ކުޅުދުއްފުށީ އެއާޕޯޓް ބޭނުންކުރި ދެތިން ދުވަހު ދަތުރުވެރިންގެ އަތްދަބަސް ޗެކްކުރަނީ، އެތަނުގައި މިހާރު އޮތީ ރަންވޭއެއް އެކަނި
16 އެޕްރީލް 2019 - 13:01
17 comments
މި ވަގުތު ހުއްޓިފައި އޮތް ހދ. ކުޅުދުއްފުށީ އެއާޕޯޓުގެ މަސައްކަތް ސަރުކާރުން އެހެން ބަޔަކާ ހަވާލުކޮށް، އަލުން މަސައްކަތް ފަށައިފި އެވެ.
ކުޅުދުއްފުށީގެ ކުޅި ހިއްކައިގެން ކުރީގެ ރައީސް އަބްދުﷲ ޔާމީންގެ ސަރުކާރުން އަޅަން ފެށި އެއާޕޯޓުގައި މިހާތަނަށް ނިންމާފައިވަނީ ރަންވޭގެ މަސައްކަތް އެކަންޏެވެ. އަދި ރިޔާސީ އިންތިހާބުގެ އެއް ދުވަސް ކުރިން މަތިންދާބޯޓުގައި ޔާމީން އެ ރަށަށް ވަޑައިގެން އެތަން ހުޅުއްވައިދެއްވި އެވެ.
އޭގެ ފަހުން އެތަނަށް ޖެއްސީ އެންމެ ބޯޓެެކެވެ. އަދި އެއާޕޯޓުގެ އެއްވެސް މަސައްކަތެއް ކުރިއަށް ނުގޮސް ގިނަ ދުވަސްވުމުން މީހުން އެތަން ބޭނުން ކުރަމުން ދިޔައީ ކަސްރަތުކުރާ ޓްރެކެއްގެ ގޮތުގަ އެވެ.
ޓްރާންސްޕޯޓް މިނިސްޓްރީގެ ސްޓޭޓް މިނިސްޓަރު އަހުމަދުު އާދިލް މިއަދު ވިދާޅުވީ ކުރިން އެ މަސައްކަތް ކުރަމުން ދިޔަ ކުންފުނިން މަސައްކަތް ލަސްވުމުގެ ސަބަބުން، އެހެން ބަޔަކާ މިހާރު ހަވާލުކޮށްފައިވާ ކަމަށެވެ. އަދި ޓާމިނަލްގެ އަމަލީ މަސައްކަތް މި ހަފުތާ ތެރޭގައި އަލުން ފަށާނެ ކަމަށް އޭނާ ވިދާޅުވި އެވެ.
ލަފާކުރެވޭ ގޮތުން އެ ތަނުގެ މަސައްކަތް ނިންމައި، ހަތަރު މަސް ފަހުން އެއާޕޯޓު ބޭނުން ކުރެވޭވަރު ވާނެ އެވެ.
އާދިލް ވިދާޅުވީ ކުރީ ސަރުކާރުން އެ މަޝްރޫއު ކުރިއަށް ގެންގޮސްފައި ހުރި ގޮތުން، އަލުން އެކަން ފަށައިގަންނަން ދަތިތަކެއް ހުރި ކަމަށެވެ. އަދި މިހާރު ކުރިއަށް ދަނީ، ތަނަށް ދިމާވެފައި ހުރި ދަތިތަކާއި މަޝްރޫއު ކުރިއަށް ގެންގޮސްފައިވާ ގޮތް އާ ކުންފުންޏާ އެކު ދެނެގަތުމުގެ މަސައްކަތް ކަމަށް އޭނާ ވިދާޅުވި އެވެ.
