ޚަބަރު / ޓޫރިޒަމް

ދުނިޔޭގެ އެންމެ ރީތި ޖަޒީރާ ގައުމަކަށް ރާއްޖެ ހޮވިއްޖެ

ރާއްޖެ އަށް ލިބުނު އެވޯޑާ ސަފީރު ޝިއާން އިއްޔެ ހަވާލުވެވަޑައިގަންނަވަނީ.-- ފޮޓޯ: އެމްއެމްޕީއާރުސީ

މަރިޔަމް ސާލިޔާ، މިހާރު

31 އޯގަސްޓް 2016 - 22:27

7 comments

ދުނިޔޭގެ އެންމެ ރީތި ޖަޒީރާ ގައުމަކަށް ރާއްޖެ ހޮވި، ބައިނަލްއަގުވާމީ އެވޯޑެއް ލިބިއްޖެ އެވެ.

ޓޫރިޒަމް ދާއިރާގެ ޚަބަރުތައް ގެނެސްދޭ މަޝްހޫރު މަޖައްލާ ކޮންޑޭ ނާސްޓް އިން ދޭ ރީޑާޒް ޓްރެވަލް އެވޯޑްސްގައި ރާއްޖެ އަށް މި ޝަރަފު ލިބިފައިވަނީ ގްރީކް އައިލެންޑްސް އާއި ބެލެރިކް އައިލެންޑްސް އާއި ސީޝެލްސްއާ ވާދަކޮށްގެންނެވެ.

ލަންޑަނުގެ ހެމް ޔާޑު ހޮޓަލުގައި އިއްޔެ ބޭއްވި ރަސްމިއްޔާތުގައި މި އެވޯޑާ ހަވާލުވެވަޑައިގަތީ، އެމްއެމްޕީއާރުސީން މިއަދު ނެރުނު ބަޔާނެއްގައި ބުނި ގޮތުގައި، އިނގިރޭސިވިލާތުގައި ހުންނަވާ ރާއްޖޭގެ ސަފީރު އަހުމަދު ޝިއާން އެވެ.

މީގެ އިތުރުން، ރާއްޖޭގެ ވަން އެންޑް އޮންލީ ރީތި ރަށް ރިސޯޓަށް ވެސް ވަނީ ދެ ކެޓަގަރީއަކުން އެކި ވަނަތައް ލިބިފަ އެވެ. އެއީ އެންމެ ރަނގަޅު ސްޕާގެ އެވޯޑާއި އިންޑިއާ ކަނޑާއި އެފްރިކާ އަދި މެދުއިރުމަތީގެ އެންމެ ހިތްގައިމު ހޮޓަލުގެ ކެޓަގަރީން ދެވަނަ އެވެ.

މި ކާމިޔާބީތަކާ ގުޅިގެން ޓޫރިޒަމް މިނިސްޓަރު މޫސާ ޒަމީރު ވިދާޅުވެފައި ވަނީ ބަޔާނުގައިވާ ގޮތުގައި، މިއީ އެމްއެމްޕީއާރުސީ އާއި ލަންޑަނުގައި ހުންނަ ދިވެހި ހައި ކޮމިޝަން ގުޅިގެން ކުރި ބުރަ މަސައްކަތުގެ ނަތީޖާ ކަމަށެވެ.

"އަޅުގަނޑުމެން މިތިބީ ދުނިޔޭގެ އެންމެ ރައްކާތެރި އަދި އެންމެ ގިނަ ބަޔަކު ހިޔާރުކުރާ މަންޒިލުގެ ގޮތުގައި ރާއްޖެ ދެމެހެއްޓުމުގެ މަސައްކަތުގައި،" މިނިސްޓަރު ވިދާޅުވެފައިވެ އެވެ.

މަތީ ފަންތީގެ ޓޫރިސްޓުންގެ މެދުގައި އެންމެ މަގުބޫލު މަޖައްލާ، ކޮންޑޭ ނާސްޓް އިން ރީޑާޒް ޓްރެވަލް އެވޯޑްސް ދެނީ އެ މަޖައްލާ ކިޔާ ފަރާތްތަކުގެ މެދުގައި ނަގާ ވޯޓަކުންނެވެ.

ޔޫރަޕްގެ ގައުމުތަކުން ރާއްޖެ އަންނަ ޓޫރިސްޓުން މަދުވެފައި އޮތުމަށް ފަހު އެ މާކެޓް ވަނީ ރަނގަޅު ވާން ފަށާފަ އެވެ. އެގޮތުން، މި އަހަރުގެ މިހާތަނަށް 16،000 އަށް ވުރެ ގިނަ އިނގިރޭސިން ރާއްޖެ އައި ކަމަށް ތަފާސްހިސާބުތަކުން ދައްކަ އެވެ. އެއީ މިދިޔަ އަހަރުގެ އެ މުއްދަތާ އަޅާބަލާއިރު 10 ޕަސެންޓުގެ އިތުރު އަދަދެކެވެ.

