ތިމަރަފުށީ އެއާޕޯޓު: ޒުލޭޚާ އެކްސިޑެންޓުވީ މި އެއާޕޯޓަށް ދާ މަގުގެ އެއްފަރާތުން ހިނގާފައި ދަނިކޮށް، އެ މަގުން ބާރަށް ދުއްވާފައި ދިޔަ ވޭނެއް ކޮންޓްރޯލް ނެއްޓި، އޭނާގެ ގައިގައި ޖެހުމުން.
14 މެއި 2019 - 03:07
8 comments
ތ. ތިމަރަފުށީގައި މިދިޔަ މާޗު މަހު ހިނގި އެކްސިޑެންޓުގައި ޒަޚަމްވި ޒުލޭޚާ އަބްދުުލް ޣަނީ އަށް ސްރީ ލަންކާގައި ފަރުވާދެމުން އަންނަނިކޮށް މިރޭ މަރުވެއްޖެ ކަމަށް އޭނާގެ އާއިލާއާ ހަވާލާދީ ފުލުހުން ދެންމެ ބުނެފި އެވެ.
ފުލުހުން ބުނީ މާޗް 12 ވަނަ ދުވަހު ހިނގި އެކްސިޑެންޓުގައި އަނިޔާވި ޒުލޭޚާ މިރޭ ދަންވަރު 1:20 ގައި މަރުވެފައިވާ ކަމަށް އާއިލާ އިން މައުލޫމާތު ދީފައިވާ ކަމަށެވެ.
ޒުލޭޚާ އަށް ލަންކާ ގައި ފަރުވާދެމުން އައި ނަމަވެސް އެކްސިޑެންޓަށް ފަހު އޭނާ އޮތީ ކޯމާއެއްގަ އެވެ.
އުމުރުން 52 އަހަރުގެ ޒުލޭޚާގެ ސިކުނޑީގެ ތިން އޮޕަރޭޝަނެއް، އެކްސިޑެންޓާ ގުޅިގެން ކޮށްފައިވެ އެވެ. އޭގެ ތެރެއިން ފުރަތަމަ އޮޕަރޭޝަން ކުރީ އޭޑީކޭ ހޮސްޕިޓަލްގަ އެވެ. ފަހު ދެ އޮޕަރޭޝަން ކުރީ ލަންކާގަ އެވެ.
ވަންދޫގައި ދިރިއުޅޭ ޒުލޭޚާ އެކްސިޑެންޓު ވީ، އާއިލާ ބަޔަކު ބަލާ ތިމަރަފުއްޓަށް ގޮސް އުޅެނިކޮށެވެ.
ތިމަރަފުށީ އެއާޕޯޓަށް ދިޔަ އާއިލާގެ މީހުން ބަލައި ގޮސް އުޅެނިކޮށް، ޒުލޭޚާ އެކްސިޑެންޓުވީ އެއާޕޯޓަށް ދާ މަގުގެ އެއްފަރާތުން ހިނގާފައި ދަނިކޮށް، އެ މަގުން ބާރަށް ދުއްވާފައި ދިޔަ ވޭނެއް ކޮންޓްރޯލް ނެއްޓި، އޭނާގެ ގައިގައި ޖެހުމުންނެވެ. އެ އެކްސިޑެންޓުގައި އޭނާ ބޮލަށް ލިބުނު ޒަޚަމްގެ އިތުރުން މޭ ކަށިގަނޑުގެ ދެ ފަރާތުން ތިން ކަށިގަނޑު އަދި ތިން ދަތް ވެސް ބިނދުނެވެ.
ޒުލޭޚާ އަށް އިތުރު ފަރުވާ ދިނުމަށް ލަންކާ އަށް ގެންދިޔަ މާޗް 23 ގަ އެވެ. އޭނާ އަކީ ތ. ވަންދޫ ކައުންސިލްގެ ރައީސް މުހައްމަދު ގިޔާސްގެ މައިދައިތަ އެވެ.
ފުލުހުން މިދިޔަ މަހު ބުނެފައި ވަނީ ޒުލޭޚާގެ ގައިގައި ޖެހުނު ވޭން ދުއްވަން އިން މީހާގެ ލައިސަންސް ދެ އަހަރުގެ މުއްދަތަކަށް ހިފަހައްޓާފައިވާ ކަމަށެވެ. އަދި މިރޭ ބުނީ، ތަހުގީގު ނިންމައި ތ. އަތޮޅުގެ ޕްރޮސެކިއުޓާ ޖެނެރަލްގެ އޮފީހުގެ ގޮތްޕަށް މައްސަލަ ހަވާލު ކޮށްފައިވާ ކަމަށެވެ.
