ޚަބަރު / ރައީސް އިބްރާހިމް މުހައްމަދު ސޯލިހް

ތަރައްގީގައި ރާއްޖެ މިއޮތީ 100 އަހަރު ފަހަތުގައި: ރައީސް

ރައީސް އިބްރާހީމް މުހައްމަދު ސޯލިހް މުލަކަށް މިއަދު ވަޑައިގެން، ތުއްތު ކުއްޖަކު އުރާލައްވައިގެން.

މުހައްމަދު ނަސީމް، މިހާރު

03 އެޕްރީލް 2019 - 17:20

ފެނާއި ނަރުދަމާ ފަދަ އަސާސީ ޚިދުމަތްތައް ދިނުމާއި ތަރައްގީގައި ރާއްޖެ އޮތީ އެހެން ގައުމުތަކަށް ވުރެ 100 އަހަރު ފަހަތުގައި ކަމަށް ވިދާޅުވެ، ރައީސް އިބްރާހީމް މުހައްމަދު ސޯލިހް ކުރީގެ ސަރުކާރުތަކަށް މިއަދު ފާޑުވިދާޅުވެއްޖެ އެވެ.

އަންނަ ހޮނިހިރު ދުވަހު ބާއްވާ ރައްޔިތުންގެ މަޖިލިހުގެ އިންތިޚާބުގައި މުލަކު ދާއިރާ އަށް ވާދަކުރައްވާ އެމްޑީޕީގެ ކެންޑިޑޭޓް އިބްރާހީމް ނަސީރަށް ކެމްޕޭން ކުރައްވަން މުލަކުގައި ބޭއްވި ޖަލްސާގައި ރައީސް ވިދާޅުވީ، އެހެން ގައުމުތަކުގައި އަސާސީ ޚިދުމަތްތައް މީގެ 100 އަހަރު ކުރިން ފުރިހަމަކޮށްފައިވާ ކަމަށެވެ. އެކަމަކު، ރާއްޖޭގައި މިހާތަނަށް ވެސް އެ ކަންތައް ފުރިހަމަ ނުވެ އޮތީ ކީއްވެތޯ އެމަނިކުފާނު ސުވާލު އުފެއްދެވި އެވެ. ވެރިކަމުގައި ބަޔަކު ތިބޭ ނަމަ ރައްޔިތުންނަށް އެންމެ ފުރަތަމަ ކޮށްދޭން ޖެހޭނެ ކަމަކީ އަސާސީ ހިދުމަތްތައް ދިނުން ކަމަށް ދެކެވަޑައިގަންނަވާ ކަމަށް ވެސް ރައީސް ވިދާޅުވި އެވެ.

"އެ އަށް ފަހުގައި އެހެން ކަމަކަށް ދާން ޖެހޭނީ. ދުނިޔޭގެ އެހެން ގައުމުތަކުގައި ވެސް އެކަން ކުރަމުން ދިޔައީ އެ ގޮތަށް. ދުނިޔޭގެ އެހެން ގައުމުތައް މީގެ 100 އަހަރު ކުރިން ވަނީ މިކަންކޮށް ނިންމާފައި. އަޅުގަނޑުމެންނަށް ތަރައްގީގެ ޕްލޭނުގައި މި އުޅެވެނީ އެހެން ގައުމުތަކާ އަޅާ ބަލާއިރުގައި ގާތްގަނޑަކަށް 100 އަަހަރު ފަހަތުގައި،" ސަރުކާރު ހިންގާ ކޯލިޝަންގެ މައި ޕާޓީ އަދި ރައީސް އިބްރާހިމް މުހައްމަދު ސޯލިހް ނިސްބަތްވާ އެމްޑީޕީގެ ޓިކެޓުގައި މަޖިލިހުގެ އިންތިޚާބަށް ނުކުންނަވާފައިވާ ކެންޑިޑޭޓުންގެ ކެމްޕެއިން ގައި ބުރަކޮށް އުޅުއްވަމުން އެމަނިކުފާނު ވިދޅުވި އެވެ.

ރާއްޖެ އަކީ މެދު ފަންތީގެ [ތަރައްގީ ވަމުން އަންނަ ގައުމުތަކުގެ ލިސްޓުގައި ހިމެނޭ] ގައުމެއްކަން ފާހަގަ ކުރައްވަމުން ރައީސް ވިދާޅުވީ، ރާއްޖެެ އަށް ވުރެ ނިކަމެތި ގައުމުތަކުގައި ވެސް ފެނާއި ނަރުދަމާ އާއި މަގު ހެދުން ފަދަ އަސާސީ ޚިދުމަތްތައް ފުރިހަމަ ކޮށްފައިވާ ކަމަށެވެ.

