16 އެޕްރީލް 2019 - 12:28
7 comments
އެމްއެމްޕީއާރުސީގެ 1.3 ބިލިއަން ރުފިޔާގެ ހިޔާނާތުގެ ފައިސާގެ މުއާމަލާތްތައް ހިންގި ސްކޯސް އޮފް ފްލެެއާ (އެސްއޯއެފް) އިން ފައިސާ ޖަމާކުރި މީހުންގެ ތެރޭގައި ހިމެނޭ ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީންގެ ސަސްޕެންޝަން ރައީސް އިބްރާހިމް މުހައްމަދު ސޯލިހް މިއަދު އުވާލައްވައިފި އެވެ.
ރައީސް އޮފީހުގެ ތަރުޖަމާން އިބްރާހިމް ހޫދު ވިދާޅުވީ އަކްރަމްގެ ސަސްޕެންޝަން މިއަދު އުވާލައި ވަޒީފާއަށް ނުކުތުމަށް އަންގާފައިވާކަން ޔަގީންކޮށްދެއްވައިފަ އެވެ.
އެމްއެމްޕީއާރުސީގެ ހިޔާނާތުގެ ފައިސާ ޖަމާވި ޔޫތު މިނިސްޓަރު އަހުމަދު މަހުލޫފްގެ ސަސްޕެންޝަން ވެސް މިއަދު ވަނީ އުވާލައިފަ އެވެ. މަހުލޫފްގެ މައްސަލާގައި ކޮރަޕްޝަންގެ އަމަލެއް ނެތް ކަމަށް އޭސީސީން ނިންމާފައިވެ އެވެ.
އެސްއޯއެފްގެ އެކައުންޓުން އަކްރަމްގެ އެކައުންޓަށް 30،000 ޑޮލަރު ޖަމާކޮށްފައިވާކަން އޭސީސީގެ ތަހުގީގީ ރިޕޯޓުން އެނގެ އެވެ. އެ މައްސަލަ ނިންމި ގޮތެއް އަދި އެއްވެސް އިދާރާއަކުން ހާމައެއް ނުކުރެ އެވެ.
އެސްއޯއެފާ އެކު ޑޮލަަރުގެ މުއާމަލާތްކުރި އެންމެން ވެސް ބުނަނީ އެއީ އެމްއެމްޕީއާރުސީގެ ފައިސާކަން ނޭނގޭ ކަމަށާއި އެ މީހުން ހިންގީ ޑޮލަރު ގަތުމުގެ މުއާމަލާތްތައް ކަމަށެވެ.
އެމްއެމްޕީއާރުސީގެ ހިޔާނާތުގެ ފައިސާއާ ގުޅުން ހުރި މުއާމަލާތްތަކުގެ ސަބަބުން މި ސަރުކާރުގެ އިސް މަގާމުތަކުގައި ތިއްބެވި ހަތަރު ބޭފުޅަކު ސަސްޕެންޑް ކުރި އެވެ. މަހުލޫފާއި އަކްރަމްގެ އިތުރުން ދެން ހިމެނެނީ ފެން ކުންފުނީގެ ޗެއާމަން އަހްމަދު މައުސޫމާއި އައިލެންޑް އޭވިއޭޝަންގެ ބޯޑު މެމްބަރު އަބްދުﷲ އާޒިމެވެ.
ހޫދު ވިދާޅުވީ މައުސޫމާއި އާޒިމްގެ ސަސްޕެންޝަން އަދި އުވާނުލާ ކަމަށެވެ.
ދައުލަތުގެ ފައިސާ ވަގަށް ނަގައި މަނީ ލޯންޑަރިން ހިންގި އެސްއޯއެފްގެ އެކައުންޓުން 155 މީހަކަށް ފައިސާ ޖަމާކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސަނނ
16 April 2019
ސަސްޕެންޑްކޮށްފަ ތިބީ މުސާރަ ހިނގާގޮތަށްބާ
ހަބީބާ
16 April 2019
ވާ ވާ.. އިލެކްޝަން ނިމުނީމައި ޒީރޯ ޓޮލަރަންސް ދެން އެޕްލައިވާނީ އިނދިކޮޅު މީހުންނަށް އެކަނި.. ކިޔާ ސާފު ހުދުފޮތިހޭ!
ނާނު
16 April 2019
ކަލޯގެޔާ އަދިކިރިޔާ މިއައީރިޝްވަތާދެކޮޅުސަރުކާރެއް މަގޭޕާޓީގެފމީހަކުކިތަންމެވަރަކައް ރިޝްވަތުކެޔަސް އެއީމައްސަލައެއްނޫންކަމައްބަލާ އެހެންމީހަކުބޭނުންކޮއްފިނަމަ ސީދާ ޒީރޯޓޮލެރެންސް ހަމަހަމަކަމެއްނެތް ބޭއިންސާފު ސަރުކާރު
ކަތީބު
16 April 2019
ސަރުކާރުގެ ސަޕޯޓަރެއް މަށަކީވެސް، އެކަމަކު މި ސޮރުމެންނަކީ ކަރަޕްޝަންގެ އައްޕައިން، މީ ހުރިހާދިމާ އަކުން ކައިގެން އުޅޭ ސޮރެއް! މިސަރުކާރައް އެއްމެ ބޮޑެތި ގެއްލުންވާނެ މީހުން ގެ ލިސްޓުގަ މީނަ އިންނާނެ، ދެން މިއުޅޭ ކާރާބެޔާ، އިކޮނޮމިކްސް ނޭނގޭ މިނިސްޓަރާ، މިކަހަލާގެ ވިޔާނުދާ ކުދިން ކޮޅެއް އެބައުޅޭ މި ސަރުކާރުގަވެސް، އިބޫގެ ވެރިކަން ވެއްޓެން ޖެހޭ ސަބަބަކަށް މި ގްރޫޕް ނުވާނެކަމަށް އުއްމީދުކުރަން! މާޒީއިން އިބްރަތްހާސިލް ކުރުމަކީ ބުއްދިވެރިންގެގޮތް
ފަޓުން
16 April 2019
ދޫނުކޮއް ދެން ކުރެވޭނީ ކޮންކަމެއްބާ؟
1952
16 April 2019
މަރުހަބާ އަކުރަމް ހެޔޮވިސްނުމުގައި ކުރިއަށް ދިއުމުގެ މަގު ﷲ މިންވަރުކުރަށްވާށި.
އަލީ 777777
16 April 2019
މެޖޯރިޓީލިބުނީ ހުދުފޮތިގަޑަކަށްވީ. ސާބަހޭ އިބޫ