އިސްކަންދަރު ސްކޫލުގެ އެންމެ މޮޅު ދަރިވަރަކަށް އަޒްހާ

އިސްކަންދަރު ސްކޫލުން މިދިޔަ އަހަރު ހުރިހާ ގޮތަކުން އެންމެ މޮޅު ދަރިވަރުގެ މަގާމު ހޯދި އަޒްހާ އަށް ޑރ. ނަޒީރު ރޭ ތަށި ހަވާލުކޮށްދެއްވަނީ.-- ފޮޓޯ: އެޑިއުކޭޝަން މިނިސްޓްރީ

އާސިމާ ނިޒާރު، މިހާރު

03 ސެޕްޓެމްބަރ 2016 - 11:16

6 comments

އިސްކަންދަރު ސްކޫލުގެ މިދިޔަ އަހަރުގެ ހުރިހާ ގޮތަކުން އެންމެ މޮޅު ދަރިވަރަކަށް މަރިޔަމް އަޒްހާ އިބްރާހިމް ރޭ ހޮވައިފި އެވެ.

އެ ސްކޫލުގެ މިދިޔަ އަހަރުގެ ކެޕްޓަން އަޒްހާ ވަނީ ކެމިސްޓްރީ އާއި އިކޮނޮމިކްސް އިން ދުނިޔެއިން އެއް ވަނަ އަދި ފިޒިކްސް އިން ދުނިޔެއިން ހަތަރު ވަނަ ހޯދައިފަ އެވެ. އަދި ރާއްޖޭގެ ގަދަ 10 އަކުން ވެސް އެއް ވަނަ އޭނާ ހޯދި އެވެ.

އަޒްހާ އަށް އެވޯޑުތައް ހަވާލުކޮށްދެއްވީ އިސްކަންދަރު ސްކޫލުގައި ރޭ ބޭއްވި މިިދިޔަ އަހަރުގެ އިނާމު ދިނުމުގެ ހަފުލާގެ ޝަރަފުވެރިމެހެމާން، އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ޑރ. އަބްދުﷲ ނަޒީރެވެ.

އިސްކަންދަރު ސްކޫލުން މިދިޔަ އަހަރު ރަނގަޅު ކާމިޔާބީއެއް ހޯދި ދަރިވަރަކަށް އެޑިއުކޭޝަން މިނިސްޓަރު ޑރ. އާއިޝަތު ޝިހާމް (ކ) ރޭ ތަށި ހަވާލުކޮށްދެއްވަނީ.-- ފޮޓޯ: އެޑިއުކޭޝަން މިނިސްޓްރީ

އިސްކަންދަރު ސްކޫލުގެ މިިދިޔަ އަހަރުގެ ހުރިހާ ގޮތަކުން މޮޅު ތިން ދަރިވަރުން ހޮވި އެވެ. އަޒްހާ އަށް އެއްވަނަ ލިބުނު އިރު އައިޝަތު އަޒަލް އަލީ ޒާހިރު ވަނީ ދެވަނަ ހޯދައިފަ އެވެ. ތިންވަނަ ހޯދީ އިބްރާހިމް ޝައްމާހް އިޔާޒެވެ.

ރޭގެ ރަސްމިއްޔާތުގައި ވާހަކަ ދައްކަވަމުން ޑރ. ނަޒީރު ވިދާޅުވީ އެކި ސަގާފަތްތަކަށް އުޅެމުން އަންނަ މީހުން ރާއްޖެ އަންނަ ކަމަށާއި އެކަންތައްތަކާ ގުޅިގެން ގައުމުގެ އަމާންކަމާއި ސުލްހަ މަސަލަސްކަން ދެމެހެއްޓުމަށް ލޯހުޅުވިފައިވާ ދަރިވަރުންތަކެއް އުފައްދަންޖެހޭ ކަމަށެވެ.

