އައިޖީއެމްއެޗާ ގުޅުވާލައިގެން ހަދާފައިވާ ދަރުމަވަންތަ ހޮސްޕިޓަލް: ޖުލައި މަހު ހުރިހާ ފްލޯއެއްގައި ޚިދުމަތް ދޭނެ. --ފޮޓޯ/މިހާރު
19 މެއި 2019 - 12:55
26 comments
އައިޖީއެމްއެޗުގެ ޖާގައިގެ ދަތިކަން ހައްލު ކުރަން އިމާރާތް ކުރި 25 ބުރީގެ ދަރުމަވަންތަ ހޮސްޕިޓަލަށް މި މަހުގެ ތެރޭގައި އޯޕީޑީ (ޑޮކްޓަރުން ބަލާ ކޮޓަރިތައް) ބަަދަލުކޮށް، މުޅި އިމާރާތް ޖުލައި މަހު ބޭނުންކުރަން ފެށޭނެ ކަމަށް ސީއީއޯ އިބްރާހިމް ސަލީމް (ކުޑަ ބަންދޭ) މިދިޔަ ހަފުތާގައި ވިދާޅުވެއްޖެ އެވެ.
އައިޖީއެމްއެޗުގެ ބައެއް ޚިދުމަތްތައް މިހާރު ވެސް ވަނީ، ކުރީގެ ރައީސް އަބްދުﷲ ޔާމީންގެ ސަރުކާރުގައި އިމާރާތް ކުރި ދަރުމަވަންތަ ހޮސްޕިޓަލަށް ބަދަލުކޮށްފަ އެވެ. އޭގެތެރޭގައި، ފިޒިއޮތެރަޕީ އާއި ސްޕީޗް ތެރެޕީ ހިމެނެ އެވެ.
ސަލީމް "މިހާރު" އަށް ވިދާޅުވީ ދަރުމަވަންތަ ހޮސްޕިޓަލުގައި އޯޕީޑީގެ ޚިދުމަތް ފަށަން ރޫމްތައް ވެސް މިހާރު ވަނީ ތައްޔާރުކޮށް ނިމިފައި ކަމަށެވެ. އޯޕީޑީ ބަދަލުކުރާ ގޮތަށް އޮތީ ދެ ވަނަ ފްލޯ އާއި ތިން ވަނަ ފްލޯ އަށެވެ.
"ރޯދަ މަސް ނިމުމާ އެކު އެކްސްރޭ އާއި އެހެން ޚިދުމަތްތައް ވެސް ބަދަލުކުރެވޭނެ،" ސަލީމް ވިދާޅުވި އެވެ.
އޭގެތެރޭގައި، ސްޕޯޓްސް ތެރަޕީ އާއި އީއެންޓީ އާއި ލޮލުގެ ބަލިތަކަށް ޚާއްސަ ޑިޕާޓްމެންޓާއި ޑެންޓަލް ޑިޕާޓްމެންޓް ވެސް ހިމެނެ އެވެ.
ހިނގާ މަގަކުން، ދެ އިމާރާތް ގުޅުވާލާފައިވާ އިރު، ދެ ތަނުން ވެސް ޚިދުމަތް ހޯދަން އުނދަގުލެއް ނުވާނެ އެވެ. އާ، އިމާރާތް ޑިޒައިން ކޮށްފައި ވަނީ، އައިޖީއެމްއެޗުގައި އިމަޖެންސީ ފަރުވާދޭ ޑިޕާމްޓްމަންޓުން ނުކުމެގެން ގޮސް ދަރުމަވަންތަ ހޮސްޕިޓަލަށް ވަދެވޭ ގޮތަށެވެ.
ދަރުމަވަންތަ ހޮސްޕިޓަލް: މި އިމާރާތާ އެކު އައިޖީއެމްއެޗުގެ ޖާގައިގެ ދަތިކަމަށް ލުޔެއް ލިބޭނެ.
އެ އިމާރާތުގެ ހުރިހާ މަސައްކަތެއް ނިންމައި، މި މަހުގެ ތެރޭގައި ސަރުކާރާ ހަވާލުކުރަން ޖެހެ އެވެ. އެއްބަސްވެފައިވާ މުއްދަތުގައި ހަވާލުކުރަން، ކޮންޓްރެކްޓަރު އިމާރާތް ސާފުކުރަމުން އަންނަ ކަމަށް ސަލީމް ވިދާޅުވި އެވެ.
ރާއްޖޭގައި މިހާތަނަށް އެންމެ އުސް އަދި އެންމެ އަގު ބޮޑު އިމާރާތް ހަވާލުކުރީ ސިންގަޕޫރުގެ ޝެންހުއާ ކުންފުންޏާ އެވެ. އެ އިމާރާތް ހަވާލުކުރީ 143 މިލިއަން ޑޮލަރު (2.2 ބިލިއަން ރުފިޔާ) އަށެވެ. ޖޫން، 5، 2016 ގައި އެ ކުންފުނިން މަސައްކަތް ފެށީ ދެ އަހަރުން ނިންމާށެވެ. އެކަމަކު ހޮސްޕިޓަލް ހުޅުވައި ޚިދުމަތް ލަސްވީ ވަސީލަތްތައް ހޯދަން ހަވާލުކުރި ކުންފުނިތަކަށް ދިން ތާރީޚުތަކުގައި އެކަން ނުވެގެން ކަމަށް އައިޖީއެމްއެޗުން ވަނީ ބުނެފަ އެވެ.
