ބިސްޖެހި ކުއްޖާ އެއްކުރި ފައިސާ ހަމަލާގައި މަރުވި މީހުންގެ އާއިލާތަކަށް

ސެނެޓަރުގެ ބޮލަށް 17 އަހަރުގެ ކުއްޖާ ބިސް ޖަހަނީ.

ހަސަން އާމިރު، މިހާރު

19 މާޗް 2019 - 15:28

ސިޑްނީ (މާޗް 19) - ނިއު ޒީލެންޑުގެ ދެ މިސްކިތަށް ހަމަލާ ދިނީ އެ ގައުމަށް މުސްލިމުން ޒިޔާރަތް ކުރާތީ ކަމަށް ވިދާޅުވި އޮސްޓްރޭލިއާގެ ސެނެޓަރުގެ ބޮލަށް ބިސް ޖެހި ކުޑަ ކުއްޖާގެ ގާނޫނީ ފީގެ ގޮތުގައި އެއްކުރި ފައިސާ އިން ބޮޑު ބައެއް، މިސްކިތަށް ދިން ހަމަލާގައި މަރުވި މީހުންގެ އާއިލާތަކަށް ހަދިޔާ ކުރަން ނިންމައިފި އެވެ.

"އެގްބޯއީ"ގެ ގޮތުގައި މިހާރު މަޝްހޫރު 17 އަހަރުގެ ވިލިއަމް ކޮނޯލީ، ކްއީންސްލެންޑުގެ ސެނެޓަ ފްރޭޒާ އަނިންގެ ބޮލަށް ބިސް ޖެހީ މެލްބަންގައި ނޫސް ކޮންފަރެންސެއް އޭނާ ދެއްވަން ހުންނަވަނިކޮށެވެ. ބިސް ޖެހުމާ އެކު ސެނެޓަރު އެނބުރި އެ ކުއްޖާގެ މޫނު މަތީގައި ވަނީ ޖަހައިފަ އެވެ. އޭގެ އެއް ދުވަސް ކުރިން އެ ސެނެޓަރު ވަނީ ނިއު ޒީލެންޑުގައި 50 މީހުން މަރުވި ހާދިސާ ހިނގަން މެދުވެރިވީ އެ ގައުމަށް މުސްލިމުން ޒިޔާރަތް ކުރާތީ ކަމަށް ވިދާޅުވެފަ އެވެ.

The "Egg Boy" is being praised for cracking an egg on this Australian politician's head for his Islamophobic comments. Here's why. pic.twitter.com/1llucsmt9T
— AJ+ (@ajplus) March 18, 2019

ސެނެޓަރުގެ ބޮލަށް ބިސް ޖަހަނީ.

ކޮނޯލީގެ ހިތްވަރުގަދަ އަމަލަށް ސޯޝަލް މީޑިއާގައި އެތައް ބަޔަކު އެ ކުއްޖާ އަށް ތައުރީފް ކުރި އެވެ. އަދި އެ ކުއްޖާގެ ގާނޫނީ ފީގެ ގޮތުގަ އާއި "އިތުރަށް ބިސް ގަތުމަށް" ފައިސާ ޖަމާކުރަން ވަނީ އޮންލައިން ފަންޑެއް ހުޅުވައިފަ އެވެ. އެ ފަންޑަށް ޖަމާކުރަން ކަނޑައެޅި 35،500 ޑޮލަރަށް ވުރެ ގިނައިން މިހާރު ވަނީ ލިބިފަ އެވެ. އެ ކުއްޖާ ނިންމާފައި ވަނީ އެ ފައިސާގެ ބޮޑު ބައި ނިއު ޒީލެންޑަށް ހަދިޔާ ކުރާށެވެ.

އޮސްޓްރޭލިއާގެ ބޮޑު ވަޒީރު ސްކޮޓް މޮރިސަން ވެސް ވަނީ ކްއީންސްލޭންޑުގެ ސެނޭޓަރުގެ ކޮމެންޓަށް ފާޑު ވިދާޅުވެފަ އެވެ. އަދި އެފަދަ މުޑުދާރު ވާހަކަތަކަށް އޮސްޓްރޭލިއާގައި ޖާގަ ނޯންނާނެ ކަމަށް ވަނީ ވިދާޅުވެފަ އެވެ.

ސެނެޓަރުގެ ބޮލަށް 17 އަހަރުގެ ކުއްޖާ ބިސް ޖަހަނީ.

އޮސްޓްރޭލިއާގެ ކުރީގެ ބޮޑު ވަޒީރު ކެވިން ރޫޑް ވަނީ ސެނެޓަރުގެ މަގާމުން އަނިންގް ބޭރު ކުރަން ޕެޓިޝަނެއްގައި ސޮއި ކުރުމަށް ގޮވާލައްވައިފަ އެވެ. އެ ޕެޓިޝަނުގައި މިހާތަނަށް ވަނީ 1.2 މިލިއަން މީހުން ސޮއިކޮށްފަ އެވެ.

ނިއު ޒީލެންޑް އޮސްޓްރޭލިއާ ކްރިސްޓްޗާޗް މިސްކިތްތައް

4 ކޮމެންޓް, 207 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަންދެލި

20 March 2019

މި ރާއްޖޭގެ ސިޔާސީ މައިދާނުގާ ބިސް ޖަހަން ނުޖެހޭ މީހަކު ހަމަ ނެތޭ ބުންޏަސް ދޮގަކަށް ނުވާނެއެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާޝާލަތީފީ

19 March 2019

ތިޔަ ސޮރަށް ޖެހޭނެ ހިތްވަރުދިނުމުގެ އާއްމު ޚިދުމަތުގެ އިނާމުދޭން. ވަރަށް ގަޓްގަ ބިސްޖަހާލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނިޔަ

19 March 2019

މިގައުމުގައި ނަމަ ސެނެޓާގެ އަބުރަށް އަރައިގަތުމުގެ ކުށުގައި ތިކުއްޖާ ފަންސަވީސް އަހަށް ޖަލަށްލީސް! އަދި އެވެސް ދަންވަރު ކޯޓު ހުޅުވައިގެން ޙުކުމް ޖަހައިގެން.