ސިވިލް ކޯޓު ހިނގާ ޖަސްޓިސް ބިލްޑިން: ދީބާޖާއަށް ބަދަލު ދޭން ކުރި ހުކުމް ތަންފީޒު ކުރުމުގެ މަރުހަލާގެ މިއަދުގެ އަޑުއެހުން ވަނީ ސިއްރު ކޮށްފައި -- ފޮޓޯ/މިހާރު
13 މެއި 2019 - 16:24
33 comments
ދީބާޖާ އިންވެސްޓްމަންޓާ އެކު ހެދި އެއްބަސްވުން ސަރުކާރުން ބާތިލް ކުރުމުން އެ ކުންފުންޏަށް 348 މިލިއަން ރުފިޔާ ދޭން ޖެހޭ މައްސަލައިގެ ހުކުމް ތަންފީޒު މަރުހަލާގެ މިއަދުގެ އަޑުއެހުން ސިިވިލް ކޯޓުން ސިއްރުކޮށްފި އެވެ.
އުތުރު ޕްރޮވިންސްގައި ފެރީގެ ޚިދުމަތް ދިނުމަށް އެމްޑީޕީގެ ވެރިކަމުގައި ދީބާޖާއާ އެކު ސަރުކާރުން ހެދި އެއްބަސްވުން 2013 ވަނަ އަހަރު ކުރީގެ ރައީސް މުހައްމަދު ވަހީދުގެ ސަރުކާރުން ބާތިލްކުރި މައްސަލައިގައި އެ ކުންފުންޏަށް ގެއްލުމުގެ ބަދަލުގެ ގޮތުގައި 348 މިލިއަން ރުފިޔާ ދައްކަން ސިވިލް ކޯޓުން 2014 ގައި އޮތީ ހުކުމްކޮށްފަ އެވެ. އެ ހުކުމަށް ސުޕްރީމް ކޯޓުން ވެސް މިދިޔަ މަހު ވަނީ ތާއީދުކޮށްފަ އެވެ.
އެ ހުކުމް ތަންފީޒު ކުރުމުގެ މަރުހަލާ މިއަދު ފެށިއިރު، އެ އަޑުއެހުން ކުރިއަށް ގެންދިޔައީ އާންމުކޮށް ހުޅުވާ ނުލައި ސިއްރު ކޮށްގެންނެވެ. ސިވިލް ކޯޓުން ބުނިގޮތުގައި، އެގޮތަށް ނިންމީ އެ އަޑުއެހުން ހުޅުވާލައިފި ނަމަ، އެ މައްސަލަ އަށް ހުރަހެއް އެޅިދާނެތީ އެވެ. އެގޮތަށް ކަނޑައެޅީ، އަޑުއެހުންތައް ސިއްރު ކުރުމަށް ގާނޫނުއަސާސީން ފަނޑިޔާރުންނަށް ލިބޭ ބާރުގެ ދަށުން ކަމަށް ސިވިލް ކޯޓުން ބުނެ އެވެ. އެކަމަކު ދެން އޮންނަ އަޑުއެހުން ސިއްރު ކުރަން އަދި ނިންމާފައި ނުވާ ކަމަށް އެ ކޯޓުން ބުންޏެވެ.
ސިވިލް ކޯޓުން ބުނީ ދީބާޖާ އަށް ބަދަލު ދޭން ކުރި ހުކުމް ރިވިއު ކުރަން ދައުލަތުން ސުޕްރީމް ކޯޓަށް ހުށަހަޅަން ނިންމާފައިވާތީ، އެކަމާ މެދު ސުޕްރީމް ކޯޓުން ގޮތެއް ނިމެންދެން، އެ ހުކުމް ތަންފީޒު ކުރުމުގެ މަރުހަލާ މަޑުޖައްސާލަން ދައުލަތުން މިއަދުގެ އަޑުއެހުމުގައި އެދިފައިވާ ކަމަށެވެ. އަދި އެ ފައިސާ އެއްފަހަރާ ދެއްކުމުގައި ދަތިތަކެއް އެބަހުރި ކަމަށް ދައުލަތުން އެ އަޑުއެހުމުގައި ބުނި ކަމަށް ވެސް ކޯޓުން ބުންޏެވެ.
