ތައިލެންޑްގެ ވެރިރަށް ބެންކޮކް: ދެ މަސް ވަންދެން ދިވެހިންނަށް ހިލޭ ވިސާ ދޫކުރަން އެ ގައުމުން ވަނީ ނިންމާފައި
23 މާޗް 2019 - 12:46
36 comments
ޓޫރިސްޓުންގެ ގޮތުގައި ދަތުރުކުރާ ދިވެހިންނަށް ވިސާއާ ނުލައި ތައިލެންޑަށް ދެވޭ ގޮތް އެ ގައުމުގެ ސަރުކާރުން ހަމަޖައްސައިދީފި އެވެ.
ރާއްޖޭގެ ފޮރިން މިނިސްޓްރީން މިއަދު ބުނީ އަންނަ މަހުގެ 14 އިން ފެށިގެން ވިސާއާ ނުލައި ތައިލެންޑަށް ދެވޭނީ ޓޫރިޒަމްގެ ބޭނުމަށް އެ ގައުމަށް ދާ ދިވެހިންނަށް ކަމަށެވެ. އެގޮތުން ތައިިލެންޑަށް ގޮސް އެ ގައުމުގައި ތިބެވޭނީ މަހެއް ވަންދެން ކަމަށް ވެސް މިނިސްޓްރީން ބުންޏެވެ.
ފޮރިން މިނިސްޓްރީން ބުނި ގޮތުގައި ރާއްޖޭން ބޭރަށް ދަތުރުކުރާ ދިވެހިންނަށް ވިސާގެ ލުއިފަސޭހަ ގޮތްތަކެއް ހަމަޖައްސައިދޭން ސަރުކާރުން އަންނަނީ މަސައްކަތް ކުރަމުންނެވެ.
އެގޮތުން އިރުމަތީ އޭޝިއާގެ އެހެން ގައުމުތަކުން ވެސް ވިސާގެ ލުޔެއް ލިބޭތޯ މަޝްވަރާތައް ކުރަމުން އަންނަ ކަމަށް ފޮރިން މިނިސްޓްރީން ވަނީ ބުނެފަ އެވެ.
މިހާރު ތައިލެންޑަށް ދާ ދިވެހިންނަށް ވިސާގެ ގޮތުގައި ހާހެއްހާ ރުފިޔާ ދައްކަން ޖެހެ އެވެ. އަދި ޕާސްޕޯޓްގައި ވިސާ ވެސް ޖަހަން ޖެހެ އެވެ.
ޗުއްޓީ ހޭދަކުރަން ތައިލެންޑަށް ދާ މީހުންގެ އަދަދު މިހާރު ގިނަ އެވެ. އަދި މެޑިކަލް ކަންކަމުގައި ވެސް ތައިލެންޑަށް ގިނަ އަދަދެއްގެ ދިވެހިން ދަތުރުކުރެ އެވެ. ތައިލެންޑަކީ ރާއްޖޭގެ ވިޔަފާރީގެ ވެސް މައިގަނޑު މާރުކޭޓެކެވެ. އެގޮތުން ވަރަށް ގިނަ ވިޔަފާރިވެރިން އާންމުކޮށް އެ ގައުމަށް ދެ އެވެ.
އާޖެންޓީނާގައި ކުރިއަށް ދާ އދ. ގެ ކޮންފަރެންސެއްގެ ހަވާސާގައި ފޮރިން މިނިސްޓަރު އަބްދުﷲ ޝާހިދު ވަނީ ތައިލެންޑްގެ ވަފްދަކާ އެކު ވިސާއާ މެދު މަޝްވަރާ ކުރައްވާފައި ކަމަށް ފޮރިން މިނިސްޓްރީން ބުނެ އެވެ.
އިންޑިއާ އިން ވެސް ވަނީ ވިސާގެ ލުއިތަކެއް ރާއްޖެ އަށް ދީފަ އެވެ.
ރާއްޖެ-އިންޑިއާ އިން ގާއިމު ކުރި އެއްބަސްވުމުގެ ސަބަބުން ޓޫރިޒަމާއި ބޭސްފަރުވާއަށާއި ތައުލީމް ހާސިލްކުރުމަށާއި ވިޔަފާރި އާއި ވަޒީފާގެ ބޭނުމުގައި، އިންޑިއާ އަށް ދަތުރުކުރާ ދިވެހިންނަށް ވިސާގައި މިހާރު ކުރިމަތިވާ ދަތިތައް ނެތި ފަސޭހަކަމާ އެކު އިންޑިއާ އަށް ދަތުރުކުރުމަށް މަގުފަހި ވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލްވާ
25 March 2019
ކަމަކު ނުދިޔަ އެއްނު ގިނައިން ބެންކޮކަށް ދަނީ ވިޔަފާރިކުރަން މުދާ ބަލަޔާ ބޭސް ފަރުވާޔަށް މިވެރިން މިޖެެހެނީ ވިސާ ނަގަން ކުދި ވިޔަފާރި ކުރާ މީހުން ދެމަހުން އެއްމަހު ތިންމަހުން އެއް މަހުކަހަލަ ގޮތަކަށް މުދާކޮޅު ބަލާދޭ މިބައިމީހުނަށް ފްރީ ވިސާ ހަމަޖައްސައިދިން ނަމަ މާރަގަޅުވީސް ޗުއްޓީއަށްދާ ބަޔަކު ދާނީ އަހަރަކު އެއްފަހަރު ގިނަވެގެން ދެފަހަރު
ނަން
24 March 2019
ހާދަ ފޯރިއެކޭ އަރާފަ މިއޮތީ. ތައިލެން އަށް ދާހިތުން މޮޔަވާ މީހުންނަށް މިވަރެއް ނެތް. ވަރަށް ވާހަކަ.
