ޝަރުތުތަކާ އެކު، ފަޒީލާއި އޭނާގެ ގުރޫޕު ދޫކޮށްލައިފި

އަހުމަދު ސާއިލް އަލީ، މިހާރު

11 އެޕްރީލް 2019 - 10:20

ގެއްލިފައިވާ އައިމިނަތު ޝިމާގެ ކޮއްކޮއާ އެކު ޑިންގީގައި ދަތުރުކުރަނިކޮށް، ހައްޔަރުކުރި އިބްރާހިމް ފަޒީލާއި އިތުރު ދެ ފިރިހެނުން އިއްޔެ ގަމު މެޖިސްޓްރޭޓް ކޯޓުން ޝަރުތުތަކަކާ އެކު ދޫކޮށްލައިފި އެވެ.

އުމުރުން 16 އަހަރުގެ އަންހެން ކުއްޖާ ގޮވައިގެން ދަތުރުކުރަނިކޮށް މި މަހުގެ 11 ވަނަ ދުވަހު ހައްޔަރުކުރި ތިން ފިރިހެނުންގެ ބަންދަށް މީގެ ކުރިން ވަނީ ދެ ފަހަރެއްގެ މަތިން 15 ދުވަސް އިތުރުކޮށްފައިވެ އެވެ.

ފުލުހުންގެ މީޑިއާ އޮފިޝަލް ވިދާޅުވިގޮތުގައި އިއްޔެ އެ ތިން މީހުން ދޫކޮށްލަން ކޯޓުން ނިންމީ އެ މީހުން އިތުރަށް ބަންދުގައި ބައިތިއްބަން އެދި ކޯޓަށް ގެންދިއުމުން ކަމަށެވެ. އެމީހުން ދޫކޮށްލީ ޝަރުތުތަކަކާއެކު ނަމަވެސް އެއީ ކޮން ޝަރުތުތަކެއް ކަމެއް ފުލުހުން ނުބުނެ އެވެ.

މީހުން ބަންދުން ދޫކޮށްލާއިރު އާއްމުގޮތެއްގައި ކޯޓުން ޝަރުތު ކުރަނީ ފުލުހުންގެ ތަހުގީގަށް އެއްބާރުލުން ދިިނުމަށެވެ.

ލ. ފޮނަދޫން މާމެންދު އަށް ފެބްރުއަރީ މަހުގެ 22 ވަނަ ދުވަހުގެ ރޭ ދަތުރުކުރަމުން ދަނިކޮށް ޑިންގީ ބަންޑުން ޖަހާލައި ޝިމާ، 19، ގެއްލުނު ކަމަށް ބުނާ ހާދިސާ އަށް ފަހު އޭނާ ޚަބަރެއް އަދިވެސް ނުވެ އެވެ. އެ ޑިންގީގައި އޭރު ތިބީ ޝިމާ އާއި ފަޒީލް އެކަންޏެވެ. އެ ހާދިސާއާ ގުޅިގެން އެކި ގޮތްގޮތަށް ވާހަކަ ދައްކަމުން އަންނައިރު ފުލުހުން އަދި އެއްވެސް މައުލޫމާތެއް ހާމައެއް ނުކުރެ އެވެ.

ލ. ގަން ފުލުހުން ކަނޑުމަތީގެ ހާދިސާ

10 ކޮމެންޓް, 54 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުލޭ

11 April 2019

ތަހުގީގަށް ބޭނުންވާ ބައެއްކަންކަން ފުރިހަމަ ކުރުމަށްޓަކއި ކޮއްލިކަމެއްކަމުގައިވުންވެސް އެކަށީގެންވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންއޮތްގޮތް

11 April 2019

މިއީ ސީރިއަސް މައްސަލައެއްކަން ކޯޓުތަކަށް އެނގެއެވެ. އަދި ހައްޔަރުކުރެވޭމީހުންގެ އޮތީ ކޮންފަދަ ރެކޯޑެއްކަންވެސް ކޯޓުތަކަށާއި މުވައްސަސާތަކަށް އެނގެއެވެ. އެކަމަކުވެސް މިހިރަ ދޫވަނީއެވެ! ޢަޖައިބެކެވެ! ހިޔުމަން ރައިޓްސްއާއި، އެންޓިކޮރަޕްޝަންފަދަ މުވައްސަސާތަކަށް ވަރިހަމައެވެ! ހީވެސްނުވެއެވެ! ރައީސް ކޮމިޝަން އުފެއްދީމައި، ސިޔާސީފަރާތްތަކުން ފަސްޖެހޭސަބަބު އެންމެނަށްވެސް އެބައެނގެއެވެ. އެކަމަކުވެސް ވަރިހަމައެވެ! ޢަޖައިބެކެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުނައިރު

11 April 2019

އެންމެ ފުރަތަމަކަމަކަށް މަޖިލިހުންކުރަންވި ކަމަކީ ފަނޑިޔާރުގެ އިސްލާހު ކުރުން .މިހާރު ތިބި އެންމެން ބޭރުކުރުން.އެނޫން ގޮތަކަށް ޖުޑިޝަރީ އިސްލާހު ނުކުރެވޭނެ.މިހާރު އެމީހުންނަށް އެދިނީ ހެކި ފޮރުވަން ފުރުސަތު.މިތިބީ ބަލަން މިކަންތައް އިސްލާހު ނުކޮށް ވޯޓޭކިޔައިގެން މޮޅުނަމެއް ކިޔައިގެން އެޖެންޑާ 19 އޭ 20 އޭ ކިޔައިގެން ނާންނާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނަވާ

11 April 2019

ނިއުޒީލެންޑުގައި މިސްކިތުގައި ބަނޑިޖަހައިގެން ހައްޔަރުކުރި މީހާ ހައްޔަރުކުރިތާ 1 ހަފުތާގެ ތެރޭގައި މައްސަލައިގެ ހެތްކާއެކު ޕްރޮސިކިއުޓަރުންނާއި ފުލުހުން ތިބީ ކޯޓުގައި ޝަރީއަތުގެ މަޖިލީހުގައި. މިރާއްޖޭގައި މިވާގޮތަކީ ހައްޔަރުކޮށްފައި ހުންނަތާ 1 މަސްދުވަސްވެގެންދާއިރުވެސް ހެތްކާއެކު ޝަރީޢަތުގެ މަޖިލީހަށް ފުލުހުންނާއި ޕްރޮސިކިއުޓަރުންނަށް ނުވަދެވޭ. އެހާ ހިސާބުން ފަނޑިޔާރުގެ ގޯސް މިވަނީ.