އަނދުން ހުސެއިން: އޭނާ ވާދަކުރައްވާ ދާއިރާ އަށް ސްކޮލަޝިޕްތަކެއް ދޭން ނިންމުމުން އޭސީސީން ވަނީ ސުވާލުކޮށްފައި.
20 މާޗް 2019 - 11:38
39 comments
އަންނަ މަހު ބާއްވާ އާންމު އިންތިޚާބުގައި ހެންވޭރު ދެކުނު ދާއިރާ އަށް ވާދަ ކުރައްވާ އެމްޑީޕީގެ ކެންޑިޑޭޓް، ހުސެއިން ޝަމީމް (އަނދުން ހުސެއިން) މިދިޔަ ހޯމަދުވަހު އެންޓި ކޮރަޕްޝަން ކޮމިޝަން (އޭސީސީ) އަށް ހާޒިރުކޮށް، ސުވާލުކޮށްފި އެވެ.
އޭނާ ހާޒިރުކުރި ކަން ކަށަވަރު ކޮށްދިނުން ފިޔަވައި އޭސީސީން ވާހަކައެއް ނުދެއްކި އެވެ.
އެނގިފައިވާ ގޮތުގައި އަނދުން ހުސެއިން ހާޒިރުކުރީ، އޭނާ ވާދަ ކުރައްވާ ދާއިރާގެ މީހުންނަށް ސްކޮލަޝިޕްތަކެއް ހުޅުވާލައި ފަސް ކުއްޖަކު އިންޑިއާ އަށް ކިޔަވަން ފޮނުވަން ނިންމެވުމާ ގުޅިގެންނެވެ. އެ ފުރުސަތު އިތުރު 10 ކުއްޖަކަށް އަންނަ އަހަރު ދޭން ނިންމާފައިވާ ކަން ވެސް އަނދުން ހުސައިން ވަނީ އިއުލާން ކުރައްވައިފަ އެވެ.
އިންތިޚާބާ ބެހޭ ގާނޫނުގައި ބުނެފައިވާ ގޮތުގައި އިންތިޚާބު އިއުލާންކުރާ ތާރީޚުން ފެށިގެން އިންތިޚާބުގެ ދާއިމީ ނަތީޖާ އިއުލާންކުރާތާ 30 ދުވަހުގެ ނިޔަލަށް، ތާއީދު ހޯދުމަށްޓަކައި ނުވަތަ އެހެން ކެންޑިޑޭޓެއްގެ އިންތިޚާބީ ހައްގަކަށް ނުރަނގަޅު އަސަރު ފޯރުވުމަށްޓަކައި ވަކި ފަރުދަކަށް ނުވަތަ ޖަމާއަތަކަށް ނުވަތަ އާއްމު ފައިދާއަށްޓަކައި އެއްޗެއް ދިނުން ނުވަތަ ޚިދުމަތެއް ފޯރުކޮށްދިނުން ނުވަތަ އެ ނޫން ވެސް މަންފާއެއް ފޯރުކޮށްދިނުން ނުވަތަ މިއިން ކަމެއް ކޮށްދޭނެ ކަމަށް ބުނުން ނުވަތަ ކުރަން އުޅުމަކީ ރިޝްވަތު ދިނުން ނުވަތަ ރިޝްވަތު ދޭން އުޅުން ކަމުގައި ބެލެވޭނެ ކަމަށެވެ.
އެނގިފައިވާ ގޮތުގައި އަނދުން ހުސެއިން ހާޒިރުކުރީ، އޭނާ ވާދަ ކުރައްވާ ދާއިރާގެ މީހުންނަށް ސްކޮލަޝިޕްތަކެއް ހުޅުވާލައި ފަސް ކުއްޖަކު އިންޑިއާ އަށް ކިޔަވަން ފޮނުވަން ނިންމެވުމާ ގުޅިގެންނެވެ. އެ ފުރުސަތު އިތުރު 10 ކުއްޖަކަށް އަންނަ އަހަރު ދޭން ނިންމާފައިވާ ކަން ވެސް އަނދުން ހުސައިން ވަނީ އިއުލާން ކުރައްވައިފަ އެވެ.
އާއްމު އިންތިޚާބާ ގުޅޭ ކޮރަޕްޝަނާއި ރިޝްވަތުގެ މައްސަލަތައް ބަލަން އޭސީސީން ވަނީ ހާއްސަ ޓީމެއް އެކުލަވާލައިފަ އެވެ. އެ މައްސަލަތަކުގެ ތަހުގީގު އިންތިޚާބުގެ ކުރިން ނިންމަން މަސައްކަތް ކުރަމުން އަންނަ ކަމަށް އޭސީސީން ވަނީ ބުނެފަ އެވެ.
