ދިވެހި ހައްޖުވެރިންތަކެއް: ހައްޖަށް ގެންދިއުމުގެ ހުއްދަ ދިނުމުގެ މައްސަލާގައި ސިސިލްފަރުން ހުށަހެޅި މައްސަލަ ޑިސްޕިއުޓްގައި ހައްލު ނުވުމުން ޝަރީއަތް ހިންގަން ވަނީ ނިންމާފައި -- ފޮޓޯ/މިހާރު
17 މެއި 2019 - 16:32
6 comments
ރާއްޖެ އިން މި އަހަރު ހައްޖަށް ގެންދިއުމުގެ ހުއްދަ ދިނުމުގައި އިސްލާމިކް މިނިސްޓްރީން އަމަލުކުރި ގޮތާ މެދު ހިތްހަމަނުޖެހިގެން ސިސިލްފަރު ހައްޖު އެންޑް އުމްރާ ގްރޫޕުން ސިވިލް ކޯޓަށް ހުށަހެޅި މައްސަލައިގައި ސުލްހަވެރި ހައްލެއް ނުލިބި، ޝަރީއަތް ކުރިއަށް ގެންދަން ނިންމައިފި އެވެ.
ހައްޖަށް ގެންދިިއުމުގެ ހުއްދަ އަށް އެދި ހުށަހެޅި ކުންފުނިތަކުގެ ތެރެއިން އިސްލާމިކް މިނިސްޓްރީން މި އަހަރު އެ ހުއްދަ ދިނީ ހަ ކުންފުންޏަކަށެވެ. ސިސިލްފަރު ކުންފުނިން އެ މައްސަލަ ކޯޓަށް ހުށަހެޅީ އެކަމުގައި އިސްލާމިކް މިނިސްޓްރީން އަމަލުކުރި ގޮތާ މެދު ހިތްހަމަނުޖެހިގެން އެވެ.
އެ މައްސަލައިގައި ސުލްހަވެރި ހައްލެއް ލިބޭތޯ ބެލުމަށް ސިވިލް ކޯޓުގެ ޑިސްޕިއުޓް ރިޒޮލިއުޝަން މަރުހަލާގައި ބޭއްވި އަޑުއެހުމުގައި ހައްލެއް ނުލިބުމުން، އެ މައްސަލައިގެ ޝަރީއަތް ހިންގަން ނިންމީ އިއްޔެ އެވެ. އެކަމަކު، ޝަރީއަތުގެ އަޑުއެހުންތައް އަދި ނުފަށަ އެވެ.
ޑިސްޕިއުޓް މަރުހަލާ އަކީ ކޯޓަށް ހުށަހަޅާ މައްސަލަތަކުގެ ޝަރީއަތް ހިންގަން ފެށުމުގެ ކުރިން ދެ ފަރާތުން ވާހަކަ ދައްކައިގެން ހައްލެއް ލިބޭތޯ ބެލުމަށް އޮންނަ މަރުހަލާ އެކެވެ. އެ މަރުހަލާގައި ހައްލު ނުވާ މައްސަލަތަކުގައި ގޮތް ނިންމާނީ ޝަރީއަތް ހިންގުމަށް ފަހު އެވެ.
