މިހެން އަލަނާސި ކެވޭނެ؟

އަހުމަދު އަދްޝަން، މިހާރު

12 މާޗް 2019 - 06:40

އަހަރެމެން އަލާނާސި ކަނީ އޭގެ ތޮށި ވަރަށް ރަނގަޅަށް މަށައި ކޮށައިގެންނެވެ. އެކަމަކު ސޯޝަލް މީޑިއާގައި ވައިރަލްވެފައިވާ ކުރުކުރު ވީޑިއޯއެއްގައި ފެންނަނީ ކަށިކެޔޮ ގަނޑަކުން ވައްތައް ނައްޓާ ގޮތަށް ފަހަރަކު ވަކެއް އަލަނާސިގަނޑުން ނައްޓަމުން ކަނިކޮށެވެ. ވަޅިއެއް ބޭނުމެއް ނުވެ އެވެ.

މި ވީޑިއޯ ބެލި ގިނަ މީހުން ވަނީ މި ހުރިހާ ދުވަހު އަހަރެމެން އަލަނާސި ކެއީ ގޯސްކޮށްތޯ ސުވާލުކޮށްފަ އެވެ.

Wait, what? The whole time? The whole time!? THE WHOLE TIME! pic.twitter.com/TO9u6M6pOO
— Dennis Naghizadeh (@DenzBenzi) March 8, 2019

އެހެންވެ މިކަހަލަ އުކުޅެއް ކިޔައިދިނީތީ ވީޑިއޯ އާންމު ކުރި މީހާ އަށް ބަޔަކު ޝުކުރު އަދާކޮށްފައިވެ އެވެ.

Saw it yesterday, tried it today... works really well for eating. Thanks for sharing.

Anything for making a juice? pic.twitter.com/1cL989Aror
— Uhtred of Bebbanburg (@ThinkersPad) March 10, 2019

ޓްވިޓާގައި ހިޔާލުފާޅު ކުރި މީހަކު ބުނި ގޮތުގައި އަލަނާސިއަކީ ރާސްބެރީއާ ދާދި އެއްކަހަލަ ބައްޓަމަކަށް އުފެދޭ މޭވާއެކެވެ. ތަފާތަކީ ދޭތީގެ ސައިޒެވެ.

This is how a baby pineapple looks like. At this point you can clearly see its distinctive berry feature. Compare it with raspberries. They look (in one way or another) similar. The difference is, raspberries do not grow big. pic.twitter.com/KPVodbTlBJ
— Mohammad Aidil bin Ali (@_mohammadaidil_) March 6, 2019

ރާސްބެރީ އުފެދިފައި ހުންނަ ގޮތަށް އަލަނާސިއަކީ ވެސް ވައްތަކެއް ހުންނަ މޭވާއަކަށްވާތީ ދޭތީގެ ވެސް ބައިތައް ވަކިކުރަން ފަސޭހަ ވާނެ ކަމަށް ބުންޏެވެ.

ނަމަވެސް އެއް ބަޔަކު ބުނެފައިވާ ގޮތުގައި ވީޑިއޯ އިން ފެންނަހާ ފަސޭހަކޮށް އަލަނާސި ނޮޅަން ފަސޭހައެއް ނުވާނެ އެވެ. އަދި ވީޑިއޯ ފެންނަ އަލާނާސިއަކީ ވަރަށް ބޮޑަށް ދޮންވެ، މަޑުވެފައިވާ އަލަސާނިއެއްކަން އެނގޭ ކަމަށް ބުނެފައިވެ އެވެ.