ރިޔާސީ އިންތިޚާބުގެ ތެރޭގައި ޕީޕީއެމްގެ ޖަލްސާއެއް ބާއްވަނީ: އެ ޕާޓީ އަށް ދައުލަތުގެ ބަޖެޓުން ކަނޑައެޅި ފައިސާ ދޫނުކުރި މައްސަލަ ވަނީ ފިނޭންސަށް ހުށަހަޅާފައި.
22 އެޕްރީލް 2019 - 12:26
22 comments
ދައުލަތުގެ ބަޖެޓުން މިދިޔަ އަހަރު ޕީޕީއެމަށް ކަނޑައެޅި ފައިސާ ފިނޭންސް މިނިސްޓްރީން ދޫނުކޮށް ހިފަަހައްޓާފައިވާ މައްސަލަ ސިވިލް ކޯޓަށް ހުށަހަޅައިފި އެވެ.
ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެމްބަރު އަހްމަދު ޝިޔާމް މިއަދު ވިދާޅުވީ އެ މައްސަލަ ކޯޓަށް ހުށަހެޅީ، އެ ފައިސާ ދޫނުކޮށް ލަސްވާ މައްސަލައިގައި ހައްލެއް ހޯދަން ކަމަށެވެ. ޕާޓީގެ ފައިސާ ދޫނުކޮށްގެން އިދާރީ ހިންގުމާއި ޕާޓީގެ ދަތުރުތަކަށް ވެސް ހުރަސްއެޅިފައިވާ ކަމަށް އޭނާ ވިދާޅުވި އެވެ.
"ނިމިގެންދިޔަ މަޖިލީސް އިންތިޚާބަށް ވެސް އެ ފައިސާ ދޫކުރަން އަޅުގަނޑުމެން އެދުނިން. އަދިވެސް އެ ވަނީ ފައިސާ ހިފަހައްޓާފައި،" ޝިޔާމް ވިދާޅުވި އެވެ.
މެމްބަރުން ތިބި އަދަދަށް ބަލައި، ޕީޕީއެމަށް ދައުލަތުގެ ބަޖެޓުން 18 މިލިއަން ރުފިޔާ ކަނޑައެޅި އެވެ. އެކަމަކު ފައިސާ ދޫނުކޮށް ފުރަތަމަ ހިފެހެއްޓީ ޕީޕީއެމްގެ ހިންގުމާ ގުޅޭ ގޮތުން ކޯޓަށް ހުށަހެޅި މައްސަލަތަކަކާ ގުޅިގެން ކަމަށް އިލެކްޝަންސް ކޮމިޝަނުން ވަނީ ބުނެފަ އެވެ.
ޕީޕީއެމްގެ ރައީސްގެ މަގާމުން ކުރީގެ ރައީސް އަބްދުﷲ ޔާމީން ދުރުކޮށް، ޕާޓީ، ކުރީގެ ރައީސް މައުމޫނާ ހަވާލުކޮށްދޭން އާއްމު މެމްބަރަކު ހުށަހެޅި މައްސަލަ ސުޕްރީމް ކޯޓުން ނިންމީ ޔާމީނާ އެއްކޮޅަށެވެ. އެހެންވެ އެ ފައިސާ ދޫކޮށްދޭން އިލެކްޝަންސް ކޮމިޝަނުން ވަނީ ފިނޭންސްގައި އެދިފަ އެވެ.
ޕީޕީއެމަށް ފައިސާ ދޫނުކޮށް ހިފަހައްޓާ ސަބަބާ ގުޅޭ ގޮތުން ފިނޭންސުން އަދި ޖަވާބެއް ނުދެ އެވެ.
އެ ޕާޓީން ބުނެފައިވާ ގޮތުގައި ޕީޕީއެމް ދަރަނިވެރިވެފައި ވަނީ ފައިސާ ހިފަހައްޓައި ދަތިތައް ކުރިމަތިކުރުމުންނެވެ.
ރިޔާސީ އިންތިޚާބަށް ޕީޕީއެމުން ކުރި ކެމްޕޭން ދަތުރުތަކަށް އައިލެންޑް އޭވިއޭޝަނަށް ދައްކަން ޖެހޭ ގިނަ އަދަދެއްގެ ފައިސާ ވެސް އަދި ނުދައްކަ އެވެ. އެ ދަތުރުތަކަށް ޖުމްލަ 4.8 މިލިއަން ރުފިޔާ ހޭދަވި އެވެ. އެއްބަސްވުމާ އެއްގޮތަށް ޕީޕީއެމުން ފައިސާ ނުދެއްކި ކަމުގެ ޝަކުވާ އައިލެންޑް އޭވިއޭޝަނުން، އިލެކްޝަންސް ކޮމިޝަނަށް ހުށަހެޅުމުން މިލިއަނެއްހާ ރުފިޔާ ދެއްކި އެވެ.
