މިދިޔަ ހޮނިހިރު ދުވަހު ބޭއްވި މަޖިލިސް އިންތިޚާބުގައި ވޯޓުލާ މަރުކަޒެއްގައި މީހަކު ވޯޓު ފޮއްޓަށް ވޯޓުލަނީ.-- ފޮޓޯ: ހުސެއިން ވަހީދު /މިހާރު
10 އެޕްރީލް 2019 - 11:35
10 comments
އިލެކްޝަންސް ކޮމިޝަން (އީސީ) އިން ބާއްވާ އިންތިޚާބުތަކުގައި ފައިސާ ހަރަދު ކުރެވޭނެ ގޮތްތައް ކަނޑައަޅާ ގާނޫނެއް ހަދަން ނިންމާފައިވާ ކަމަށް އެ ކޮމިޝަނުން މިއަދު ބުނެފި އެވެ.
އީސީގެ މެމްބަރު އަހުމަދު އަކްރަމް "މިހާރު" އަށް ވިދާޅުވީ ރާއްޖޭގައި ކެމްޕެއިން ފައިނޭންސް ގާނޫނެއް ނެތުމުން، ޔޫއެންޑީޕީ އާއި ޓްރާންސްޕޭރަންސީ މޯލްޑިވްސްއާ ގުޅިގެން އެކަމާ ގުޅޭ ބިލެއް މަޖިލިހަށް ހުށަހެޅުމުގެ މަސައްކަތް ކުރިއަށް އޮތް މަހެއްހާ ދުވަހުގެ ތެރޭގައި ފަށާނެ ކަމަށެވެ.
އެ ބިލް ހަދާނީ ކަމާ ބެހޭ ފަރާތްތަކުގެ ލަފާ އާއި މަޝްވަރާ ހޯދައިގެން ކަމަށް ވެސް އަކްރަމް ވިދާޅުވި އެވެ.
އަކްރަމް ވިދާޅުވި ގޮތުގައި އެކި ގައުމުތަކުގައި އަމަލުކުރަމުން އަންނަ ކެމްޕެއިން ފައިނޭންސް ގާނޫނުތަކުގެ ތެރެއިން އެންމެ މަޝްހޫރު އަދި ރަނގަޅީ ފިލިޕީންސްގެ ގާނޫނެވެ. މިދިޔަ ހޮނިހިރު ދުވަހު ބޭއްވި ރައްޔިތުންގެ މަޖިލިހުގެ އިންތިޚާބަށް ފިލިޕީންސުން ވެސް އޮބްޒާވަރެއް ފޮނުވި އެވެ.
އަކްރަމް ވިދާޅުވި ގޮތުގައި، ކެމްޕޭން ފައިނޭންސިން ގާނޫނެއް އޮތުމުން ކެންޑިޑޭޓުންނަށް ރައްކާތެރިކަން ލިބޭނެ އެވެ.
މިހާރު، އިންތިޚާބުތަކާ ބެހޭ އާންމު ގާނޫނުގައި އިންތިޚާބާ ގުޅޭ ގޮތުން ހިންގާ ކޮރަޕްޝަންގެ ހުރިހާ މައްސަލަތަކެއް ތަހުގީގު ކުރުމުގެ ބާރު ދީފައި އޮތީ އެންޓި ކޮރަޕްޝަން ކޮމިޝަން (އޭސީސީ) އަށެވެ. އަކްރަމް ވިދާޅުވީ އިންތިހާބުތަކާ ބެހޭ އާންމު ގާނޫނަށް ކުއްލިއަކަށް ބަދަލުތަކެއް ގެނެސްފައި ހުރި އިރު އެއީ އޭގައި މައްސަލަތަކެއް ހުރިކަން އޭސީސީން ވެސް ފާހަގަކޮށްފައިވެ އެވެ.
"އޭގައި ފުރިހަމަ ނުވެ އޮތީ. ކާކު ކީއްކުރަންވީ ކަމެއް، ނުކުރަންވީ ކަމެއް. ގެއަކަށް ވަދެލެވޭ ގޮތަކުން ވެސް އޭސީސީ އަށް ގެންދާ ފަހަރު އައިސްދާނެ،" އަކްރަމް ވިދާޅުވި އެވެ.
