ފެހެންދޫ ކުދިން ދަތުރު ކުރާ ޑިންގީ: އެ ޑިންގީގެ ސަތަރި ހަލާކުވެ ފެން ހިޔާނުވާ މައްސަލަ ވަނީ ދިމާވެފައި--
18 އެޕްރީލް 2019 - 15:56
24 comments
އާބާދީ ކުޑަވުމުން ސްކޫލު ބަންދުކޮށްފައިވާ ބ. ފެހެންދޫ ކުދިން ކިޔަވަން ކޮންމެ ދުވަހަކު ގޮއިދު އަށް ކުރާ ދަތުރުގައި ބޭނުންކުރާ ޑިންގީ އަކީ ރައްކާތެރި އެއްޗަކަށް ހަދަން ކުރަން ޖެހޭ ކަންކަން ކޮށްދީފައިވާ ކަމަށް އެޑިއުކޭޝަން މިނިސްޓަރު ޑރ. އައިޝަތު އަލީ މިއަދު ވިދާޅުވެއްޖެ އެވެ.
މިދިޔަ އަންގާރަ ދުވަހު މޫސުން ގޯސްވެފައި ވަނިކޮށް ފެހެންދޫން ކުޑަ ދެ ކުއްޖަކު ގޮވައިގެން އަންހެން ދެ ބެލެނިވެރިޔަކު ގޮއިދުއަށް ދަތުރު ކުރި ގޮތް ފެންނަ ވީޑިއޯއެއް ސޯޝަލް މީޑިއާގައި ވަނީ އާންމުވެފަ އެވެ. އެ ވީޑިއޯއިން ފެންނަނީ ޑިންގީގެ ދެ ފަރާތުން ހާމައަށް އޮތް ތަނެވެ. އަދި ވާރެއިން ހިޔާވާން އެއް ކުއްޖަކު ކޯޓު ލައްވާފައި އިން އިރު، އަނެއް ކުއްޖާ ހިޔާކުރަން ބެލެނިވެރިޔާ ހިފަހައްޓައިގެން އިނީ ކުޑައެކެވެ.
ފެހެންދޫ ކުދިން ދަތުރު ކުރާ ޑިންގީގައި އެޑިޔުކޭޝަން މިނިސްޓްރީން ސަތަރި ޖަހައިދީފައި
އެއް ފަޅެއްގައި ޖެހިޖެހިގެން އޮންނަ މި ދެ ރަށާ ދެމެދު އެ ޑިންގީގައި ކުރާ ދަތުރަށް ނަގަނީ ގާތްގަނޑަކަށް ހަތް މިނިޓެވެ. ކޮންމެ ދުވަހަކު 26 ކުދިން ގޮއިދުއަށް ކިޔަވަން ދެ އެވެ. އެކަމަކު ވީޑިއޯ އިން ފެންނަނީ އޭގެ ތެރެއިން ޕްރީ ސްކޫލްގެ ދެ ކުއްޖަކު ގޮވައިގެން ދަތުރުކުރާ ތަނެވެ.
މިނިސްޓަރު ވިދާޅުވީ، ޑިޒައިން ހުރި ގޮތުން ނަމަ ޑިންގީގެ ކުރިމަތިން ސަތަރި ވައްޓާލުމުން، ލޯންޗު ދުއްވާ މީހާ އަށް ކުރިމަތި ނުފެންނަ ކަމަށެވެ. އެހެންވެ، މިވަގުތު ލޯންޗު ދުއްވަނީ ސަތަރީގެ އެ ބައި ނަގައިގެން ކަމަށް ޑރ. އައިޝަތު ވިދާޅުވި އެވެ.
ޑރ. އައިޝަތު ވިދާޅުވީ، މިދިޔަ އަހަރުގެ ނޮވެމްބަރު މަހު މިނިސްޓްރީއާ ހަވާލުވެވަޑައިގަތުމަށް ފަހު، އެ ޑިންގީގައި ސަތަރި ޖަހައި ހިޔާކޮށްދީފައިވާނެ ކަމަށެވެ.
