ހޯމް މިނިސްޓަރު އިމްރާން: ގައުމީ ސަލާމަތަށް ނުރައްކާ ހުރި ކަންކަން ނުފެތުރުމަށް އިލްތިމާސް ކުރެއްވި.---ފޮޓޯ: މިހާރު
22 އެޕްރީލް 2019 - 20:18
12 comments
ސްރީ ލަންކާގައި އިއްޔެ ބޮންތަކެއް ގޮއްވާލައި އެތައް ބަޔަކު މަރާލި ހަމަލަތަކާ ގުޅުވައި ރާއްޖޭގެ ގައުމީ ސަލާމަތަށް ނުރައްކާވާ ފަދަ މައުލޫމާތު ނުފެތުރުމަށް ހޯމް މިނިސްޓަރު އިމްރާން އަބްދުﷲ މިރޭ އިލްތިމާސް ކުރައްވައިފި އެވެ.
މިނިސްޓަރު ކުރެއްވި ޓުވީޓެއްގައި، ހަގީގަތާ ޚިލާފު ވާހަކަތައް ނުފެތުރުމަށް އެދިވަޑައިގެންފައިވި ނަމަވެސް ތަފްސީލެއް ނުދެއްވަ އެވެ. އެދިވަޑައިގަތީ ގައުމީ ސަލާމަތަށް ނުރައްކާވާ ފަދަ އެއްވެސް މައުލޫމާތެއް ފެތުރުމުގައި އެއްވެސް ސިފައެއްގައި ރައްޔިތުން ބައިވެރި ނުވުމަށެވެ.
Sri Lanka gai hingaafaivaa nirubaveri hamalaathakaa gulhigen raajjeyge Qaumi salaamathah nurakkaavaafadha haqeeqathaakhilaaf mauloomaathu fethurumaai efadha mauloomaathu fethurumugai evves sifaehgai baevirivumun ehkibaavethibbevumah emmehai lobuvethi rayyithunnah ilthimaaskuran!
— Imran Abdulla (@ShimranAb) April 22, 2019
މިނިސްޓަރު އިމްރާންގެ ޓުވީޓު
ލަންކާގެ އެކި ތަންތަނުގައި އިއްޔެ ދިން ބޮމުގެ ހަމަލާތަކުގައި 290 މީހުން މަރުވެ، 400 އަށް ވުރެ ގިނަ މީހުން ވަނީ ޒަހަމްވެފަ އެވެ. އެ ހަމަލާތަކާ ގުޅިގެން ރާއްޖޭގައި ވެސް ވަނީ ސަލާމަތީ ކަންކަން ވަރުގަދަކޮށްފަ އެވެ.
ލަންކާގެ ހަމަލާތަކަށް ފަހު ރާއްޖޭގެ ސަލާމަތީ ބާރުތަކުން އިއްޔެ ބޭއްވި ނޫސްވެރިންގެ ބައްދަލުވުމުގައި، ލަންކާގައި ދިން ޓެރަރިސްޓް ހަމަލަތަކާ ގުޅިގެން ބައެއް ދިވެހިން ޓެރަރިޒަމަށް ހިތްވަރު ލިބޭ ފަދަ ގޮތަކަށް ވާހަކަ ދައްކަމުންދާ ކަމަށް ބުނެފައިވެ އެވެ. އެ މީހުންނާ ދެކޮޅަށް ފިޔަވަޅު އަޅާނެ ކަމަށް ވެސް ސަލާމަތީބާރުތަކުން ވަނީ ބުނެފަ އެވެ. ރާއްޖޭގެ، ނޭޝަނަލް ކައުންޓާ ޓެރަރިޒަމް ސެންޓަރު (އެންސީޓީސީ) އިން މިއަދު ބުނީ ލަންކާގައި ދިން ޓެރަރިސްޓު ހަމަލަތަކުގައި ދިވެއްސެއްގެ ބައިވެރިވުމެއް މިހާތަނަށް ނެތްކަން ބޭރުގެ ފަރާތްތަކުން ކަށަވަރު ކޮށްދޭ ކަމަށެވެ.
