ވަރީގެ ވާހަކަ ފެތުރި މަޖައްލާ އަށް ޕްރިޔަންކާގެ ދެމަފިރިން ދައުވާކުރަނީ

އަހުމަދު އަދްޝަން، މިހާރު

02 އެޕްރީލް 2019 - 14:26

ޕްރިޔަންކާ ޗޯޕްޅާ އާއި ނިކް ޖޯނަސްގެ ކައިވެނީގައި މައްސަލަތަކެއް ޖެހި ދެ ތަރިން ވަރިވާން އުޅޭ ކަމަށް ބުނެ ވާހަކަ ފެތުރި މަޖައްލާއާ ދެކޮޅަށް ދައުވާކުރަން އެ ދެމަފިރިން ނިންމައިފި އެވެ.

ފިލްމީ ޚަބަރުތައް ގެނެސްދޭ ގިނަ ނޫސްތަކުން ބުނި ގޮތުގައި ވަރީގެ ވާހަކަ "ހަދަހަދައިގެން" ފެތުރި އޯކޭ މަޖައްލާއާ ދެކޮޅަށް ދައުވާކުރަން ނިންމީ ގެއްލުމުގެ ބަދަލަށް ބޮޑު އަދަދެއް ނަގައިދޭން އެދި އެވެ.

ނަމަވެސް ދައުވާއާ ބެހޭ އިތުރު އެއްވެސް ތަފުސީލެއް މީޑިއާތަކުން ހިއްސާކޮށްފައެއް ނުވެ އެވެ. އެކަމަކު އޯކޭ މަޖައްލާ އަށް ދައުވާ ކުރަން ގާނޫނީ ގޮތުން ކުރަން ޖެހޭ މަސައްކަތްތައް މިހާރު ކުރަމުން އަންނަ ބުންޏެވެ.

މިދިޔަ މަހުގެ ފަހުކޮޅު އޯކޭ މަޖައްލާ އިން ބުނި ގޮތުގައި މިދިޔަ ޑިސެމްބަރު މަހުގެ ދެ ވަނަ ދުވަހު އިންޑިއާގައި ބޭއްވި ކުލަ ގަދަ ރަސްމިއްޔާތެއްގައި ކައިވެނި ކުރި ޕްރިޔަންކާ އާއި ނިކް ވަރިވާން ނިންމީ 36 އަހަރުގެ ޕްރިޔަންކާ 26 އަހަރުގެ ނިކް "އަނބިދަށުލާން" އުޅޭތީ އެވެ.

Priyanka Chopra aai Nick Jonas vari vanee?

The most trusted news source in the Maldives

Mihaaru

ޕްރިޔަންކާ އާއި ނިކްގެ ވަރީގެ ވާހަކަ ފެތުރީ އޯކޭ މަޖައްލާ އިން.

އެ މަޖައްލާ އިން ބުނެފައިވާ ގޮތުގައި ޕްރިޔަންކާ ވަނީ ނިކް "މުށުތެރެއަށްލާން" މަސައްކަތްކޮށް، އޭނާ ވަރަށް ބޮޑަށް "ކޮންޓްރޯލްކޮށްފަ" އެވެ. އަދި މިކަން ނިކްގެ އާއިލާގެ މީހުންނަށް ވެސް ވަރަށް ބޮޑަށް ފާހަގަކުރެވި، ނިކް، ޕްރިޔަންކާއާ ވަކިވާން އާއިލާ އިން ވެސް ބާރު އަޅަމުންދާ ކަމަށް ބުނެފައިވެ އެވެ. އޭގައި ފާހަގަކޮށްފައިވާ ގޮތުގައި ނިކް އަށް ވުރެ 10 އަހަރު ދޮށި ޕްރިޔަންކާ ވަނީ ރައްޓެހިވެގެން އުޅުނު އިރު "ވަރަށް ޅަވެގެން، 21 އަހަރުގެ އަންހެނެއް ކަމަށް ދައްކަން ވެސް މަސައްކަތްކޮށްފަ" އެވެ. އެކަމަކު އޭނާގެ އަސްލު ސޫރަން ފެންނަން ފެށީ ކައިވެންޏަށް ފަހު ކަމަށް ބުނެފައިވެ އެވެ.