ފައިސާ ނުދައްކައިގެން ޕާޓީގެ ރަސްމީ ފޯނު ލައިންތައް ވެސް ދިރާގުން ވަނީ ކަނޑާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
88888
23 April 2019
މިފަހަރު ޕޕމ ބަލިވީ، އެމީހުންނަށް ފައިސާ ނުދީ ހިފަހައްޓައިގެން ކެމްޕެއިން ނުކުރެވި. ލިބުނު ގެއްލުމުގެ ބަދަލު ހޯދަން ކޯޓަށް ދާންވީ. 78 މެންބަރުން × 60މަސް × 85 ހާސް ، ޖުމްލަ 397 މިލިއަން ރުފިޔާ. ސަރުކާރަކަށް މިފައިސާ ދޭކަށް މާ އުނދަގުލެއް ނުވާނެ. ދީބާޖާއަށްވެސް 348 މިލިއަން ރުފިޔާ ދިނީނު. 46 މިލިއަނެއްނު ދޯ.
ހުސަންބޭ
22 April 2019
ޕީޕީއެމަކީ މީހެއް ދޯ!!!
އަލިފުތު
22 April 2019
މީމި އެމްޑީޕީމީހުންގެ ފެންވަރަކީ މިމީހުންކަމެއްކުރަންބޭނުންވެއްޖެއްޔާ އެކަމެއްއެކުރަނީ އިންސާފުން އެ ހެޔޮ ދޭތެރެޖައްސައިގެންވިޔަސް އެހެޔޮ މީހުންގެއަބުރުކަތިލައިގެންވިޔަސް އެހެޔޮކޯޓައްގޮސްގެންވިޔަސް އެހެޔޮނުވިތާކައް ގޭދޮށައްޖަމާވެގެންވިޔަސް އެއީއންސާފުން އެހެންބައެއްތަ އެއީ ބޭއިންސާފުން ބަލަމީ ގިނަޕާތީތައްއެކުލެވޭ ޑިމޮކުރަސީއެއްއޮތްޤައުމެކޭ މިތާގައިދިކޮޅުޕާޓީއެއް އެބައޮތޭ ހިފަހައްޓައިގެންތިއުޅެނީ އެންމެބޮޑުއިދިކޮޅުޕާޓީގެފައިސާތަކޭ އެވަރުނޭންގެނީތަކޮހުންނައް
މުހައްމަދު ހަސަން
22 April 2019
ކޮއްމެ ދުވަހަކު އިހުތިޖާޖައް ނުކުމޭ ލާރި ލިބެންދެން. މިނިސްޓަރާއިގެން ވެސް ދައުވާ ކުރޭ.
މިހާރު
22 April 2019
ކޯޓަށްހުށައަންވީ ހަމައެކަނި ފައިސާހޯދާކަށްނޫން އެކަމުގެ ސަބަބުން ޕާޓީއަށްލިބުނު ގެއްލުމުގެ ބަދަލުހޯދަންވެސް ދައުވާކުރަންޖެހޭ އެތައްހާސް ދިވެހިރަޢިއްޔަތުންނެއްގެ މެމަބަރޝިޕް އޮތްމިޕާޓީގެދަރަނީގެސަބަބުން ޕާޓީއަށްރައިއްޔަތުންކުރަމުންއައިސަޕޯޓް ނެއްލުމާއި ބައިނަލްއަގުވާމީ ދުނިޔޭގައި ޕާޓީ ބަދުނާމުވުމަކީ ލިބުނުގެއއލުމެއް
އަހްމަދު ސަލީމް
23 April 2019
ވަރަށް ރަނގަޅު ވާހަކައެއް. ސަރުކާރުން އަނިޔާވެރިވެ، ޕާޓީގެ އެތަންމެންބަރުންނެއްގެ ހައްޤު ހެއްލުވާލާފައިވަނީ. ބަދަލު ހޯދަން ކޯޓަށް ދާންވީ. ގެއްލުނު ހުރިހާ ގޮޑިއަކަށް، 5 އަހަރު ދުވަހުގެ މުސާރައާއި، ނަފްސާނީ ގޮތުން ލިބުނު ގެއްލުމަށް، ފައިސާއިން ބަދަލު ހޯދުމަށާއެކީ ހުށަހަޅަންވީ. މިއީ ހުރިހާ ދިވެހިންގެ ގައުމެއް، ރީނދޫ ކުލަ ނުޖެހުނަސް ނުޖެހޭނެ އަނިޔާވެރިވާކަށް.
