ވައިގެ އަސްކަރިއްޔާގައި ބޭނުންކުރާ ޖެޓްތަކެއް: ރާއްޖޭގައި ވެސް ވައިގެ އަސްކަރިއްޔާއެއް ގާއިމްކުރަން ވަނީ ނިންމާފައި --ފޮޓޯ/ގޫގުލް
01 ސެޕްޓެމްބަރ 2016 - 15:57
18 comments
ރާއްޖޭގައި ވައިގެ އަސްކަރިއްޔާއެއް (އެއާ ފޯސް) އުފައްދަން ނިންމާފައިވާތީ ޕައިލެޓުންނާއި މަތިންދާބޯޓު އިންޖިނިއަރުން ހޯދަން އެމްއެންޑީއެފުން މިއަދު އިއުލާންކޮށްފި އެވެ.
ފުރަތަމަ ފަހަރަށް ރާއްޖޭގައި ސިފައިންގެ އެހާ ފޯސްއެއް އުފައްދަން ސަރުކާރުން ނިންމާފައިވާތީ، ޕާކިސްތާނާއި އިންޑިއާއިން ވަނީ ވައިގެ އަސްކަރިއްޔާގައި ބޭނުންކުރާ މަތިންދާބޯޓުތަކެއް ރާއްޖެއަށް ދޭން ނިންމައިފަ އެވެ. ތިން ފައިޓާ ޖެޓާއި މަތިންދާބޯޓެއް ދޭން އިންޑިއާ އިން ނިންމާފައިވާއިރު ޕާކިސްތާނުން ދެނީ ދެ މަތިންދާބޯޓެވެ.
އެމްއެންޑީއެފުން އިއުލާންކޮށްފައިވަނީ ތިން ޕައިލެޓުންނާއި ހަތަރު އެއާކްރާފްޓް އިންޖިނިއަރުން ހޯދުމަށެވެ. ވަޒީފާ ދާއިމީވުމުން ޕައިލެޓުންގެ މުސާރައިގެ ގޮތުގައި ހަމަޖައްސާފައިވަނީ 20،000ރ. އެވެ. އިންޖިނިއަރުންގެ ވަޒީފާ ދާއިމީ ވުމުން ހަމަޖައްސާފައިވަނީ މަހަކު 18،000ރ. މުސާރައިގެ ގޮތުގައި ދިނުމަށެވެ.
ސަރުކާރުން ބުނީ އެއާ ފޯސްގެ ތަމްރީނުތައް ދިވެހި ސިފައިންނަށް ދޭން އިންޑިއާއިން ނިންމާފައިވާ ކަމަށެވެ.
ރާއްޖޭގެ ވައިގެ އަސްކަރީ ބޭސް ގާއިމްކުރަން ހަމަޖައްސާފައިވަނީ ލ. ކައްދޫ އެއާޕޯޓްގަ އެވެ. އެއީ މިހާރު ވެސް ސިފައިންގެ އޮޕަރޭޝަންސްތަކަށް ބޭނުންކުރާ ތަނެކެވެ.