"މީގެ ސަބަބަކީ އަޅުގަނޑު ގަބޫލުކުރާ ގޮތުގައި ސަރުކާރުތަކުން ރައްޔިތުންނަށް ވެފައި އޮތް ބޮޑު އިހުމާލު،" ރާއްޖޭގައި އަދިވެސް އަސާސީ ޚިދުމަތްތައް ފުރިހަމަ ނުކުރެވި އޮތް އޮތުމާ ގުޅޭ ގޮތުން އެމަނިކުފާނު ވިދާޅުވި އެވެ.

ރައީސް ވިދާޅުވި ގޮތުގައި، އަސާސީ ޚިދުމަތްތައް ދިނުމަށް ރައްޔިތުންނަށް ވެފައިވާ ވައުދުތައް ފުއްދަން އެމަނިކުފާނުގެ ސަރުކާރުގެ ފުރަތަމަ ދުވަހުން ފެށިގެން އަންނަނީ މަސައްކަތް ކުރަމުންނެވެ.

ރައީސް އިބްރާހީމް މުހައްމަދު ސޯލިހް މުލަކަށް މިއަދު ވަޑައިގަތުމުން އެމަނިކުފާނަށް މަރުހަބާ ދަންނަވަން ގޮސް ތިބި ކުދިންތަކަކާ ސަލާމް ކުރައްވަނީ.

ރައީސް ވިދާޅުވީ، މުލަކުގެ މަގު ހެދުމާއި ގިރާ ސަރަހައްދު ހިމާޔަތްކުރުމާއި ކޮޅުފުށީގައި ސްކޫލަށް ބޭނުންވާ ކްލާސްރޫމާއި މަލްޓި ޕާޕާސް ހޯލާއި މަގު ހެދުން އަދި ބޯހިޔާވަހިކަން ފޯރުކޮށްދޭނެ ކަމަށެވެ. މުލަކު ތޮޅުގައި އެއާޕޯޓެއް އަޅަން ވެފައިވާ ވައުދު ވެސް ރައީސް މިއަދު ތަކުރާރު ކުރެއްވި އެވެ. އެމަނިކުފާނު ވިދާޅުވީ، މި ވެރިކަމުގެ ފަސް އަހަރު ދުވަސް ނިމޭއިރު އެ މަސައްކަތް ނިމޭނެ ކަމަށެވެ.

އެމްޑީޕީ މ. މުލައް ރައީސް އިބްރާހިމް މުހައްމަދު ސޯލިހް މ. ކޮޅުފުށި ރައްޔިތުންގެ މަޖިލީހުގެ އިންތިޚާބު 2019 ތަރައްގީގެ މަޝްރޫއުތައް

44 ކޮމެންޓް, 74 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދު ހޫނަސް

04 April 2019

ރައީސަކު މިފަދަ ވާހަކަ ދެއްކީމަ 18 އަހަރު ނުފުރޭ ކުއްޖާގެ ހިތަށް އަރާނީ ކޯޗެއްތޯ؟ ހިސްޓްރީ ކިޔަވައިނުދީ ހުއްޓާލުމުން މިކަން މިހެންވަނީ، ދެން ހިސްޓްރީ ކުދިންނަށް އެނގޭނީ މިފަދަ ރައީސުން ހައްދަވާ އިތުރުފުޅުގެ ތެރެއިން، އަހަރެން ހަމަ ހައިރާންވެއްޖެ ތިޔަ ސޯލިހް ރައީސްވެސް ތިޔަހާ ދަށުދަރަޖައަށް ވެއްޓުނީމަ، ހަމަ ރައީސްކަން ލިބުނީމަ ދޮގުހަދަން އާދަވަނީ، ތިޔަ ބުނީ ޔޫއެންގެ އެހީތެރިކަމާއި އެކުގައި ރާއްޖެއަށް ތަރައްޤީއެއް ނުގެނެވޭ ވާހަކަތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިޝާނު ހަބީބު

04 April 2019

ކަނޑައެޅިގެން އިތުރުފުޅެއް، 100 އަހަރު ކުރިން ރާއްޖޭގައި އެއާޕޯޓެއްނެއް، ބަނދަރެއްނެއް، ޓޫރިސްޓް ރިސޯޓެއްނެއް، އިސްކޫލެއްނެއް، ކަރަންޓެއްނެއް، ބޯފެނެއްނެއް، ނަރުދަމާއެއްނެއް، މާލޭގެ މަގުމަތީގައި ގާއެތުރިފައިނެއް، މާލޭގެ ވަށައިގެން ތޮޅިލެވިފައިނެއް، ލޯންޗުފަހަރުނެއް، އިންޖީނު ދޯނިފަހަރުނެއް، ޓެކްނޮލޮޖީއެއް ފޯނެއްނެއް، ކާނާގެ ބާވަތެއްނެއް، އިމްޕޯޓެއް އެކްސްޕޯޓެއްނެއް، ބައިސްކަލެއްނެއް، ލާނެ ހެދުމެއްނެއް، ތިޔަހެން ދޮގުހަދާނެ ބަޔަކުނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީނާ ހުސަން

