ޚަބަރު / އިބްރާހިމް ރިފްއަތު، އެޓާނީ ޖެނެރަލް

ރައްޔިތުންގެ ހަޒާނާ ކޮރަޕްޝަނުން ސަލާމަތް ކުރާނަން: ރިފްއަތު

ބަންޑާރަ ނައިބު އިބްރާހީމް ރިފްއަތު. އޭނާއަށް ކުރާ ކޮރަޕްޝަނުގެ ތުހުމަތުތައް ދޮގު ކުރެއްވި. މިހާރު/ފައިލް ފޮޓޯ

މުހައްމަދު ނަސީމް، މިހާރު

11 މެއި 2019 - 20:34

އޭނާގެ މައްޗަށް ކުރާ ކޮރަޕްޝަނުގެ ތުހުމަތުތައް ދޮގުކުރައްވާ ކަމަށާއި ކޮރަޕްޝަނުގެ އަމަލުތަކުން ރައްޔިތުންގެ ހަޒާނާ ރައްކާތެރި ކުރައްވާނެ ކަމަށް އެޓާނީ ޖެނެރަލް އިބްރާހީމް ރިފްއަތު މިއަދު ވިދާޅުވެއްޖެ އެވެ.

ރައީސް އިބްރާހީމް މުހައްމަދު ސޯލިހުގެ ސަރުކާރު އުފެދުުނު ފަހުން ދައުލަތުން ބަދަލު ދޭން ޖެހޭ ގޮތަށް ނިންމި ބޮޑެތި ބައެއް މައްސަލަތަކާ ގުޅިގެން އެކި ފަރާތްތަކުން ވަނީ ރިފްއަތަށް ކޮރަޕްޝަނުގެ ތުހުމަތުތަކެއް ކޮށްފަ އެވެ. އެ ވާހަކަތަކަށް ރައްދު ދެއްވައި އޭނާ ކުރެއްވި ޓްވީޓެއްގައި ވިދާޅުވީ ކޮރަޕްޝަނުގެ އެއްވެސް މުއާމަލާތެއް ކުރައްވައިގެން ފައިދާ ހޯއްދަވާފައި ނުވާނެ ކަމަށެވެ.

އޭޖީގެ މަގާމާ ހަވާލުވެވަޑައިގަތުމުގެ ކުރިން ކުރެއްވި ގާނޫނީ މަސައްކަތްތައް ދޫކޮށްލެެއްވީ ވެސް ރައްޔިތުންނަށް ހިދުމަތް ކުރެއްވުމަށް ކަމަށް ޓްވީޓްގައި އޭނާ ވިދާޅުވި އެވެ.

"އަޅުގަނޑާ ދެކޮޅަށް ކޮށްފައިވާ ކޮރަޕްޝަނުގެ ތުހުމަތުތަކަކީ ދޮގު ތުހުމަތުތަކެކެވެ. އަޅުގަނޑު ރައްޔިތުންގެ ހަޒާނާ ކޮރަޕްޝަނުން ސަލާމަތް ކުރާނަމެވެ،" ޓްވީޓްގައި ރިފްއަތު ވިދާޅުވި އެވެ.

I never asked for illicit enrichment nor benefited from corrupt deals in my career. Left my private practice to serve the people. I always strive to discharge my duties honorably. Allegations of corruption made against me are untrue. I will protect public coffers from corruption.
— I.Riffath (@ibriffath) May 11, 2019

ރިފްއަތުގެ ޓްވީޓް

ރިފްއަތަށް އެންމެ ބޮޑު ތުހުމަތެއް ކުރެއްވީ ކުރީގެ މަޖިލިސް މެމްބަރު އަލްހާން ފަހުމީ އެވެ. އަލްހާން މީގެ ދެ ދުވަސް ކުރިން ކުރެއްވި ޓްވީޓެއްގައި ތުހުމަތުކުރެއްވި ގޮތުގައި ރިފްއަތާއި ރައީސް އޮފީހުގެ ލީގަލް ޑައިރެކްޓަރު އަހުމަދު އަބްދުﷲ އަފީފް ވަނީ ދީބާޖާއިން 2 މިލިއަން ޑޮލަރު ހޯއްދަވަން ހުށައަޅުއްވައިފަ އެވެ.

އެމްޑީޕީ ސަރުކާރުގައި ދީބާޖާއަށް ދިން ދަތުރުފަތުރުގެ ހިދުމަތް ފޯރުކޮށްދިނުމުގެ އެއްބަސްވުން އުވާލުމުގެ ބަދަލެއްގެ ގޮތުން 348 މިލިއަން ރުފިޔާ ދައުލަތުން އެ ކުންފުންޏަށް ދޭން ޖެހޭނެ ކަމަށް ސިވިލް ކޯޓުން ކުރި ހުކުމް ސުޕްރީމް ކޯޓުން ވަނީ ދަމަހައްޓައިފަ އެވެ.