ދިވެހި ސިފައިން ވައިގެ މަގުން މިހާރު އޮޕަރޭޝަންތައް ހިންގަނީ އިންޑިއާއިން ދީފައިވާ ދެ ހެލިކޮޕްޓަރު ބޭނުން ކޮށްގެންނެވެ. އާންމު ގޮތެއްގައި އެ ދެ ހެލިކޮޕްޓަރު މިހާރު ބޭނުންކުރަނީ ބަލި މީހުން އުފުލުމަށާއި ކަނޑުމަތިން ގެއްލޭ އުޅަނދުތައް ހޯދުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައީދުތުރީ
01 March 2019
މިފެންމަތިވަނީ އެބުނާ މަޖްލިސް 19 ގެބޭނުން ކުރަން ރާވާކަންތައްތައްބާ އަމިއްލަ ފައިމަށްޗަށް ތެދުވެވޭތޯ ސަރުކާރަށް ރުފިޔާއެއްވަންނާނެކަމެއް ކުރެވޭތޯ ރަށްޔަތުން ކުރާމަސައްކަތުން ޖިޒީނަގައިގެންތޯ ތިޔައުޅުއްވަނީހުރިހާ ކަމެއްކުރައްވަން އަނެއްކޮޅުން މިގައުމުގައި ދޭތެރެ ދުރުކޮއް މުޅިދަރިފަސްކޮޅުނައްތާލާފައި މިއޮތީ ދެން އެއަރފޯސް އާއެހެނިހެން މުއައްސަސާޔައް ބޭނުންވާވަރަށް އާބާދީ އިތުރުކުރަން ވީނޫންތޯ މިހާރު މަހަށްދާނެ މީހަކުވެސްނެތް ނަރުސްކަން ކުރާނީކާކތ
މުކައްބަ
03 November 2016
ޖުޑީސރ އެޑްމިން އޮފިށަރަކަށް 18000 ހަނގުރާމަމަތީ ޕައިލެޓަކަށް 15000
ަޢދަމް
02 September 2016
ހާދަ ކުޑަ މުސާރައެއް،،،،
ދައްޖާލު - ޗޯރް ސިޓީ
02 September 2016
ކޮންއިރަކުންތޯ ނިއުކުލިއަރ ސައިންޓިސްޓުންނާއި ބައިލޮޖިކަލް ހަތިޔާރު އުފުލޭ އާލާތް ހޯދަނީ. ؟؟
ޓޫޓޫ
01 September 2016
ދިވެހި ޤަވްމަކަށް ފައިޓަރ ޖެޓް ބޭނުމެއް ނުވޭ! މިއީ ހަނގުރާމަ ކުރަން ޖެޙޭނެ އަދި ކައިރީގަތިބި ޤަވް ތަކާ ޢަސްކަރީ ގޮތުން އަރާ އަރަފޯދޭ ބައެއް ނުން. ޢެއަށްވުރެ މާމުހިއްމު ރަގަޅު ކެމެރާ ނިޒާމެއް ހަރުކޮށްފަ ކޮންމެ ސަރަހައްދަކަށް އަންމޭން އޭރިއަލް ވެހިކަލް ހޯދާފަ އެޢާ އެކު މަސަތްކަތް ކުރާނެ ރަގަޅު ކޯސްޓް ގާޑް ވެސެލްއެެއް ބޭއްވުން.... ބޭކާރު ބަޖެޓް އާ ނުބައްދަލް ޚަރަދެއް ކޮބާމަޖްލިސް؟؟؟؟؟؟؟
އެމްސް
01 September 2016
މިދާ ރޭޓުން އަނެއްކާ ނޯތުކޮރެއާއަށް އޮތް ބިރަކަށް ރާއްޖެ ނުވާނެބާ؟ ސަރުކާރުން ބޭނުންވީމަ ހަމަ ކޮންމެ ކަމެއްވެސް ކުރަންވީ، ދޯ؟ ޤާނޫނު އަސާސީ އެއް ހަދާހެން ތަރައްޤީގެ މާސްޓަރ ޕްލޭން އެއް އެކުލެވެން ވެއްޖެކަމަށް ދެކެން، އެހެންނޫނީ ހަމަ ވެރިމީހާ ބޭނުންވީމަ ޤައުމު އަދި ބޭނުން ނުވިޔަސް ބޭނުންކަމެއް ހަމަ ކުރަމުން ދެވޭނެ!