''މަަސައްކަތް ފަށައި ނުގަނެ ގިނަ ދުވަސްވާތީ ބައެއް މީހުންނަށް ހީވަނީ ދެން އަޅުގަނޑުމެން އެއާޕޯޓުގެ މަޝްރޫއު ކުރިއަކަށް ނުގެންދާނޭ. އެކަމަކު އެއީ ރަނގަޅު ވާހަކައެއް ނޫން. މިހާރުއްސުރެ އެ މަސައްކަތް އެ ދަނީ ކުރިއަށް،" އާދިލް ވިދާޅުވި އެވެ.
އޭނާ ވިދާޅުވީ އެއާޕޯޓުގެ އަމަލީ މަސައްކަތް ނިމުނު ނަމަވެސް، ނިންމަން ޖެހޭ އިތުރު ކަންތައްތަކެއް އެބަހުރި ކަމަށެވެ. އެއާޕޯޓް ރަންވޭ އަޅާފައިވަނީ އެ ސަރަހައްދުގައި ހުރި އާއްމު ގެތަކެއް ނަގައިގެން ކަމުން އެ ގެތަކަށް ބަދަލުދީ އަދި ނުނިމެ އެވެ. ސަރުކާރުން ދިން ބަދަލާ މެދު ހިތްހަމަ ނުޖެހިގެން، އޭގެ ތެރެއިން ގެއެއްގެ މީހުން ވަނީ ކޯޓަށް މައްސަލަ ހުށަހަޅާފަ އެވެ. އެހެންވެ، އެއާޕޯޓު އަލުން ހުޅުވައި ހިދުމަތް ދޭން ފެށޭނީ ކޯޓުގައި އޮތް މައްސަލަ ވެސް ވަކި ގޮތަކަށް ނިންމާފައި ކަން ޓްރާންސްޕޯޓް އޮތޯރިޓީން ފާހަގަކުރި އެވެ.
ކުޅުދުއްފުށީ އެއާޕޯޓްގެ މަސައްކަތް އާ ސަރުކާރުން ވެސް ކުރިއަށް ގެންދަން މި އަހަރުގެ ބަޖެޓުގައި 5.7 މިލިއަން ރުފިޔާ ވަނީ ހިމަނައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޅުދުއްފުށި މީހާ
20 April 2019
2013 ވަނަ އަހަރު ޔާމީިނަށް ވޯޓު ދީފަ އޮންނާނީ 2 އަހަރު ތެރޭގަ އެއާޕޯޓް ނިންމަން.. ދެން އަނެއްކާ 2018 ވަނަ އަހަރު ވޯޓް ހޯދަން އެހެން ކިޔަމުން އަޔަސް މީހުން މަރުހަބާ އެއް ނުކިޔާނެ ދޯ! ??
ހައްޖަ
18 April 2019
އޭޝް ކައިރީގަ ބުނެފާނަން ރަނގަޅު ވާހަކައެއް ކުޅުދުއްފުށީ މީހުން ވަރުގެ ރަނގަޅު ބައެއް ރާއްޖެއިން ފެންނާނީ ވަރަށްމަދުން މާ ބޮޑަށް ޖޭނުވެ މަޑުން ހުރޭ
؟؟؟؟؟؟
17 April 2019
އެއަރޕޯޓް ރަންވޭ އެކަނި ނިމިފައިވަނީ ، ދެންހުރި މަސައްސައްކަތް ނިންމަން 4މަސް؟؟. އެހެންވިއްޔާ މިއާޓިކަލްއިން އެގެނީ ދެންހުރީ ވަރަށް މަދުމަސައްކަތެއްކަން
އެހެންތޯ
16 April 2019
