މާރުކޭޓުގައި ވިއްކަން ހުރި ގިތެޔޮ މިރުސްތަކެއް: ކަނޑޫދޫ މިރުހުގެ އަގު ރަނަށް ވެފައިވާ މައްސަލައިގައި ފާޑުކިއުން ގިނަ.-- ފޮޓޯ: ނިޝާން އަލީ/ މިހާރު
07 މެއި 2019 - 13:40
81 comments
މިރުހުގެ ރަސްކަން ކުރާ ތ. ކަނޑޫދޫގައި ހައްދާ މިރުހުގެ އަގު މިވަނީ ރަނަށް ވެފަ އެވެ. ކިލޯއެއް، 1،300 ރުފިޔާ އަށް ވިއްކުމަކީ ރެކޯޑު އަދަދެކެވެ. ރޯދަމަހާ ދިމާކޮށް، ތަކެތީގެ އަގު އިންތިހާ އަށް މައްޗަށް އަރައިގެންދާ ކަން ކަނޑޫދޫ މިރުހުގެ އަގަށް އެކަނި އައި ބަދަލުން ވެސް އެނގޭނެ އެވެ.
ރޯދަ މަހަށް ވާތީ، މިރުސް ކިލޯއެއް އެހާ ބޮޑު އަގުގައި ވިއްކަން ޖެހޭ ސަބަބެއް އެބައޮތް ހެއްޔެވެ؟ މި ބަހުސް ވައިގައި ހިފައި، ފާޅުކުރާ ޝުއޫރުތައް ގިނަ އެވެ.
ކަނޑޫދޫ މިރުސް ހައްދަން ގަސްކާނާގެ ގޮތުގައި ބޭނުންކުރަނީ މާވަހަރުތޯ ސުވާލުކޮށް، ފާޑުކިއާފައިވެ އެވެ. އެ މީހުން ގޮވާލަނީ ކަނޑޫދޫ މިރުސް ބޮއިކޮޓް ކުރުމަށެވެ. އެ އަގުގައި، ކަނޑޫދޫ މިރުސް ގަތުމާ ދެކޮޅަށް އެ މީހުން ދަނީ ސޯޝަލްމީޑިއާގައި، އަޑު އުފުލަމުންނެވެ.
އެކަކު ބުނިގޮތުގައި "ކަނޑޫދޫ މިރުސް ކޮންމެހެން ކާކަށް ނުޖެހެ" އެވެ.
Say no to kandoodhoo mirus, we can marrily fast abd breakfast without that. Guaranteed.
— Ahmed Mirshan (Mundu)🎈 (@Mirey79x) May 5, 2019
Kandoodhoo mirus jawaahirah vure agu bodu. #RamadanKareem pic.twitter.com/eUCFxhmMkm
— ʟ✌🏻ʍ (@thyyms) May 5, 2019
މި ވާހަކައާ ދެކޮޅު ހަދަނީ، ކަނޑޫދޫ މިރުހުގެ ސަޕޯޓަރުންނެވެ. ބާޒާރުގައި އާއްމުކޮށް ވިއްކާ އެހެން މިރުހާ ތަފާތު، މީރު ކުޅި ކަމެއް ހުންނަ ކަނޑޫދޫ މިރުސް ކިލޯއެއް 1،200 ރުފިޔާ އަށް ވިއްކުން ދިފާއުކޮށް ދައްކަނީ، މާލޭގެ ކުލީގެ މައްސަލަ އެވެ. ކަނޑޫދޫން ގެންނަ މިރުސް އަގުބޮޑުވެގެން ވާހަކަ ދައްކާ އިރު ރަށްރަށުގެ މީހުންނަށް މާލެ އިން އެޕާޓްމެންޓް ވިއްކާ އަގު ބޮޑު ނޫންތޯ އެ މީހުން ސުވާލު އުފެއްދި އެވެ.
އެކަކު ބުނީ މިހެންނެވެ؛ "ކަނޑޫދޫ މިރުހުގެ އަގަށް އައި ބަދަލު ހަޖަމެއް ނުކުރެވުނު. އެކަމަކު ކުލި މައްސަލައެއް ނޫން؟،"
10 kgs of kandoodhoo mirus = rent of 1 room in Male'
— Saudan Ibrahim 🇲🇻 (@baazeys) May 6, 2019
5 kgs of kandoodhoo mirus = meehehge mahu musaara huri gothah.
