މޭ މަހުން ފެށިގެން ސިއްހީ ދާއިރާގެ މުވައްޒަފުންގެ މުސާރަ ބޮޑުވާނެ: ރައީސް

ހެލްތު މިނިސްޓްރީގެ ލެބޯރެޓަރީގެ ފަންނީ މުވައްޒަފަކު ހިދުމަތުގައި: ސިއްހީ ދާއިރާގެ އެންމެންގެ މުސާރަ މި އަހަރު ބޮޑުވާނެ ކަމަށް ސަރުކާރުން ބުނެފައިވޭ.---ފައިލް ފޮޓޯ: މިހާރު

އަހުމަދު ހަމްދޫން، މިހާރު

06 ފެބުރުއަރީ 2023 - 09:52

28 comments

ސިއްހީ ދާއިރާގެ މީހުންގެ މުސާރަ މި އަހަރުގެ މޭ މަހުން ފެށިގެން ބޮޑުވާނެ ކަން ރައީސް އިބްރާހިމް މުހައްމަދު ސޯލިހު ރިޔާސީ ބަޔާނުގައި މިއަދު އިއުލާން ކުރައްވައިފި އެވެ.

ރައްޔިތުންގެ މަޖިލިހަށް ހުށަހެޅުއްވި ރިޔާސީ ބަޔާނުގައި އެކަން އިއުލާން ކުރެއްވިޔަސް އޭގެ ތަފުސީލެއް އެ މަނިކުފާނު ނުދެއްވަ އެވެ. ނަމަވެސް ޑޮކްޓަރުންނާއި ނަރުހުންނާއި ސިއްހީ ހިދުމަތްތެރިންގެ މުސާރަ ބޮޑު ކުރުމަށް ދައުލަތުގެ މި އަހަރުގެ ބަޖެޓުގައި ވަނީ 500 މިލިއަން ރުފިޔާ ކަނޑައަޅައިފަ އެވެ.

ސިއްހީ ދާއިރާގެ މީހުންގެ މުސާރަ ބޮޑުވާނެކަން ރައީސް އެންމެ ފުރަތަމަ އިއުލާން ކުރެއްވީ މިދިޔަ އަހަރުގެ ފެބްރުއަރީ މަހު ބޭއްވި ށ. ކޮމަންޑޫ ދާއިރާގެ ބައި އިލެކްޝަންގެ ކެމްޕެއިނަށް އެ ރަށުގައި ވާހަކަފުޅު ދައްކަވަމުންނެވެ. އެ މަނިކުފާނު އޭރު ވިދާޅުވީ، ޓީޗަރުންގެ މުސާރަ އަށް ގެނައި ހެޔޮ ބަދަލަށް ފަހު ދެން އޮންނާނީ ސިއްހީ ދާއިރާގެ މީހުންގެ މުސާރަ ބޮޑުކުރުން ކަމަށެވެ.

ރައީސް އިބްރާހިމް މުހައްމަދު ސޯލިހު އެ ފަހަރު ވިދާޅުވީ، ހަދަންޖެހޭ ދިރާސާތައް ނިމުމުން ދެން އުފާވެރިކަން ލިބޭނީ ސިއްހީ ދާއިރާގެ މުވައްޒަފުންނަށް ކަމަށެވެ.

ޕޭ ހާމަނައިޒް ކުރުން ނިމިގެން ދާއިރު، ޝަރުއީ ދާއިރާ އާއި އިމާމުންނާއި މުދިމުންނާއި އަދި ޖުމްލަކޮށް ސިވިލް ސާވިސްގެ ހުރިހާ މުވައްޒަފުން ޝާމިލްވާނެ،"--- ރައީސް

"އަޅުގަނޑު ނިންމައިގެން މި ހުރީ އެކަމާ ގުޅޭ ދިރާސާތައް މި އަހަރުގެ ތެރޭގައި ނިންމައި އެ މަސައްކަތް ކުރަން. އެ އަށް ފަހުގައި ދެން ފެނިގެންދާނީ ޑޮކްޓަރުންނާއި ނަރުހުންނާއި ސިއްހީ ދާއިރާގައި އެ ނޫން މުވައްޒަފުންގެ މުސާރަތައް ބޮޑުވެގެންދާތަން،" މިދިޔަ އަހަރުގެ ފެބްރުއަރީ 3 ގައި ރައީސް ވިދާޅުވެފައި ވެ އެވެ.

