"މީން ގާލްސް" އަށް 15 އަހަރު ފުރުން ފާހަގަކުރަން ފިޔާތޮށި ދުވަހެއް

"މީން ގާލްސް" ގެ ޕޯސްޓަރެއް: މިއީ މީގެ 15 އަހަރު ކުރިން ރިލީޒް ކުރި ފިލްމެއް.

އަހުމަދު އަދްޝަން، މިހާރު

01 މެއި 2019 - 08:07

ފުރާވަރު އަންހެން ކުދިންތަކެއްގެ ވާހަކަ ކިޔައިދިން ހޮލީވުޑްގެ މަޝްހޫރު ފިލްމު "މީން ގާލްސް" ރިލީޒް ކުރިތާ 15 އަހަރު ފުރުން ފާހަގަކުރަން ލަންޑަނުގެ ރެސްޓޯރަންޓަކުން އެތަނުގެ އެއް ދުވަހުގެ މެނޫ "ފިޔާތޮށިކޮށްލައިފި" އެވެ.

އެޕްރީލް، 30، 2004 ގައި ރިލީޒް ކުރި ފިލްމުގެ 15 ވަނަ އަހަރީ ދުވަސް ފާހަގަކުރަން މެނޫ ފިޔާތޮށީކޮށްލީ ލަންޑަނުގައި ހިންގާ "ޓްވިސްޓެޑް ލަންޑަން" ރެސްޓޯރަންޓުންނެވެ. އެގޮތުން މިއަދު (މެއި 1) އެތަނުން ލިބޭ ކާނާތަކާއި ބުއިންތަކުގެ މައިގަނޑު ކުލައިގެ ގޮތުގައި ހުންނާނީ އަންހެނުން އެންމެ ގަޔާވާ ކަމަށް މަޝްހޫރު ފިޔާތޮށި ކުލައިގަ އެވެ.

We PROMISE no hot dogs were made out with during the making of this 😜

You can munch this vegan dawg with crispy onions, pickled red cabbage and edible glitter for ONE DAY ONLY on 1st May (Wednesday, of course) 💁🏼 ‍any guesses on the 15th anniversary we'll be celebrating? 🎀 pic.twitter.com/XyfXKfJ2aD
— Twisted London (@Twisted_London) April 25, 2019

"ޓްވިސްޓެޑް ލަންޑަން" އިން ވަނީ ފިޔާތޮށި ކުލަ ހިމަނައިގެން ތައްޔާރުކޮށްފައިވާ ބައެއް ކާ އެއްޗެހީގެ ފޮޓޯ އާއި ވީޑިއޯ ޓްވިޓާ އާއި އިންސްޓަގްރާމްގައި ވެސް ހިއްސާކޮށްފަ އެވެ.

Ladies and gentlemen, meet 'Fetch Cheesy Fries' - delicious, pink and oh so glittery 😏✨ Topped with a pink three cheese sauce, chives and edible glitter 😍

Available for ONE DAY ONLY next Wednesday 1st May from our Bethnal Green site 🔥 pic.twitter.com/0WVS0NsrrD
— Twisted London (@Twisted_London) April 27, 2019

މާކް ވޯޓާޒް ޑައިރެކްޓް ކުރި "މީން ގާލްސް" އަކީ އެ ރިލީޒް ކުރި ދުވަސްވަރު ޒުވާން އަންހެނުންގެ މެދުގައި ވަރަށް މަގުބޫލުވި ފިލްމެކެވެ. އޭގެ މައިގަނޑު ތަރިންނަކީ ލިންޒީ ލޯހާން، ރެޗެލް މެކްއެޑަމްސް، ޓިމް މިޑޯޒް، އަނާ ގެސްޓެޔާ، އެމީ ޕޮއެލާ އަދި ޓީނާ ފީ އެވެ.

ޖުމްލަ 17 މިލިއަން ޑޮލަރުގެ ބަޖެޓަކުން ހެދި "މީން ގާލްސް" އަށް ބޮކްސް އޮފީހުގައި 129 މިލިއަން ޑޮލަރުގެ އާމްދަނީއެއް ލިބުނެވެ.