އަކްރަމް ވިދާޅުވި ގޮތުގައި ކެންޑިޑޭޓަކު އޭސީސީ އަށް ހާޒިރުކޮށްފި ނަމަ، އޭނާގެ ކުށެއް އޮތްތޯ ނުވަތަ ނޫންތޯ ކަނޑައަޅަން ޖެހެ އެވެ. އެހެން ނޫނީ ކެންޑިޑޭޓުގެ ހައްގަށް އުނިކަން އަންނާނެ ކަމަށް އޭނާ ވިދާޅުވި އެވެ. އަދި ކެންޑިޑޭޓުން ވާން ޖެހޭނީ ނަޒާހަތްތެރި ބަޔަކަށް ކަމަށް އަކްރަމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޜާއްޖެތެރޭމީހާ
11 April 2019
ކެންޕޭނުގައި ކެނޑިޑޭޓުން ގޭގެއަށް ވަނުމާއި ގުޅޭ ގާނޫނެއްވެސް ހަދަން ޖެހޭ.. ހަމައެއްލަމައެއް ނެތި ގޭގެއަށް ވަދެވިގެން ނުވާނެ...
ކަންއޮތްގޮތް
10 April 2019
ޤާނޫނަކީ ހެދިދާނެއެއްޗެކެވެ. އެކަމަކު ދިވެހީންމިތިބީ ތިއެންގަނޑުގައިނޫނީ ނުގަންނަން ދަސްކޮށްދީފައެވެ. އެހެންވީމައި ތިކަމުން ކުރާނެއެއްވެސް އަސަރެއް ނުވިސްނެއެވެ. ރިކަންކުރާމީހުނަށް ތަފާތުކުރުމެއްނެތި އަދަބުދީބަލާށެވެ. އިލެކްޝަނާއިގުޅިގެން ރަށްރަށަށްދާ އެކިއޮފިޝަލުން ވަކިމީހަކަށްބެލުމެއްނެތި، ރައްޔިތުންގެ ކުރިމަތީގައި ޗެކުކޮށް ބަލަންހަދާބަލާށެވެ. އެފަދަކަމެއްނެތި، ކިތަންމެޤާނޫނެއްހެދިނަމަވެސް މިހާރު އަސަރެއްނުކުރާނެ!
އފލާ
10 April 2019
2009 ވަނަ ރ މަޖިލީހައް ތޮއްޑޫ ވަހީދު ހޮވިގެން މާގިނަ ދުވަހެއްނުވެ ފެނުނީ އެމްޑީޕީއައް ސޮއި ކުރިތަން ކޮރޕްޝަނާ ފަސާދަްިގެ ހާއްޔަކައްވި ފުރަތަމަ މަޖިލީހަކީ 17 ވަނަ ރައްޔިތުންގެ މަޖިލިސް އލީވަހީދު ގެ ކޮރޕްޝަން 1މެލޭސިއާްިން އެޕާރޓް މެންޓެއް ގަތުން 2 ހުޅުމާލެއިން ފލެޓޢި ބިން ގަތުން 3 މާލެއިން 1 .5 މިލިއަން ރުފިޔާގެ ބިމެއް ގަތުން ރައްޔިތުންގެ ފައިސާ ނަޝީދު އަލީވަހީދައް ދިނުން މީ ކޮއްޗެއް
ފައިސާނު މޫސާ
10 April 2019
މަގުމަތީގައި ޕޯސްޓަރު ހަރުކުރުމާއި، ބެނާ ދެމުމުގެ ޤާނޫނެއްވެސް ހަދަންޖެހޭ
ނިޔާޒް އ
10 April 2019
ކެމްޕޭނަށް ޚަރަދުކުރަން ފައިސާ ދިނީ ކާކުތޯ އެގެން ވަރަށް މުހިއްމު. އިންތިހާބު ނިންމާ ސްޓޭޓްމަންޓް އާންކުރަން ޖައްސާ. ހުށަހެޅުމަށް ފަހު ރިއަލް ޓައިމްގައި ލިބޭ ވަރާ ޚަރަދު ކުރާ ވަރު ހާމަ ކުރުވާ. ބިދޭސީއަކުް އަދި ބިދޭސީ ސަރުކާރަކުން ފައިސާ ނުދެވޭނެކަމަށް ލިއޭ. އެގޮތަށް ހޯދައި ޚަރަދުކޮށްފިނަމަ އެއީ ޖިނާއީ ކުށަކަށް ހަދާ! ސާބިތު ވުމާއެކު ވަގުތުން ގޮނޑީ ގެއްލޭ ގޮތަށް. މިކަންވާނެ ވަރަށް ސީރިއަސްކޮށް ކުރަން. އެހެންނޫނީ މިދާރޭޓުން މަލިކަށް ވީހެން ވެދާނެ
އާދަމް ޝަރީފް
10 April 2019
ކިތަންމެ ގާނޫނެއްވެސް ހެދިދާނެ. ނަމަވެސް ކޮރަޕްޝަނާއި ވައްކަމާއި ޚިޔާނާތާއި ފަސާދަ ރާއްޖޭގައި ވަކި ހިއްޕާފައިވަނީ ތިހެންހަދާ ގާނޫނަކުން އަސަރެއް ކުރާ ވަރަށްވުރެ ވަރުގަދަޔަށް. ކޮރަޕްޝަނާއި ޚިޔާނާތާއި ވައްކަމަކީ ކޮބައިކަން އޮޅޭ މިންވަރަށް އެކަންކަންވަނީ އާއްމުވެފަ.
