މަޖިލިހުގެ ޖަލްސާއެއް ކުރިއަށް ދަނީ: ރައްޔިތުންނަށް މެމްބަރުން ވަކިކުރެވޭނެ އުސޫލުތަކެއް ހެދޭތޯ ކެމްޕެއިނެއް ވަނީ ފަށާފައި
11 މާޗް 2019 - 11:19
22 comments
ރައްޔިތުންގެ މަޖިލިހުގެ މެމްބަރުންގެ އިތުބާރު ނެތްކަމުގެ ވޯޓު، އެ ދާއިރާއެއްގެ ރައްޔިތުންގެ މެދުގައި ނެގޭނެ އުސޫލެއް ގާއިމު ކުރުމަށްޓަކައި ޕެޓިޝަނެއް ހެދުމުގެ މަސައްކަތް ފަށައިފި އެވެ.
ޕެޓިޝަން ތައްޔާރު ކުރުމުގައި އިސްކޮށް އުޅުއްވާ ގަލޮޅު އުތުރު ދާއިރާ އަށް އަމިއްލަ ގޮތުން ވާދަކުރައްވާ ހަމްޒާ ހަލީލް "މިހާރު" އަށް މިއަދު ވިދާޅުވީ ނުހައްގު މުއްސަނދިކަން ހޯއްދަވައި ޒިންމާ އާއި މަސްއޫލިއްޔަތުތައް އަދާނުކުރެއްވޭ މެމްބަރުން ދުރު ކުރެވޭނެ ނިޒާމެއް ގާއިމުކުރުން މުހިންމު ކަމަށެވެ.
އޭނާ ވިދާޅުވި ގޮތުގައި ޕެޓިޝަންގައި ހިމެނޭ މުހިންމު އެއް ކަމަކީ މަޖިލިހަށް އިންތިހާބުވުމަށް ފަހު ކޮންމެ އަހަރެއް ނިމުމުން މިނިވަންކަމާ އެކު އޮޑިޓްކޮށްފައިވާ އެ އަހަރެއްގެ މާލީ ބަޔާނެއް ރައްޔިތުންނަށް ހާމަކުރަން ޖެހުމެވެ. ދެ ވަނަ ކަމަކީ ދާއިރާގެ ރައްޔިތުންގެ ތެރެއިން ތިންބައިކުޅަ ދެ ބައި މީހުން ސޮއިކޮށް، އިލެކްޝަންސް ކޮމިޝަން (އީސީ) އަށް ހުށަހަޅައިފި ނަމަ، އެ މެމްބަރު ވަކިކުރަން އާންމު ވޯޓެއް ނެގޭ ގޮތަށް ހެދުމެވެ.
މަޖިލިހުގެ މެމްބަރުންގެ މައްޗަށް އިތުބާރު ނެތް ކަމުގެ ވޯޓު ނެގޭ ގޮތަށް ދުނިޔޭގެ ބައެއް އެހެން ގައުމުތަކުގައި އުސޫލުތައް ކަނޑައަޅާފައިވެ އެވެ. އޭގެ ތެރޭގައި އިނގިރޭސި ވިލާތް ވެސް ހިމެނެ އެވެ.
"މެމްބަރެއްގެ މައްޗަށް އިތުބާރު ނެތް ކަމުގެ ވޯޓު ނަގަން ޕެޓިޝަނެއްގައި ސޮއިކޮށް ހުށަހެޅީމަ، އެ ކޮމިޝަނުން ވެރިފައިކޮށްފައި ވޯޓު ނަގަން ވާނީ. އަޅުގަނޑު ގަބޫލުކުރާ ގޮތުގައި ވޯޓުލެވެން ޖެހޭނީ ދާއިރާގެ ރައްޔިތުންގެ ތެރެއިން ވޯޓުލުމުގެ ހައްގު ލިބިގެންވާ މީހުންނަށް،" ހަމްޒާ ވިދާޅުވި އެވެ.
އޭނާ ވިދާޅުވި ގޮތުގައި ޖަލްސާތަކަށް ހާޒިރުނުވާ މެމްބަރުންނާއި ރައްޔިތުންގެ ވިންދާ އެއްގޮތަށް މަސައްކަތް ނުކުރައްވާ މެމްބަރުން ވަކިކުރުމުގެ ބާރު ރައްޔިތުންނަށް ލިބެން ޖެހެ އެވެ. ރައްޔިތުންގެ ތާއީދު ގެއްލޭ ހިސާބުން، އެ މެމްބަރަކަށް މަގާމުގައި ހުރެވިގެން ނުވާނެ ކަމަށް ވެސް އޭނާ ވިދާޅުވި އެވެ.