އޭގެ ފަހުން ފިނޭންސް މިނިސްޓްރީން މީގެ ދެ ހަފުތާއެއްހާ ދުވަސް ކުރިން ބުނީ، ސިއްހީ ދާއިރާގެ އެންމެންގެ މުސާރަ ބޮޑުވާނެ ކަމަށެވެ. އޭގެ ތެރޭގައި ސިއްހީ ދާއިރާގެ ފަންނީ އެންމެން ވެސް ހިމެނެ އެވެ.

35 ޕަސެންޓް އެލަވަންސް ނުލިބި ތިބި އެންމެންނަށް ދޭން ފަށަނީ

ރައީސް އިބްރާހިމް މުހައްމަދު ސޯލިހު، މި އަހަރުގެ ރިޔާސީ ބަޔާނުގައި ވިދާޅުވީ، ސިއްހީ ދާއިރާގެ މީހުންގެ މުސާރަ ބޮޑުކުރުމުގެ އިތުރުން މިނިސްޓްރީތަކުގައި 35 ޕަސެންޓް އެލަވަންސް ނުލިބި މިހާރު ތިބި ހުރިހާ މުވައްޒަފުންނަށް ވެސް މޭ 1 އިން ފެށިގެން އެ އެލަވަންސް ދޭން ފަށާނެ ކަމަށެވެ.

ދެން ވިދާޅުވީ، ޔުނިވަސިޓީގެ ދާއިރާގައި މަސައްކަތްކުރާ މީހުންގެ މުސާރަ އަށް ވެސް އަންނަ މާޗު މަހުން ފެށިގެން ހެޔޮ ބަދަލެއް އަންނާނެ ކަމަށެވެ. އެކަމަކު، ތަފުސީލެއް ނުދެއްވަ އެވެ.

"ޕޭ ހާމަނައިޒް ކުރުން ނިމިގެން ދާއިރު، ޝަރުއީ ދާއިރާ އާއި އިމާމުންނާއި މުދިމުންނާއި އަދި ޖުމްލަކޮށް ސިވިލް ސާވިސްގެ ހުރިހާ މުވައްޒަފުން ޝާމިލްވާނެ،" އެ މަނިކުފާނު ވިދާޅުވި އެވެ.

ރައީސް އިބްރާހިމް މުހައްމަދު ސޯލިހު، މި އަހަރުގެ ރިޔާސީ ބަޔާން މަޖިލިހަށް އިއްވަވަނީ.---ފޮޓޯ: މަޖިލިސް

ރައީސް މިއަދު ވިދާޅުވިގޮތުގައި، މިނިމަމް ވޭޖްގެ ބޮޑު ބަދަލަށް އަހަރެއް ވެފައި ވާއިރު، އެއީ ދިވެހި އެތައް މަސައްކަތްތެރިންނަށް ލިބުނު ބޮޑު ކުރިއެރުމެކެވެ. ސީދާ ގޮތެއްގައި 33،500 އަށް ވުރެ ގިނަ މަސައްކަތްތެރިންނަށް މިނިމަމް ވޭޖްގެ ހެޔޮ ބަދަލުން އަސަރު ކުރި ކަމަށް އެ މަނިކުފާނު ވިދާޅުވި އެވެ.

ރައީސް އިބްރާހިމް މުހައްމަދު ސޯލިހު ދެން ފާހަގަކުރެއްވި ކަމަކީ ޓޫރިޒަމް ދާއިރާގެ މީހުންނަށް ދޭ ސާވިސް ޗާޖާ ގުޅޭ ގޮތުން މިދިޔަ އަހަރުގެ ސެޕްޓެމްބަރު 22 ގައި ގެޒެޓްކުރި ގާނޫނެވެ.