އުދުހޭ
23 March 2019
އާޗާ ގަދަ. ދެން ދުވަސްކޮޅަކުން ޕާސްޕޯޓާ ނުލައި ދެވޭގޮތް ހަދައިދީ. ހެހެހެ
މަރޭމިތުރު
23 March 2019
އަދި ބުނެދީފާނަން ތިބޭފުޅުންނައް ތައިލެންޑުގަ ނޭނގޭ އެއްޗެއް! އެތާގަ 5 އަހަރު ދުވަހު ހުއްޓަސް ޖޫރީމާނާއަށް ދައްކަންޖެހޭނީ 20ހާސް ބާތު. މިފައިސާ ދައްކަންޖެހޭނެ ގޮތަކީ ފުރަން އެއާޕޯރޓައްދާއިރު އެއާޕޯރޓައް އެހާވެސް ފަސޭހަވާނެ. އެންމެ ބިރުކުޑަ ގައުމަކީވެސް ތައިލެންޑު. އެންމެ އާމީން ރަނގަޅުގައުމަކީވެސް ތައިލެންޑު.
ފަލަޑޭ
24 March 2019
ޙެހެހެ! ބުނަންތަ ވާހަކައެއް؟ މިހާރު އޮންނަ ގަވައިދުން ޑީޕޯޓް ކޮށްލާނީ! ކޮސް ނުގޮވާ
މަރޭމިތުރު
24 March 2019
ފަލަޑޭއަށް]....20އަހަރު ތައިލެންޑުގަ ހުރެފަ ދެންއަލުން ދާނެތަ؟ އެންމެ ގިނަވެގެންވެސް 48 ދުވަސްތެރޭ ރާއްޖޭގައި ހުރެވޭނެ. ވަރިހަމަ 20 އަހަރު ތައިލެންޑުގަ ހުއްޓަސް.
މަރޭމިތުރު
23 March 2019
ސުރުހީ މުޅިން ނުބައި. ވިސާނެތަސް ކުރިންވެސް ދެވޭ! އަސްލު ބުނަންވީ ވިސާނެތި އެއްމަސްދުވަހު މިހާރު ހުރެވޭކަމަށް! ނޫހުގެ ލިޔުންތައް ތަންކޮޅެއް ފުރިހަމަކުރަންފެނޭ!!
ފިރިހެނެއް
23 March 2019
އިންޑިޔާ މުހިއްމެއްނޫން. މިހާރު ތިޔަ ކޮށްދެއްވީ ހިތްހަމަޖެހޭވަރުގެ ކަމެއް. ޝުކުރިއްޔާ.
މަރޭމިތުރު
23 March 2019
އިންިއާ މުހިންމުވާ ސަބަބު ބުނަންތަ! އަދިވެސް އެންމެ އަގުހެޔޮކޮށް ބޭސްވަރުވާ ލިބެނީ އިންޑިއާއިން. އެންމެ މީރުކޮށް ދިވެހިންނާއި ގުޅޭ ކައުންވެސް ލިބެނީ އިންޑިއާއިން. ދެންތިބަލާ ބޮލީވޫޑް ފިލްމެއްވެސް އެއުފައްދަނީ އިންޑިއާއިން. އިންޑިއާ މުހިންމުވާ 100 ސަބަބު އެބައޮތް.
ޖަމަލުއްޒަމާން
24 March 2019
ދިވެހި މޮޅު އާރޓިސްޓުން ކޮޕީކޮށްލާނެ ލަވައެއްވެސް ފިލްމެއްވެސް އެ ނެރެނީ އިންޑިޔާއިން. ދެން އެތަކެތި ކޮޕީކޮށް ކޮށް 10 15 އަހަރުވީމާ އެބަލިބޭ ހިއްވަރުދިނުމުގެ އިނާމު. މިރޮނގުން ބަލާއިރު އިންޑިޔާ 100%
ްއަދުރޭ
23 March 2019
ޔާމީނު ކިއްތަ ކުރީ ނިމިދިޔަ ފަސްއަހަރު؟ އެގައުމަށްގޮސް ފައިސާދިނީމަ ހިލޭއެއްނުވާނޭނިޔާފަވެސް މިވަރު ކޮށްނުލެވުނު.