ކުޅުދުއްފުށީ ރައްޔިތުން ވޯޓްދިނީ އެއަރޕޯޓް އެޅުމާ އިނދިކޮޅަށް ވަކާލާތުކުރި މީހުން ހިމެނޭ ޕާޓީއަކަށް.. ވިމާ ރައްޔިތުން އެއަރޕޯޓަށް ނޫނެކޭ ބުނެފަ އެއޮތީ.. ދެން ތިތަން ސައިކަލު ދުއްވާލާ ދުވެލާ ހަދަން ބޭއްވީމައި ރަނގަޅުވާނެ. ޔާމީނަކަށް މަށެއްވޯޓެއް ނުލަން އެކަމަކު ކުޅުދުއްފުށީ ރައްޔިތުން ދިން ވަރުގެ ކެއްސެއް ޕޮލިޓީޝަނަކަށް މިރާއްޖެއަކުން ނުދޭ.. އެހެން އެންމެން ނޫނެކޭ ބުނެބުނެ އޮއްވާ ގަދަކަމުން ޔާމީނު އެރޕޯޓް އެޅީ. އެކަމަކު ރައްޔިތުން ޖެހީ ކޮޅުފައިން
ޙަބީބު
16 April 2019
ބޭކާރު ވާހަކަ ނުދައްކާ އެއާޕޯޓުނިންމަން ޖެހޭނީ
ބޯބުޅިޒުވާނާ
16 April 2019
މަރުހަބާ އާސަރުކާރު ފޫޅުދަނޑިވެއްޓި ވާހަކަ ދެއްކޭވަރު ވުމުން ތިވާހަކަ ބުނީތީ ވަރައް ހިތްހަމަ ޖެހިއްޖެ ދަރަވަންދޫގަ ހުރިކަހަލަ މަސްއަށިގަނޑެއްނޫން ބަހައްޓާނީ ލަގެޖު ލިބިގަތުމައް ސިޓީތަކުގަ ހުންނަކަހަލަ ޒަމާނީ ވަސީލަތް ފާހާނާބަރި ތަކަކީވެސް ސާފުތާހިރު ތަންތަނައް ވާންވާނެ ނަމާދުކުރާ ކޮޓަރިޔަކާ ރަނގަޅު ކެފޭއެއްހުންނަންވާނެ ޓްރޯލީތަކާ ގޮނޑިތަކުގަ ދަބަރު ޖަހާފަ ހުރެގެން ނުވާނެ މިހާރު މަޖިލިސްވެސް އެއޮތީދީފަ ދެންނުބުނާތި އެއްޗެއްދޭން މިކަންނުކޮއް
އޭޝް
17 April 2019
ތި ކުޅުދުއްފުށި ތީ ކަމެއް ކޮށްދޭވަރުގެ ރަށެއް ނޫން މީހުން ވެސް އެހާގޯސް ތީ ޑިލީޓް ކޮށްލަންވީ ރަށެއް ކުޅުދުއްފުށި މީހުންގެ އޮންނާނީ އަނގައެއް ކަމެއްވާބައެއްނުން ތީ އެހާ ދޮގުވެސް ހަދާ ފޭކް އެކްޓްދައްކާނެ
ހާލިދު
17 April 2019
އެއްވެސް ރަށަކީ ޔޭސް ބުންޏަސް ޑިލީޓް ކުރެވޭނެ ރަށެއްނޫން އިންނާނެ މީހަކު ކާމިޔާބުު ނުވުމަކީ ތިމާގެ ނާގާބިލުކަމާ ބަހުރުވައިގެ ހަމަނުޖެހުން
ސޭންހޮކް ، ކުޅުދުއްފުށި
16 April 2019
ޔާމީނު 2013 ގައިވެސް އެއާ ޕޯރޓް ވާހަކަ ދައްކައިން ވޯޓް ހޯދާފައި 2018 ގައިވެސް އެއާ ޕޯރޓް ވާހަކަ ދައްކައިގެން ވޯޓު ހޯދަން އުޅުނީ ، މި ސަރުކާރުން އެކަހަލަ ގަޅިކަމެއް ނުކުރާތި.