"ހާސިލްކުރަން ބޭނުންވާ ނަތީޖާއަކީ ގާނޫނުގެ ތެރެއިން ރައްޔިތުން ހޮވާ މެމްބަރުން ރައްޔިތުންނަށް ޖަވާބުދާރީ ކުރެވޭނެ ހަރުދަނާ ނިޒާމެއް ގާއިމުވެގެން ދިއުން،" ހަމްޒާ ވިދާޅުވި އެވެ.
މަޖިލިހުގެ މެމްބަރުން މަގާމުގެ މަސްއޫލިއްޔަތު ފުރިހަމަ ގޮތުގައި އަދާނުކުރާ ކަމުގެ ޝަކުވާ އަބަދުވެސް އޮވެ އެވެ. އެގޮތުން، މުހިންމު ބައެއް ބިލްތައް ހުއްޓައި މެމްބަރުން ބިލްތައް ފާސްނުކޮށް، ޗުއްޓީ އަށް ވަޑައިގަތުމާއި ބިލްތައް ފާސްނުކޮށް ގަސްދުގައި ލަސްކުރުން ހިމެނެ އެވެ. އަދި މިހާރުގެ މަޖިލިހުގެ ގިނަ މެމްބަރުންގެ މައްޗަށް ހިޔާނާތުގެ ތުހުމަތު ވެސް އާންމުން ކުރެ އެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެކިފުތާ
12 March 2019
އަމިއްލައަަށް ކުރިމަތިލާ މީހުން ހޮވެންވެގެން ފާޑުފާޑުގެ ޕެޓިޝަން ހަދައިގެން ރައްޔިތުންނަށް ވިއްކާނެ، ކިޔާނެ އެއްޗެއް ހޯދަނީ. އަމިއްލަ ކެންޑިޑޭޓުނަކީ ޖެހިފައި އޮތް އަނެއް މުސީބާތް. މީ ގޮތްނޭގެ ފަރުދާގެ ފުރަގަހުގައި ފޮރުވިގެން ތިބޭ ވަރަށްވެސް މަކަރުވެރި ހީލަތްތެރިބައެއް.
ހަސީން
04 April 2019
ކާކުބާ ދޯ އެވެރިންނަށް ހަރަދު ކުރަނީ؟ ރަނގަޅަށް ކޮށްފިއްޔާ ރަނގަޅު.
މުޙައްމަދުފުޅު
11 March 2019
ތިއިން ހާސިލުވާނެކަމަކީ، ހަލަބޮލިކަން އިތުރުވުން.. އޭރުން އަބަދުވެސް އުޅޭނީ ކޮންމެވެސް ބައެއްގެ ވޯޓު ނުނެގިގެން.. ދިވެހިންގެ ތެރޭގައި ވޯޓުގެ ވިޔަފާރި އިންތިހާއަށް އޮންނަ އިރު، ދާއިރާއިން މީހުން ހަމަ ކޮށްލާކަށް މާ އުނދަގުލެއް ނުވާނެ.. ކަމެއް ޖެހިގެން އަންނަ ދުވަހު، މި ޕެޓިޝަންގައި ސޮއިކޮށްލަނިކޮށް ތިކަން ކޮށްލަދޭނަމޭ ބުނީމާ އެވީ.. އަބަދުވެސް، ހޮވޭ މެންބަރާ އިދުކޮޅު ފިކުރުގެ މީހުން އުޅޭނީ ތިޔަ ވޯޓެއް ނަގަން މީހުން އެއްކުރުމުގައި..
ދަތްނެތްކުއްޖާ
11 March 2019
ވޯޓަކަށްވެސް އަހާކަށް ނުޖެހޭ. ދާއިރާގެ 2/3 ރައްޔިތުން ސޮއި ކޮއްފަ މަޖުލިހަށް ޕެޓިޝަނެއް ހުށައަލާތާ ގިނަވެގެން 30 ދުވަހުގެ ތެރޭގައި އެ މެމްބަރެއް މަޖުލިހުން ވަކިވާނެ ކަމަށް ޤާނޫނެއް ހަދާ އެ ޤާނޫނު ފާސް ކުރަންޖެހޭ. އޭރުން މި މެމްބަރުންތައް ވެސް ސައިޒު ވާން ފަށާނެ އަދި ރައްޔިތުންގެ އަޑު ވެސް އަހަން މަޖުބޫރު ވާނެ. އޭރަކުން ނުބުނެވޭނެ ތިމާ މިހިރީ ރައްޔިތުންގެ އަތުން ވޯޓު ގަނެގެންނޭ އަދި ރައްޔިތުން ބުނާހާ ކަމެއް ކޮއްދޭކަށް ނުޖެހޭނެއޭ ނުބުނެވޭނެ.