އަހުމަދު އިޒް
10 April 2019
ފޭރޭ މީހުން ހޯދާ ފައިސާ ، ބިރު ދައްކައިގެން ހޯދާ ފައިސާ ، އޮޅުވާލައިގެން ހޯދާ ފައިސާ ވައްދާ އެކައުންޓް ތައް ވަގުތުން ފްރީޒް ކުރުވާ އެފައިސާ އޭގެ ހައްގު ވެރިންނަށް ހޯދޭނެ ޤާނޫނެއްވެސް ގެންނަން ޖެހެއެވެ. އަދި އެކަން ކުރާމީހުންނަށް ބޮޑެތި އަދަބު ދެވޭ ގޮތައް ޤާނޫނު ފަރުމާ ކުރަން އެބަ ޖެހެއެވެ.
މުހަންމަދު ކަލޯ
10 April 2019
އިންތިޚާބު ތަކުގެ ކެމްޕެއިނަށް ފައިސާ ޚަރަދު ނުކުރެވޭ ގޮތަށް ގާނޫނު ހެދުމުން ހައްލުވީ. ޖގަހަ ތަކުގަ ކެއިންބުއިން ސައިދިނުންވެސް މަނާ ކުރަންވީ. ގާނޫނީ ބޮޑު ކުށަކަށް ހަދަންވީ އެހެންނޫނީ އެކަމެއް ނުހުއްޓުވޭނެ. ޚަރަދު ކުރެވެން ޖެހޭނީ އެ ކެޑިޑޭޓެއްގެ އަމިއްލަ ބޭނުންތަކަށް އެކަނި. މިސާލަކަށް ދަތުރު ފަތުރު.
0000
10 April 2019
ކަލޭމެން ވަރަށް ސަކަރާތް. ސުމާރެއް ނެތި ފައިސާ ޚަރަދު ކޮށްގެން މިކަން ކުރެވެންޏާ އިޒްަރޭލުންވެސް ފައިސާ ކޮޅެއް ހަރަދު ކޮށްލާފައި ޕަޕެޓެއް ލާން އުނދަގުލެއް ނުވާނެ. ދެން 88 މީހުްނ ގަނެލީމަ ވީ. ބޮޑުވަޒީރަށް ދިވެހިން ބިރުގަންނަނީ މިހެން ވެގެންކަން އަދި ފަހުމު ނުވޭ. ބޮޑުވަޒީރުގެ ރަގަޅު ތަންކޮޅަކީ ފަހުމު ވީމަ ރައްޔިތުންގެ ކޮޅަށް ދީލާލާނެތީ ކޮންމެވެސް ވަރަކަށް. ބޮޑުވަޒީރަށް ހެޔޮ ވިސްނުން ދެއްވާށި.
މަރޭމިތުރު
10 April 2019
ހުރިހާކަންކަން ހަމަޔަށް އެޅިގެންދާނޭ! ހުރިހާ ފިއްތުންތައް ނެތިގެންދާނޭ!..........ރައްޔިތުންނަށް ބޭނުންވާ ހުރިހާ ގާނޫނުތަކާއި، މިނިވަން މުއައްސަސާތަކަށް ބޭނުންވާ ހުރިހާ މަގެއް ފަހިކޮށްދޭނެ މެންބަރުން އިންސާފުގެތެރެއިން.