އިސްކަންދަރު ސްކޫލުގައި ރޭ ބޭއްވި އިނާމު ދިނުމުގެ ހަފުލާގެ ޝަރަފުވެރި މެހުމާން އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ޑރ. ނަޒީރު ވާހަކަ ދައްކަވަނީ.-- ފޮޓޯ: އެޑިއުކޭޝަން މިނިސްޓްރީ

ގައުމެއްގައި އުޅޭ މީހަކަށް ވީތީ ބޮލުގައި އެޅިފައިވާ ޒިންމާތަކެއް ހުންނާނެ ކަމަށާއި އެކަންތައްތަކުގައި ތެދުވެރިވެ ކުރިއަށް އޮތް ޖީލުތަކަށް މި ގައުމު ތެދުވެރިކަމާއެކު ފޯރުކޮށްދޭންޖެހޭ ކަމަށް ވެސް ނަޒީރު ވިދާޅުވި އެވެ.

އިސްކަންދަރު ސްކޫލުން ރޭ ވަނީ 129 ދަރިވަރަކަށް އިނާމު ދީފަ އެވެ. އޭގެ ތެރޭގައި މިދިޔަ އަހަރު އެ ސްކޫލުން އޯ ލެވެލް ހެދި ދަރިވަރުންގެ ތެރެއިން ގަދަ 10 ގައި ހިމެނެނު ދަރިވަރުންނާއި އެކި މުބާރާތްތަކުން ރަން ވަނަތައް ހޯދި ދަރިވަރުން ހިމެނެ އެވެ.

ތައުލީމް އެޑިއުކޭޝަން މިނިސްޓްރީ އިސްކަންދަރު ސްކޫލް ޑރ. އަބްދުﷲ ނަޒީރު ޑރ. އައިޝަތު ޝިހާމް (ސޯޝަލް އެންޑް ފެމިލީ)

6 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަޒީދު

22 July 2017

ދިވެހިރާއްޖޭގަ މިހާރު ކިޔެވުމަށް އަންހެންކުދިން ތަފާތުބޮޑުކޮށްމޮޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންރީތި

04 September 2016

ސްކޫލު ތަކުން ކުދިންގެ މެދުގައި ތަފާތު ކުރުން ގެންގުޅޭ! ޤަބުލު ކުރިޔަސް އަދި ނުކުރިޔަސް މިއީ ޙަޤީޤަތެއް. އިސްކަންދަރުގައިވެސް މިކަން ވަރަށް ބޮޑަށް އެބައޮތް. ޝަކުވާ ކުރުމުން އެ ޝަކުވާ އުފުލާ ބެލެނިވެރިޔާގެ ދަރިފުޅު މާކް ކުރޭ! އަސްލު ބެލެނިވެރިން އެވާހަކަ ނުދައްކަނީ އެހެންވެގެން. އަދި ސްކޫލުގެ އިސްމަޤާމް ތަކާއި ޕ.ޓ.އ އާއި ބޯޑު މެމްބަރުންގެ ދަރިންގެ ފަރާތުން ހިނގާ ކަންކަން ނުފެންނަކަން ފާހަގަ ކުރެވޭ! މިއީ ވަރަށް ދެރެކަމެއް! މިހާރަކަށް އައިސް އިސްކަންދަރުގެ މަތިން ފޫހިވާ ބެލެނިވެރިންނާއި ދަރިވަރުން ގިނަވަމުން އަންނަކަން ފާހަގަ ކުރެވޭ! އޭގެ ހެއްކެއް. ބައެއް ކުދިން އިނާމް ބަލާވެސް ނުދޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

04 September 2016

ކޮންމެ މީހަކުވެސް ބޭނުން ވަނީ އަމިއްލަ ދަރިފުޅައް ހުރިހާ ކަމެއްވާން. ނުވީމާ ސްކޫލް ގޯސް ވަނީ. އިސްކަންދަރުގެ ގިނަ މަޤާމް ތަކުގައި އެތިބީ ރައްރަށުން އައިސް ތިބި ނިކަމެތީންގެ ކުދިން. މިކަމަކީ ބޮޑުންނައް ހަޖަމް ކުރެވޭނެ ކަމެއް ނޫން. އެހެންވީމާ މިއަދު އެއްކަމެއްވެސް ރަނގަޅު ނުވާނެ. ހަމަ އެކެނި ބޮޑުންގެ ކުދިންނަ ފުރުސަތު ލިބުނު ޒަމާން ވަނީ މާޒީ ވެފައި. ހަޖަމު ކުރަން ދަސް ކުރަން އެބަ ޖެހޭ މި 21 ވަނަ ޤަރުނުގައި. ވ ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމް

