ލަންކާގައި އިއްޔެ ދިން ހަމަލާއާ ގުޅިގެން ސިފައިން ސަލާމަތީ ކަންކަން ބަލަހައްޓަނީ. --ފޮޓޯ:އޭއެފްޕީ
22 އެޕްރީލް 2019 - 14:55
9 comments
ކޮލަމްބޯ (އެޕްރީލް 22) - ސްރީ ލަންކާގައި ބޮމުގެ ހަމަލާ ދިނީ އެ ގައުމުގެ ހަނގުރާމަވެރި ޖަމާއަތެއް ކަމަށްވާ ނޭޝަނަލް ތައުހީދު ޖަމާއަތް (އެންޓީޖޭ) އިން ކަމަށް ބެލެވޭ ކަމަށް ސަރުކާރުގެ ތަރުޖަމާން ރަޖީތާ ސެނެރަތުނަ ވިދާޅުވެއްޖެ އެވެ.
ހެލްތު މިނިސްޓަރުކަން ވެސް ކުރައްވާ ސެނެރަތުނަ ވިދާޅުވީ އެ ޖަމާއަތަށް "ބޭރުގެ އެހީތެރިކަން" ލިބިފައިވޭތޯ ސަރުކާރުން މިހާރު ތަހުގީގު ކުރަމުންދާ ކަމަށެވެ.
އޭއެފްޕީ ނިއުސް އެޖެންސީ އަށް ލިބިފައިވާ ލިޔުންތަކުން އެނގޭ ގޮތުގައި އެންޓީޖޭ އިން ލަންކާގައި ހަމަލާއެއް ދޭން އުޅޭ ކަމުގެ މައުލޫމާތު ބޭރުގެ ޖާސޫސީ އިދާރާއެއް މެދުވެރިކޮށް ލިބިގެން ފުލުހުންގެ ވެރިޔާ ވަނީ އިންޒާރުގެ އެލާޓެއް ނެރެފަ އެވެ. އެންޓީޖޭ އަކީ ލަންކާގައި އެހާ މަޝްހޫރު ޖަމާއަތެއް ނޫން ނަމަވެސް އެއީ މިދިޔަ އަހަރު ބުޑިސްޓުންގެ ތަންތަނަށް ހަމަލާ ދިނުމުގެ ފަހަތުގައިވާ ހައްދުފަހަނަޅާފައިވާ ޖަމާއަތެކެވެ.
ފުލުހުންގެ ފަރާތުން އޭއެފްޕީ އަށް މައުލޫމާތު ދީފައިވާ ގޮތުގައި މިހާތަނަށް ހައްޔަރުކޮށްފައިވާ 24 މީހުން ވެސް ނިސްބަތް ވަނީ ނޭޝަނަލް ތައުހީދު ޖަމާއަތަށެވެ.
ބޮމުގެ ހަމަލާތަކާ ގުޅިގެން ލަންކާގައި މިރޭ އިން ފެށިގެން ވަނީ ކުއްލި ނުރައްކަލުގެ ހާލަތު އިއުލާން ކުރަން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިޔު5
22 April 2019
އަވައްޓެރި ލަންކާއަަށް ލަސްނުވެ އަމާންކަން ލިބުމަކީ އަހަރެމެން ވ އެދޭކަމެއް. ލަންކާގެ ކުރިއރުމާއި އަމާންކަމަކީ އަހަރެމެން ދިވެހިންގެ އަމާންކަމާ ގުޅިފައިވާ ކަމެއް.
ހުތްކިބަ
22 April 2019
ޑަރޓީ ޕޮލިޓިކްސްގެޒަމާނުގައި ބަޔަކު ފުރޭމްކޮށް ހައްޔަރުކޮށްލުމަކީ، އުދަގޫކަމެއްނޫން. އިންޑިޔާގައި އިލެކްޝަނެއް. ލަންކާއަށް އިލެކްޝަނެއް އަންނަން ކައިރިވަނީ. މިފަދަދަނޑިވަޅެއްގައި އެކިފަރާތްތަކުން ކޮންމެފަދަކަމެއްވެސް ކޮށްފާނެކަމުގައިވެސް ބެލެެވިދާނެއެވެ. އެނގިދާނެތާއެވެ!
ބެޔަ
22 April 2019
މިމީހުން ވ ހަސަދަވެރިވާނެ ގައުމެއްގައި އެގައުމުގެ މީހުން ހަމަ ޖެހިގެން ދިރިއުޅެންޏާ.
ޢަދީބު
22 April 2019
ރެޑިކަލް ދަރުސް ފަތުވާ ތަކުގެ ނަތީޖާ މިފެންނަނީ، ހެޔޮވާހަކައެއް ބުނެވިދާނެ އެކަމަކު މަގުސަދު ނުބައިޔާ، ފިތުނަ އުފަފެއްދުން މަގުސަދަކައް ވަނީނަމަ މިކަހަލަ ކަންކަން ކުރާނެ
ދަރުސޭ
23 April 2019
ތިޔަބުނާކަހަލަ ދަރުސު ބައެއްމީހުން ދެނީ ހިލެޔަކުނޫން. ޢެމީހުންނަށް ބޭރުންވެސް އެތެރޭންވެސް ފައިސާ ލިބޭކަމަށްވޭ. އެކަމަކު ނޭނގެނީ އެއީ ކޮން ނިޔަތެއްގަ ކީއްކުރަން ކޮން ދީނެއްގެ ބަޔަކުދޭ ފައިސާއެއްކަން. ބައެއް ގައުމުތަކުން އެކަންކަމުގެ ހަގީގަތް ހޯދާ އެކަހަލަ ޖަމާއަތްތަކަށް އެހީ ލިބޭ މަގުތައް ބަންދުކޮށްފަވެސް އެބަހުރި.
ހޮނޑައިދޫ ބޮޑުދައިތަ
23 April 2019
ތިޔަބުނާދަރުސްގެ މީހުން އެންމެގިނައިން އުޅޭހިމަންދޫއިން މަޖިލިސްގޮނޑިނެގީ އެޖެންޑާ19
ކަރީމުއްދީން ބާޝާ
22 April 2019
ބޯހަލާކު.
ާސަކީނާ
22 April 2019
މުސްލިމުންގެ ނަން ޙަރާބުކޮށް ވެއްޔާ މޮޑެވިއްޖެ މި ހައްދުފަހަނައެޅި މީހުންގެ ސަބަބުން
އަބްދުއްالله
22 April 2019
އެ މީހުން ގެ ސަބަބުން އެކަންޏެއް ނޫން. އޭގެ މީހުން ގިނައީ. ދެން ތި ބުރުގާ އަޅައިގެން ލަންކާގަ އުޅެން ދަތިވާނެ. ޖެހޭނީ ބާލަން.