ސިވިލް ކޯޓުގެ ޝަރީއަތް ހިންގާ މާލަމެއް: ހައްޖަށް ގެންދިއުމުގެ ހުއްދަ ދިން ކުންފުނިތަކުގެ މައްސަލާގެ ޑިސްޕިއުޓް މަރުހަލާ ވަނީ ފަށާފައި -- ފޮޓޯ/މިހާރު
15 މެއި 2019 - 12:52
12 comments
ހައްޖަށް މީހުން ގެންދެވޭނެ ކުންފުނިތައް އިސްލާމިކް މިނިސްޓްރީން ކަނޑައެޅުމުގައި އަމަލުކުރި ގޮތާ މެދު ހިތްހަމަނުޖެހިގެން ސިސިލްފަރު ހައްޖު އެންޑް އުމްރާ ކުންފުނިން ސިިވިލް ކޯޓަށް ހުށަހެޅި މައްސަލައިގެ ޑިސްޕިއުޓް ރިޒޮލިއުޝަން މަރުހަލާ މިއަދު ފަށައިފި އެވެ.
މި އަހަރު ރާއްޖެއިން ހައްޖަށް މީހުން ގެންދިއުމުގެ ހުއްދަ އަށް އެދި ހުށަހެޅި ކުންފުނިތަކުގެ ތެރެއިން ފަސް ކުންފުންޏަކަށް އެ ހުއްދަ ދޭން ނިންމައިި، އިސްލާމިކް މިނިސްޓްރީން މިހާރު ވަނީ އެކަން އާންމުކޮށްފަ އެވެ. އެ ހުއްދަ ދެނީ އެންމެ މަތިން މާކްސް ލިބޭ ކުންފުނިތަކަށެވެ. އެކަމަކު ސިސިލްފަރަކަށް މި ހުއްދަ މި އަހަރު ލިބިފައެއް ނުވެ އެވެ.
އެ މައްސަލާގައި ސިސިލްފަރު ކުންފުނިން ސިވިލް ކޯޓަށް މައްސަލަ ހުށަހެޅީ ކުންފުނިތަކަށް މާކްސް ދިނުމުގައި އިސްލާމިކް މިނިސްޓްރީން އަމަލުކުރި އުސޫލު ރަނގަޅު ނޫން ކަމަށް ބުނެ އެވެ.
އެ މައްސަލާގައި ސުލްހަވެރި ހައްލެއް ލިބޭތޯ ބެލުމަށް ކޯޓުގެ ޑިސްޕިއުޓް މަރުހަލާގެ އަޑުއެހުންތައް މިއަދު ހެނދުނު ފެށުމުން ދައުލަތުން އެދުނީ ޖަވާބުދާރީވާން ފުރުސަތެއް ދިނުމަށެވެ. އެހެންވެ، މާދަމާއާ ހަމައަށް ދައުލަތަށް ވަނީ ފުރުސަތު ދީފަ އެވެ.
އެ މައްސަލައިގެ ޝަރީއަތް ފަށާނީ ޑިސްޕިއުޓް މަރުހަލާގައި ސުލްހަވެރި ހައްލެއް ނުލިބިއްޖެ ނަމަ އެވެ.
ސިސިލްފަރުން ހުށަހެޅި މައްސަލާގައި ވަނީ މާކްސް ދިނުމުގައި މިނިސްޓްރީން އަމަލުކުރީ މައުލޫމާތު ދިން ގޮތާ ޚިލާފަށް ކަމަށާއި އަދި އިވެލުއޭޓް ކުރުމުގެ އުސޫލުތަކާ ޚިލާފަށް ވެސް އެ މިނިސްޓްރީން އަމަލުކުރި ކަމަށް އެ މައްސަލާގައި ބުނެފައިވެ އެވެ.
ހައްޖަށް މީހުން ގެންދިއުމުގައި 35 އަހަރުގެ ތަޖްރިބާ އެ ކުންފުންޏަށް ލިބިފައިވާއިރު، މާކްސް ދިންއިރު ތަޖްރިބާގެ ބައިން އެ ކުންފުންޏަށް އެންމެ ޕަސެންޓެއްގެ މާކްސް ވެސް ލިބިފައިނުވާ ކަމަށާއި އެއީ އެކަށީގެންވާ އަދަދެއް ނޫން ކަމަށް އެ މައްސަލާގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހުމަދު77
16 May 2019
ޑރ ޒިޔާދު ބާގިރު އަކީ ދުވަހަކު މީހުން ހައްޖައް ގެންދިޔަ ބޭފުޅެއް ނޫން. މިނިސްޓަރު ކަން ކުރީމަ ފުލްކޮށް ދޭކަށް ނުޖެހޭ.
ކަދުރޭ2
15 May 2019
ދީބާޖާ..ބިގް...ސިސިލްފަރު..ސާބެމެނަށް އީވާ މެނަށް ތީގެން ފައިދާ އޮތީ. ބަދަލުގެ ގޮތުގައި އަނެއްކާ 3 ހަތަރު ސަތޭކަމިލިޔަންދީ..
