ޑީޖޭއޭ އިން މިއަދު ބޭއްވި ނޫސްވެރިންގެ ބައްދަލުވުން: ފަނޑިޔާރުން ވަކި ކުރަންޖެހޭނެ ކަމަށް ބުނެ ވާހަކަ ދެއްކުމަކީ ނުފޫޒު ފޯރުވުމުގެ އަމަލެއް ކަމަށް ޑީޖޭއޭ އިން ބުނޭ --ފޮޓޯ/މިހާރު
02 މެއި 2019 - 16:44
19 comments
ވަކި ފަނޑިޔާރުންތަކެއް ވަކިކުރަން ޖެހޭ ކަމަށް ބުނެ ވާހަކަ ދެއްކުމަކީ ފަނޑިޔާރުންނަށް ބިރު ދައްކައި، ނުފޫޒު ފޯރުވުން ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން މިއަދު ބުނެފި އެވެ.
ސުޕްރީމް ކޯޓުގެ ފަނޑިޔާރުން ވަކިކުރަންޖެހޭ ކަމަށް ބުނެ ފާޑު ކިޔައިގެން ބައެއް ވަކީލުންގެ ބަޔާން ނަގައި މައްސަލަ ބަލަން ފަށާފައި ވަނިކޮށް ޑީޖޭއޭ އިން މިއަދު ބޭއްވި ނޫސްވެރިންގެ ބައްދަލުވުމެއްގައި ޖުޑިޝަލް އެކަޑަމީގެ ޗާންސެލަރު އަހުމަދު މާޖިދު ވިދާޅުވީ ކުރިއަރާފައިވާ ހުރިހާ ގައުމުތަކެއްގައި ވެސް ފަނޑިޔާރުންނަކީ މަގާމުގެ ރައްކާތެރިކަން ލިބިފައިވާ ބައެއް ކަމަށެވެ. ސުލޫކާ ޚިލާފް އަމަލެއް ނުކުރާހާ ހިނދަކު ފަނޑިޔާރަކަށް އެ މަގާމުގައި ދެމި ހުރެވޭނެ ކަމަށް އޭނާ ވިދާޅުވި އެވެ. ފަނޑިޔާރަކު ވަކި ކުރެވޭނީ ގާނޫނީ ގޮތުން ވަކި އިޖްރާއާތެއް ފުރިހަމަކޮށް، ވަކި އުސޫލުތަކެއްގެ ތެރެއިން ކަމަށާއި އެފަދަ ކަމެއް ދިމާ ނުވަނީސް، ފަނޑިޔާރުންތަކެއް ވަކި ކުރަންޖެހޭ ކަމަށް ބުނުމަކީ ނުފޫޒު ފޯރުވައި، ބިރު ދެއްކުން ކަމަށް މާޖިދު ވިދާޅުވި އެވެ.
"އެ ޑިއު ޕްރޮސެއް އޮތްތާ އޮއްވައި އޭގެ ބޭރުން، މިވެނި ފަނޑިޔާރަކު ހުރެގެން ނުވާނެއޭ. މިވެނި ފަނޑިޔާރަކު ވަކި ކުރަން ޖެހެއޭ. މިވެނި ފަނޑިޔާރަކު ހައްޔަރުކުރަން ޖެހެއޭ. އެވެނި ފަނޑިޔާރަކު ޖަލަށް ލާން ޖެހެއޭ. މިއީ ފަނޑިޔާރުންނަށް ފަނޑިޔާރު ގެއަށް ބިރު ދައްކައި، ނުފޫޒު ފޯރުވައިި، ވަކި ގޮތަކަށް ފަނޑިޔާރުގެ ބައްޓަން ކުރުމަށް ކުރެވޭ މަސައްކަތްތަކެއް ކަމަށް ނޫނީ ހަމަ ބުއްދި ގަބޫލެއް ނުކުރޭ. އަޅުގަނޑު ހިތުން ތަހުޒީބީ މުޖްތަމައެއްގައި އެއްވެސް މީހަކު ބަލައިގަންނާނެ ކަންތައްތަކެއް ނޫން އެއީކީ،" މާޖިދު ވިދާޅުވި އެވެ.
