ލަންކާގެ ބައެއް މިސްކިތްތަކުގައި އިއްޔެ ހުކުރު ނަމާދު ކުރިއަށް ދިޔަ އިރު ސިފައިން ސަލާމަތީ ކަންކަން ބަލަހައްޓަނީ. --ފޮޓޯ:ރޮއިޓާސް
27 އެޕްރީލް 2019 - 10:57
9 comments
ކޮލަމްބޯ (އެޕްރީލް 27) - ސްރީ ލަންކާގައި މިދިޔަ އާދީއްތަދުވަހު ދިން ބޮމުގެ ހަމަލާތަކާ ގުޅިގެން ޝައްކުކުރެވޭ މީހުން ހޯދަން އެ ގައުމުގެ ފުލުހުން ހިންގި އޮޕަރޭޝަނެއްގައި ހަނގުރާމަވެރިން ކަމަށް ތުހުމަތު ކުރެވޭ ބަޔަކާ ދެމެދު ހިނގި ކުރިމަތިލުމެއްގައި 15 މީހުން މަރުވެއްޖެ އެވެ.
ލަންކާގެ ނޫސްތަކުން ބުނީ އެ ގައުމުގެ ދެކުނުގައިވާ ބަޓިކަލޯލާގެ ސައިންތަަމަތުތޫ ނަމަކަށް ކިޔާ ސަރަހައްދުގައި ފުލުހުންނާ ހަނގުރާމަވެރިންނާ ދެމެދު ބަޑީގެ ހަމަލާތައް ބަދަލުކުރި ތަނުން މަރުވެފައިވާ 15 މީހެއްގެ ހަށިގަނޑު ފެނިފައިވާ ކަމަށާއި އޭގެ ތެރޭގައި ހަ ކުޑަކުދިންނާއި ތިން އަންހެނުންގެ ހަށިގަނޑު ހިމެނޭ ކަމަށެވެ.
އެ ކުރިމަތިލުންތައް ހިނގީ އީސްޓާ ހަމަލާތަކުގެ އެންމެ އިސް މީހާ ކަމަށް ބެލެވޭ ޒަހްރާން ހާޝިމީގެ ގެޔާ ދުރުނޫން ހިސާބެއްގަ އެވެ.
އީސްޓާ ހަމަލާއާ ގުޅުން ހުރި ކަމަށް ތުހުމަތުކުރެވޭ މީހުން ހޯދަން ލަންކާ ފުލުހުން އަންނަނީ އެ ގައުމުގެ އެކި ސަރަހައްދުތަކުގައި ވަރުގަދަ އޮޕަރޭޝަންތަކެއް ހިންގަމުންނެވެ. އެގޮތުން ހިންގި އެހެން އޮޕަރޭޝަނެއްގައި ލަންކާ ފުލުހުން ވަނީ އިސްލާމިކް ސްޓޭޓް (އައިއެސް)ގެ ދިދަތަކަކާއި ހަތިޔާރުހަދަން ބޭނުންކުރެވިދާނެ ތަކެތި ހޯދާފަ އެވެ.
ލަންކާގައި އިތުރު ޓެރަރިސްޓް ހަމަލާތަކެއް ދީފާނެ ކަމަށް ބެލެވޭ ކަމަށް ބުނެ ލަންކާގައި ތިބޭ އެމެރިކާ ސަރުކާރުގެ މުވައްޒަފުން އެ ގައުމު ދޫކޮށް ދާން އެމެރިކާއިން ވަނީ އަންގައިފަ އެވެ. އެމެރިކާގެ ސްޓޭޓް ޑިޕާޓްމަންޓުން ބުނީ ލަންކާގައި ހަމަލާތައް ދޭން ޓެރަރިސްޓް ގްރޫޕްތަކުން ރާވަމުން އަންނަ ކަމަށާއި ކޮންމެ ވަގުތަކު ވެސް ހަމަލާތަކެއް ދީފާނެ ކަމަށެވެ.
އެގޮތުން ދޭ ހަމަލާތައް ޓޫރިސްޓުން ގިނައިން އުޅޭ ތަންތަނަށާއި ދަތުރުފަތުރުގެ ނިޒާމާއި ހޮޓާތަކާއި އަޅުކަން ކުރާ ތަންތަނަށް އަމާޒުކޮށްފާނެ ކަމަށް ވެސް އެމެރރިކާގެ ސްޓޭޓް ޑިޕާޓްމަންޓުން ނެރުނު ބަޔާނުގައި ބުންޏެވެ.