އެވޯޑްސް ޓޫރިޒަމް އެމްއެމްޕީއާރުސީ

7 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮން އާމިރު

01 September 2016

އެތެރޭގެ ކަތުތުފަނިއަޅާފަ....މިއީ ކުނި ބިހެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހާމް އިބްރާހިމް

01 September 2016

ގުދުރަތުން ރާއްޖެއަށް ހާއްސަ ސިފަތަކެއް ލިބިގެންވޭ. މިދިޔަ 2000 އަހަރު ތެރޭގައިވެސް ރާއްޖެ ސަލާމަތުން މިއޮތީ ހިކުމަތްތަކެއް ގެ ތެރެއިންކަން ކަށަވަރު. ޗައިނާގެ ގަދީމީ ތާރީޚްގައިވެސް ހިމެނޭ ރާއްޖޭގެ ރަސްގެފާނު (ރަދުން) ޗައިނާގެ ރަސްގެފާނަށް ހަދިޔާ ފޮނުވާ އުޅޭކަމަށް އަދި، ޗައިނާއިން ފޮނުވާ ސީނު ތަށި ރާއްޖޭގެ އެކި ހިސާބުތަކުން އާކިއޮލޮޖިސްޓުންނަށް ފެނިފައިވެސް ވޭ. ހަމަ އެހެންމެ ޝިއަރަތުގައިވެސް، އޮވޭ އިންޑިއާ ކަނޑުގައި އޮންނަ ޖަޒީރާ ރައްތަކެއްގެ ވާހަކަ. އެ އިޝާރާތަކީ ދިވެހި ރާއްޖެކަމަށް ނުވެސްދާނެ. އެކަމަކުވެސް ގުޅުންތަކެއް ހުރިކަމަށް ބެލެވޭ. 1970 ގެ ތެރޭގައި ރަސްމީ ސިފައެއްގެ ފަތުރުވެރިންނަށް މި ރައްތަށް ހުޅުވާލުމުން، ދުނިޔެއަށް ތަޢާރަފްވެގެން ދިޔަނަމަވެސް، ހުރިހާ ޒަމާނެއްގައިވެސް މިރަށްތަކަށް ހުޅަނގުގެ އުޅަނދުފަހަރު އަރާ ހިންހަމަޖައްސާ ހަދާފައިވޭ. އެކަމަކު އެމީހުންގެ އިސްތިއުމާރީ ވަކިތަކުން ރާއްޖެ ސަލާމަތްވީ، އެމީހުންގެ އުޅަނދު ފަހަރު ރާއްޖޭގެ ކަނޑުތައް ހުރަސްކޮށް ދަތުރުކުރުމަކީ އެހާމެ އެޒަމާނުގައި އުދަގޫކަމަކަށްވާތީ. ބައެއް އެންވައިރަމެންޓަލިސްޓުން ބުނަނީ ރާއްޖެ އަޑިއަށް ދާނެއޭ. އެކަމަކު އަޑިއަށް ދާނެނަމަ މިހާރު އޮތީހީ އަޑިއަށް ގޮސްފައި. މާލެވަށައިގެން ބަލާލިނަމަވެސް ބައެއް ސަރަހައްދުތަކުގައި ހުންނަނީ އެންމެ ފޫޓެއް ދޮޅު ފޫޓެއްވަރުގެ އުސްމިނެއް. މިރަށްތައް މިގޮތުގައި ދެމި މިއޮންނަނީ ރާއްޖޭގެ މިސްކިތްތަކުން ކޮންމެ ދުވަހަކުވެސް ބަންގިގޮވަމުން ދާތީކަން ކަށަވަރު. އަދި %100 މުސްލިމް 2 ގައުމުގެ ތެރެއިން އެއް ގައުމަށް ރާއްޖެ ވާތީ...!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިދޫ

01 September 2016

މިގައުމަކީ އަބަދުވެސް ރީތި ގައުމެއް ހިތާމައަކީ މިރީތިކަމުގެ ހަގީގީ ނަފާ ދިވެހި ރައްޔިތުންނަށް ނުލިބޭތީ.މިގައުމުގެ ފަޅުރަށްތަކާ ފަޅުތަކާ ފަރުތަކުގެ ވެރިންނަކީ ދިވެހި ރައްޔިތުން.