ދިބާޖާއަށް ލިބޭ ބަދަލުގެ ތެރެއިން 174 މިލިއަން ރުފިޔާ އަލްހާންގެ އަމިއްލަ ލޯ ފާމަށް ދޭން ހަދާފައި އޮތް އެއްބަސްވުމެއް މިދިއަ ހަފުތާގައި ވަނީ ސޯޝަލް މީޑިއާގައި އާންމުވެފަ އެވެ. އަލްހާން ވިދާޅުވެފައި ވަނީ އެއީ ސައްހަ މުއާމަލާތެއް ކަމަށެވެ.

ދީބާޖާގެ މައްސަލަ އަލުން މުރާޖާކޮށްދޭން ސުޕްރީމް ކޯޓަށް ހުށައަޅުވާނެ ކަމަށް ރިފްއަތު ވަނީ ކުރިން ވިދާޅުވެފަ އެވެ.

ސިވިލް ކޯޓުގެ ހުކުމަށް ސުޕްރީމް ކޯޓުން ތާއީދުކުރުމުގެ ކުރިން އެ މައްސަލައަށް ކޯޓުން ބޭރުގައި ހައްލެއް ހޯދަން ފުރުސަތެއް ދޭން ރިފްއަތު ވަނީ ޑިސެމްބަރު މަހު ސުޕްރީމް ކޯޓުގައި އެދިވަޑައިގެންފަ އެވެ. އޭނާގެ މައްޗަށް ރިޝްވަތުގެ ތުހުމަތު އަލްހާން އެޅުއްވީ އެގޮތަށް އެދިވަޑައިގެން ސުޕްރީމް ކޯޓަށް އޭޖީ ފޮނުއްވި ސިޓީއަށް ނިސްބަތްކުރައްވަ އެވެ.

ރިފްއަތު ކުރެއްވި ޓްވީޓްގައި ވިދާޅުވީ އޭނާގެ ގާނޫނީ މުޅި ކެރިއަރުގައި ވެސް ކޮރަޕްޝަންގެ ޑީލަކުން ފައިދާ ހޯއްދަވާފައި ނުވާނެ ކަމަށެވެ.

އެންޓި ކޮރަޕްޝަން ކޮމިޝަން ކޮރަޕްޝަން އިބްރާހިމް ރިފްއަތު، އެޓާނީ ޖެނެރަލް ދީބާޖާ އިންވެސްޓްމަންޓް އެޓާނީ ޖެނެރަލް އެޓާނީ ޖެނެރަލްގެ އޮފީސް ސުޕްރީމް ކޯޓް

66 ކޮމެންޓް, 77 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޟަރީނާ

13 May 2019

އަސްލު ކިހާވަރެއް ދެންވީ ؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމާނު

12 May 2019

ރައީސް އިބޫ. މިކޮމެންޓްތަކުގައި ވަރަށް ތެދު ވާހަކަވެސް އެބަހުރި. މިކޮމެންޓްތައް އަޑު އައްސަވައި ވިސްނެވުން އެދެން. ބައެއް ކޮމެންޓް ކިޔާލުމުން މިކަހަލަ މީހުންނަށް ވަޒީފާ ދެއްވަނީ އެއްވެސް ވަރަކަށް ބެކްގްރައުންޑަށް ނުބައްލަވައިކަން އެނގޭ. އެހެންނޫންނަމަ ނެކްސްޓްބިޒްމައްސަލައިގައި ސަރުކާރުގެ ވަކީލަކަށްހުރެފައި މަގާމު ދޫކޮށް ނެކސްޓްބިޒްގެވަކީލުކަމަށް ދިޔަ މީހެއްގެ އިންޓަރގްރިޓީއާމެދު ސުވާލު އުފެދުނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

12 May 2019

ރައްޔިތުން ގެ ހަޒާނާ ރައްކާތެރި ކުރާ ނަމަ ކީއްވެތޯ ޔާމިނުއާ އަދީބު ގޭބަންދައް ބަދަލުވީ، އަދި ބިޒުނަސް އިމޭޖު ގުރޫޕައް ގެއްލުމުގެ ބަދަލު ގޮތުގަ 6 މިލިޔަން ބަދަލުގައި 76 މިލިޔަން ދޭން ނިންމުން އެއީ ރައްޔިތުންގެ ހަޒާނާ ރައްކާތެރިކުރުމެއް ނޫން. ޢަދި މެޅޭޝިޔާ ނެކްޓްބިޒް 20 މިލިޔަން ޑޮލަރު ދިނީ ކީއްވެބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ތައުފީގް