ނަސޯރާއިން އީސްޓާ ފާހަގަކުރަނިކޮށް މިދިޔަ އާދީއްތަ ދުވަހު ލަންކާގެ ހޮޓާތަކަކަށާއި ފައްޅިތަކަކަށް ދިން ބޮމުގެ ހަމަލާތަކުގައި 200 އަށް ވުރެ ގިނަ މީހުން މަރުވެ 300 އަށް ވުރެ ގިނަ މީހުން ޒަހަމްވި އެވެ. އެހަމަލާތަކުގެ ޒިންމާ އައިއެސް އިން ވަނީ އުފުލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުސެން
28 April 2019
ޚޮން އެމެރިކާއެއް އެބަގަ ފޮނުވާލާ ތިކަމުގެ އަޑިގައި ތިބަގަ ނުވާކަމެއްވެސް އަދިނޭނގެ އަދި ކޮބާ އިންޑިއާގެ ތަމަޅައިން ނައޓާފަ ދާނެ އެކޭ އެއްވެސް މީހަކައް ގަބޫލު ނުކުރެވޭނެ ކަމައް ފެނޭ
ދަމާސް
27 April 2019
ހަކީމު މިއީ ހާދަސިޔާސީ މީހެކޭދޯ އެމްޑީޕީ އެމްޑީޕީ މިހެންކީމަ ކަލެއަށްވަނީ ކޮނމޮޅެއް 7 އަހަރު ފަހުން ހިނެމިލެވުނީމަ ހަމައިސްކޮޅުގަ ހުރެވޭނީ ކިތައްއަހަރުކަމެެއް އަދި ނުއެގެ ފަހަރުގައި ދެންނަގާރާޅުގެ ހޮޅިދަށުގައި 10 އަހަރުވެސް ތިބެންޖެހިދާނެ އަދި ނުފުއްޕާ
ޓޮލެރެންސޭއުޅެނީ
27 April 2019
ލަންކާގެ މަޝްރަހު ދާނީ ދުވަހުން ދުވަހަށް ގޯހުން ގޯހަށް ސިޔާސީ އިސްމީހުން ސީދާ އެކަން މުސްލިމުންނަށް ޓާރގެޓް ކޮށް މުސްލިމުންނަށް އިގްތިސާދީ ގޮތުން ދަތި ކުރުމުގެ ފިޔަވަޅު އަޅާ އެމެންގެ މުދާ ދައުލަތަށް ނަގާނެ ކަމަށް ބުނެ އިންޒާރު ދެމުން ދާނަމަ އެއީ ވަރަށް ނުރައްކާތެރި ކަމެކޭ ލަންކާގެ މުސްލިމުން އެއީ ވެސް ލަންކާ ރައްޔިތުންނޭ ތަފާތު ކުރުން ގެންގުޅެން ހެޔޮނުވާނެއޭ މިތަނުގައިވެސް ރަންރީނދުލޭ މެންނަށް ނޫނީ މާލެ ސަރަހައްދުން ފްލެޓެއް ނުދޭންއޭ ޒީރޯ
ރޯނުބެ
27 April 2019
ކޮމެންޓުކުރާއިރު ބައެއް މީހުން، ދާހިލީ ތަޖުރިބާކާރުންނައްވެ، އަނެއްބަޔަކު ދަންނަބޭކަލުންނައްވެ، އަނެއްބަޔަކު ފަލަކީއިލްމުވެރިންނައްވެ، ހަގީގަތަކީ ހުސް ރޯނުއެދުރުން.
ހަމްތުމް
27 April 2019
މިހާރު މިވީ ކޯޗަކަށް؟ އަނެއްކާ މައުސޫމް 15 ފުރާނަ އެދިޔައީ. ހިތާމައިގެ ކޮޅެއް ނެތް.
ހުރަވީ
27 April 2019
ނޭނގޭ ވާހަކަ ނުދައްކާ
ހަސަން ނުވަވަނަ
27 April 2019
އިންޑއާއިން ލަންކާ އަދި ދިވެހިރާއްޖެ އެމީހުންގެ ގައުމުގެ ބައެއްގެ ގޮތުގަ ހަދަންކުރާ ޕްލޭނުގެ އެއްބައި. ތަމަޅައިން ލައްވާ އެތައް އަހަރެެއް ވަންދެން ލަންކާ ހިންދެމުނަނުދީ ބޭއްވީވެސް މި ހީލަތްތެރި އިންޑިއާ އަޑިގަ އޮވެގެން.
ފަލަޑޭ
27 April 2019
ކަލެޔަށް މާބޮޑަށް އެނގެނީ
ހަކީމް
27 April 2019
ޕޕމ ސަޕޯޓަރުން ނަށް ގޮތް ހުސްވެ މިހާރު އަންގާފަ އޮންނަނީ އިންޑިޔާ އިންޑިޔާ ނޫން އެއްޗެއް ނުކިޔަން. އެހެންވެ ކޮމެންޓެއް ލިޔާއިރުވެސް އިންޑިޔާ އިންޑިޔާ މިލިޔެވެނީ.