"މި މައްސަލައިގައި ދައުވާ ކުރުމުގެ ބައި ކުރިއަށް ދާ ކަމަށް މައުލޫމާތު ލިބޭ،" ފުލުހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
14 May 2019
ޥަރައްދެރަ ވެއްޖެ މާތް ﷲ ޒުލޭހާޔައް ހެޔޮދަރުމަތް ލައްވާ އާއިލާޔައް ކެއްތެރިކަން މިންވަރުކުރައްވާށި އަދުލުއިންސާފު ނެތްތާކު ދިރުމެއްނުވާކަމައް އަހަރެމެންގެދީންބުނޭ ވީމާ އަދުލައް ހުކުމްކުރުމައް ފަނޑިޔާރުންގެ ކިބައިން އެދެން ރެހެންދި ފުލެޓަކީ ފަނާވެ ދިޔުމެއް އަދުލުވެރިހުކުމް ތާއަބަދައް ދެމިގެންވޭ
ތެދު
14 May 2019
މަރުވިއްޔާ މަރުވި ކަން..މަރު ނިވިއްޔާ މަރު ނުވި ކަން. މިއީ މި ރާއްޖޭގެ ޤާނޫނަކީ..
ހަސަން.
14 May 2019
ބާރައް ރޭސް ޖަހައިގެން އެކްސިޑެންޓް ވީމަ ޖަލުހުކުމެއް އަންނަން ޖެހޭނެ. އެއީ ގަސްދުގަ މީހަކު މެރުން ފަދަ ކަމެއް.
ސުޖާ
14 May 2019
2 އަހަރު ދުވަހު ލައިސަންސް ހިފެހެއްޓުން ތިއީ އެއާއިލާޔައް ކުރި ފުރައްސާރަޔެއް ކަމުގަދެކެން! މިގައުމަކީ ކޮންމެހެން އިންޖީނުލީ އުޅަދުގަ މަޖުބޫރުވެގެން ދުއްތަނެއްނުވާއިރު ތިއަދަބަކައް ވާނެގޮތެއް ނޯންނާނެ! ތިކަންހައްލު ނުވަނީ ކުރައް ބޭނުންނުވާތި މިގައުމާ ގުޅިފަ އެހެންގައުމެއް ނޯންނައިރު ސުޕީޑު ލިމިޓު ކޮއްގެން ދުއްވާއެއްޗެތި އެތެރެ ކުރީމަ ނިމުނީ
ރާވެރިބެ
14 May 2019
ތިމާ ކުރިކަމެއްގެ ސަބަބުން މީހަކު މަރުވުމަކީ ތިބާ ބިރުގަންނަންޖެހޭ ކަމެއްކަން ވިސްނޭ ބަޔަކު އުޅޭ ތަނެއްގައި މިފަދަ ކަންކަން ދިމާވުމަކީ ނާދިރުކަމެކެވެ. ދިވެހި މުޖުތަމުގައި މިއޮތީ ކުއްވެރިން ވެރިންނަށްވެ އެމީހުންގެ ނޭއްގާނީކަން ވިހައެއްހެން ފެތުރިފައެވެ. ކޮންމެ ކަމެއްގައިވެސް ފެންނަނީ ކަމެއް ކުރެވޭނެ ގޮތެއް ނެތިފައި ދޮޅީގައި އަތްވިދިފަ ތިބޭ ތަނެވެ. ނަމަވެސް ސީޔާސީ ކުއްވެރިންނަށް ހިތަކަށް އަދަބުދެވޭނެގޮތްތައް އެބައޮތެވެ.
ކޮކީ
14 May 2019
إِِنَّا لِلهِ وَإِنَّـا إِلَيْهِ رَاجِعُوْنَ
ރާއްޖެއެއް ނެތް
14 May 2019
2 އަހަރު ދުވަހު ލައިސަންސް ހިފެހެއްޓުން އެއީ އަދަބެއްތޯ؟ ކުރީގައި ބޮޑެތި ކުށްކުރާ މީހުން ރަށްރަށަށް އަރުވާލުންފަދަ ކަމެއް ތީ. ކޮބާ އާއިލާއަށް ލިބުނު ފޫ ނުބެއްދޭ ގެއްލުމާއި ލިބުނު ހިތާމަ
ހަސަންޓެ
14 May 2019
ވެރިޔާ ތިހުރީ ރޯދަޔަކަށްނު. ރުޅި މަޑުކޮށްފަ އަލުން ހަބަރު ކިޔާލަބަލަ. ލައިސެންސް ހިފެހެެޓުމަކީ އިދާރީ އަދަބެެއް. ޖިނާޢީ ބައި ތަޙްޤިޤު ނިންމައި ޕީޖީ އޮފީހަށް ފޮނުވިކަމަށް އެއޮތީ. ޕީޖީއިން މައްސަލަ އިތުރަށް ދިރާސާކޮށް ކޯޓަށް ހުށަހެޅީމަ މައްސަލަ ސާބިތުވާނަމަ ޖިނާޢީ ކުށެއް އަންނާނެ.