"އަޅުގަނޑު މަގާމާ ހަވާލުވުމާ އެކު ތުޅާދޫ ދާއިރާ އިން އެންމެ ފުރަތަމަ އައި ކަމަކީ އެއީ. އެ މައްސަލަ އައުމާ އެކު، ޑިންގީގެ މައްސަލަ އަޅުގަނޑުމެން ވާނީ ހައްލު ކޮށްދީފައި،" ގޮއިދޫ ސްކޫލުން ބަލަހައްޓާ ޑިންގީއާ ގުޅޭ ގޮތުން ޑރ. އައިޝަތު ވިދާޅުވި އެވެ.
މިނިސްޓަރު ވިދާޅުވީ، ޑިޒައިން ހުރި ގޮތުން ނަމަ ޑިންގީގެ ކުރިމަތިން ސަތަރި ވައްޓާލުމުން، ލޯންޗު ދުއްވާ މީހާ އަށް ކުރިމަތި ނުފެންނަ ކަމަށެވެ. އެހެންވެ، މިވަގުތު ލޯންޗު ދުއްވަނީ ސަތަރީގެ އެ ބައި ނަގައިގެން ކަމަށް ޑރ. އައިޝަތު ވިދާޅުވި އެވެ.
"އެކަން ހައްލު ކުރުމަށް އަލިފުށީގެ ޓީމެއް އެބަ މަސައްކަތް ކުރައްވާ،" މިނިސްޓަރު ވިދާޅުވި އެވެ.
ފެހެންދޫ ކުދިން ދަތުރު ކުރާ ޑިންގީ: އެ ޑިންގީގެ ސަތަރިގަނޑުގެ ޒިބު ވަނީ ހަލާކުވެފައި
މަތި ހިޔާކޮށް އަދި މޫސުން ގޯސް ނަމަ ދެ ފަރާތުން ވެސް ހިޔާވާނެ ގޮތަށް ޑިންގީގައި ސަތަރި ޖަހާފައިވެ އެވެ. އެކަމަކު ފެހެންދޫ ކައުންސިލްގެ ރައީސް މޫސާ ނަސީމް ވިދާޅުވީ އޭގެ ޒިބު ހަލާކުވެފައި ހުރުމުން، ދެ ފަރާތުގެ ސަތަރިގަނޑު މިހާރު ބޭނުންނުކުރެވޭ ކަމަށެވެ.
"މިހާރު ޑިންގީގެ ސަތަރިގަނޑު ވެސް އިނީ ހަލާކުވެފައި. އެހެންވެ، ވާރޭ ވެހުނަސް، ކަނޑު ގަދަ ވިޔަސް ހުރިހާ ކުދިން ސްކޫލަށް ދާން ޖެހޭނީ ތެމި ފޯވެގެން،" މޫސަ ވިދާޅުވި އެވެ.
"އިއްޔެ ވެސް މިއަދު ވެސް ސްކޫލަށް އެ ދިޔައީ ތެމިގެން."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެލެނިވެރިއެއް
19 April 2019
ކުދިން އެހެންރަށްރަށައް ސުކޫލަށް ލައިގެން އުޅޭއިރުގަ ކީއްތަ ވާނީ އެކުދިން އެރަށުގަ ހަފްތާ ހަމަވަންދެން ނޫނީ އަހަރު ނިމެންދެން ތިބެވޭނެ ގޮތެއް ހަމަޖައްސާ ލާ ދިނިއްޔާ.. ބެލެނިވެރިންނަށްވެސް އެވަރުކޮއްލެވޭނެ.. ކޮންމެ ސަރުކާރެއްގަވެސް އެމީހުން އެމީހުންގެ ގޮތްދޫކޮއްފަ ކިޔަވާދެން އެއް ފަސް ވެލިއްޔާ ކީއްތަ ވާނީ.. ތިހުރިހާ މަންޒަރެއް ނުދައްކާ..