pic.twitter.com/0wcVCwf5zs
— mariah smith (@mRiah) December 7, 2018

އޯކޭ މަޖައްލާ އިން މި ވާހަކަ ފެތުރި ދަނޑިވަޅަކީ ޕްރިޔަންކާ އާއި ނިކް އާއިލާގެ އިތުރު ބަޔަކާ އެކު މަޔާމީގައި އުގާވެރި މަޖާ ޗުއްޓީއެއް ހޭދަކޮށް، ފޮޓޯ އާއި ވީޑިއޯ ވެސް އިންސްޓަގްރާމްގައި ހިއްސާ ކުރަމުން ދިޔަ ވަގުތަކެވެ. އެހެންވެ ހަގީގަތުގައި ވެސް އެ ދެ މީހުންގެ މެދުގައި މައްސަލަ ޖެހި ވަރިވާން އުޅޭ ކަމަށް ބުނެ ފެތުރި ވާހަކަ ގަބޫލު ކުރަން ގިނަ ފޭނުންނަށް ވެސް އުނދަގޫ ކަމަކަށްވެފައިވެ އެވެ.

ޕްރިޔަންކާ އިނީ "ކުޑަކުއްޖަކާ" ކަމަށާއި "އެ ކައިވެންޏަކީ ނިކް އަށް މަޖުބޫރުކޮށްގެން ކުރި ކައިވެންޏެއް" ކަމަށް ބުނެ މީގެ ކުރިން "ދަ ކަޓް" ގެ ލިޔުންތެރިޔާ މާރިޔާ ސުމިތު ލިޔުނު ބޮޑު އާޓިކަލެއްގެ މައްސަލަ ހޫނުވުމިން އޭނާ ފަހުން ވަނީ އެކަމަށް ޕްރިޔަންކާ އާއި ނިކްގެ ކިބައިން މައާފަށް ވެސް އެދިފަ އެވެ.

ބޮލީވުޑް ހޮލީވުޑް ޕްރިޔަންކާ ޗޯޕްރާ ހޮލީވްޑް ކައިވެނި

7 ކޮމެންޓް, 53 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިނބިދޫ

03 April 2019

ދޮންމީހުންނަށް ހަޖަމް ނުވަނީ ކަޅުމީހުންގެ ކާމިޔާބީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ު7ޔުިތޔ

03 April 2019

ކަލޭމެން ނަންތައް ލިޔަންޔާ ރަނގަޅަށް ލިޔެބަ އޭނައަށް ކިޔަނީ ޕްރިޔަންކާ ޗޯޕްރާ ޗޯޕްޅާއެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏަވިޔަނި

03 April 2019

ލިޔަންޔާ އެއް ނޫން ... ލިޔަންޏާ ދިވެހި ބަހުން ރަނގަޅަށް ލިޔަން އެނގުމަކީ އަދި އެއަށްވުރެ މުހިއްމު ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލްލޮ

03 April 2019

މާ ބޮޑަށް އެނގެނީ. ހިންދީ ބަހުން އެ ނަން ކިޔާ ގޮތަށް އެއޮތީ ލިޔެފަ. ޗޯޕްޅާ އަކީ ރަނގަޅުގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންމު

03 April 2019

ޢަދިވެސް ފައިސާ ލިބޭވަރު މަދީތަ ؟ ސެލެބްރިޓީ ގޮސިޕް އެޔައް ކިއަނީ... ކަލޭމެން ސެލެބްރިޓީންނައް ނުވިނަމަ ހައްދަކާ މަތިވިޔަސް އެ ނޫހުން ނުޖަހާނެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީސީ ރޮކްސް

02 April 2019

ހޮލީވުޑްގަ އެއީ ވަރަށް އާންމުކަމެއް ބަޔަކު ވަރިވާން އުޅެޔޭ ކިޔާފަ ދޮގު ހަބަރުތައް މީޑިޔާއިން ފެތުރުން! ނިކޯލް ކިޑްމެން، ޖޫލިއާ ރޮބާޓްސް ކަހަލަ އެކްޓްރެސުންވެސް ވަރިވާންއުޅޭ ދޮގު ވާހަކަތައް އަޑު އިވޭ ހަމަ ވަރަށް އާންމުކޮށް. އެކަމު އެމީހުން އަދިވެސް ނުވެ ވަރިއެއް! ޕްރިޔަންކާގެ އެކަހަލަ ހަބަރުތައް ފެތުުރުނީމަ ޕްރިޔަންކާގެ ހޭޓާސް އުފަލުން ތިއްބެއްކަމަކު އެއީ އަސްލު ވާހަކަތަކެއް ނޫން!!!