ބާންކީ މޫން އިއްޔެ ލަންކާ އަށް ވަޑައިގެން ބޮޑު ވަޒީރު ރަނިލްއާ ބައްދަލު ކުރައްވަނީ. --ފޮޓޯ:އޭއެފްޕީ
01 ސެޕްޓެމްބަރ 2016 - 14:45
1 comments
ކޮލަމްބޯ (ސެޕްޓެމްބަރު 1) - އދ.ގެ ސެކްރެޓަރީ ޖެނެރަލް ބާން ކީ މޫން ލަންކާ އަށް މިހާރު ކުރައްވާ ދަތުރާ ދިމާކޮށް ކޮލަމްބޯގައި ހުންނަ އދ.ގެ އޮފީހުގެ ބޭރުގައި މިއަދު މުޒާހަރާކޮށްފި އެވެ.
މުޒާހަރާ ކުރި މީހުން އެއްވީ ލަންކާގައި ދިގު ދެމިގެން ދިޔަ މަދަނީ ހަނގުރާމައިގެ ދުވަސްވަރު އދ. އިން އެޅި ފިޔަވަޅަކީ ކޮބައިތޯ ސާފު ކުރުމަށެވެ. މުޒާހަރާގައި އިސްކޮށް އުޅުނީ ބުޑިސްޓުންނެވެ. އދ.ގެ އިމާރާތަށް ބާން ވަޑައިގަތުމުގެ ކުރިން މުޒާހަރާ ކުރި މީހުން އުޅުނީ އެ އިމާރާތުގެ ދޮށަށް އެއްވުމަށެވެ. ނަމަވެސް ފުލުހުން ވަނީ ބާން ވަޑައިގަތުމުގެ ކުރިން، މުޒާހަރާ ކުރި މީހުން ފަހަތަށް ޖައްސައިފަ އެވެ.
"އދ. ކޮބައިތޯ ލަންކާގައި ހަނގުރާމަ ކުރި އިރު" މުޒާހަރާ ކުރި މީހުން ބޭނުންކުރި ބޯޑެއްގައި ލިޔެފައިވެ އެވެ. މި ބޯޑުގައި ވަނީ ޓައިގަރުން ދިން ބޮމުގެ ހަމަލާގެ ޝިކާރައަކަށްވި މީހެއްގެ ފޮޓޯ ވެސް ހިމަނައިފަ އެވެ.
މުޒާހަރާ އަށް ދިޔަ މީހުން ވަނީ ބާން އަށް ހަވާލުކޮށް ދިނުމަށް އެދި އދ. ގެ އޮފީހަށް ޕެޓިޝަނެއް ހަވާލުކޮށްފަ އެވެ. މި ޕެޓިޝަން ހަވާލު ކުރުމަށް ފަހު ބުޑިސްޓުންގެ އިސް މެންބަރެއް ކަމަށްވާ އަކްމީމަން ދަޔަރަތުނަ ބުނީ ތަމަޅަ ޓައިގަރުން ލަންކާގެ އާއްމުންނަށް ޖާނުންފިދާވުމުގެ ހަމަލާ ދިން އިރު އދ. އޮތީ ބަހެއް ވެސް ނުބުނެ ހިމޭނުން ކަމަށެވެ.
"އެކަމަކު އދ. އިން މިހާރު އެ އުޅެނީ ޓެރަރިޒަމް ބަލިކޮށްލީތީ އަހަރެމެންނަށް އަދަބު ދިނުމަށް،" ހަނގުރާމައިގައި ޖަރީމާތައް ހިންގި މީހުންގެ މައްސަލަތައް އދ. އިން ބަލަން އުޅޭތީ އެކަމަށް އިޝާރާތްކޮށް އޭނާ ބުންޏެވެ.
އދ.ގެ އިމާރާތުގައި ހުރި ފުލުހުންގެ އޮފިޝަލަކު ބުނީ ސުލްހަ ގެއްލޭ ގޮތަށް މުޒާހަރާކުރާ ނަމަ އެއްވުން ރޫޅާލުމަށް ކޯޓު އަމުރެއް ހޯދާފައިވާ ކަމަށެވެ.
މިއަންމާގެ ދަތުރަށް ފަހު ލަންކާ އަށް ވަޑައިގެންނެވި ބާން އިއްޔެ ހަވީރު ވަނީ ބޮޑު ވަޒީރު ރަނިލް ވިކްރަމަސިންހައާ ބައްދަލު ކުރައްވައިފަ އެވެ. އަދި މިއަދުގެ ވަގުތެއްގައި ރައީސް މައިތުރިޕާލާ ސިރިސޭނާއާ ބައްދަލު ކުރައްވާނެ އެވެ.
ލަންކާގައި 1972 އިން 2009 އަށް ހިންގި ހަނގުރާމައިގެ ފަހު ދުވަސްވަރު މަރައިފައިވާ ކަމަށް ބުނާ 40،000 މީހުންގެ މައްސަލަ ބެލުމަށް ޚާއްސަ ކޯޓެއް އުފެއްދުމަށް އދ. އިން ދަނީ ބާރު އަޅަމުންނެވެ. މިދިޔަ އަހަރުގެ ޖެނުއަރީ މަހު ވެރިކަމަށް ވަޑައިގެންނެވި ސިރިސޭނާ ވަނީ ހަނގުރާމައިގެ ތެރޭގައި ޖަރީމާތައް ހިންގާފައިވާ މީހުންނަށް އަދަބު ދެއްވާނެ ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައްޕު
01 September 2016
ސްރީލަންކާގެ ހަގުރާމަ މިހާރު ވަނީ ނިމިފައެއްނުން! ކޮބާ 14 މޭ 1948ގައި އެމެރިކާ އާ އިގިރޭސިންގެ ބާރުގައި ފަލަސްތީނު ބިމަށް ފާކުރުވި ޔަހޫދީން ހަމަ އެ ދެގައުމުގެ މަދަދާއެކު 1950 ފެށިގެން ކުޑައެއް ބޮޑެއް މުސްކުޅިއެއް ބަލި މީހެއް ނުބަލާ މަރަމުން ދިޔުމާ، ގެދޮރު ގޮއްވާލާ އަދި ދަނޑު ބިންތައް ވެސް އަދި އަދަށް ދަންދެން ވެސް ވީރާނާކުރަމުން ދާއިރު ތިބުނާ އަލިފުދާލު؟ ތިޔަ އަލިފުދާލަކީ، ކިޔުބާގެ ފިޑެލް ކާސްޓްރޯ ވިދާޅުވިހެން ހަމަ ފައްކާ ފީކުދާނެއް!