ދޮންވެލި
19 April 2019
200 މީހުން އުޅޭ ރަށެގަ މަހަކު ފައިސާ ލިބޭނެ ވަރު ނުވިސް ނެނީއެވެ. އުމުރު ދުވަހުން ގެއެއް ހެދުނީއެވެ. ދެން ރަށަކަށް ގޮސް އާދޭސް ކޮށްގެން ބިމެއް ލިބުނަސް ގެ އަޅާނެ ފައިސާ އެއް ނުހުރެއެވެ. ކޮމެންޓް ކުރާ އިރު އެހެން މީހުންގެ ހާލާ މެދު ވިސްނާ ނުލައެވެ. ވ ދެރައެވެ.
ހަސަން ނުވަވަނަ
19 April 2019
އެޖެންޑާ 19 ތާފާތުވާނެ
މިސްރާބު
19 April 2019
"އަޅުގަނޑު މަގާމާ ހަވާލުވުމާ އެކު ތުޅާދޫ ދާއިރާ އިން އެންމެ ފުރަތަމަ އައި ކަމަކީ އެއީ. އެ މައްސަލަ އައުމާ އެކު، ޑިންގީގެ މައްސަލަ އަޅުގަނޑުމެން ވާނީ ހައްލު ކޮށްދީފަ" މިހެން ވިދާޅުވުކަމަށް ލިޔެފައިވޭ. "އިއްޔެ ވެސް މިއަދު ވެސް ސްކޫލަށް އެ ދިޔައީ ތެމިގެން." މިހެންވެސް އެބައޮތް. ޢެހެންވީމަ 4 މަސްވީއިރު މިކަން ހައްލު ނުވި. މީ ހަޤީޤަތަކީ
އެދަތުރު
18 April 2019
ކުޑަކުދިން ގޮވައިގެން ކުޑަ ޑިންގީއެއްގައި ސޮކޫލަށް އެއްރަށުން އަނެއްރަށަށް ގެންދަން ޖެހުމަކީ އެއްދައުލަތެއްގެ ސިފަ ގެއްލިފައިވާ ކަމުގެ މިސާލެކެވެ. ޢެއްބަޔަކު އެއަރކޯން ބަސްގެނެސްގެން ބުރިޖު އަޅައިގެން ދަތުރު ކުރަނީއެވެ. އަތޮޅުތަކުގައި ހުރި ފަޅުރަށްތައް ރިސޯޓް ހަދައިގެން ލިބޭ ފައިދާއެއްގެ ބޮޑުވާހަކަ ދައްކާއިރު. ރަށު ރައްޔިތުން ތުއްތުކުދިން ގޮވައިގެން ކަނޑުމަތީގައި ޑިންގީއެއްގައި. ލާމަރުކަޒު ކުރާށެވެ. މީ ރަށު ރައްޔިތުންނަށް ހައްޤު މިންވަރު ނޫނެވެ.
ޗަންކޫ
18 April 2019
ބަލަ ޑިންގީ އަކީ ކުޑަކުދިން ގޮވައިގެން އެއްރަށުން އަނެއްރަށުން ދަތުރުކުރާ ވަރުގެ އެއްޗެއްނޫނެވެ. އެންމެ ކުޑަމިނުން ލައިފުޖެކެޓެއްވެސް އަޅުވަނީކީނޫން. ކަމެއް ދިމާވީމާ ތިބެ ތެޅިފޮޅިގަންނާނެ. ގައުމަށް ލިބޭހާ ފައިސާ ހަރަދުކުރަން ޖެހެނީ މާލެއަށް އެކަންޏެއް ނޫނެވެ. ތެޅި ފޮޅެނީ މާލޭގައި 25 ބުރިއަށް އިމާރާތް އެޅުމަށާއި ބުރިޖު އެޅުމަށާއި ބުރިބުރިއަށް މާލޭގައި ފުލޭޓް ނޭޅިގެން. އިހުމާލު ކިތަންމެހާވެސް ބޮޑު. މީ ވަކިބައެއްގެ ގައުމެއްނޫނެވެ.