އަލިފުއަލިފު
01 September 2016
ޕައިލެޓުންގެ މުސާރަ އަދި މާބޮޑު. 5500ރ ރަނގަޅުވާނެ
ރޯނުއެދުރު
01 September 2016
ބަލަ އަލީ ތިޔަ ބުނާރަތްޔިތަކަށް ހެވެން އެދިގެން އުޅުން އެއްވެސް ވެރިޔެއ ދައްކަބަލަ...ކިތަށް ރަށުގަ ރަތްޔިތުންނަށް ސާފުބޯފެން ނަރުދަމާ..މިހެންގޮސް މަގުތަކ ތާރު ޓުރީ ޓޮޕް ފަދަ ހަސްފަތާލުތަށް ގާއިމް ކުރަމުންއަންނަކަން އިނގޭތަ..ދެން ބުނޭ ސަރުކާރު ޕުރޮމޯތްކުރަނިއްޔޭ އަވަހަށް؟؟
މުހައްމަދު
01 September 2016
މުސާރަ ހާދަ ކުޑައޭ
ރޯނުއެދުރު
01 September 2016
މިވަރު ޖަހާފަ އިނަސް އަސްލުމުސާރަ ބޮޑުވާނެ ޕައިލެޓުންގެ
އުދުހޭ
26 January 2017
ވަކި މީހަކު މިނިފަ އޮތިއްޔާ ބޮޑު މުސާރެއް ޖެހީމަ އެހެންމީހުން އެޕްލައިކުރާނެދޯ؟!
ރޯނުއެދުރު
01 September 2016
މިކަމާވެސް ފާޑު ކިޔާނެ ބަޔަކު ތިބޭނެ..ސަބަބަކީ އެބައި މީހުން ސަޕޯޓް ކުރާ މީހާ ވެރިކަމު މިކަން ނުކުރީމަ..ނަމަވެސް ރިއަލިޓީއަކީ ރައީސް ނަޝީދުކަން ފެއްޓެވީ ވައގެ އަސްކަރިއްޔާ އެއްއުފައްދަން..އަދި ދަންނަވަންއައިހެވަންް ތަރައްގީކުރެވުނީމަ އެ ޗެނަލުން ދަތުރި ކުރާ ބިޔަ މުދާއުފުލާ ތެޔޮ ޓޭންކަރު ފަދައެއްޗެހި އަންނައިރު ވައިގެ އަސްކަރިއްޔާއެއް މުހިންމު ރޢްޖޭގެއީއީޒެޑް ބަލަހައްޓަން...ވަރަށް ތާރީހީ ދުވަހަކަށްވާނެ ދިވެހި ޕައިލެޓުން ތަމްރީނުވެ ވައިގެ އުޅަނދުތަށް ދުއްވަން ފަށާނެ ދުވަހަކީ
އަލީ
01 September 2016
ރާއްޖެއަކަށް އެއާފޯހެއް ބޭނުމެއްނުވޭ. މިހެންމިބުނަނީ މިސަރުކާރަށް ސަޕޯޓްނުކުރާތީކީނޫން. ސަރުކާރުގެ ބަޖެޓުން ޚަރަދުކުރާގޮތް އެގޭތީ. ސާފުބޯފެންނުލިބިނގެންއުޅޭބަޔަކަށް ހަތަރުޖެޓަށް ތެޔޮއަޅައިގެން ރާއްޖެވަށާ ޕެޓްރޯލްކުރުމުގެ ގާބިލުކަންލިބޭތަ؟ މިހާރުވެސް ދެކޮޅުނުޖެހިގެން ދައުލަތުގެ ރިޒާވް ތަޅާބުރުވާ ހުސްކުރަމުންދާއިރު އެކަށީގެންނުވާބޮޑެތި ޚަރަދުތައް ނުކޮށް އިގްތިސާދީގޮތުން އަރާއަރަފޯދެންދެން މަޑުކުރިއްޔާ ކީއްތަވާނީ. މިސަރުކާރެކޭ އަލަށް ކްރެޑިޓްކާޑެއް ލިބިގެން ވާނުވާޏޭގި ވިޔަފާރިކުރާ ކޒުވާންކުއްޖެކޭ އެއްފަދަ. ޒުވާންކުއްޖާވެސް މާބޮޑަށް ދުރަށްވިސްނާނެކަންނޭގެ.