I dnt see a difference in kandoodhoo or namibia mirus so il eat which ever is cheaper 😂
އެހެން މީހަކު ފޭސްބުކްގައި ލިއެފައިވާ ގޮތުގައި މާލެ އިން އަށް ފޫޓު ހަމަނުވާ ވަރުގެ ކޮޓަރިއެއް 10،000 ރުފިޔާ އަށް ދޫކުރަނީ ދެ މަހުގެ އެޑްވާންސް ނެގުމަށް ފަހު އެވެ. ތަނުގައި ހަތަރު ފާރު ނޫން އެހެން އެއްޗެއް ނުހުންނަ އިރު، އެއީ މާލޭގައި އެންމެ ކުޑަ އަގު ކަމަށް އޭނާ ބުންޏެވެ. އެވަރުގެ ތަނެއް ވެސް ލިބޭނީ ނަސީބުވެރިއަކަށް ކަން ފާހަގަކުރައްވައި އެކަމުގެ ޝަކުވާ ނުކުރަނީ ކީއްވެތޯ އޭނާ ސުވާލު އުފެއްދި އެވެ.
އޭނާ ބުނިގޮތުގައި ކުޑަ އާބާދީއެއްގައި ދިރިއުޅޭ ރަށެއްގެ ރައްޔިތުން ބުރަ މަސައްކަތުން ހައްދާ މިރުސްކޮޅުގެ ޑިމާންޑް ބޮޑުވެ އަގު އުފުލުމުން ބަނޑުހައި ހޫނު ކަމުގެ ހަޅުތާލު ކުރަން ގޮވާލުމަކީ ލަދުގަންނަން ޖެހޭ ކަމެކެވެ.
"އަގު ބޮޑުވީ މިރުސް އެކަނި ހެއްޔެވެ. ކަނޑޫދޫ މިރުސް ކެއުން ހުއްޓާލުމަށް ގޮވައި އިހްތިޖާޖު ކުރުމަށް ވުރެން ކުލި ބޮޑުވެގެން އިހްތިޖާޖު ކުރުންމާ ރަނގަޅެވެ،" އޭނާ ލިއެފައިވެ އެވެ.
Kandoodhoo mirus gan’nan jehenee thibuni 25k ge kuli dhakaaigen Male ga ulhey meehun, 25k ah kuyath dhin meehun dhiri uleynee Singapore noonee uk ga dhoa? https://t.co/aONS3JDVFo
— Ebrey (@ebrey2) May 7, 2019
ކަނޑޫދޫ މިރުހާ ގުޅޭ ގޮތުން މީހަކު ކޮށްފައިވާ ޓުވީޓެއް.
ކަނޑޫދޫ މިރުހުގެ އަގުން ފެށުނު ބަހުސްގެ މިސްރާބު ގޯސްވުމުން އެއް ބަޔަކު އަންނަނީ، އެކަން ވިސްނައިދޭން މަސައްކަތް ކުރަމުންނެވެ.
މާލޭގެ ކުއްޔާއި ކަނޑޫދޫ މިރުހުގެ އަގު އަޅާނުކިޔަން އެދި އެކަކު ލިއެފައިވާ ގޮތުގައި، އެއީ ބޭކާރު ބަހުސެކެވެ.
Let's not make Kandoodhoo Mirus thing another war of Raajjethere-Male' meehaa. If you cannot afford it don't buy it. There are cheaper alternatives. And let's not keep any grudges in our hearts towards anyone. This is the month of forgiveness. ❤
— Aishath Aleesha (@aishath_aleesha) May 6, 2019
ކަނޑޫދޫ މިރުހުގެ އަގު އުފުލުނު ސަބަބުތަކެއް އެ ރަށުގެ ދަނޑުވެރިން ދައްކަ އެވެ.