މާޓިން ބަޝީރު
23 March 2019
މަގޭ އުޅޭނެ ފުރެންޑެއް ކޮންމެ ދެމަހުން އެންމަކު ތިތަނަށް ދާނެ. މީހުން ކާރީ ބުނާނީ ފިހާރައަށް އެއްޗެހި ގަންނަންށޭ. އެކަމަކު ކޮންތާކު އޭނަ ހުޅުވާފަ ހުރި ފިހާރައެއް މިރާއްޖެއަކު ނެތް. ސަރުކާރު ވަޒީފާއެއްގަ އުޅެނީ ނޭގޭ ކިހިނެއެއްކަމެއް ޗުއްޓީ ހޯދަނީ އެހާ އަވަސްއަވަހަށް. މާމަތީ ވަޒީފާއެއްގަ އުޅޭތީ ޚާއްސަ އިނާޔަތެއްގެ ދަށުން ވާކަމެއް ކަންނޭގޭ. ދަރިން ބޮޑެތިވެފަ ތިބި މީހަކު މިހެން އުޅޭއިރު އޭނަގެ އަންހެނުން މިކަމާ ދޭތެރޭ ކީކޭބާއޭ ބުނަނީ ހިތައްއަރާ!
ފަލަޑޭ
23 March 2019
މީހެއްގެ މިނިވަންކަމާއި ބެހި އޭނާތިބޭޒާރު ކޮށް އޭނަގެ ބޮލުގަ ކޮންފަދަ ބަދުނާމެއް ތިއޭޅުވީ؟ މީހުންގެ މިނިވަންކަމާއި ނުބެހިވޭތޯ ބަލާ
ޝިފޫ
23 March 2019
އޭ ތިޔަހެން ބުނީމަ ބޮލުގަ ރިއްސާލައިފި. އަހަރުމެން އޮފީހުގަ އުޅޭމީހެއް ދާނެ ބެންކޮކަށް ވ ގިނައިން. ބުނާނެ މިދަނީ ރައްޓެއްސަކު ދިން ޓިކެޓަކަށް އެމީހާ ފްރީ ކިލޯ ހޯދަންށޭ. ގައިމު ޓިކެޓް ދީފަ، އެކޮމޮޑޭޝަނާއި، ވިސާ، ކެއުން ބުއިން ދީ އެހުރިހާ ހަރަދެއް ކުރާނެބާ؟ ޢެއަށް ވުރެ ރަނގަޅުވާން ފްރައިޓް ދައްކައިގެން ގެނައިޔާ ނޫންތަ؟ އަނެއްކާ 10 ވަރަކަށް ދުވަހަށް ދާނީ ވެސް. އޭނަ އަންހެނުންނަކީ ވަރަށް ބަލިކޮށް އުޅޭ މީހެއް އަބަދުވެސް. ސޯސޭޑް. އަޅޭ އަދި މިވިސްނުނީ
ހުސެެން
23 March 2019
އަހަރަމެން ދިވެހިންގެ ޕާސް ޕޯޓް ކުރި އަރުވަން ތި ކޮއްދޭ މަސަކަތައް ހަމަސާބަސް.. ދިވެހިން ނަކީ ކުޑައާބާދީއެއް ކަމައްވެފަ ދިވެހިން ވީހާވެސް ގިންގައުމުތަކައް ވިސާނެތި ދެވޭނެ ގޮތް ހަދާދިނުމައް ސަރުކާރައް ގޮވާލަން... މި ފަސްއަހަރު ނިމެންވާ އިރައް ދިވެހި ޕާސްޕޯޓް ގަދަ 10 ގަހިމަނަން މަސަކަތް ކޮއްދިނުން އެދެން... ސުކުރިޔާ ފޮރިންމިނިސްޓރީ
ބަލޯރި
23 March 2019
ޖަޕާނު ވިސާ ތިގޮތަށް ހަމަޖެހޭނީ ކޮންދުވަހަކުންބާ. ދިވެހި ސަރުކާރުން ރެސިޕްރޮކަލް އެގްރީމެންޓްގަ ސޮއިކޮށްލާއިރަށް ދޭން ޖަޕާނުން ތިބީ ތައްޔާރަށް. ޖަޕާނަކީ ދުވަސްްވީ ގާތް ރަހުމަތްތެރި ގައުމެއް.ޓޯކްޔޯގަ ހުންނަ އެންބަސީއަކީ ދެން ކީއްކުރަން ހުންނަތަނެއްބާ؟؟..ނުވިތާކަށް ޗައިނާއާ ވާދަކޮށްލަންވެސް މިކަންކޮށްލަންވީނު.
ފަލަޑޭ
24 March 2019
ވަރަށް ތާޢީދު. ގައިމު ޖަޕާން ވިސާހަމަޖައްސަންވެސް މާފަސޭހަވާނެދޯ. ރާއްޖެބާނާ މަހުގެ ބޮޑުބައެއް އެމީހުންނަށް ވިއްކާވިއްޔާ ހަހަހަ