ލަންކާގެ ބައެއް ފައްޅިތަކާއި ޓޫރިސްޓް ހޮޓާތަކަށް، އަމިއްލަ އަށް މަރުވެގެން ދިން މި ހަމަލާތަކާ ގުޅުން ހުރި ކަމަށް ތުހުމަތުކުރެވޭ 24 މީހަކު މިހާރު ވަނީ ހައްޔަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
23 April 2019
ޙުކުރު ހުތުބާ ރެގިއުލޭޓު ކުރެވޭ، ކީވެތަ ދަރުސު ތައް ރެގިއުލޭޓު ނުކުރެވެނީ، ގަދަ ނިދީގައިވާ އިސްލާމިކް މިނިސްޓުރީ ހޭލައްވަން ވެއްޖެ
އެލެކްސް އަހުމަދު
23 April 2019
އިމްރާންއަކީ ވެސް އެއްއިރެއްގަ އެބާވަތުގެ ވާހަކަދެއްކުމުގަ ކުޅަދާނަ މީހެއް. މަގާމްގަ ދެން މާގިނަ ދުވަހަކު ހުރެވިދާނެ ކަމަށް ނުދެކެކޭތި.
ސަނީދް
23 April 2019
މީނަ 0 ގޮނޑިޔާއެކުވެސް ލީޑަރެކޭ ކިޢާފަ މަގާމުގަ ހުންނާތީ ހިނި އާދޭ !!
ކަނބާއައިސަާ
23 April 2019
މީގަ ގައުމު އިސްވާން ޖެހޭ، ހަމަ އެގޮތަށް ހައްދު ފަހަނަ އަޅާފައި ތިބޭ މީހުން އިންޓެލިޖެންސް އިދާރާތަކަށް އެނގޭނެ ކަމަށް މިބަަލަނި، އެމީހުން ދޫކޮށްލާފައި ބޭތިއްބުމަކީ ވަރަށް ނުރައްކާތެރިކަމެއް ކަމުގައި ދެކެން،
Aisha
23 April 2019
މީނަ އަރާ ބޮޑު މައިކު ނަގައިގެން ބޭނުން އެއްޗެއް ކީއިރު ނޭގެދޯ އެޔެއް މިޔެއް،
އައިސް
23 April 2019
މުޅިދިވެހިރާއްޖޭގައި އޮތީ އެމްޑީޕީ ފިކުރު އެއީހައްދުފަހަނައެޅުންވިޔަސް
އަޙްމަދު
23 April 2019
މިދިވެހި ފަސް ގަނޑުގައި ހައްދު ފަހަނާޅައިފައި ތިބި މަދުބަޔަކު އެބަ އުޅޭ! ޖިހާދޭ ކިޔައިގެން އުޅޭބަޔަކު އުޅޭކަން އެއީ އެންމެން ދަންނަ ސިއްރެއް! ފަރުޞު ފަސް ނަމާދު ނުކޮށް ކުރާނެ ޖިހާދެއް ނޯންނާނެ! އެއީ މުސްލިމުންނަކަށް ނުވާނެ މުސްލިމު ނަމެއް ކިޔުމަކުން! ހޯމް މިނިސްޓަރަކީ ރަނގަޅަށް އިސްލާމް ދިނުގައު މިކަން އޮންނަ ގޮތް އެނގޭ މީހެއްގެ ހައިސިއްޔަތުންނާއި މަޤާމުގެ ހައި ސިއްޔަތުން މިކަމަށް ފިޔަވަޅު އެޅުމަށް ގޮވާލަން!
ނެގުނުކަތީބު
23 April 2019
އެހެންވީމާ ދަޢުލަތުގެ މަތީމަގާމުތަކުގަ ތިބި ހުރިހާ ބޭފުޅުން ފިޔަވައި ދެންތިބީން ދައްކާ ވާހަކަތަކަކީ އެބާވަތުގެ ވާހަކަތާ؟ އެމީހަކަށް ބާރުލިބުނީމާ އެހެން އެންމެންގެ އނަގަމަތީ ޕެޗުއަޅަން ތި ދިމާކުރަނީ.
ޙުސް
22 April 2019
ޢާ ހައްޕުކިޔާ އޭރުން ހައްދުފަހަނަ އެޅި މީހުން މިރާއްޖެއަކު ނޫޅޭނެ
އައްބޭބެ
22 April 2019
ތިފަދަ ވާހަކަ ދައްކާ އެއްބޭފުޅަކީ ކުރީގެ ރައީސް އަދި އެމްޕީ އިލެކްޓް އެލެކްސް އަޙުމަދު.