އެއް ކަމަކަށް، ހޫނު ގަދަވެ ދަނޑުތައް ހަލާކުވުމެވެ. އޭގެއިތުރުން، ގަސް ކާނާގެ އަގު އިންތިހާ އަށް ބޮޑުވުމެވެ. ބުރަ އަދި ޚަރަދު ބޮޑު އެ މަސައްކަތުން މިރުސް ކިލޯއެއްގެ އަގު 1،300ރ. އަށް އެރުމަކީ ބޮޑު އަގެއް ކަމަށް ދަނޑުވެރިން ގަބޫލެއް ނުކުރެ އެވެ. އެކަމަކު އެއީ، އަތްފޯރާ އަގެއް ހެއްޔެވެ؟ މިރުހަށް އެކަނި އެ މިންވަރު ހޭދަ ކުރުން އެންމެ ރަނގަޅު ހެއްޔެވެ؟
މިހާ ހިސާބުގައި މި ބަހުސް ބޭއްވިޔަސް މައްސަލައެއް ނެތެވެ. އެކަމަކު މާލެ އާއި އަތޮޅު ތެރޭގެ ތަފާތުކުރުންތަކުގެ ވާހަކަ ފަށައި އެއް ބަޔަކު އަނެއް ބަޔަކަށް ފާޑުކިއުމަކީ މި ބަހުސްގައި މާނަ ހުރި ކަމެއް ނޫން ކަމަށް ދެކޭ ބަޔަކު ވެސް އެބަތިއްބެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޒަން
09 May 2019
ހަމަ ހުވާ މަށެއް މިއަހަރަކު ކަނޑޫދޫ މިރުސް ކަންއެނގި އެއެއް ނުކާނަން ނުވެސްގަންނާން! ބޭނުންވަނީ އެބައިގަނޑައް ފިލާވަޅެއްދޭން މަގޭ އެދުމަކީ އެހެންމީހުންވެސް އެއްބައިވެ މިކަމުގައި ބައިވެރިވާން ހިސާބައްވުރެން ބޮޑާވީމާ އެބަޖެހޭ ފިލާވަޅެއްދޭން އަމުދުން ރޯދަމަހު މިކަހަލަކަންތައް ކުރީމާ އެބަޖެހޭ ފިލާވަޅެއްދޭން! ކަނޑޫދޫ މިރުސް މިރޯދަމަހު މަށައް ހަރާމް!
ކޮބާ..ކޮބާ
09 May 2019
ކުޅިކޮށް ކެއުމަކީ ހަށިގަނޑަށް ގެއްލުން ހުރި ކަމެއްކަން އެނގި ތިބެ ބޭކާރު ވާހަކަ ތަކާ ވިސްނުން ތަކަށް މިބަރަކާތް ތެރި މަހުގެ ވަގުތު ނަގާ ނުލަމާ ހިންގަވާ...
މިތުރޫ
09 May 2019
“މިރުހަށް އެކަނި އެ މިންވަރު ހޭދަ ކުރުން އެންމެ ރަނގަޅު ހެއްޔެވެ؟” މި ސުވާލުކޮއްލިގޮތަށް ގޭގެ ކުއްޔަށް އެކަނި ރާއްޖެތެރޭ މީހުން ހޭދަކުރާ މިންވަރު ހޭދަކުރުން އެންމެ ރަނގަޅުތޯ ވެސް އަހާލިނަމަ.
އަހުމަދު ރަޝީދު777
08 May 2019
ކަނޑޫދޫ މީހުން މިރުސް ވިއްކާނެ އަގަކައް ވިއްކާ. ދަނޑުތައް އަނދާ ގަސްތައް މަރުވީމަ ރޮއެ ހޭރޭތި. އަގު ބޮޑުވީމަ މަނަމަ ނުގަންނާނީ. މާލޭގެ ކުލި ބޮޑިއްޔާ ބޮޑު އަގުދީފަ މާލޭގަ އުޅެން ނަހަދާ ރަށުގަ ތިބޭ
ޑޮކްޓަރ މޯ
12 May 2019
ކުލިބޮޑުކޮށް ރާއްޖެތެރޭ މީހުންފެލާއިރު ހަމަ ތިގޮތަށް ތިޔަ ބޮޑުއަގުދޭ އިމާރާތްތަށް ބިމަށް ގަންބަވާ ހަލާކުކުރަންވެސް ޙާލިގަކު ކުޅަދުންވަންތަކަން ދަންނަންޖެހޭ.
ދޮން ބަބުރު ސޮރު
08 May 2019
ތިޔަ މިރުހެއްގެ ކަންތައް މާބޮދުވެއްޖެ ދުނިޔޭގެ އެހެން ތަންތަނުގަ މީހުން ގެނގުޅޭ އުކުޅު ގެންގުޅޭ ނަމަ ތިޔަ ހާސަރު ތަކެއް ދަމަން ނުޖެހުނީސް ހިގާ ތިޔަ މިރުސް ބޭނުން ނުކުރަމާ.