ކުންނާރު އޮށް
15 May 2019
ހައްޖަށް މީހުން ގެންދިއުމުގައި 35 އަހަރުގެ ތަޖްރިބާ އެ ކުންފުންޏަށް ލިބިފައިވާއިރު ތަޖްރިބާގެ ބައިން އެ ކުންފުންޏަށް އެންމެ ޕަސެންޓެއްގެ މާކްސް ވެސް ލިބިފައިނުވުން އެއީ އެކަށީގެންވާ އަދަދެއް ނޫން
ފަނާ
15 May 2019
ދޭންވެސް ޖެހިދާނެ އީވާގެ ބަފާކަލޭގެ ގްރޫޕްވިއްޔަ
ސަފާ
15 May 2019
އޮގަރޭއަކީ ކޮންމެފަހަރަކު މީހުން ގޮވައިގެން ހައްޖަށްދާމީހެއް މަމެން ދިޔަ ފަހަރު މުޒުދލިފާއަށް ދިޔައީ މަމެން ގޮވައިގެން މުޒުދަލިފާއިން މިނާއަށް އައީވެސް މަމެން ޮވައިގެން މަމެން ގްރޫޕްގަ ކުޑަކޮށް ބަލިމީހަކު ހުރީމަ ސީދާ އޭނާގެ ބެލުމުގެ ދަށުން ކަންތައް ގެންދިޔައީ އަރަފާތަށް މުޒުދަލިފާއަށްދާ އިރު މިހުންނަނީ ކުދި ގްރޫޕްތަކެއް ހަދާފަ ލީޑަރަކު ލާފަ
ނުދަންނަމީހާ
15 May 2019
ޕްރީބިޑްމީޑިންގައި މައުލޫމާތު ދިންއިރު ބުނެފައި ވަނީ ތަޖުރިބާގެ ގޮތުގައި ބަލާނީ ހައްޖަށް މީހުން ގެންދިއުމަށް ހުށަހަޅާ ކުންފުނިން އެކަމުގައި އެންމެ އިސްކޮށް ހުންނާނެ މީހެއްގެ ތަޖުރިބާއަށެވެ. ކުންފުންޏަށް 50 އަހަރު ފުރުނެއްކަމަކު ހައްޖަށްގެންދާ މީހުންނާ ހަވާލުވާ އެންމެ އިސްމީހަކަށް ހައްޖުގެކަންތައްތައް ނޭނގޭ މީހަކު އަމުދުން ހައްޖާޖީން ގޮވައިގެން ނުދާ މީހަކު ހިމެނުމަކީ އެކަމުގައި ތަޖުރިބާ ނެތުން. މައްސަލަ އަކީ ކުންފުންޏަށް ވި އަހަރެއް ނޫނެވެ.
ސޭކުބެ
15 May 2019
ތަޖްރިބާގެ ބައިގެ ލިޔެކިޔުން ނެތަސް ސިސިލްފަރު ގުރޫޕް ޒައީމާ ގްރޫޕަށް ތަޖްރިބާގެ ބައިން 100% ލިބެންޖެހޭނެ. މިކަން ނުދަންނަ މީހަކު މިރާއޖެއަކު ނުހުންނާނެ.
އަހުމެ
15 May 2019
ކޮންމެ ކަމެއްގަވެސް އޮންނަ އުސޫލެއްވާނެ. ނަމެއްއޮތަސް ޑޮކިއުމެންޓްސް ހުށަނާޅަންޔާ މާކްސް ދީގެންނުވާނެ. ތަޖުރިބާއައް މާރކްސް ދެނީ ހައްޖައް މީހުން ގެންދިއުމުގައި ހަވާލްވާ ފަރާތްތަކާއި މަރުހަލާތަކުން ހަވާލުވާ ފަރާތްތަކުގެ ތަޖުރިބާވެސް ހުރެގެން. ނަމަކުންނެއްނޫން
ފުންއަސަރު
15 May 2019
ހައްޖަށް މީހުން ގެންދިއުމުގައި 35 އަހަރުގެ ތަޖްރިބާ ސިސިލްފަރު ހައްޖު ގްރޫޕަށް ލިބިފައިވާއިރު، މާކްސް ދިނުމުގާ ތަޖްރިބާގެ ބައިން އެ ކުންފުންޏަށް އެންމެ ފަސްޕަސެންޓް މާކްސް ނުލިބުމަކީ މައްސަލައެއް. އަދުި ވަރަށް ދެރަވަރުކަމެއް. ކޮންމެ ގޮތެއްވިޔަސް، ތަޖުރިބާގެ ބައިން ލިބެންވާނެ. އެކަމަކު އަމާބުނީތީ ފަރަށްދާ އުސޫލުން ހައްޖަށް ގެންދާނަމަ، އެފަދަ ބަޔަކުން މާކްސް އުނިކުރެވިދާނެ. އުންމީދަކީ ސަރުކާރާ ދެންތިބިމީހުނާވެސް ވާހަކަ ދައްކައިގެން ހައްލު ގެނައުން
ޖަމީލުބެ
15 May 2019
ތަޖްރިބާގެ ބަޔަށް ހުށަހަޅަންޖެހޭ ލިޔެކިޔުން ފުރިހަމައަށް ހުށަހަޅާފަ ވާނަމަ އެބައިން ލިބުނު މާކްސް މަދު!
ބަބުރަންޖީ ހާޖީ
15 May 2019
އަނެއްކާ ދައުލަތުން ބޮޑުލާރިގަނޑެއް އެކުންފުންޏަށް ދޭންޖެހިދާނެތީ މަ ބިރުގަނޭ.
ސަފީގް
15 May 2019
ތި އުސޫލް އަށް އަހަރުން އަހަރަށް ބަދަލު ގެންނައިރު ވެސް 5 ކުންފުންޏަށް ހުއްދަ ދޭ ގޮތަށް އޮތުން ލާޒިމް ނޫންނަމަ މި ކުންފުނިތަށް އިތުރު ކޮށްލުމުން ހާޖީން ނަށް އޮންނަޗޮއިސް ބޮޑުވާނެ. 6 ކުންފުނިން 2000 މީހުން ގޮވައިގެން ހައްޖަށް ދިއުމުން ހާޖީން ނަށް އެކަށޭނަ އެހީތެރިކަން ނުލިބޭ ކަން ވޭތިވެދިޔަ 5 އަހަރު ގެ ހައްޖުން ވަނި ސާބިތުވެފައިި