ސްވިމް މޯލްޑިވްސްއިން ބ. އަތޮޅުގެ ރަށްތަކަށް ފަތާފައި ދިއުމަށް ބޭއްވި ހަރަކާތުގެ ތެރެއިން-- ފޮޓޯ: ސްވިމް މޯލްޑިވްސް
22 މާޗް 2019 - 10:35
10 comments
އެސްޓީއޯ އިން މާލެ ކައިރި، ތެޔޮ ރައްކާކުރާ ރަށް ފުނަދޫން 100 އަންހެނުން، މާލެ އަށް ފެތުމުގެ ހަރަކާތެއް ބޭއްވުމަށް ނިންމައިފި އެވެ.
ބައިނަލްއަގުވާމީ އަންހެނުންގެ ދުވަސް ފާހަގަކުރުމުގެ ގޮތުން ލައިފް ގާޑް އެސޯސިއޭޝަނުން އިންތިޒާމުކޮށްގެން މިމަހު 30 ވަނަ ދުވަހުގެ ހަވީރު ބާއްވަން ނިންމާފައިވާ ފެތުމުގެ ހަރަކާތުގައި ދައުލަތުގެ އިސް މަގާމުތަކުގައި ތިއްބެވި އަންހެނުންގެ އިތުރުން އެކި ދާއިރާތަކުން ޖުމުލަ 100 އަންހެނުން ބައިވެރިވާނެ ކަމަށް އެ އެސޯސިއޭޝަނުން ބުނެ އެވެ.
އެ އިވެންޓް ބާއްވަން ނިންމާފައިވަނީ ހުރަސްތައް ނައްތާލުމުގެ މޮޓޯއާ އެކު "ބްރޭކް ދަ ބެރިއާ"ގެ ނަމުގަ އެވެ.
"އަންހެނުން ދުވަސް ފާހަގަކުރުމަށް މަލެއް ދީގެން ނިންމާލެވޭކަށް ނެތް. އެއަށް ވުރެ މާބާރުގަދަ ކަންކަން ކުރެވޭ ބައެއް އަންހެނުންނަކީ،" ލައިފް ގާޑް އެސޯސިއޭޝަންގެ އޮފިޝަލަކު ވިދާޅުވި އެވެ.
އެ އިވެންޓް ބާއްވާތީ އެ ދުވަހު މެންދުރު ފަހުން ފެށިގެން މާލެ އާއި ފުނަދުއާ ދޭތެރޭ ދަތުރުފަތުރު ނުކުރުމަށް ޓްރާންސްޕޯޓް މިނިސްޓްރީން ވަނީ އަންގައި އިއްޔެ އާއްމު އިއުލާނެއް ވެސް ކޮށްފަ އެވެ.
ބައިނަލްއަގުވާމީ ގޮތުން ފާހަގަކުރާ އަންހެނުންގެ ދުވަހަކީ މި މަހުގެ އަށް ވަނަ ދުވަހެވެ. އެ ދުވަސް ފާހަގަކުރުމުގެ ގޮތުން މުޅި ރާއްޖޭގައި ވެސް ތަފާތު ހަރަކާތްތައް ހިންގި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޯޑިނޭޓަރ
23 March 2019
ތި ކަނބަލުން ގެ ބަދަލުގައި އަޅުގަނޑުމެން ފިރިހެނުން ފަތާ ދީފާނަން.. ތިކަނބަލުންގެ ޚިދުމަތުގައި އަޅުގަނޑުމެން ފިރިހެނުން މިތިބީ ..
ގެބުނަސް
23 March 2019
ތެދެއް. އަޅުގަނޑުމެން ތިކަމުގަ އުޅެދީފާނަން
އަހައްމަދޫ
23 March 2019
ކިހާ ބޮޑުބައްޔެއް
ހަނީފާ
22 March 2019
ކުދިންނޭ ތިދޭތެރޭ މިދުވަސްކޮޅު ވަރަށް ބޯކޮށް މިޔަރުއުޅޭ
ގިތެޔޮ
22 March 2019
ފެތުން ނޫން ކަމެއް ނޭނގެނީތަ/ މަލެއް ދިނުންވެސް ކަމުނުދޭ
ބަލާއަކާ ފަޅި
23 March 2019
އާން. މަލެއް ދީގެންނެއް ނުވާނެ. އެމީހުން މިކަން ކާމިޔާބު ކުރާނެ, އިންޝާﷲ
މަރޭމިތުރު
22 March 2019
ކަނބަލުންއެއީ ދުނިޔެ ބަދަލުކުރާނެ ބައެއް! ކަނބަލުން ދުނިޔޭގެ ކަންކަން ބެލެންސުކޮށްލާ ބައެއް!.......... ކަނބަލުންނަކީ ދުނިޔޭގެ ވަރަށް ބޮޑެތި އުނދަގޫ ކަންކަން ބަދަލުކުރެވޭ ވަރުގެ ބާރެއް ގުދުރަތުން ދެއްވައިފައިވާ ބައެއް! އަންހެން ދަރީން ލިބުނީމާވެސް ތަފާތެއްނުކޮށް އުފާކުރަންވީ. އަންހުންނަށް ލިބޭ އަނިޔާތައްވެސް އިތުރައް ކުއްވެރިކުރަންވީ!ޕަބްލިކާއި ކޯޓުން އަންހެނުންނަށް އިތުރައް ބަލައިދޭންވީ.
ފުނަދޫ ބޮޑުމީހާ
22 March 2019
ތިކަމެއްނުވާނެ 100% ޔަގީން އެހެން ކަމަކާ އުޅޭ ފުނަދޫ އާއި މާލެއާ ދޭތެރެމީ ރާއްޖޭގަ އެންމެ އޮޔަވަރުބާރު ސަރަހައްދު
ގަރުދިތަ
23 March 2019
ހުވަފެނުގަތޯ ކޮމެންޓް ތިޔަކުރެއްވީ؟ 2012ގައިވެސް ތިކަން ކޮށްފި.
ވާނެ1
23 March 2019
ވާނެ، ސާބަސް ދިވެހި ކަބަލުން!!އަހަރެމެން ފިރިހެނުންނަށް ދުނިޔެ ދަސްކޮށް ދެންވީ.