/ރެސްޓޯރެންޓް އިކޮނޮމިކް މިނިސްޓްރީ 24 ގަޑިއިރުގެ ހިދުމަތް މާލެ

24 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޥިސްނާ

08 March 2019

މި ތިން ތަނަކީ އެންމެ ގިނަ ޕާޓޭން ދަނަވަރު 2 ޖެހީއްސުރެ އިރުައަރަންދެން ބޭނުންކުރާ ތަން، ކިތަންމެ ދުވަހަކު ދެކެން ފެން ހުސްކުރިފުޅިއަށް ދިޔާ މަސްތުވާއެއްޗެހި އަޅައިގެން ބޯ ތިބޭތަން، ވަރަށް ފަހުން ދުވަހަކުވެސް ވެއިޓަރަރަކު ހުއްޓުވަން އުޅުނީމަ ވަޅިން ބިރުދެއްކި، ކިތަންމެދުވަހަކު ޕޮލިހުން އައިސް އެމީހުންގެ ލަފުގަހިފައިގެން ގެންދޭ، މިކަހަލަ ތަންތަން 24 ގަޑިއިރު ހުޅުވުމުގަ ވިސްނަންޖެހޭ، ފިހާރަ ހުޅުވުން ރަނގަޅު ވަރަށް ބޭނުންތެރި ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

07 March 2019

ތީ ބޭކާރު ކަމެއް. ރާއްޖޭގަ 24 ގަޑިއިރު (ހުއްދަނެތި) ކާބޯތަކެތީގެ ޚިދުމަތްދޭ ބިދޭސީން ބައިވަރު. ފޯނުކޮށްލީމަ ކޮޓަރިއަށްވެސް ކާބޯތަކެތި ހިފައިގެން ވަދޭ. އެންމެ ފުރަތަމަ އެކަން ހުއްޓުވެންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްއެމްއައި

07 March 2019

ސައުވީސް ގަޑިއިރު ހިންގުމުގެ ހުއްދަ މާލޭގެ ތިން ކެފޭއަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާފަބޭ

07 March 2019

މީގައި މައްސަލައަކީ ތިހުއްދަ ދިންއިރު ހުއްދަ ދީފައި ތިހުރީ މަތީ ފަންތީގެ މީހުންނަށް ނޫނީ ގޮސް ކައިބޮއި ނުހެދޭވަރު ތަންތަން، ތަންކޮޅެއް އަގު ހެޔޮ އަތޮޅުތަކުގެ މާލެއަންނަ މީހުންނަށްވެސް ވަދެލެވޭވަރު ތަންތަނަކަށް ހުއްދަ ދީފައި ނުވާތީ ވަރަށް ހިތާމަ ކުރަން މިކަމުންވެސް އެނގުނު އެއްޗަކީ މަތީ މަގާމުތަކުގައި އުޅޭ މީހުންނަށް ނިކަމެތިންގެ ހާލު ނުވިސްނޭކަން. އިހްސާސްވެސް ނުވާކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލް

07 March 2019

ކޮންމެކަމެއްގައި މަތި ތިރި ނުކިޔަމާ. އާދައިގެ ރައްފުށު މީހުން ދިރިއުޅެނީ ވަރަށް ސާދާކޮށް. އިޝާނަމާދުން އައިސް ނިދާނެ. ދަންވަރު ކާތަންތަނަކަށް އެމީހުން ނުދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާފަބޭ

08 March 2019

ކަލް ތިއޮންނެވީ ރަށުގަތޯ؟ ކުރާނެކަމެއް ދާނެތަނެއް ނެތިއްޔާ އޯކޭ އަސުރުނަމާދު ކޮއްގެން ނިދިޔަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

07 March 2019

މިއީ އެއްގޮތަކަށްވެސް ރަނގަޅުކަމެއް ނޫން. ރޭގަނޑު ހޭލާ ތިބެން ބާރުއެޅޭކަމެއް މިއީ. މިއީ އެޖެންޑާގެ ފުރަތަމަ ފިޔަވަޅު. އެޖެންޑާގެ އަނެއް ފިޔަވަޅަކީ އޮފީސް ހުޅުވާގަޑި (ފަށާގަޑި) ލަސްކުރުން. އެޖެންޑާގެ ދަށުން މިކަހަލަ އެތައް ކަމެއް އަދި ހިނގާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާހުންގާނު

07 March 2019

ރޭގަނޑު ހޭލާ ހުންނަން ޖެހޭ މީހުން ކައިބޮއެ އުޅެގެނެއް ނުވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެލީ..

07 March 2019

ރޭގަނޑު ދަންވަރު ޑިއުޓީ ކުރާ މީހުނެވެސް ތިބޭނެ... މި ވަރަށް ރަގަނޅު ކަމެއް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިލެން

07 March 2019

ތިޔާތާ ކައިރި ހިސާބެއްގައި ފުލުހުން ތިބެންޖެހޭނެ. އެހެން ނޫނީއްޔާ ތިކަން ހުއްޓުވަން ޖެހޭނެ. ތިޔައީ އެހާ ރަނގަޅުކަމެއްނޫން. ޒުވާނުންގެ އަހުލާގަށާއި ދިރިއުޅުމަށް ވިޔާނުދާ އަސަރުކުރާނެ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

9909

07 March 2019

24 ގަޑިއިރު ހިންގަން އެންމެ 2،000ރ.ކެކެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިހާސް

07 March 2019

24 ގަޑިއިރު ހުޅުވާފަ ހުންނައިރު ދަންވަރު އަންނަ ކަސްޓަމަރުން މަދުވިޔަސް ހަމަ ސްޓާފުންނަށްވެސް މުސާރަދޭންޖެހޭނެ އަދި ކަރަންޓް ބިލްވެސް ދައްކަން ޖެހޭނެ. ތަން މެނޭޖްކުރަން ކުރާ މަސައްކަތްވެސް ގާތްގަނޑަކަށް ޑަބަލް ވާނެ. އެހެންވީމަ މާ ބޮޑު އެއްޗެއް ނަގަންޏާ އެހާ ގިނަބަޔަކު ތިކަން ނުކުރާނެ. އެހެން ނޫނަސް ތަނުން ލިބޭ ޓެކްސް ފައިސާޔާ ކަރަންޓް ބިލުންވެސް ސަރުކާރަށް ފުދޭވަރެއް ވާނެ އިތުރަށް ނުނެގިޔަސް.