04 September 2016

އިސްކަންދަރު ސްކޫލްގައި އަޅުގަނޑުގެ ދަރިފުޅު ކިޔަވާތީ އުފާ ކުރަން. ވަރަށް ރަނގަޅައް ދަރިވަރުންގެ ކަންތައް ބަލަހައްޓާ، ވަރަށް އޮގަނައިޒްޑް ސުކޫލެއް. ތީޗަރުންގެ ފޮތްމާކު ކުރުމާއި ކިޔަވައިދިނުން ވަރަށް ރަގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟިންސާ

04 September 2016

ވަރަށްބޮޑު ތެދެއް ގިނަފަހަރު ގޮތަކީ ވެރިން ހިތްއެދޭ މީހާގެދަރިޔަށް ބޮޑަށް އަޅާލަނީ ކަމެއްގޯސްވެގެން ޝަކްވާކުރިޔަސް ދަރިވަރުގެ މުސްތަޤްބަލް ދުއްވާލަނީ މިއީހަޤިގަތް މިޤަވްމުގަ ގިނަކަންތަށް ދަނީ ރީތިބަހުން ބުނާނަމަ ހަދިޔާގެ މަށްޗަށް މިކަން އެއްމެނަށްވެސް އެނގޭ ކިތަށްމެގޯސްކޮށް ހުއްޓަސް ވަރަށްމަދު ބެލެނިވެރިޔަކަށް ކުރިމަތިލާ އެވާހަކަ ދަށްކަން ކެރެނީ ވަރަށް ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

03 September 2016

އަޅުގަނޑުގެ ދަރިފުޅުވެސް އުޅެނީ އިސްކަންދަރުގަ. ނަޒީހު ބުނިކަހަލަ އެއްވެސް ކުއްޖެއް ދޫކޮށްނުލާވާހަކަޔަކީ ތެދެއްނޫން. ސްކޫލަށް ބޮޑަށް ޚަރަދު ނުކުރެވޭ ބެލެނިވެރިންގެ ދަރިން ވަރަށްގިނަ ގުރުބާނީ ވާންޖެހޭ. އަޅުގަނޑުވެސް ހުރިހާ މާއްދާއަކުން ބޮޑުއަގުގަ ޓިއުޝަން ދީގެން ދަރިފުޅަށް ރަނގަޅު ނަތީޖާއް ލިބެނީ. ދަރިވަރުންނަށް ރަނގަޅަށް ބުނެދޭން ނުދަންނަ ޓީޗަރުން ވަރަށްގިނަ. މީގެ ތެރޭ ބިދޭސީ ޓީޗަރުންވެސް ހިމެނޭ. އެކަމަކު މިިއިން ވާހަކައެއް ބެލެނިވެރިން އޮފީހު ބުނަންވެސް ދަރިވަރުން ނޭދެނީ ސްކޫލު ވެށިން އެކުދިންނަށް ރަނގަޅު ތަޖުރިބާއެއް ނުކުރެވޭތީ ކަމުގައި ދެކެން. ރަނގަޅު މުޖުތަމައެއް ބިނާކުރަން އެދޭނަމަ ސްކޫލްތަކުގަ ދަރިވަރުންނަށް އިންސާފުން ކަންކަން ކުރެވެމުންދާކަން ކަށަވަރު ކުރެވެން ޖެހޭ. އެހެންނޫންނަމަ އެކުދިން ވަޒީފާގެ މާހައުލަށް ނިކުމެ އެކަމުގެ ބަދަލު ހިފުން ގާތް.