ސިވިލް ކޯޓުން ބުނިގޮތުގައި އެ މައްސަލާގެ އިތުރު އަޑުއެހުމެއް އަދި ބާއްވާނެ އެވެ.
ދީބާޖާ އަށް ބަދަލު ދޭން ސިވިލް ކޯޓުން ހުކުމް ކޮށްފައި ވަނިކޮށް މިދިޔަ އަހަރު ހައި ކޯޓުން އެ ހުކުމް ބާތިލްކޮށް، އެ ފައިސާ ދައްކަން ނުޖެހޭނެ ކަމަށް ހުކުމްކުރި އެވެ. އެކަމަކު ސުޕްރީމް ކޯޓުން މިދިޔަ މަހު ހުކުމްކުރީ އެ މައްސަލަ ހައި ކޯޓުން ބަލައިގަތީ އިސްތިއުނާފް މުއްދަތު ހަމަވިފަހުން ކަމަށާއި އެ މުއްދަތު ހަމަވިފަހުން ހުށަހެޅުމުން އެ މައްސަލަ ހައި ކޯޓުން މައުޟޫއީ ގޮތުން ބެލީ ގާނޫނާ ޚިލާފަށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުމީހާ
14 May 2019
އަލްހާން ފަހުމީއަށް ބާރުބޮޑުވީމަ ސިއްރުކުރީ. އަލްހާނަކީ ކޯޓްތައް ކޮންޓްރޯލްކުރަން ސޭޓު ގެންގުޅޭ ޕަޕެޓެއް.
ޝައިނީ
14 May 2019
ހުޅުވާލެވިގެން ޝަރީޢަތް ބޭއްވުމަކީ އަސާސީ ޙައްޤެއް. އެޙައްޤު ދިފާޢު ކުރަންޖެހޭނީ ދައުލަތުން. ރައްޔިތުންގެ ބައިތުލްމާލު ބަޔަކަށް ދޭންވެގެން އުޅެން ހެދީމާ އެކަން ބަލާ އަޑުއަހާލަން ރައްޔިތުންނަށް ނުވަދެވޭ ގޮތަށް ސަރިއަތް ހިންގުމަކީ މުޅި ދައުލަތުގެ ފޭލިއާއެއް. ކަނޑައެޅިގެން ވައްކަން ކުރާކަން އަންގައި ކާފީ ދަލީލެއް. ރައީސް އިބުރާހިމް ބަސް ބުުނަންޖެހޭ ހާލަތެއް.
ޖެމް
14 May 2019
ދީފިއްޔާ ވަރުގަދަ މުޒާހަރާ އަކައް ރެޑީވާތި. އެހާ ފަސޭހައިން މިކަމެއް ނުނިމޭނެ.
ކަތްދައްތަ
14 May 2019
މަވެސް ނިކުންނާނަށް.
ފޮނިކަލޯ
14 May 2019
މިހާރުވެސް ކޮރަޕްޓް، ޔާމީން ސަރުކާރުގަވެސް ކޮރަޕްޓް މީ ބޮޑު މުސީބާތެއް މިކަން ރަނގަޅެއްނުވާނެ ކީތްކުރަން ސިއްރު ކުރީ
ރޯނާ
14 May 2019
މީގެފަހުން ތިހެންވެވޭ ޢެއްބަސްވުންތަކުގައި އެއްބަސްވުން އުވާލިޔަސް އެއްވެސްޙާލެއްގައި ރައްޔަތުންގެ ޓެކްސްފައިސާއިން އެފައިސާ އަނބުރާ ދައްކަންނުޖެހޭ ގޮތަކަށް މާއްދާއެއް އިތުރުކޮށްބަލަ. ޢިންކަމްޓެކްސް ނަގަން ފައްޓާ.
