އެންޓި ކޮރަޕްޝަން ދުވަސް ފާހަގަކުރަން އޭސީސީގައި މިއަދު ބޭއްވި ރަސްމިއްޔާތުގައި ލުތުފީ ވާހަކަ ދައްކަވަނީ.---ފޮޓޯ: ހުސެއިން ވަހީދު/ މިހާރު
30 އެޕްރީލް 2019 - 14:28
30 comments
އެންޓި ކޮރަޕްޝަން ކޮމިޝަން (އޭސީސީ)ގެ ރައީސް ހަސަން ލުތުފީގެ ރަސްމީ ޗުއްޓީ ހަމަވުމުން ވެސް އޮފީހަށް ވަޑައިނުގަންނަވާތާ ދެ މަހަށް ވުރެން ގިނަ ދުވަސްވެއްޖެ އެވެ.
ލުތުފީ މިދިޔަ ފެބުރުއަރީ މަހުގެ ތެރޭގައި ރަސްމީ ޗުއްޓީއެއް ނަންގަވައިގެން ރާއްޖެ އިން ބޭރަށް ވަޑައިގަތެވެ. ދަތުރަށް ފަހު މާލެ ވަޑައިގަތް އިރު، އޭނާގެ މައްޗަށް ތުހުމަތުކުރެވޭ މަނީ ލޯންޑަރިންގެ މައްސަލައެއްގެ ތަހުގީގު އޮތީ ފަށައިފަ އެވެ.
އެ ތަހުގީގާ އެކު ލުތުފީ އޮފީހަށް ވަޑައެއް ނުގަންނަވަ އެވެ. އެކަމަކު، މުސާރަ ބަރާބަރަށް ހިނގަ އެވެ.
ލުތުފީ އޮފީހަށް ވަޑައިނުގަންނަވާ ކަން އޭސީސީން ކަށަވަރުކޮށްދެ އެވެ. އޭނާ ފޯނު ނުނަންގަވާތީ، އޮފީހަށް ވަޑައިނުގަންނަވާ ސަބަބު ސާފެއް ނުވި އެވެ.
ލުތުފީއާ ދެކޮޅަށް ފުލުސް އޮފީހަށް މައްސަލަ ހުށަހެޅީ، މަނީ ލޯންޑަރިން އާއި ޓެރަރިޒަމަށް ފައިނޭންސް ކުރުން ހުއްޓުވަން އެމްއެމްއޭގައި އުފައްދާފައި އޮންނަ ގައުމީ އިދާރާ، ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) އިންނެވެ. އެ މައްސަލައިގައި ތުހުމަތު ކުރަނީ ލުތުފީ އާއި އިތުރު ބަޔަކު ބައިވެރިވެގެން މަނީ ލޯންޑަރިން ހިންގި ކަމަށެވެ.
އެމްއެމްޕީއާރުސީގެ 1.3 ބިލިއަން ރުފިޔާގެ ޚިޔާނާތާ ގުޅޭގޮތުން އޭސީސީގެ މެމްބަރުން ރައްޔިތުންގެ މަޖިލީހަށް ހާޒިރުކުރި އިރު ވެސް ލުތުފީ ވަޑައެއް ނުގަތެވެ.
ލުތުފީގެ މައްޗަށް މަނީ ލޯންޑަރިންގެ ތުހުމަތު ކުރި އިރު ކުރީގެ ރައީސް އަބްދުﷲ ޔާމީންގެ މައްޗަށް ތުހުމަތުކުރާ ކޮރަޕްޝަންގެ މައްސަލަތަކުން ދިފާއުކޮށްދޭން ގާނޫނާ ޚިލާފަށް ލުތުފީ އަމަލުކުރެއްވި ކަމަށް ތުހުމަތު ކުރެ އެވެ. އެމްއެމްޕީއާރުސީގެ ހިޔާނާތް ބަލަން އޭސީސީން ހިންގި ތަހުގީގުގައި ވެސް ލުތުފީ އަމަލުކުރެއްވީ އެއް ބަޔަކު ތުހުމަތުކުރާ ގޮތުގައި، ކޮރަޕްޝަންގެ ތުހުމަތުތަކުން ޔާމީނަށް ސަލާމަތްވެވޭނެ މަގު ފަހިވާ ގޮތަށެވެ. އެއް ކަމަކަށް، އޭސީސީ އަށް ގާނޫނީ ބާރު ލިބިގެންވީ ނަމަވެސް އެއް މިލިއަން ޑޮލަރު ޖަމާކުރި ޔާމީންގެ އެކައުންޓް ފްރީޒްނުކޮށް، އެސްކްރޯ އެކައުންޓެއް ހުޅުވައި ފައިސާ ޖަމާކުރަން އެއްބަސްވުމެއް ހެދުމެވެ. ބައެއް ވަކީލުން ވިދާޅުވާ ގޮތުގައި، ޔާމީނާ އެކު އެސްކްރޯ އެކައުންޓެއް ހުޅުވުމަކީ ގާނޫނީ ގޮތުން އޭސީސީ އަށް ކުރެވޭނެ ކަމެއް ވެސް ނޫނެވެ. އެ ކޮމިޝަނަށް އޮތް ގާނޫނީ ބާރަކީ، ޔާމީންގެ އެކައުންޓަށް ފައިސާ ވަދެފައި ވަނީ އެސްއޯއެފް އިން ކަން އެނގުމާ އެކު އެ ފައިސާ ފްރީޒް ކުރުން ކަމަށް އެ ބޭފުޅުން ވިދާޅުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިކަލޯ
01 May 2019
ކިހާ މަޖާކަމެއް ތިކަހަލަގެ މީހުން ތިބެގެން ތައްޔަތުންނައް ހުރިހާ ދުށްޕާނެއް މިޖެހެނީ
ތުނިޔަ
30 April 2019
ލުތުފީ ކިހާ ނަޒާހަތްތެރިވީމަތޯ މަސައްކަތެއް ނުކޮށް މުސާރަ ނަންގަވަން ކެރިވަޑައިގަންނަވާނީ!