ޒިލް
16 April 2019
މީ ވަރަށް ބަހަނާ ދައްކަން މޮޅު ސަރުކާރެއް
ހިޔަޅޭ
16 April 2019
ކުޅުދުއްފުށީ އެއާޕޯޓްގެ މަސައްކަތް އާ ސަރުކާރުން ވެސް ކުރިއަށް ގެންދަން މި އަހަރުގެ ބަޖެޓުގައި 5.7 މިލިއަން ރުފިޔާ ވަނީ ހިމަނައިފަ އެވެ. ( އާ ސަރުކާރަކުން ނޫން ދޯ ބަޖެޓުގައި ޖެހީ އަކީ )
ސައި
16 April 2019
ކޮބާތޯ ފުނަދޫއެއަރޕޯޓު ދެދުވަސްތެރޭ ފުލައިޓު ޖައްސާނަމޭކިޔާފަ މިހާރު އެވާހަކަ ދައްކާއަޑެއްވެސް ނީވޭ ދާއިރާ އެއްކޮއް ލިބުނީމާ ހަނދުމަފުޅު ނެތުނީތޯ
ގުންޑާ ރާޖާ19
16 April 2019
ބަލަގަ ދެން މަޑުކޮއްބަލަ ލޯކަލް އިންތިހާބު އަންނަންދެން އޭރުގަ ފްލައިޓް ފުނަދޫމަތިން ދަތުރުކުރާ މަންޒަރުފެންނާނެ. އަދި އެބައޮތް ނިޒާމުބަދަލުކުރާ ވޯޓުވެސް ބޯކޮށް ވޯޓުއަޅާ ބޮޑުވަޒީރުކަން ދެވޭގޮތަށް ވޯޓުދޭތި. އޭރުން އެޖެންޑާ19 ފުއްދަދެވޭނީ.
ދޮންމަނިކެ
16 April 2019
ވެރިކަމާ ހަވާލުވިތާ ހަމަސްފަހުން އަދި ބަޔަކު ހޯދަން ހިތަށް އެރީވެސް.. ފިނިހަކަ ސުޕީޑު.. ރާއްޖޭގެ ތަރައްގީގެ ހަޔާތުން ބޮޑުތަނުން ބޭކާރުވެގެންދާ 5އަހަރު
ރައްނަމާރި
16 April 2019
އަވަސްއަރުވާލައިގެން ކަންތައްކުރުމަށްވުރެ ވާނުވާބަލާ ތައްޔާރުވެގެން ތަރައްގީގެ މަސައްކަތްތައް ފެށުމަކީ ހަރުދަނާކަމާއެކު ދެވަނަފަހަރަށް އެކަމެއްކުރަން ނުޖެހޭގޮތަށް ކަންތައް ނިންމުމަށް ކޮންމެހެން ބޭނުންތެރިކަމެއް. ފާއިތުވިސަރުކާރުގަ އެއްވެސްކަމެއް ދެވަނަފަހަރަށް ޚަރަދުނުކުރާގޮތަކަށް ކުރެވިފައެއްނެތް. އެއީ ދިވެހި ރައްޔިތުންގެ ލީރި އިސްރާފުކުރުން
ރަށު މީހާ
16 April 2019
ބޮޑު ތަނުން ގެއްލިގެން ދިޔައީ އިންތިހާބަށް ދެދުވަސް ވެފައި ހުއްޓަ އެމަސައްކަތް ފެށުމުން. ނުނިމި ހުރި އެއާޕޯޓް ހުޅުވުމުން. ބޮޑު ތަނުން ވައްކަން ކުރުމުން. އެތައް ބަޔަކަށް ނުހައްގުން އަދަބު ދިނުމުން. ނުހައްގުން ވަޒީފާ ދިނުމުންނާއި ވަޒީފާއިން ވަކި ކުރުމުން. ޖައްބާރުކަމުން
އެހެންތޯ
16 April 2019
ސާބަހޭ ރަންނަމާރި.. ތީހަމަ ކަންކަން ނުވާ މީހުންގެ ޓިޕިކަލް އެކްސްކިޔޫޒް.. މީ ހަމަ ފިނިހަކަ ސަރުކާރެއް.