ހެލްތު މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު އަމީން، (މ) އަދި އެ މިނިސްޓްރީގެ އިސްވެރިން ބައިވެރިވެވަޑައިގަންނަވަނީ --ފޮޓޯ: ހުސެއިން ވަހީދު/ މިހާރު
22 މެއި 2019 - 16:36
30 comments
ރާއްޖެ އަށް ބޭނުންވާ ފެންވަރު ރަނގަޅު ނަރުހުންނާއި ޑޮކްޓަރުން ހޯދުމުގެ މަސައްކަތް ހެލްތު މިނިސްޓްރީން އެކަނި ކުރާގޮތަށް ނިންމައިފި އެވެ.
އެ މިނިސްޓްރީގެ އޮފިޝަލަކު މިއަދު ވިދާޅުވީ ބޭރުން ގެންނަ ނަރުހުންނާއި ޑޮކްޓަރުންގެ ފެންވަރު ދަށްކަމަށް ބުނެ އާއްމުން ޝަކުވާ ހުށަހަޅާ ކަމަށެވެ. އެހެންވެ ވަރުގަދަ އިންޓަވިއު ޕްރޮސެސް އަކަށް ފަހު ނަރުހުންނާއި ޑޮކްޓަރުން ހޯދުމުގެ މަސައްކަތް ކުރަމުން އަންނަކަން ފާހަގަކުރެއްވި އެވެ.
މީގެ ކުރިން ނަރުހުންނާއި ޑޮކްޓަރުން ގެނައީ ރެކްރޫޓް އޭޖެންސީތަކާއި ހެލްތު މިނިސްޓްރީންނެވެ.
"ނަރުހުންނާއި ޑޮކްޓަރުން ހޯދުމުގެ ސިސްޓަމް ރަނގަޅުކުރުމުގެ މަސައްކަތް މި ކުރަނީ. އޭޖެންސީތަކުން ގެންނަ މީހުންގެ ފެންވަރު ދަށްކަމުގެ ޝަކުވާ ކުރޭ. އެހެންވެ ފެންވަރު ރަނގަޅު މީހުން މި ހޯދަނީ،" އޭނާ ވިދާޅުވި އެވެ.
އޮފިޝަލް ވިދާޅުވިގޮތުގައި އެ މަސައްކަތުގެ ތެރެއިން ޑޮކްޓަރުންނާއި ނަރުހުންގެ ވެއިޓިން ލިސްޓެއް ހެދިގެންދާނެ އެވެ. އޭރުން ރާއްޖޭގައި ހުރި ވަޒީފާގެ ފުރުސަތުތަކަށް ފަސޭހައިން މީހުން ހޯދޭނެކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީނަ
23 May 2019
ރަގަޅު. އޭޖެންސީ ތަކަށް މިކަން ދިނީމް މިކަން ގޯސްވެގެން މިއުޅެނީ
ހަޑިގިއްލާ
23 May 2019
ވަރަށް ރަނގަޅު ނިންމުމެއް.. ސީދާ ހޮސްޕިޓަލްތަކުން ރެކްރޫޓު ކުރާ ގޮތަށް އޮތުން އެންމެ ރަނގަޅީ
ޒިލީ
23 May 2019
ފުރިހަމަ ނިންމުމެއް. އެޖެންސީތަކުން މިކަންތައްވެސް އޮތީ ބޮޑު ވިޔަފާރިއަކަށް ހަދާ ނިޒާމު ފުނޑާލާފަ. ކިހާ ފެންވަރު ދަށް ޑޮކްޓަރުން އެބަތިބި ފޮނުވާފައި އަތޮޅުތެރޭ ސިއްހީ މަރުކަޒުތަކަށް. އިރާދަކުރެއްވިއްޔާ ދެން މި ކުޅިވަރަށް ނިމުން މި އަންނަނީ. ޝުކުރިއްޔާ އަމީން.
މޯދި
22 May 2019
މިނިސްޓަރަށް ބުނާ ބަދުބަހެއްނޫން.... މިފެންނަނީ ޓެކްނިކަލް ވާހިސާބު.... މިނިސްޓަރުންނަށް ލާންވާނީ އެދާއިރާއިން ތައުލީމު ލިބިފައިވާ މީހުން.... ރާއްޖޭގައި ފެންވަރު ރަނގަޅު މިހޫން ތިބެ.... މިނިސްޓަރުންނަށް މިގެންނަނީ ސިޔާސީ މީހުން.....
ނަރުސް
22 May 2019
ހަމައެކަނި ގިނައިން ލާރިލިބޭ މީހުން ހޯދަންތޯ ހަވާލުވީ؟؟ ކޮންމެ ނަރުހަކަށް 3000 ޑޮލަރ ... އައިދައިގެ ލެބްޓެކްނިޝަނުން ގެންނަން ކީވެތޯ ހަވާލު ނުވީ؟ އެޖެންސީއަށް ދޫކޮށްލަނީތޯ؟ ތިވިދާޅުވީ އެޖެންސީން ގޯސް ވާހަކަ؟ ބޮލެއް ހުރިމީހެއް ވިއްޔާ އިންގޭނެ ވާނުވާ
ސަލާމްް
23 May 2019
ބޮލެއްހުރި މީހެއްނަމަ އެގޭނެ ޑޮކްޓަރުކަން މީގައި އެންމެ މުހިންމު މީހަކީ. ޑޮކްޓަރު ބުނީމަ ލެބް ޓެކްނީޝަންވެސް ނަރުސްވެސް އެ ބުނާގޮތަކަށް ކަންތައް ކުރާނީ. މަތީ ފަޑި ރަނގަޅުނުކޮށް ތިރިއަކުން ކަމެއް ރަނގަޅެއް ނުކުރެވޭނެ. ބޮލުގެ ބޭނުން ހެޔޮ ގޮތުގައި ކުރޭ.