ހުސެންހ
19 April 2019
ބްރިޖް އެއޮތީ އަޅާފަ، 25ބުރިޔައް އެއޮތީ ދަރުމަވަންތަ ހޮސްޕިޓަލްވެސް ދަމާލާފަ. ކިތަންމެ ނުރުހުންވިޔަސް މާލޭގެ 15ގޮނޑި މޑޕ އައްވިއްކާލިޔަސް އޭއީ ނުކޮއްދޭ ކަމެކޭނުބުނެވޭނެ. ދެން ރަސްފަންނަށް ވެލި އަޅައިގެން ޖަޒީރާ ރައްވެފަތިބޭ. ގަޒީރާ ސަރުކާރުން އެއްކަމެއްވެސް ނުކޮއްދޭނެ. އެކަމު އަވައްޓެރި އެންބަސީއިން އޮއްސާލާރިން ދެންއޮންނަ އިންތިހާބުވެސް ފަސޭހަކަމާއެކީ ނަގާނެ. އަތްޖަހަން ތިބޭ
ވިސްނާނުވިސްނާ
18 April 2019
ތިޔަފެންނަނީ ޑިމަކުރަސީއަކީ. އެދާއިރާގައި އާބާދީ ކުޑަ ރައްވީމަ ވޯޓު މިހިއްމެނޫން. ތުޅާދޫފަދަ ބޮޑެތި އާބާދީތަކަށް ސަރުކާރު ވަފުދުތަށް އަދި މެންބަރު ދަތުރުކޮށް ފުލެޓާއި ތޮށިލުމާ ދެން ހުރި ކަމެއްކޮށްދިން. ތިޔަ ލޯންޗެއް އޮތްކަންވެސް އެގުންބާ؟ މިނިސްޓަރަށް ނޭގުންތާ ހިސާން ކެންޕެއިންނަށް ދާއިރާ ހާލަތުބަލަން ދިޔަ މީހާއައްވެސް ނޭގުން. ޢެކަމު ރައްޔެތުންގެ ހާލަތު އެގޭ މެންބަރުން. އެކަމާ އެއްޗެއް ބުނެލަން ވެސް ނުކެރުން. ހޮވުނީމަ ކީކުރަންދޯ
ޢާސިފު
18 April 2019
ފެހެންދޫ ސްކޫލްކުދިންނަށް ހަމްދަރުދީ ވަން. ވަރަށް އަސަރު ކުރާ މަންޒަރެއް މީ. ވިލިގިލީގަ އުޅެފަ އަބަދު ފެރީ އޮންނައިރުވެސް މާލޭގެ ސްކޫލަކަށް ގެންގޮސް ގެނެސް ހެދުމަކީ ވަރަށް ވޭން ހުރިކަމެއް. އެހެންވީމަ ފެހެންދޫ ކުދިން އުޅޭނެ ހާލު ހިތަށް އަރުވާލިޔަސް ލޮލުން ފެން ހިލުވާލާ. މިނޫން ދުވަހެއް ދައްކަވާށި
ދިޔާނާ
18 April 2019
ބަލަ ޖާބިރުގެ ދާއިރާއެއް ނޫނެއްނު އޭނަ ކީއްކުރަން ތިޔަ ކަމާ ވިސްނަންވީ
ގުލިސްތާނު
18 April 2019
ފެހެންދޫ ސްކޫލް ހުޅުވައި އަލުން ކިޔަވާދިނުން އެންމެ ރަގަޅުވާނީ
ހިގޮ
18 April 2019
މިނިސްޓަރ ނިކަންވިސްނަވާ ފިކުރުކޮށްބަލަ"ތިފެރީގަ އެބަހުރިތޯ އަރާ ފޭބޭނެ ގޮތެއް މުޅިންވެސް އޮޅި ހުރަސް ކުރަންނު އެޖެހެނީ ތި ތަންކޮޅެއް ބޮޑުވަރު ކުއްޖަކު މިވީހާ ދުވަހު ޖެޓީއާ ޑިންގީ އާ ދޭތެރެ އަށް ނުވެއްޓުނީ ހަމަނަސީބް