މާޖިދު ވިދާޅުވީ ކޯޓުތައް ވެސް ހިމެނޭ ގޮތުން ދައުލަތުގެ ހުރިހާ ބާރަކަށް ފާޑު ކިޔުމުގެ ބާރު ރައްޔިތުންނަށް އޮންނާނެ ކަމަށާއި ކޯޓުތަކުން ނިންމާ ނިންމުންތަކާ މެދު ހިތްހަމަނުޖެހޭ ނަމަ، އިލްމީ ގޮތުން އެކަން ކަމަށް ފާޑު ކިޔުމުގެ ބާރު ކޮންމެ މީހަކަށް ވެސް އެބައޮތް ކަމަށެވެ. އެގޮތަށް އިލްމީ ގޮތުން ފާޑު ކިޔައިގެން އެއްވެސް މީހަކާ މެދު ފިޔަވަޅު އަޅާފައި ނެތް ކަމަށާއި އެކަމަކު ފަނޑިޔާރުންނަށް ނުފޫޒު ފޯރުވޭ ގޮތަށް ވާހަކަ ދައްކާ ނަމަ، އެކަމާ މެދު ފިޔަވަޅުތައް އެޅޭނެ ކަމަށް އޭނާ ވިދާޅުވި އެވެ. ދުނިޔޭގެ ހުރިހާ ގައުމުތަކެއްގައި ވެސް އެކަން އޮންނަނީ އެގޮތަށް ކަމަށް މާޖިދު ވިދާޅުވި އެވެ.
"ފަނޑިޔާރު ގޭގެ ހުރުމަތް ކެނޑުމަކީ އެ ތަންތަނުގައި ވެސް ކުށެއް. ފިޔަވަޅު ވެސް އަޅާނެ. އެތަންތަނުގައި ވެސް ކިތަންމެ ވަރަކަށް ފާޑު ކީ ކަމުގައި ވީ ނަމަވެސް އެއީ އިލްމީ ގޮތުން ކިޔާ ފާޑެއް ކަމަށް ވަންޏާ ފިޔަވަޅެއް ނާޅާނެ،" މާޖިދު ވިދާޅުވި އެވެ.
ފަނޑިޔާރަކު ނިންމާ ނިންމުމަކާ ގުޅިގެން އެއްވެސް ފަނޑިޔާރަކު ޖަވާބުދާރީ ނުކުރެވޭނެ ކަމަށް ގާނޫނު އަސާސީގައި އޮންނަ ކަން ފާހަގަ ކުރައްވައި، ކޯޓުތަކުގެ ހުރުމަތް ރައްކާތެރި ކުރުމަކީ ގާނޫނު އަސާސީ އާއި ގާނޫނުތަކުން ހުރިހާ ފަރާތްތަކަށް ވެސް ލާޒިމް ކޮށްފައިވާ ކަމެއް ކަމަށެވެ. އަދި އެ އުސޫލާ ޚިލާފަށް އަމަލު ކުރުމަކީ ރައްޔިތުންގެ ނިންމުމަކާ ދެކޮޅަށް މަސައްކަތް ކުރުން ކަމަށް ނޫނީ ނުވާނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަދަނަ އިބުރޭ
03 June 2019
ހަލާކުވީމައި އެކަން ހައްލުކުރަން އެހަލާކުވެފައިވާ ތަކެތި ބޭނުން ކުރާނެ ގޮތެއް ތިޔަ އިއްޒަތްތެރި ފަނޑިޔާރުން ވިދާޅުވެ ބައްލަވާށެވެ. ތިޔަހެން ތެޅުނު ތެޅުނުހެން ބޭޒާރުވުން ނޫން އެހެންކަމެއް ނުވާނެއެވެ.
ކަކޯލްޑް
03 May 2019
ދިވެހި ރައްޔިތުން ވޯޓުލައިގެން ރައީސުލް ޖުމްހޫރިއްޔާގެ މަގާމަށް ހޮވާ މީހުންގެ އިސްތިއުފާއަށް ގޮވެންޏާ ރައްޔިތުންގެ ބަހެއްނެތި އައްޔަނުކުރެވޭ ބައެއްގެ އިސްތިއުފާއަށްވެސް ގޮވޭނެ.
އަސްލު ހަގީގަތް
03 May 2019
ފަނޑިޔާރަކު ނިންމާ ނިންމުމަކާ ގުޅިގެން އެއްވެސް ފަނޑިޔާރަކު ޖަވާބުދާރީ ނުކުރެވޭނެ ކަމަށް ގާނޫނު އަސާސީގައި އޮންނަނީ އެއީ ފަދިޔާރުން ހިތުހުރިހާ ގޮތަކަށް ހުކުމްކުރިޔަސް ޖަވާބުދާރީ ވާންނުޖެހޭނެވާހަކައެއްނޫން . އޭގެ މާނައަކީ ރަގަޅު ހުކުމެއް ކޮށްގެން ޖަވާބުދާރީވާން ނުޖެހޭނެ ވާހަކާ. ފަޑިޔާރުން ވާންޖެހޭނީ އަމާނާތްތެރި ކަމާ އެކު ހުކުމްކުރާ ބަޔަކަށް އެއީ ވިޔަފާރިއަށް ހުކުމް ކުރާބަޔަކަށް ވަނީނަމަ ވަޒީފާއިން ވަކިކުރަންޖެހޭނެ ބައެއް.