އަނދުން ހުސެއިންގެ އިތުރުން ހެންވޭރު އުތުރު ދާއިރާ އަށް ވާދަ ކުރައްވާ އަލްހާން ފަހުމީ ވެސް ވަނީ އޭސީސީ އަށް ހާޒިރުކޮށް ސުވާލުކޮށްފަ އެވެ. އޭނާ ހާޒިރުކުރީ، ފައިސާގެ އިނާމު ހުށަހަޅައި، އެ ދާއިރާ އަށް ޚާއްސަކޮށްގެން ފުޓްބޯޅަ މުބާރާތެއް ބޭއްވުމުންނެވެ.
އަނދުން ހުސައިންގެ އިތުރުން ހެންވޭރު ދެކުނު ދާއިރާ އަށް ވާދަކުރައްވަނީ އެ ދާއިރާގެ މިހާރުގެ ވެސް މެމްބަރު އަދި އެމްޑީޕީގެ ކުރީގެ މެމްބަރު މުހައްމަދު އަބްދުލްކަރީމް (އަމިއްލަ ގޮތުން) އާއި ކުރީގެ ޔޫތު އެންޑް ސްޕޯޓްސް މިނިސްޓަރު އިރުތިޝާމް އާދަމާއި މާލެ ސިޓީ ކައުންސިލްގެ މެމްބަރު މުހައްމަދު ފިޝާވިން ސަލީމް (ޑީއާރުޕީ) އާއި އަބްދުﷲ އަފީފް (އަމިއްލަ ގޮތުން) އާއި އަބްދުﷲ ރަޝީދު (އަމިއްލަ ގޮތުން) އާއި އިބްރާހިމް ވަހީދު (އެމްއެސްއެލްޑީ) އާއި މުހައްމަދު އަފްސާހް (އަމިއްލަ ގޮތުން) އަދި މޫސާ ޝިފާއު (އަމިއްލަ ގޮތުން) އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާޖޮލް
21 March 2019
ފައިސާ ގިނަ މީހާ އެ ގޮޑި ނަގާނެ، މިމީހުންނަށް ކޯންޗަކަށް ދަތިވެގެން މަޖްލިސް ގޮނޑީގަ ވެޑުވެން މިއުޅެނީ، 10 ބުރި ގެޔާއި، 4000 އަކަފޫޓު ގޯއްޗާއި، ޕްލެޓާއި، ކާރާއި ، ލޭޑްރޯވަރ އާއި ޑޮލަރު ފޮނުވާ ވެސްޓާރން ޔޫނިއަނާއި މިހެން ގޮސް ވަރަށް މުއްސަނދި ބައެއް އަނދުނޭމެންނަކީ، ތިޔަގޭ އެކަކުވެސް ހިސާބުގަނޑު މީހަކާ އަނގައިންނެއް ނުބުނާނެ. އެއްޗެއް ދޭށޭ ބުނެފާނެތީ އަވަހަށް މޫނު އަނބުރާފަ ޖީބަށް އަތްބާނާފަ ފޯނެއް އައިކަމަށް ހެދޭނެ ކަކުނިހެން ވަންނާނީ ހޮރަށް
އާދަމްބެ
21 March 2019
އިންތިހާބާ ދިމާކޮށް މާމިގިލީގައި އެތަށްބަޔަކަށް ވަޒީފާދީ ވަކިވަކި އާއިލާތަކަށް މިލިޔަނުން ލައްކައިން ހަރަދު ކުރަމުންދާއިރުވެސް ޤާސިމް އިބްރާހީމް އާއި ސުވާލެއް ނުކުރެވޭތަ؟؟ އިންޑިޔާދަތުރު ތަކާއި ޕިކަޕު ކާރު ސައިކަލު ގަންނަން ބަހާލާރިތައްމީ ނުފޫޒުފޯރުވުން ކަމަށް ނުވަނީތޯ؟؟ އަދުންހުސެން ކަންތައްވެސް ޤާސިމްގެ ކަންތަށްވެސް ބެލެންޖެހޭނެ. ނޫސްވެރިންގެ ސަމާލުކަން މިކަމަށްނެތީކީއްވެތޯ....؟
ހަސަން ބުށްރީ
21 March 2019
ރުކުމާވަރެއްނެށް ރުކުމާއަށް ވޮޓުލާތި
ރަދީފް
21 March 2019
މީހުން ލޮލޮގަ އަނދުން އަޅުވަން މީނަ ވަރަށް މޮޅުވާނެ.