އަލީ55
22 May 2019
މިނިސްޓުރީ އަކީ މީހުންހޯދާ އޭސެންސީއެއްތައް؟ ޔާމީނު ސަރުކާރުގައި ބަންގުލަދޭޝް މީހުން ގެންނަން ހަވާލުވީ އިމިޤުރޭޝަންއިން އެނުންގޮތަކަށް މީހުން ނުގެނެވުނުއޭރު. އެމީހުންނަށް ބައިއަޅައިގެން ކުރީ ވަރަށް ސާފު.. ދެންމިހާރު މިޔޯ؟؟؟ މިއަށްވެސް ކިޔާނީ ކޮރަޕްޝަން ބަލަންތިބޭ!
ކަރީމް
22 May 2019
މިސުރުންނާއި އެތައްމިތަނުން ޑިކްޓަރުން ގެނެސްގެން މިދިޔަ ސަރުކާރުންވަނީ މުޅި ނިޒާބު ކޮރަޕްޓްކޮށް ޚަރާބުކޮށްފަ. ސަތޭކައިގެ ކަމެއް ތިޔައީ. ޢަހަރެމެން ރަށުގަ ހުންނަ މިސުރު އަންހެން ޑޮކްޓަރެއް މީހަކު މަރުވިޔަސް ބަނދު ގަޑިއަކު މަރުކަޒަށް ނާންނާނެ. އިބޫގެ ސަރުކާރުގައި ވީ އެންމެ ބޮޑު ވައުދު މިފުއްދެނީ. ކަރަޕްޝަން ނައްތާލުން. އަމީންގެ ހިތްވަރަށް ޝުކުރު
މޮޅުު
22 May 2019
އެންމެ ޑރ އެއްގެ މަސައްކަތްހުރި ގޮތް ފެނިފަ މުޅި ނިޒާމް ނުބައި ކަމަށް ނިންމިއިރު އިންކއުބޭޓަރ ނެތިގެން ތުއްތު ކުއްޖާ މަރުވުމަކީ މި ސަރުކާރުގެ ނިޒާމް އަދި މާ ގޯސްކަން ދައްކައިދޭ ކަމެއްނު
ޢަލީމް
22 May 2019
ކުރީގަވެސް ހެލްތުމިނިސްޓްރީއިން ރެކްރޫޓްކުރި، އޭރު މިނިސްޓްރީގަ އެކަން ކުރިގޮތަކީ ނަރުހަކު 1500 ޑޮލަރ މެޑިކަލް އޮފިސަރަކު 2500 ޑޮލަރ ސްޕެޝަލިސްޓަަށް 3000 ޑޮލަރ ދައްކައިގެން އައީ މީހަގީގަތް .މިފަހަރު އެހެންނުވެ ސްކްރީންވެގެން އިންޓަވިއުކުރެވިގެން ޑރ އިން ގެނެވިއްޖެނަމަ ރަގަޅުވާނެ. ޢަދި ގެންނައިރު އެއްގަުމެއްގެ ޑޜ އިން މާގިނަ ނުވާނެހެން ހެދުންވެސް ވަރަށް މުހިންމު.މިހާރު ގިނައިން މިފެންނަނީ އަރަބި ޑޮކްޓަރުން
ސާފުސާފު
22 May 2019
އޭޖެންސީތަކުން ނޫނީ އެހެން ދިމާލަކުންވެސް ކަޓު ނުޖައްސާ ސާފު މީހެއްވިއްޔާ ކޮން ބިރެއް ގަންނާނީ މިކަހަލަ ފިޔަވަޅެއް އަޅަން. އަމީންމެންފަދަ ފަސްބައި ސާފުމީހުން މަގާމުތަކަށް ގެންނަންވީ މިހެންވީމަ.
ހަސީނާ
22 May 2019
ހަމަ ތެދެއް. ކޮންމެ ވަޒީރަކުވެސް ބަލަނީ އެޖެންސީ ނުވަތަ އެހެން ބަޔަކު ލައްވާ ކަޓެއް ނެގޭތޯ މިހާ ޓްރާންސްޕެރެންޓްކޮށް މިކަން ކުރަން ކެރުނު މީހެއް ނެތް. ހަބެސް ނިންމުމެއް
ޤާސިމް
22 May 2019
މިނިސްޓްރީގެ ދަށަށް ރެކްރޫޓް ކުރުން ގެންދިޔަސް ރެކްރޫޓިންގެ ދެފުއްފެންނަ ހަރުދަނާ ޖަވާބުދާރީވެވޭނެ ނިޒާމެއް ނެތިއްޔާ އަދިވެސް އަންނާނީ ހަމަ ފެންވަރުދައް ޑޮކްޓަރުންނާއި ނަރުހުން. މީގެ މިސާލަކީ އެޑިއުކޭޝަން މިނިސްޓްރީން މީގެ ދެތިން ހަތަރު އަހަރު ކުރިން ޓީޗަރުން ރެކްރޫޓް ކުރަން އެތާގެ މުވައްޒަފުންވެސްދޭ އިންޑިޔާއަށް. ފާޑުފާދުގެ ޓެސްޓްތަކާ އިންޓަވިއުތައް ކޮށްނިމިގެންވެސް ފައިނަލް ސެލެކްޝަން ހެދިގެން ސުކޫލުތަށް އެންމެގިނައިން ލާރިދިންމީހަ ހަންނަނި.