ދީބު
08 May 2019
މާލޭގެ ކުލި ހަމަޔަކަށް އަޅުވަން ކެރޭހާ ގަޓެއް ހުރި ރައީސެއް ވެރިއެއް ޕާޓީއެއް ނެތް. ފަހަރެއްގައިވެސް މިބުނަނީކީ ކުލި ކުޑަކުރާށޭކޭ ނޫން. ހަމަޔަކަށް އަޅުވާށޭ.
ގުރައިދޫ ރޯސް ޕާން
08 May 2019
ކަނޑޫދޫ މިރުސް އަގުބޮޑު ވީ މާ ނު ގަނނަން ވީ. މާލެ ކުލި ބޮޑު ވީ މަ ކޮން ކަމެއް ތަ ކުރަނ ޖެހެނީ...؟
ސަޅި.....
08 May 2019
މީ ހާދަ ރީތި މިރުސްތަކެކޭ މާޝާﷲ. އެކަމަކު މިހާ އަގުބޮޑު ވީމާ ކިހިނެއް ގަންނާނީ..... :((
އިގުތިސާދީ އައްޕަ
08 May 2019
ފޮޓޯއިން ފެންނަންހުރީ ތަކަންދޫ މާެަންދޫ މިރުސް...
ކީކޭބުނާނީ
08 May 2019
ކިތަންމެ ތަދުއެއްޗަކަސް .މިއީކެއުމަށް ﷲސުބުހާނަހޫ ވަތައާލާ ދެއްވިރޯއްދި މިއޮއްފަދަ އަހަރަކުއެއްފަހަރު އަންނަ ރަމަޒާންމަހާދިމާކޮއް ވިޔަފާރީން ބޮޑުފައިދާ ނެގުމުގެ ދަހިވެތިކަމުައި ބައެއް މީހުންގެ އަމަލްތައް ހުންނަގޮތް މިބައިމީހުންހީކުރަނީތަ މިއުފައްދާ މާކެޓް ކުރެވެނީ މިބައިމީހުންގެ އަމިއްލަބާރުންކަމަ ހިލާއެހެނަކުންހަމަނުވާނެ ދެއްވާރޯދި ގެންދަވަނީ ހަމަﷲސުބުހާނަހޫ ވަތައާލާ ދަންޑުހަލާކުޥިއޭކިޔާފަ މިހާވަރުއަރުވާކައް ނުވާނޭ އެހުނަސް މީކީކެއުމައް
ބެޔަ
08 May 2019
ބުރޯ އަގުހެޔޮ އިންޑިޔާ މިރުސް ވެސް ބާޒާރުގައި އެބަ ހުއްޓޭ. ދުނިޔޭގެ ހުރިހާ ތަނެއްގައިވެސް ޕްރިމިއަމް ޕްރޮޑަކްޓްސް އަގުބޮޑުވާނެ. ޖަޕާނުގައި ބައެއް ކަހަލަ ކައްނެލި މަހެއްގެ އަގު އަރާގެން އެބަދޭ އެއްލައްކަ ޑޮލަރައް.
މަޖޫން
08 May 2019
މިރުސް އަގުބޮޑުވީމާ މާލެމީހުން ކުލި ބޮޑު ނުކުރޭތަ؟ ޔާމީންގެ ވެރިކަމުގައި ކާޑުގެ އަގު ބޮޑުވީމާ ކުލި ބޮޑުކުރި. މިއުޅޭ މާލޭ ގަމާރުންނަކަށް ނޭނގޭ ކުލިދައްކައިގެން އުޅޭމީހާވެސް ކާޑުގެ ބާވަތް ގަންނާނީ އަގުބޮޑުކޮށްކަމެއް.
ތެރަބެއްޔާ
08 May 2019
ކުއްޔާއަޅައިގަނެގެންތިޔަ އުޅެނީއަޅެ ފަހެ ކީޢްވެ! މ.އަތޮޅުގެ ރަށަކުންް ކުއްޔަށް ކޮޓަރިއެއް ލިބެނީ ދުވަހު ކުއްޔަށް 500ރ އަށް. ޓޯކިޔޯގައި ދުވަހު ކުއްޔަށް 1560ރ އަށް! ޑިމާންޑް ބޮޑުވީމާ އަގުބޮޑުވާނެ ތަކެތީގަވެސް.