އަންދު
21 March 2019
ނަޝީދާވެސް ސުވާލު ކުރަންވީނު. އޭނަވެސް ފްލެޓާ އެހެން އެއްޗެއްގެ ވާހަކާއާ އެދައްކަނީ.
ދެކުނު ލޭޑީ
21 March 2019
މީނާއަކީ ވަރަށް ކޮރަޕްޓު މީހެއް. ޕްރައިމަރީ އެއްކޮށް ނިންމާލީ ރުކުމާއަށް އެންޓި ކެމްޕެއިންކޮށް ހިޔާނާތުގެ ފައިސާނެގިއޭ ކިޔައިގެން. ޕްރައިމަރީ ނިމުނުފަހުން ނެރުނު ރިޕޯޓުގަ ހިޔާނާތުގަ ޖެހިފަ މިއޮތީ މީނަ. ނުވިތާކަށް ބޮޑާކަމާ ކިބުރުވެރިކަން އިންތިހާޔަށް ހުންނަ ފިރިހެނެއް. ތިމީހަކު މިހާރު ރައްޔިތުންނަށް ފެނުނަސް މިކަން ނިމުނީމަ ނުފެންނާނެ. އެހެޔޮ ކޮންމެގޮތަކަށް ދިޔަސް. ހެންވޭރު ދެކުނު ދާއިރާގަ އޭނަޔާ އެއްކޮށް ތިބި ބަޔަކަށްވެސް އިނގޭނެ މީ ތެދުކަން. އެކަމުވެސް މި ސޭޓު ލާރިދޭވަރުން އެކުދިން ހަމަ މީނަ ފަހަތުގަ. އަދި ޕާޓީ އިސްވެރިންވެސް މީނަޔަށް ޑޯޓުޑޯ ޖައްސަދޭން ބޯއި ހެދިފަ އަންނަން ތައްޔާރަށް. މީކޮން ކަހަލަ ޑިމޮކްރަސީއެއްތަ*
ރަދީފް
21 March 2019
މަނިކްފާނު ކިިހިނެއްތަ ކޮމެންޓް ބޮކްސްގެ 450 އަކުރަށްވުރެން އިތުރަށް ލިޔުނީ؟؟ ތިޔައީ އެޑްމިންއެއްތަ؟؟
އައިސް
20 March 2019
ފައިސާ ބެހުން ނޫން ކަމެއް ކުރޭތަ މެމްބަރު ކަމަށް އަންނަން....؟ މި ޤައުމުގަ އޮތީ ހުސް ފައިސާ ކުޅިގަޑު ތި ސިޔާސީ އޭ ކިޔާ ކަމެއްގަ. ކާކަށް މިކަން ނޭގެނީ، ކާކު މިކމާ ހަގީގީ ކަންބޮޑު ވަނީ؟ ހުސް ވައި އަގަ ތަޅަނީ ނަޒާހަތޭ ކިޔައިގެން.
އެސީސީ ނިދި
20 March 2019
އޭސީސީ ނިންޖަކީ ވަރަށްވެސް ގަދަ ނިންޖެކެވެ. ރިޕޯޓެއް ނެެރެލާނެއެވެ. އަދި ރިޕޯޓުގަ ލައްކައިން ލައްކައިން މީހެއްގެ ކުންފުންޏަށް ޑޮލަރު ވަތް ވާހަކަ ހާމަކުރާނެއެވެ. އަނެއްކާ ނިދޭނެއެވެ. ހާޒިރުކޮށް ސުވާލުކުރާނެއެވެ. އަނެއްކާވެސް ނިދޭނެއެވެ. ދެން އަނެއްކާ އިހުތިބިހެންނެވެ. އެއީ ގަދަފަދަ އޭސީސީ ނިންޖެވެ.
ސާފު
20 March 2019
ވަރަށް ސާފް ސީދާ އަގުލަބިއްޔަތު ލިބޭނީ ހުސެންނަށް ބަލަންތިބޭ! ބޮޑެތިމީހުން ބުނާ ބަސްނާހާ އަދި އަހުލާގްދަށް ކުދިންގެ ވާހަކަތައް އަހާ ކަންތައްކުރިގޮތްވެސް ވޭތުވެދިޔަ 5 އަހަރު އެނގިއްޖެ!
ކަނބިލި
20 March 2019
ތިޔައީ ސައިބޯނި ބޮތްކެއް ކަހަލަ ކަމެއް. މާ އިންސާފުން ކަންކަން ބަލާކަމަށް ދައްކަނީ