04 April 2019

ރައީސް އިބުރާހިމް މުހައްމަދު ސޯލިހް ތިޔަހެއްދެވީ ކަނޑައެޅިގެން އިތުރުފުޅެއް، 100 އަހަރުކުރިން ރާއްޖެ އޮތް ހާލަތާއި، ދުނިޔެ އޮތް ހާލަތު އެނގިވަޑައިނުގެން ތިޔަވާހަކަ ވިދާޅުވީ، ރައީސަކަށް ހުންނަވާ ބޭފުޅަކު ތިޔަކަހަލަ ވާހަކަ ދެއްކީމާ ކިތަންމެ ވަރަކަށް ހިލޭ ޑިގްރީ ކިޔަވައިދިނަސް އޭގެ މަންފާއެއް ނުކުރާނެ، ސިޔާސީވެގެންގޮސްވެއް ތިޔައީ ރައީސަކު ވިދާޅުވާން ހެޔޮނުވާނެ ބަސްފުޅެއް، މާޒީގައި ރާއްޖެއަށް ކުރިއެރުން ގެނެސްދިން މީހުންގެ މަތިން ހަނދާންކުރަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތް

04 April 2019

ތަރަގީއަކީކޮންގޮތަކަށް ކުރެވޭކަމެއްކަން އެގޭބޭފުޅަކަށް އެކަންއެގޭނީ ހަމަކޮންމެބޭފުޅަކު ބާރަށްހަޅޭނަގާ ކަރަށް7ނާރުނެގިއަކަސް ގާބިލްކަންނެއް ބޭފުޅަކަށް ކުރެވޭނެހަމައެއްކަމެ ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދި

04 April 2019

ތިޔަ ފަދަ ވާހަކަތައް އެއްވެސް ދިރާސާއެއް ނުކޮށް ރޯނުބައިކޮށް ދެއްކުމުގައި މަނިކުފާނު ތި އުޅުއްވަނީ ވަރަށްވެސް ކުރީގައި. ސްޕީޗެއް އެއްޗެއް ދިނުމުގެ ކުރިން ކަމާބެހޭ ދިރާސާއެއްކޮށްލައިދޭނެ މީހެއްވެސް ނެތީތޯ؟ ނޫނީ ރޫޙާނީ ލީޑަރު ދިން އެއްޗެއް ބަލާނުލާ ކިޔާލީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަތޭކަ.

04 April 2019

ތިހެދީ ދޮގެއް އެމްޑީޕީ ނަޝީދު ސަރުކާރުގަ ތިކަންވަނީ ނިންމާފަ. މިހާރުގެ ޕްލޭނިން މިނުސްޓަރ ނަޝީދު ސަރުކާރުގެ ހައުސިންމިނިސްޓަރ އެއިރު ޓީވީން ދެއްކި ޕްރެޒެންޓޭޝަން އެއްގަ ދެއްކިގޮތުން ރާއްޖޭގެ ހުރިހާރަށެއްގަ ނަރުދަމަމާއާއި ފެނުގެ މަސައްކަތްވަނީ އެއިރު ނިންމާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯޝަލިޒަމް

04 April 2019

ތަރައްަގީ ވެފައިވާ ގައުމުތަކުގައި ފެނާ ކަރަންޓްދެނީ ފްރީކޮށް. އަދި މއީ މުޅިދުނިޔޭގައިވެސް އެންމެ ކުޑަކޮށް ޓެކްސްނަގާ ގައުމު. ހުޅަގުގެ ގައުމުތަކުގައި މިހާރު އެއުޅެނީ 80% ގައި ޓެކްސް ނަގަން. މަހުޖަނުނުން ހުލިވާނެނަމަ ހުޅަގުގެ އިކޮނޮމިސްޓުން މިކަންކުރާކަށް ނޫޅޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެގުނުކަތީބު

04 April 2019

ހަދަހާ އިތުރުފުޅެކޭ ތިހައްދަވަނީ! މަނިކުފާނަށް ފަސްއަހަރު ޔަގީން ނުވާތީ ފުރަމަވެސް ދައުރު ދިގުކަމަށްބުނެ ބަހަނާ ދެއްކީ ގެންނަން އޮތް ތަރައްގީގެ ބޮޑުކަމުންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާނީ ސޭންޑާސް

04 April 2019

އަންއެމްޕލޯމަންޓް އެލަވަންސް ވެސް މީގެ 1905 ގައި ހުޅަގުގެ ގައުމުތަކުގައި ދޭންފައްޓައިފި. ހުޅަގުގެ މުޖުތަމައުތައް މާ އޯގާތެރި. ވަޒީފާނެތް މީހުންނަށް ފައިސާ ނުދޭށޭ އެމީހުން ނުބުނޭ.