މިސްރާބު
14 May 2019
ސިއްރު ކުރެވުނީ ކީއްވެކަން ބުނެ ނުދެވުނަސް ސިއްރު ކުރަންޖެހުނު މައިގަނޑު އަސާސް ބުނެދެވެންވާނެ ކަމަށް ޤަބޫލުކުރެވޭ. މިސާލަކަށް ޤައުމުގެ ސިޔާދަތަށް ނުވަތަށް އިަސްތިޤްލާލަށް ނުރައްކާވުން، އާއްމު ފަރުދުންގެ ފުރާނައަށް ނުރައްކާވުން، ބަޔަކަށް އިއާދަ ނުކުރެވޭފަދަ ބޮޑު ގެއްލުމެއް ލިބުން، ...
ވަކީލާ
14 May 2019
މީގެ ކުރިންވެސް ފަސާދައިގެ ކަންކަން ގެންދިޔަ އުސަުލުން މިކަން ދާތަން ވަރަށް ަރަގަޅަށް އެބަފެނެ. ޚޯޓުގައި ހިނގާ މިމައްސަލަ ސިއްރުވަަންޖެހަެ އެއްވެސް ސަބަބެއް ނެތް. ޢެޓަރނީ ޖެނެރަލް ލިމައަސަލައިގެބތެރެއިްނ ލަަރިނަނަގަން އުޅުނުކަމަށް އަލްހާން ޝައްކުކޮށްފި. ޢަލްހާން ކުންފުންޏަށް 174 މިލިއަން އެބަ ލިބެ. ހައިކޯޓުން މައްސަލަ ނިނަމި ގޮތުގެ ބަޔާނަކަށް މިހާރަކު އެކްސެސްއެއް ނުވެވެ. އަދިވެސް ކިޔަންވީތޯ؟
ފިކުރުކު
14 May 2019
ވެރިންގެ ބާރާ ނުފޫޒުން ނުހައްގުން ކިތައްމެ އަނިޔާއަކާއި ގެއްލުމެއްދިނަސް ލިބޭނެ ބަދަލެއް ނެތިއްޔާ ގާނޫނުގެ ބޭނުމެއްނެތް. މިއީ ލައްކަވާހަކަ.
ނޫސަންގު
14 May 2019
ވިޔަފާރިއެއް ހިންގި ކަމުގެ ރެކޯޑެއް އޮތް ކުންފުންޏެއްތޯ އަދި ޙިއްސާދާރުންނަކީ ކޮބައިތޯ މިހާރުން ސާފުކޮށް ދެއްވުން އެދެން. ގާސިމްގެ ކުންފުންޏަކަށް ބަދަލު ދޭން ކޯޓުން ނިންމީމަ އެމްޑީޕީ އިން ފާޑު ކީ. މިފަހަރު؟
ދެން ޖެހޭނީ ހަމަ ތިބެން!
14 May 2019
ހިތާމައިގެ ހިން ދިރުވާލާފައި ބުނަންޖެހޭނީ ހުރިހާވެސް މައްސަލައަކީ އަހަރުމެން މިކަމެތި ރައްޔިތުން ކަމުގައިވާ ވޯޓްލީ މީހުން! ދޮގުވާހަކަތަކަށް މިހާރު މިތިބީ ބޮޑު މެޖޯރިޓީ ދީގެން! ގިނަ ބަޔަކު ބެހި ނުރަގަޅު ފައިސާއަށް ވޯޓް ދިން! ގައުމަށް ކޮންމެ ގޮތެއްވިޔަސް މައުމޫނާ ގާސިމުވެސް ރީދޫ އަވައިގާ ޖެހި މިހާރު އެތިބީ ސިޔާސީ ޙަޔާތް އަމިއްލައަށް ކަފުންކޮށްގެން! 5 އަހަރު ވާއިރު މިދާރޭޓުން މިގައުމުއަތަކުނުވާނެ! ދެން ހަމަޖެހޭނީ ތިބެން! އެއްކަމެއްވެސް ނުކުރެވޭނެ!