އިންސާނެއްގެ ސިކުނޑި ފުރިހަމަވުމުގެ މަރުހަލާ ވަރަށް އޮޅުންބޮޅުން ބޮޑު ކަމަށް ސައިންސްވެރިން ބުނޭ
24 މާޗް 2019 - 07:28
9 comments
ބޮޑު މީހެއް ކަމަށް، ގިނަ ގައުމުތަކުގައި ބަލަނީ އުމުރުން 18 އަހަރު ވުމުންނެވެ. އެކަމަކު ސިކުނޑީގެ ހާއްސަ ސައިންސްވެރިން މިހާރު ބުނަނީ އުމުރުން 30 އަހަރު ވުމުން ނޫނީ މީހަކު ފުރާ ފުރިހަމަ ނުވާ ކަމަށެވެ. ނުވަތަ "އެޑަލްޓް" އަކަށް ނުވާ ކަމަށެވެ.
އެކަމަކު ސިކުނޑީގެ ސައިންސްވެރިން އެއްބަސްވެ ވަޑައިގަންނަވާ ކަމެއް އެބަ އޮތެވެ. އެއީ، ބޮޑު މީހެއް ކަމަށް ބުނާ ވަރަށް ސިކުނޑި ތަރައްގީވަނީ އެކި މީހުން އެކި އުމުރުގައި ކަމެވެ. ދިރާސާކުރައްވާ ތަޖުރިބާކާރުން އެއްބަސްވެ ވަޑައިގަންނަވާ ގޮތުގައި އުމުރުން 18 ފުރުމަށް ފަހު ވެސް ސިކުނޑި އަށް އެކި ބަދަލުތައް އަންނަމުންދެ އެވެ. އަދި އުޅުމަށް ވެސް ބަދަލު އާދެ އެވެ. އެހެންވެ މި މަރުހަލާގެ ތެރޭގައި ނަފްސާނީ އެކި މައްސަލަތައް ދިމާވުމުގެ ފުރުސަތު އޮންނަ ކަމަށް އެ ބޭފުޅުން އެއްބަސްވެ ވަޑައިގަންނަވަ އެވެ.
"އަޅުގަނޑުމެން އަސްލު މި ބުނާ ވާހަކަ އަކީ މީހަކު، ކުޑަކުއްޖެއްގެ މަރުހަލާއިން ބޮޑު މީހަކަށް ބަދަލުވުން ކަނޑައެޅިގެން ބަޔާންކޮށްދިނުމަކީ ވަރަށް އެހެން ކަހަލަ ކަމަކަށޭ ވަނީ،" ކޭމްބްރިޖް ޔުނިވަސިޓީގެ ޕްރޮފެސަރު ޕީޓާ ޖޯންސް ވިދާޅުވި އެވެ.
"މިއީ ތިރީސް އަހަރު ތެރޭ ފުރިހަމަވެ ނިމޭ ތަފާތު މަރުހަލާތަކެއް."
ޕްރޮފެސަރު ވިދާޅުވީ ތައުލީމީ ނިޒާމާއި ސިއްހީ ދާއިރާ އަދި ގާނޫނީ ދާއިރާގައި، ބޮޑު މީހަކަށްވުން ފަސޭހައިން މާނަކުރެވޭނެ ގޮތެއް އޮތުން ރަނގަޅު ކަމަށެވެ. އެކަމަކު އޭނާ ވިދާޅުވީ ކުށެއްގެ ތުހުމަތުކުރެވޭ 19 އަހަރުގެ މީހަކާއި އުމުރުން 30ގެ އަހަރުތައް ގުނަމުން އަންނަ ބޮޑު ކުށްވެރިއެއްގެ ތަފާތު، ތަޖުރިބާކާރު ފަނޑިޔާރަކަށް ވަރަށް ފަސޭހައިން ދެނެގަނެވޭނެ ކަމަށެވެ.
އޮކްސްފޯޑްގެ އެކަޑަމީ އޮފް މެޑިކަލް ސައިންސަސް އިން ބާއްވާ ނިއުރޯސައިންސް ބައްދަލުވުމުގައި ބައިވެރިވެ ވަޑައިގެންނެވި ޕްރޮފެސަރު ޖޯންސް ވަނީ ކުޑަކުއްޖަކުން ބޮޑު މީހަކަށް ވުމުގެ މަރުހަލާ އެކި މީހުންނަށް ތަފާތުވާ ގޮތުގެ އެކި މިސާލުތައް ދައްކަވައިފަ އެވެ. -- ބީބީސީ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭބޭ
24 March 2019
ވާއު. އައި އޭމް 29 އެންޑް އައި އޭމް އަ ކިޑު!
ބަނިއާދަން
24 March 2019
އަދިވެސް އެއުޅެނީ ރަނގަޅަށް ނޭނގިގެން. އަސްލު ރަނގަޅަށް ބޮޑުވަނީ 40 ވީމަ. އާދަމުގެފާނާއި ޢީސާގެފާނު ފިޔަވައި ހުރިހާ ނަބީބޭކަލުން ނަބީކަމައިގެން ފޮނުއްވެނީ އެބޭކަލުންގެ ޢުމުރުފުޅުން 40 ވުމުންކަމަށް އިލްމުވެރިން ވިދާޅުވަނީ. އަދި ސައިންސުވެރިންނަށް އެކަން އެނގޭނެ.
ފޫހި
24 March 2019
އިންސާނާގެ ސިކުނޑި އެންމެ ރަނގަޅަށް ފުރާފުރިހަމަވަނީ އުމުރުން 40 އަހަރުގައި. އެއީ އިންސާނުންނަށް ރަސޫލުކަން ﷲ ދެއްވާފައިވަނީ ޢުމުރުން 40 އަހަރުވުމުން. އޭގެން އިނގޭއެއްޗަކީ މީހާ ދުނިޔެއަށް ފުރިހަމައަށް ހޭލުންތެރިވެ ސިކުނޑި ހަރުވާނީ އެ އުމުރުގައިކަން. ތިޔަ ސައިންސް ވެރިންނަށް ހާދަ ލަހުން ތިޔައެނގުނީ. ރާއްޖޭގައި ވެސް ކުރިން ރައީސަކަށް ވެވޭނީ ޢުމުރުން 40 ވީމާ، އެކަމަކު މިއަދު މަޖިލީހަށްވެސް އުމުރުން 18 އަހަރުވުމުންވަދެވޭ. އެހެންވެ މުޅިނިޒާމްވަނީފޭލް
މުޒު
24 March 2019
ދިވެހިންގެ ބޮޑީ އަނގަ
އަންހެނާ
24 March 2019
އަހަރުން ވަނީ ދުވަސްވީވީހެން ގަމާރު!
ސޯބު
24 March 2019
ބާލިގުވީމަ ބޮޑުމީހަކަށްވީ.
ބަބުރަންޖީ ހާޖީ
24 March 2019
ދިވެހިން ބޮޑެއްނުވޭ 50 އަހަރު ވާއިރުވެސް.
ކާޖީ
24 March 2019
ދިވެހިން ބޮޑުވީމައި ކައިވެނި ކުރަނީ
ލިލީ
24 March 2019
ކައިވެނި ކުރިޔަސް ދިވެހިން ބޮޑެއްނުވެ. ކައިވެންޏަކީ ކިހާބޮޑު މަސްއޫލިއްޔަތެއްކަމެއް ނޭނގެ.