އަލިފުޅު3
30 April 2019
ހުޅުމާލެ ސިނަމާލޭގަ ފިލްމު ބަލަން އިނީ ކަމަށް ވެދާނެ. ކޮންމެސް ކުއްޖަކު ސިނަމާ ޗެކް ކޮށްލަބަލަ!
އުދުހޭ
30 April 2019
އިންޓަރޕޯލް ރެޑް ނޯޓިސް ނެރޭކަން ޒީރޯޓޮލެރެންސް ސަރުކާރަކަށް ނުކެރޭތަ؟
ސަދޮރު
01 May 2019
މޮޔަޔާ... ލުތުފީ އެބަހުއްޓޭ މާލޭގަ. ދެން ކޮން އިންޓަރޕޯލް ރޭޑް ނޯޓިސްއެއްތަ ނެރެން ޖެހެނީ! ކަންކަން ދަސްކޮށްގެން ވާހަކަ ދައްކަބަލަ.
އަސްލު
30 April 2019
ލުތުފީގެ އަނބިކަނބަލުންނަކީ ތަނަވަސް ބޭފުޅެއް, ފައިސާ ގެ ތަނަވަސްކަން ހުރި ބޭފުޅެއް, ޙަޤީގަތް ނުބަލައި ހިތަށް އެރި ގޮތަކަށް ވާހަކަދައްކަން ހެޔޮނުވާނެ,
އެޓޮމް
01 May 2019
ލުތުފީ ނެންގެވި ފައިސާ ކޮބައިތޯ ވަޒީފާއަށް ނުގޮސްނެގި މުސާރަކޮބައިތޯ
ކަނބިލި
30 April 2019
އާދައިގެ ދިރިއުޅުމެއް އުޅުނު އެބޭފުޅާއަކީ މިއަދު ބޮޑު މުއްސަންޖެއް! މިނިވަން ބައެއް މުއައްސަސާތަކުގެ އިލެކްޝަން ކޮމިޝަން ފަދަ ކޮމިޝަންތަކުގެ މެންބަރުން ފައިސާއާމެދު ވިސްނާކަށް ނުޖެހޭ. އެއީ އެބޭފުޅުންތަކުގައި ގިނަ އެއްޗެއް.މެލޭޝިއާ ފަދަ ގައުމުތަކުގައި ވިއްލާތައް އެބަހުރި. މިއީވެސް "ސްޓީލިންގ ޕެރަޑައިސް"
ކާނި
30 April 2019
އޭނާ ނުފިލާ. އޭނާ ދިޔައީ ޕަދުމާވަތު ބަލަން
ދަފްތަރު
30 April 2019
ވަޒީއަށް ނުގޮސް މުސާރަ ލިބޭނަމަ ވަޒީފާ ދިއުމުގެ ބޭނުމެއްނެތްތާ. މުސޮރުގެ ނުނުކުންނަ ހުރިހާ ދުވަހަކަށް މުސާރަ ކަޑަންޖެހޭ. ނޫނީ ތީ ރައްޔިތުންނަށް ދޭ އަނިޔާއެއް.
އަސްލު
30 April 2019
ލުތުފީގެ މެމްބަރުކަން ފެބްރުއަރީ 2019 އަށް ހަމަވެއްޖެ ދެން އިތުރަށް ވަޒީފާއަށް ނިކުންނާކަށް ނުޖެހޭނެ. މި ކޮމެންޓް މިހާރުގައި ޖަހައިދިނުން ވަރަށްބޮޑަށް އެދެން.
ބަބުރުލް ސަލީމް
30 April 2019
މިހާބޮޑެތި ތުހުމަތުގައިވާމީހުން ވަޒީފައިގައި ބައިތިއްބާތަ؟ މީތަ އިންޓަނޭ ޝަލް ބެސްޓް ޕުރެކްޓިސްއަކީ؟ މީތަ ޒީރޯ ޓޮލަރެންސަކީ؟