އާދިލ
22 April 2019
ޤާނޫނުއަސާސީގައި ބުނަނީ ކުށެއް ސާބިތުނުވާ ކޮންމެ މީހަކީ ކުށެއްނެތް މީހެއްކަމުގައި ބެލުމުގެ ހައްގު ލިބިގެން ވާކަމަށް. އެހެންވީމާ ޕީޕީއެމްގެ މައްސަލައެއްނެތް. ރައީސް ޔާމީންގެ ވެސް ކުށެއްނެތް. ފައިސާ ނުދީ ހިފަހައްޓަންވީ ޤާނޫނީ އެއްވެސް ހުއްޖަތެއް ނެތް. މިހާރު ތިދެނީ އަނިޔާއޭ ބުނުމުގެ ޙައްޤު އެބައޮތް.
ފފފފފ
22 April 2019
މިގައުމުގެ މީހުން ދަންނައެއްޗެއްނޫން ތިޤާނޫނު ތަކަކީ. އެއީ ފައިން އަރަންވީ އެއްޗެއް. މިގައުމުގެ މީހުން ދަންނަނީ، ރ.ޓީވީ ޤާނޫނު. މިއޮތީ ސްޓޯން އޭޖްގެ ގާނޫނު. އެންމެ ނުބައިކަމެއް ޕްރޮމޯޓް ކުރާ ބަޔަކާއެކު ގިނަމީހުން ތިބޭނީ.
އަލީރާޖާ
22 April 2019
ދައުލަތުގެ ތަންތަނުން ނެގި ފައިސާ ދެއްކީމާ ނޫނީ ނުދޭތި
ފފފފ
22 April 2019
ކޯންޗެއްގަ އޮތް އިންސާފެއް ތިބުނީ؟ މިމީހުނަކީ، މިއީ މަގުމަތިން ހުކުމްކޮށް އިންސާފު ބޭނުންވާ މީހުން. އަނިޔާވެރިވުމަކީ ތިއީ. ހަސަދައާއި، ނުބައިކަން ތި މީހުންގެ ކިބައިގައި ތިވަނީ.
ޢަދުނާނު
22 April 2019
ތިކަމެއް ސާބިތުކޮށްދީބަލަ. ތިހެން ހޯބޯލަވާތާ ކިހާދުވަހެއް ވެއްޖެތަ! އެހެންވެޔޭ މިބުނަނީ ޔާމީނުގެ ކުށެއްނެތޭ. އޮތްނަމަ ސާބިތުކޮށްދޭންވީނު.
މީތި ކަޑަ.
22 April 2019
ކޮރަޕްޝަން ހިމެނޭ ގޮތަށް ނުހައްގުން ފްލެޓް ބެހި މީހުންނާ ދޭތެރޭ ފިޔަވަޅު އަޅައި ފްލެޓް ދޫކުރުމުގައި އިންސާފުވެރި ނިޒާމެއް ގާއިމްކުރުމަކީ، ރައީސް އިބްރާހިމް މުހައްމަދު ސޯލިހްގެ ވެރިކަމުގެ މަސައްކަތުގެ ފުރަތަމަ 100 ދުވަހުގެ ތެރޭގައި ފުރިހަމަ ކުރައްވަން ވެވަޑައިގަތް ވައުދެއ
55555
22 April 2019
ދުވަހަކުވެސް ތި 100 ދުވަސް ހަމަވިކަމަށްވެގެން ނު ތި ވައުދު ފުދޭނީ. ބަހުގެ އިތުބާރެއް އޮތްބައެއްނޫން ތިކިޔަނީ.
ދފސދ
22 April 2019
އައިލޭންޑް އެވިއޭޝަނުން ޓިކެކުގެ އަގު ބޮޑު ނުކޮށް ޕޕމ އިން ލިބެންޖެހޭ ފައިސާ ހޯދުމަށް ކޯޓަށް ދިއުމަށް ގޮވާލަން.
5555
22 April 2019
ޕީޕީ އެމުން ތާކަށް ދައްކަން ހުރި ފައިސާ ހުރުމަކީ، ޕީޕީއެމްގެ ހައްޤަށް އުނިކަމެއް އަންނަންޖެހޭނެ ކަމެއްނޫން. އިންސާފުގެ ވާހަކަ އަނގަފުޅާކޮށްފަ ދައްކާނީ. އެކަމަކު، އިންސާފު މިލިބެނީ ކުލައާއި ވަހާއި ރަހައިން އެކަނި.
ވެއިޓް
22 April 2019
ދައުލަތުން ދޭންޖެހޭ ފައިސާ ނުދީ ހިފަހައްޓަނީ އެއީ ޑިމޮކްރަޓިކް އުސޫލުތަކަށް ވާތީބާ؟... ނޫނީ މައުމޫނަށް ޕޕ ދޭން އިބޫއަށް ވައުދުވެވުނީތީވެ ބާ؟