ދިވެެއްސެއް
03 May 2019
އަޅުގަނޑު ހަމަ ކޮސްވެއްޖެ، ގާނޫނޫ އަސާސީގެ 4 ވަނަ މާއްދާގައި އޮންނަނީ "ދިވެހި ދައުލަތުގެ އެންމެހާ ބާރުތަައް ފެށިގެން އަންނަނީ ރައްޔިތުންގެ ކިބައިންނެވެ. އަދި މިބާރުތައް ދެމިއޮންނާނީ ރައްޔިތުންގެ ކިބައިގައެވެ" ވިސްނާލައްވާ! މުޅި ޤައުމު އެގޮވަމުން އެދަނީ ރާއްޖޭގެ އަދުލު އިންސާފު ގާއިމު ކުރެވޭ ގޮތް ކަމުނުދާވާހަކަ -- ބޮޑެތި ގިނަ މައްސަލަތައް ހުރީ ދެއުޅިއެއް ނުވާ ގޮތަށް ނިންމާފާ. ދިވެހި ރައްޔިތުން ނޫނޭކޭ ބުނެފިއްޔާ ފަޑިޔާރުންވެސް ޖެހޭނީ ސައިޒްވާން!
އިންސަފު
03 May 2019
ތެދުވެރި އިޚްލާސްތެރި ފަޑިޔާރަކު އެހެން ވަކި ކުރާނަމޭ ބުންޏަސް ބިރެއް ނުގަންނާނެ. ކޮންމެ ހާލަތެއްގަވެސް އެ ފަޑިޔާރު ހުންނާނީ އިންސަފް ވެރިކޮށް. އިންސާފުވެރިނޫން ފަޑިޔާރުން ވަކިކުރާނަމޭ ބުނުމަކީ ތެދުވެރި ފަޑިޔާރަކަށް އޮތް ނުފޫޒެއް ކަމަށް ގަބޫލެއް ނުކުރެވޭ.
އީމަން
03 May 2019
ތިޔަ ނޫސް ބަޔާން ނުކިޔާވެސް އިނގެނީ ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން މީހުން ތިބީ ފިސާރި ބިރުންކަމެވެ.
ބަޑީ
03 May 2019
ތިޔަވިދާޅުވާ ޑިޔުޕްރޮސެސް އޮއްވާ ދޮތްތޯ ބަޔަކުނުކުމެ ބަޤާވާތަކުން ސަރުކާރެއް ވައްޓާލާ ޤައުމު މިއަދަވަޅަށް ވައްޓާލީ!! އެހިސާބުންވެސް ދޫނުދީ ހަށިފޮޅާލާފަ ތެދުވެ ކުރި ބުރަމަސައަކަތުން މިއަދުމިވަނީ އަނެއްކާވެސް ކަންތައްތައް ރަގަޅުކުރުމަށް ފުރުޞަތެއް ލިބިފަ. މީގެ ބޭނުން ރަގަޅުގޮތުގަހިފާ ރައްޔިތުންނަށްޓަކާ ކަންތައްތަކެއް ކޮށްދެވޭތޯ ބަލަން އެބަޖެހޭ.
އަހްމަދު111
03 May 2019
ބޮރޯ ތިޔަ އޮޅުވާލަނީ. ނަޝީދު އަނގަވަތަށް ވެއްޓުމާ ޔާމީނު ވޯޓުން ޗޮކުން މީ ހަމަ ރައްޔިތުންގެ ކާމިޔާބު.
އަލްޖިބްރާ
03 May 2019
ފަޑިޔާރުންނޭ ކިޔާފަ ތިތާތިބެގެން ރައްޔިތުންނަށްވެސް ބިރެއް ނުދެއްކޭނެ ! އިންސާފުން ކަންތަށް ނުކުރަންޏާ ކަލޭމެންވެސް ވަކިކުރެވެން ޖެހޭނެ ! ތިޔަވަޒީފާ އަކީ ކަލޭމެންގެ ތަރިކަ މުދަލެއް ނޫން !
ޒެޑޭ
02 May 2019
ޢިލްމީ ގޮތުން ވެސް ފާޑުނުކިޔޭނެ ކަމަށް ބުނެ އިޢުލާނެއް ކުރިކަން މާޖިދު އަށް އިނގިލައްވާތޯ. 1 ފެބުރުވަރީގަ އެބޭޅުންނަށް ކުރެވުނު އަމުރާ ގުޅިގެން.
ކާޖާ
02 May 2019
ފަޑިޔާރުންނަކީ ވަކި ނުކުރެވޭ ގޮތަކަށް ތިބޭ ބައެއްތޯއެވެ. ދެ ދުވަހު އެއްގޮތަކަށް ހުކުމް ކުރަން ނޭންގޭ މީހުން ވަކި ކުރަންޖެހެއެވެ.