ސިސިލްފަރުން ހުށަހެޅި އެ މައްސަލަ ކޯޓުން ނިމެންދެން، ހައްޖަށް ގެންދިއުމުގެ ހުއްދަ ދިނުމުގެ ކަންކަން މަޑުޖައްސާލުމުގެ އަމުރަކަށް ވެސް އެދިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
17 May 2019
ސިސިލްފަރަށް ހުއްދަ ލިބެންވާނެ. މުގުރޫޕަށްވުރެ ތަޖުރިބާ ހުރި ގުރޫޕެއް ނެތް. ސަރުކާރެއް ބަދަލުވާއިރަށް މަގާމުތަކަށް މިއަންނަނީ އެލް ބޯޑު ޖަހައިގެން އަންނަ ބަޔަކު. މިވެރިންނަށް ނޭނގޭނެ ވާނުވާއެެއް
ޖަމީލުބެ
17 May 2019
އިވެލުއޭޝަން ކޮމެޓީއިން ގުުރޫޕްތަކަށް މާކްސް ދެނީ ގުރޫޕްގެ ނަމަށް ބަލައިގެންކަމެއް އިގިފައެއްނެތް. ކޮމެޓީއިން މާކްސް ދޭންޖެހެނީ ހުށަހަޅާފަ ހުންނަ ލިއެކިއުންތަކަށް ބަލައިގެން. ޕްރޮޕޯސަލް ހުށަހެޅުމަކީ ފަންނީކަމެއް. "ނުފޫޒު ގަދަ" ގުރޫޕްތަކަށް ކޮންމެހެންވެސް ކޯޓާދިނުމުގެ ދުވަސް މާޒީވެއްޖެ. އިބޭ ޞޯލިޙަށް ރައްޔިތުން ވޯޓްދިނީ މިފަދަ ސަބަބުތަަކަށްޓަކައި. ކޮމެޓީގެ އެންމެހާ މެންބަރުންނަށް ވަރަށް ވެދުން.
ބަބުރުލް ސަލީމް
17 May 2019
ފައިސާއާހެދި މީހުންތައް އާޚިރަތްދޫކޮށް ދުނިޔެއާހެދި ތެޅިމަރުވަނީއެވެ.
ހިގޮ
17 May 2019
އިސްލާމް ދީނުގެ ފަރުޟަކާ ގުޅިފަ ހުރި ގައުމީ ބޮޑުމައްސަލައެއް އިސްލާމިކް މިނިސްޓްރީގެ ޒިންމާ އެއް އެހެންވީމަ އެބޭފުޅުންނަށް ގޮތް ނިންމު މުގެ ފުރުސަތު ދޭންޖެހޭ.ހަގީ ގަތަކީ މިއީކަމަށްވެ ގޮތް ނިންމާ އިރު ގައުމުގެ ވުޒާރާއެއް ކަމަށް ވާ އެންޓި ކޮރަޕްޝަނުން އިސްލާމިކް މިނިސްޓްރީ ނިންމި ގޮތް ރަގަޅުތޯ/ނޫންތޯ ބުނެނުދެވުން މިހިސާބަށް މިދިޔައީ އެވުޒާރާގެ ބޭނުމެއް އޮތްކަމަކަށް ނުފެނޭ
ވާލުސޮރު.
17 May 2019
އާންމުފަރާތްތަކުން ކުރަމުންގެންދާ ހައްޖު ވިޔަފާރި ހުއްޓުވާފަ ސަރުކާރުން ޚިދުމަތެއްގެ ގޮތުގަ ހައްޖަށް މީހުން ގެންދަން ފަށަންވެއްޖެ. އަމިއްލަ ކުންފުނިތަކާހުރެ ހައްޖުދަތުރު އަގުބޮޑުވެ މީސްމީހުންނަށް ލަނޑު ލިބުންވެސް އާންމުވެއްޖެ. މިހާރު މިއޮތީ ރައްޔިތުން އިތުބާރުކުރާ ސަރުކާރެއް. ރައްޔިތުން ސަރުކާރަށް ކުރި އިތުބާރު ދެމެހެއްޓުމަކީ ސަރުކާރުގެ ޒިންމާއެއް.
ހާޖީއެދުރު
17 May 2019
ހައްޖުގެ މާތް އަޅުކަންވެސް ބޮޑު ވިޔާފަރިއަކަށް ހަދާ އެކަމުން ފައިސާ ނުލިބިދާނެތީ މިއޮއްފަދަ ރަމަލާން މަހުވެސް ތެޅިފޮޅެނީ!