އެއީ މަދުވެގެން 10 އިންސައްތައިގެ ސާވިސް ޗާޖެއް ނަގާ މުވައްޒަފުންގެ މެދުގައި ހަމަހަމައަށް ބެހުން ލާޒިމްކުރާ ގާނޫނީ ބަދަލު. މުވައްޒަފުންގެ އާމްދަނީ އަށް އައި ބަދަލުން އެ އާއިލާ ތަކުގެ ދިރިއުޅުމުގެ ހާލަތު ރަނގަޅުވެއްޖެ،" އެ މަނިކުފާނު ވިދާޅުވި އެވެ.

ސިއްހަތު ރައްޔިތުންގެ މަޖިލިސް ޑޮކްޓަރުން ރައީސް އިބްރާހިމް މުހައްމަދު ސޯލިހް ސިވިލް ސާވަންޓުންގެ މުސާރަ ރިޔާސީ ބަޔާން ނަރުހުން ހެލްތު މިނިސްޓްރީ

28 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނޭނގެމަށަކަށް

07 February 2023

މި ޤައުމުގައި ޞިއްޙީދާއިރާ އާއި ޓީޗަރުންގެ މުސާރައާއި ސިޔާސީ މަޤާމުތަކުގެ މީހުންގެ މުސާރަބޮޑުކުރަމުން އެބައިމީހުންނަށް ފަސޭހަ ކުރަމުންދާއިރު، ޤާނޫނީ ދާއިރާގެ މީހުން އެ ދާއިރާއަށް ނިކުތުން ކޮންޓްރޯލްކޮށް، އެ ދާއިރާއިން ލިބޭ އާމްދަނީން ބައެއް ބާރ ކައުންސިލަށް ދައްކާ މިފަދަ ކަންކަން ކުރުން ނޫންކަމެއް ނުފެނޭ. ކިޔަވާނެ ކަމެއް ނެތެއްނު. އަންޒަމާނު ކަރައަށް ވައި އެރީރުގެ ލޯޔަރުންތައް ފާރމްތަކުގައާއި އަމިއްލައަށް ޕްރެކްޓިސް ކުރަމުންދޭ ފޯރިނަގާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާއިރާ

07 February 2023

އަހަރެން ދުވަހަކުވެސް އެމްޑޕ އަކަށް ތާއިދެއް ނުކުރަން އެކަމަކުވެސް މިތާންގާ ކޮމެންޓު ކުރާ މީހުނަށް އެއްގޮތަކަށްވެސް ކޮވިޑު ހާލަތުގަ 2 އަހަރުގެ ޑިލޭއެއް އިކޮނަމީއަށް އާއިކަން ހަނދާން ނުވާކަހަލަ. ކޮއްމެ ބަޔަކު ކުރިޔަސް ރަނގަޅު އެއީ ރަނގަޅު ގޯސް އެއީ ގޯސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލިބެ

07 February 2023

ސިއްހީދާއިރާގެ މުސާރަހޭ ބޮޑުކުރަންވީ ނޫނީ އެތަނުގަ ޑޮކުޓަރަށް ދެއްކޭގޮތްހޭ ހަދަންވީ މިހާރުވެސް އިނީ ކިއުގެ 1000 މަތީގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

07 February 2023

އިންތިޚާބާ ދިމާކޮށް މުސާރަ ބޮޑުކޮށް ޕްރޮޖެކްޓަށް އެވޯޑުކުރުމަކީ ޚުދުމުޚުތާރުވެރިން ގެންގެޅޭ ސިޔާސީ އުކުޅެއް. މީހުންގެ ހިތްތައް ފައިސާގެ ބާރުން ލެންބޭނެ ކަމަށް ގަބޫލުކުރުމަކީ ނާގާބިލު ކަން ދައްކައިދޭ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ލަބީބް