ސަލީމް ވިދާޅުވި ގޮތުގައި އާ އިމާރާތް ސާފުކުރުމާއި އެ ނޫން ޚިދުމަތްތަކަށް ވެސް ނަގަން ހަމަޖައްސާފައި ވަނީ ދިވެހިންނެވެ. ޒަމާނީ ފެންވަރަށް ހަދާފައިވާ އިމާރާތުގެ ކޮންމެ ފްލޯއެއްގައި 33 ފާޚާނާ ހުރެ އެވެ.
އޭނާ ވިދާޅުވީ މުޅި އިމާރާތް ބޭނުންކުރަން ފެށުމުން އައިޖީއެމްއެޗުގެ ޖާގައިގެ ދަތިކަމަށް ކޮންމެވެސް ވަރެއްގެ ލުޔެއް ލިބޭނެ އެވެ.
"ޑޮކްޓަރަށް ދެއްކުމާއި އެ ނޫން ވެސް ގިނަ ޚިދުމަތްތަކުގައި ލުއި ފަސޭހަތަކެއް ލިބިގެންދާނެ،" ސަލީމް ވިދާޅުވި އެވެ.
ދަރުމަވަންތަ ހޮސްޕިޓަލަކީ ރައީސް ޔާމީންގެ ތަރައްގީގެ ރަމްޒު ކަމަށް އެމަނިކުފާނުގެ ސަޕޯޓަރުން ސިފަކުރާއިރު، ސަރުކާރު ކޯލިޝަނުން ދެކެނީ އެއީ، ކޮރަޕްޝަންގެ ބިނާއެއްގެ ގޮތުގަ އެވެ. މި މަޝްރޫއަށް 140 މިލިއަން ޑޮލަރު ހަރަދު ކުރާއިރު މިއީ، މިފަދަ ދެތިން އިމާރާތުގެ އަގު ކަމަށް އިމާރާތްކުރުމުގެ ދާއިރާގެ މީހުން ދެކެ އެވެ. އެއަށް ރައްދު ދީ، ޔާމީންގެ ސަރުކާރުން ބުނެފައި ވަނީ، މުހިއްމީ ހޮސްޕިޓަލް އަވަހަށް ނިންމައި ޚިދުމަތް ދިނުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިލިޕީނުޑޮކުޓަރ
20 May 2019
ޑޮކުޓަރުން މޭފުޅާވަނީ މާބޮނޑައް، މިވެރިން ދަށުނުވެ ޖެހެނީ ފިލިޕީންސް ނޫނީ އިންޑިޔާއިން 30 ހަކަށް ޑޮކުޓަރުންނާއި ނަރުހުންކޮޅެއްގެނެސްފަ ތިތާ އެމޭޖެންސީ ހިންގަން ތިބި ހުރިހާއެންމެން ގެޔައް ފޮނުވާލަން. ފާޑެއްގެ ފެހިގަނޑުކޮޅެއްދީފަ 4 ގަޑި އިރުވާއިރުވެސް ޑޮކުޓަރައްދެއްކެނީއެއްނޫން. ކޮންޓުރައޭޖެއްހަދާކަށްތަ މިވެރިން؛ މިކަންވެސް ކުރަންއެންގެނީއެއްނޫން، ޗިކުން ގުންޔާ ޖެހިގެން ހުމާ ކުދިންކޮޅު ތިތާ ގޮންޑިބަރީގަ ފެހިކާޑު ހިފައިގެން ތިއްބާ، ސިކުނޑި އިންފެކު
ވަހީދު
19 May 2019
ޖުލައިމަހު ސަރުކާރުން ތިތަން ނުހުޅުވައިފިއްޔާ ރައްޔިތުން ނުކުމެ ތިތަން ރަސްމީކޮށް ހުޅުވަންވާނެ. ތިތަން ހެދީ ރައްޔިތުންގެ ފައިސާއިން. ހުރިހާ ކުދިން ދާންވާނެ.
ވަތަން އިސްކުރަންޖެހޭ
19 May 2019
މިސަރުކާރުން މިރާއްޖޭގެ އިގްތިސޯދު އިންޑިޔާއަ ހަދިޔާ މިކުރަނީ ދިވެހިންނަ ދެރަ. އައިހެވަން މަޝްރޫއު އިންޑިޔާއަ ދޭން މިސަރުކާރުން މިއުޅެނީ.
މޯޑުސް
20 May 2019
ތިއީ މިސުރުހީއާ ގުޅޭ ވާހަކައެއް ނޫން. ޖަޒުބާތުގަ ޖެހިގެން ވާހަކަ ނުދައްކާ
ޝޮކްތެރަޕީ
19 May 2019
ތިހޮސްޕިޓަލް ހީވަނީ ހޮޓަލެންހެން.