12 May 2019

މީހުން އޮޅުވަން ދޮގު ހަދާއިރު، "ބައްލަވަން މިރުޟޯދުގައި، ޚާލިޤުލް ކައުނައިނި ވާކަން ނޭގެނީ ތި އަޖައިބެކޭ". އިހައްދުވަހު ނިމިގެން މިތާ އެދިޔައީ، މާބާރުގަދަ ކެރޭސަރުކާރެއް. އެކަމަކުވެސް ނިމި ސިއްކަޖެހިގެން އެދިޔައީ ހަމަހީވެސް ނުކުރާހަލުއި މިނުގަ. ﷲ އެކަމަކަށް އިރާދަ ކުރައްވައިފިކަމެއް ލަހެއް ފަހެއްނުވެ ނިމިގެންދޭ. ތި ހައްދަވާ ހުރިކާ ދޮގެއް މާދަމާ ރައްޔިތުންގެ ކުރިމަތީގައި އެންމެން ރަހަބަލަން ފަތުރާލެވޭ ސުފުރާއެއް ފަދައިން ފެތުރިގެން ހިގައިދާނެ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންދީ

12 May 2019

ޕީއެސް އެމުން އިބްރާ ކޮށްކޮއަށް ލިބުނުވަރު؟ ދީބާޖާ ކަޓުވާލިވަރު؟ ހީކުރައްވަނީތޯ މަނިކުފާނުތީ ނަޒާހަތްތެރި އެކޭ، ނުފޫޒްތަކުން އެއްކަބާވެހުރި "އަލިފެކޭ" ދިވެހި ރައްޔިތުން ގަބޫލްކުރާނެކަމަށް. މި ރައްޔިތުންނެއް ނޯޅޭ. އެކަމަކު މިއަދު ސްޕާމެޖޯރިޓީ އާއި އެހެނިހެން ބާރުތައްވެސް އަތަށްލައިގެން ތިބީމަ ރައްޔިތުން އަގައިން ނުބުންޏަސް ތިދެއްކިވާހަކަ އަޑުއަހާފަ، އަންނަނީ ހިނި. ހިތަށް އަރަނީ ﷲ ބައްލަވައިވޮޑިގެން ވާކަންވެސް ތިބާ ހިތްޕުޅަށް ނާރަނީ ބާއޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލި

12 May 2019

މި ދިއަ ސަރުކާރުން ކަލޭމެނަށް މަގާމުގެ ނުފޫޒު ބޭނުން ކޮށްގެން ޖާސޫސް ކޮށް ދިން މީހުން ކަޑާލީމަ ވެސް ކާަލޭމެން ވަކާލާތު ނުކޮށް ދޫކޮށްލާ ލައްކައިން ލައްކަ ނަގާދެނީ ވެސް ތި ސްކީމް ދަށުންދޯ؟ އެވެސް އަހަރުމެންގެ ފަޢިސާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ12

12 May 2019

ކަލޭ ތީ ކާކު ރައްޔިތުންގެ ޚަޒާނާ ރައްކާކުރަން.. ނުފޫޒު ފޯރުވުމާއި ޒާތީވުމާއި، ޑީލްތައް ހަދައިގެން މައްސަލަތައް ކާމިޔާބު ކުރުމުގެ ރެކޯޑު ކަލޭގެ އެބައޮތެއްނު.. އަދި އަމުދުން ތިމަޤާމު ލިބުނީމަ އެކަންތައްތައް ވީ އިތުރެއްނު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޒާހަތްތެރި

12 May 2019

މިސަރުކާރު މިދަނީ ކައްޗަށް އެހެންތާވާނީ ކައްޗަށް އެޅިބިންގަލެއް މިއީ ދިވެހީންގެ ބޮަލަށް ސަވާރުވެގެން ގެނައި ސަރުކާރު މިއީ ފެންވަރެއްނެތް ސަރުކާރެއް ކަމެއް ކޮށްފިޔާ ހަފަހަރު އެކަން ރަގަޅު ކުރަންޖެހޭ މަސްވެރިކަމުގެ ބިލް ނަމޫނާއަކަށް ފުދޭ ރާއްޖޭގެ އެންމެ ދުވަސްވީ ދިވެހީންގެ ލޭނާރު ކަމުގައިވާ މަސްވެރިކަމާއި ބެހޭ ބިލް ކިޔާލާފަ ހިތަށް އެރި ބިންފަޅާލާފަ އަޑިޔަށް ހިގައިދާނަމޭ އެހާވެސް ފެންވަރެއްނެތް