07 February 2023

ކޮންމެ ސަރުކާރަކުންވެސް ސިވިލްސަރވިސްގެ އިދާރީ މަޤާމުތަކާ ދޭތެރޭގައި ވަރަށްބޮޑަށް އިހުމާލުވެ ފަރުވާކުޑަކޮށްލާފައިވާކަން މަޒީން ޞަފްހާތަކުން އެނގެއެވެ. ޓީޗަރުންނާއި ނަރުހުންނަކީ ނިސްބަތުން އަބަދުވެސް ބޮޑު މުސާރަ ލިބޭ މީހުންނެވެ. ޖުޑީޝަރީގައި މިހާރުވެސް އާދައިގެ އެޑްމިން އޮފިސަރުންނަށްވެސް މުސާރަ ބޮޑެވެ. ތަފާތު ކުޑަކުރާނަމޭ ކިޔަސް ހައްތާ ވަނީ ތަފާތު ބޮޑެވެ. ޓީޗަަކަށް 20000ރ ލިބޭއިރު އިދާރީ މުވައްޒަފަކަށް 7000 ރ މިއީ މުސާރައެއް ހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުވައިދާ

07 February 2023

އަދިވެސް ޝަރުއީ ދާއިރާގެ މުސާރަތަ؟ކަލެއަށް ކެރެންޏާބުނެބަލަ ދިގުމުއްދަތަކަށް 20 އަހަރު 25 އަހަރު ސަރުކާރަށް ޚިދުމަތްކޮށްފަ އަމިއްލަޔަށް އެދިގެން ރިޓެޔާމީހުންނަށް އެލަވަންސް ލިބޭނެވާހަކަ.މަޖިލިސް މެމްބަރަކު ވަރިހަމަ 5 އަހަރު މަޖިލިހަށް ނުގޮސް ގޭގައޮތަސް އެތަކެއްހާސް ރުފިޔާ އެބެލިބޭ މުޅިއުމުރަށް.ކީއްވެ ސިވިލްސާވިސް މީހުންނަށް ނުދެނީ.20،25 އަހަރު ސަރުކާރަށް ޚިދުމަތްކުރާއިރު ހުންނާނީ ޚިދުމަތް ކުރެވިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗައްކަރު

07 February 2023

ކޮވިޑް ބަލި މަޑުކަމުގައި ބޮޑުނުކުރި މުސާރަ އެލެވަންސް ދައުރުނިމެން 3 މަހަށްވީމައި ވޯޓުކޮޅު ހޯދަން ޖަހާ ޗައްކަރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫެ

07 February 2023

ޖީއެސްޓީ 2 ޕަސެންޓް ބޮޑު ކުރީ. އެއާއެކު ތަކެތީގެ އަގު 20 ޕަސެންޓަށް ވުރެ ބޮޑު ވެއްޖެ. ޓީޗަރުންގެ މުސާރަ ބޮޑުކުރީ އެޑްމިން މީހުނާ ކޮލެޖު ޔުނިވަރުސިޓީ ނުހިމަނާ. އެއާއެކު ތަކެތީގެ އަގު 40 ޕަސެންޓަށް ވުރެ ބޮޑު ވެއްޖެ. ސިއްހީ ދާއިރާ އަށް މުސާރަ ބޮޑު ކުރަން އުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛސޖއހ

06 February 2023

ޓީޗަރުންނާއި ޑޮކްޓަރުން ފިޔަވާ ދެންތިބި ހުރިހާ ސިވިލް މުވައްޒަފުންނާ ކައުންސިލުތަކުން ރ ސޯލިހަށް ތިޔަ ބޭއިންސާފުގެ ޙުކުމް ވޯޓުން އިއްވާނެ. ތަޢުލީމީ ދާއިރާގައި ޔުނިވަރުސިޓީ ކޮލެޖު ނުހިމެނޭ. އެ ދާއިރާގެ އެޑްމިން ސްޓާފުން ނުހިމެނޭ. 185 ކައުންސިލު މުސާރަ ލިސްޓުގަވެސް ނުހިމެނޭ. ނަތީޖާ ދައްކާލާނީ ވޯޓުން. ތަކެތީގެ އަގު 100 ޕަސެންޓަށް ވުރެ ބޮޑު ވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާއްޞަ

06 February 2023

އަބަދުވެސް ޑޮކްޓަރުންނާއި ނަރުހުންނަށްދޯ މުސާރަ ބޮޑުވަނީ މި އިބްރާހިމްވެސް 2ފަހަރުމަތިން ބޮޑުކޮށްފި ޑޮކްޓަރުންނާއި، ނަރުހުންނަށް. މިނޫނީ ސިއްޙީ އެހީތެރިން ނެތީތަ