ފެންތަށި
19 May 2019
"ޑޮކްޓަރަށް ދެއްކުމާއި އެ ނޫން ވެސް ގިނަ ޚިދުމަތްތަކުގައި ލުއި ފަސޭހަތަކެއް ލިބިގެންދާނެ،" ސަލީމް ވިދާޅުވި އެވެ. މީ ކޮންބަޔަކަށް ލުއިފަސޭހަ ވެގެންދާނެ ވާހަކަތޯ؟ ތިޔަތަނުން ޑޮކްޓަރަށް ދެއްކުމަށްވުރެ ދަރަނިވެރިވެގެން ރާއްޖެއިން ބޭރަށްގޮސް ޑޮކްޓަރަށްދައްކާފަ އައުންވެސް މާ ހިތަށް ފަސޭހަވެފައި އަވަސްވާނެ. ދެންހުރީ އޭޑީކޭ ތިތަނަށްވުރެ އަވަސް އެކަމަކު އެއީވެސް ޚިދުމަތް އެންމެ އެދެވޭ އަވަސްމިނެއްގައި ލިބޭ ތަނެއްނޫން. މިމައްސަލަ ޙައްލުކުރަން އެބަޖެހޭ.
މަމެންގެ އަޑު
19 May 2019
މިއުޅޭނީ ޢިމާރާތް ނެތިގެން ނޫން ސަރުކާރަށް ހޮސްޕިޓަލް މެނޭޖްކުރަން ނޭގުމުގެ މައްސލަ މިއަށްވުރެ އާބާދީ ބޮޑު ގައުމު ތަކުގައިވެސް އެއްދުވަހުން ޑޮކްޓަރަށްދައްކާ ޓެސްޓްތައްހެދޭ ރާއްޖެތެރޭ މީހެއްވިއްޔާ -/10000 ރުފިޔާ ކެއުމަށާއި، ކޮޓަރިކުއްޔަށް ޚަރަދުވާފަހުން ޑޮކްޓަރަށް ދެއްކެނީ ސްކޭނެއްހެދެނީ ދައްކާތާ 3 މަސް ފަހުން އަނެއްކާ -/20000 އަތުން ޚަރަދުކުރަން ޖެހޭ މީ މގައުމުގެ ޞިއްޙީ ހާލަތު ހުރި ފެންވަރު މިއަށްކިޔާނީ ޞިއްޙީ ފަރުވާ ލިބެނީއޭތަ!!!
ގައުމުހުއްޓިފަ
19 May 2019
މިވެރިން ވެރިކަމަށްއައިސް އަދިވެސް ނިމިހފަހުރި ހޮސްޕިޓަލް އެއްވެސް ނުހުޅުވިގެން އެއުޅެނީ! އެތާހުރި ހުރިހާދޮރެއް ބަދަލުކޮއްފި އެންދެއްނުވެއްދިގެން. ފަހުންއެގުނީ އެއެންދަކީ ފޮލްޑު ކުރެވޭ އެނދެއްކަން. މީ ލައްކަވާހަކަ.
ރުމާލް 2
19 May 2019
ޢިމާރާތްވެސް އެބައެޅޭ މުވައްޒަފުން އިންތިހާއަށްގިނަ އެކަމަކު ޑޮޓަރަށް މިދެއްކެނީ 6 މަސްފަހުން ޓެސްޓްތައް މިހެދެނީ 1 އަހަރު ފަހުން. މިކަމުގެ ހައްލަކީ ޑޮކްޓަރުން އަމިއްލަ ކްލިނިކް ތަކުގައި ބަލިމީހުން ބެލުން މަނާކޮށް ކޮންމެ ޑިޕާރޓްމަންޓަކަށް ޑޮކްޓަރުން އިތުރުކޮށް ޑޮކްޓަރައް ދެއްކުމާއި, ހަދަންބޭނުންވާ ހުރިހާ ޓެސްޓްތައް އެއްދުވަހުން ހެދޭގޮތައް މެނޭޖް ކުރެވެން ޖެހޭނެވާހަކަ ހައެއްކަ ދިވެހި ޑޮކްޓަރުންގެ ކޮންޓްރޯލް އައި ޖީ އެމް އެޗްގައި އޮވެގެން ނުވާނެ.
ފެއިލް
19 May 2019
އައިޖީއެމްއެޗްގެ އިމާރާތަކަށް ހެދީމާ ކަމަކު ނުދާނެ. ދަރުމަވަންތަ ހޮސްޕިޓަލް ވަކިވާން ޖެހޭ. އެއީ ދިވެހި ރައްޔިތުންގެ ފައިސާއިން އެޅި ދިވެހިންގެ ހޮސްޕިޓަލެއް. އައިޖީއެމްއެޗަކީ އިންޑިޔާމީހުންނާ ހެދިފައި އޮތް އެގްރިމެންޓަކުން ވަކި ގޮތަކަށް ހިނގާތަނެއް.
އަސްރަފް
19 May 2019
ސުކުރިއްތާ ރައީސް ޔާމީން