ހުކޫމަތު
11 March 2019
ވަރަށް ރަގަޅު ކަމެއްތިއީ ޕެޓިޝަނުގައި ސޮއިކުރަންޖެހޭ މީހުންގެ އަދަދު 3 ބައިކޮށް 2 ބައިގެ ގޮތުގައި ބޭއްވުމުގެ ބަދަލުގައި 2 ކޮށްފަ 1 ބަޔަށް ބަދަލު ކުރަން ފެނޭ މިއީ ވަރަށް ރަގަޅުކަމެއް
ކަދުރޭ2
11 March 2019
ހަމްޒާ އަށް މަގޭވޯޓު ތިކަށަވަރު ކުރީ.
ނީތާ
11 March 2019
ނަހަމަ ގޮތުގައި އަމަލުތައް ބަހައްޓާ މެންބަރުންނަށް ފިޔަވަޅު އަޅާނެ މިންގަނޑުތަކާއި ގުޅޭ ބިލެއް ތައާރަފްކޮށް، ފެންނަ ނުފެންނަ ވޯޓެއް ނަގާ ތިމީހުންނަށް ވެސް އިޞްލާޚީ ފިޔަވަޅު އެޅޭނޭ ނިޒާމެއް ތައާރަފް ކުރަން ބިލެއް ހުށަހަޅަން ކެރޭނީ ކާކަށްބާ.... އެންމެ ކުޑަމިނުން ޚާޟިރީ އަށް ވެސް މުސާރައިން ނުކަނޑާ މިބައިގަނޑުގެ.... އެހެންތާ ވާނީ.... މިމީހުން ވިއްޔަ މިމީހުންގެ އަދަބު ކަނޑަައަޅަންވެސް ހުރީ.... އިންސާފަކީ ނެތް އެއްޗެއް.
ފަހީމު
11 March 2019
މެމްބަރުކަން ލިބުނީމަ ރަށަށް ނާރާ މުޅިދައުރު ނިންމާލާ މެމްބަރުން ގިނައީ. ތިއީ ކޮނމެހެންވެސް ކުރަންޖެހޭ ކަމެއް. މިމީހުން ބޭނުންވީމަ ވަޒީރުން ޖަވާބު ދާރީކުރެވޭ. ބަލަ މިމެމްބަރުންވެސް ހަމައެގޮތަށް ޖަވާބުދާރީ ކުރުވެންޖެހޭނެ.
އަލީގ
11 March 2019
ވޯޓު ގަންނަން ލިބޭހާދުވަހަކު ވޯޓު ގަނެގެން މަޖިލީހައް ހޮވޭ މެންބަރަކު ދާއިރާގެ އެއްވެސް ރަށަކައްނާރާނެ އަދި އެކަމާ ޝަކުވާ ކުރުމުގެ ބޭނުމެއްވެސްނެތް.
ނައިބުތުއްތު
11 March 2019
ތީ ކުރަންޖެހޭކަމެއް ނަމަވެސް. ހުށަހަޅާ ކޮންމެ ބިލަކަށް ވޯޓުދިނުމަކީ ލާޒިމްކަމެއްނޫން. އިސްލާމްދީނާއި ޤާނޫނުއަސާސީއާއި ފުށުއަރާ އެއްވެސް ބިލަކަށް ވޯޓުދޭކަށް ނިޖެހޭނެ. އެއީ ކޮށްގެންވާނެކަމެއްނޫން. މެންބަރުކަމަށް އައިސްގެން ނުޙައްޤު މުއްސދަނދިކަން ހޯދަން މަޖުބޫރުކުރުވަނީ ރައްޔިތުން. ކޮންމެ އިންތިޚާބެއް އައުމުން އެއޮތީ ކޮންމެ މީހަކުވެސް ނަފުސު އަތްމައްޗަށް ލައިގެން ފައިސާ ހޯދަން ނިކުންނަނީ. އެކަން ރައްޔިތުން ހުއްޓާލާ ޤާބިލުމީހުންނަށް ވޯޓުދޭންވީ
ޝައިޚް.
11 March 2019
ތީ ވަރަށް ރަނަގަޅު ކަމެއް، އެކަމަކު ތިކަން ނުވާނެ، ގާސިމް ތިކަން ކޮށްފިއްޔާ ރައްޔިތުން ފުރަތަމަ ނެރޭނީ ގާސިމް، ދެން އޭނާއަށް ތަބާވާ މެމްބަރުން، ދެން ކިހިނެއް ތިއަށް ވޯޓަށް އަހާނީވެސް.
ފޫހި
11 March 2019
ވަރަށް ވަރަށް ތާއީދު. މިހާރުދެން ހޮވުނީމާ އެ ނިމުނީ.