ޚަބަރު / ރައީސް އިބްރާހިމް މުހައްމަދު ސޯލިހް

ދިރާސާ ނިމުމުން ސިއްހީ ދާއިރާގެ ވެސް މުސާރަ ބޮޑުވާނެ: ރައީސް

ކޮމަންޑޫގައި ރައީސް ވާހަކަ ދައްކަވަނީ: އެމަނިކުފާނު ވިދާޅުވީ ދެން އޮތީ ސިއްހީ ދާއިރާގެ މުސާރަ ބޮޑުކުރުން ކަމަށް ވިދާޅުވި. -- ފޮޓޯ: ފަޔާޒް މޫސާ/ މިހާރު

ށ. ކޮމަންޑޫން، ފަޒީނާ އަހުމަދު، މިހާރު

03 ފެބުރުއަރީ 2022 - 14:34

26 comments

ޓީޗަރުންގެ މުސާރަ އަށް ގެންނަން ނިންމި ހެޔޮ ބަދަލަށް ފަހު ދެން އޮތީ ސިއްހީ ދާއިރާގެ މުސާރަ ބޮޑުކުރުން ކަމަށާއި ދިރާސާ ނިމުމާ އެކު ސިއްހީ ދާއިރާއަށް ވެސް އެ އުފާވެރިކަން ލިބޭނެ ކަމަށް ރައީސް އިބްރާހިމް މުހައްމަދު ސޯލިހް މިއަދު ށ. ކޮމަންޑޫގައި ވިދާޅުވެއްޖެ އެވެ.

އަންނަ ހޮނިހިރު ދުވަހު ބާއްވާ ކޮމަންޑޫ ދާއިރާގެ ބައި އިލެކްޝަންގައި އެމްޑީޕީއަށް ތާއީދު ހޯދަން އެ ރަށަށް ވަޑައިގެން ވާހަކަފުޅު ދައްކަވަމުން އެމަނިކުފާނު ވިދާޅުވީ ޓީޗަރުންގެ މުސާރައަށް ގެންނަން ނިންމީ ރަނގަޅު ކުރިއެރުމެއް ކަމަށެވެ. މުސާރަތައް އަންނަ މެއި މަހުން ފެށިގެން 56 ޕަސެންޓަށް ބޮޑުވާނެ ކަން ފާހަގަކުރެއްވި އެވެ.

މިސާލެއް ދައްކަވަމުން ވިދާޅުވީ އެ ބަދަލާ އެކު، 21،000ރ. ލިބޭ ޕްރިންސިޕަލެއްގެ މުސާރަ 32،000 އަށް ބޮޑުވީ ކަމަށެވެ. އެއާއެކު 14،000ރ. ޖެހޭ މީހުންގެ އިތުރުވުން އުޅޭނީ 28،000ރ. ގައި ކަމަށް ވިދާޅުވި އެވެ.

ދެން ފެނިގެންދާނީ ޑޮކްޓަރުންނާއި ނަރުހުންނާއި ސިއްހީ ދާއިރާގައި އެ ނޫން މުވައްޒަފުންގެ މުސާރަތައް ބޮޑުވެގެންދާތަން. -- ރައީސް

"މިއީ މި ގެންނަ ރަނގަޅު، ހެޔޮ ބަދަލަކީ،" ރައީސް ވިދާޅުވި އެވެ.

އެމަނިކުފާނު ވިދާޅުވި ގޮތުގައި ދެން އޮތީ ސިއްހީ ދާއިރާގެ މުސާރައިގެ ކުރިއެރުމެވެ.

"އަޅުގަނޑު ނިންމައި މިހުރީ އެކަމާ ގުޅޭ ދިރާސާތައް މި އަހަރުގެ ތެރޭގައި ނިންމައި އެ މަސައްކަތް ކުރަން،" ރައީސް ވިދާޅުވި އެވެ.

"އެއަށް ފަހުގައި ދެން ފެނިގެންދާނީ ޑޮކްޓަރުންނާއި ނަރުހުންނާއި ސިއްހީ ދާއިރާގައި އެ ނޫން މުވައްޒަފުންގެ މުސާރަތައް ބޮޑުވެގެންދާތަން."

ރައީސް ވިދާޅުވި ގޮތުގައި އެމަނިކުފާނުގެ ސަރުކާރުގެ އަމާޒަކީ ރައްޔިތުންގެ އާއްމު ހާލަތު ރަނގަޅު ކުރެވޭނެ ބަދަލުތަކެވެ. އެ ބަދަލު ފެށެނީ އާއްމު މީހާގެ ދިރިއުޅުމުން ކަން ފާހަގަކުރެއްވި އެވެ.

ސިއްހީ ދާއިރާގެ މުސާރަ ބޮޑުކުރާނެ ކަން ރައީސް އިއުލާންކުރެއްވި އިރު، އެ ދާއިރާގެ ޝަކުވާ ވަނީ ބޮޑުވެފަ އެވެ. މުސާރަ އާއި އިނާޔަތްތައް ކުޑަކަމުގެ ޝަކުވާ ރައީސާ ހަމައަށް ވެސް އޮތީ ގެންގޮސްފަ އެވެ.

ށ. ކޮމަންޑޫ ރައީސް އިބްރާހިމް މުހައްމަދު ސޯލިހް ސިއްހަތު ޑޮކްޓަރުން ނަރުހުން ދިވެހި ސަރުކާރު ސިވިލް ސާވަންޓުންގެ މުސާރަ

26 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުހައްމަ

05 February 2022

ރައްޔިތުންނަށް އެއްވެސް ކަމެއް ކޮށްނުދޭބަޔަކަށް މަހަކު 5000 ލިބޭ އިރު ގައުމު ބިނާކުރަން ގިނަދުވަހު މަސައްކަތްކުރި 55 އަހަރު ވެފައިވާ މީހުން ވަޒީފާއެއް ވެސް ޕެންޝަނެއްވެސް ނުލިބި ގޭގައި އެބަތިބި. މުސާރަތައް ބޮޑުވާއިރު އެނިސްބަތުން ޕެންޝަން ވެސް ބޮޑުކުރަންޖެހޭނެ. އުފެދޭ ސުވާލަކީ މުސާރަ ބޮޑު ކުރަން ބަޖެޓުގައި ފައިސާ ޖަހާފައިނެތީސް މުސާރަ ބޮޑުކުރަނީ ކޮންތާކުން ހޯދާ ފައިސާ އަކުންބާވައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޔާން

04 February 2022

މަގާމްގެ ޝަރުތުތަކުގެ ތެރޭގަ ޑިގްރީ އެއް އޮންނަން ޖެހޭ.... ޑިގްރީ ލެވެލްގެ ވަޒީފާގެ މުސާރަ މުޅިން އެކީ - /8573. ހެލްތު މިނިސްޓްރީ، އެޑިއުކޭޝަން މިނިސްޓްރީ، ހަޔަރ އެޑިއުކޭޝަންގެ އިދާރީ މުވައްޒަފުންގެ މުސާރަ ކުޑަ އެހެން މިނިސްޓްރީތަކަށް ވުރެން.. އެކަމަކު ވަޒީފާގެ މަސްއޫލިއްޔަތުތަށް ގިނަ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންޏާ

04 February 2022

2023 ގެ ވޯޓަށްޓަކައި އެންމެންނަށް ދުނިޔެމަތީ ސުވަރުގެ ލިބޭވަރު ކުރާނެކަން ޔަގީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެ

04 February 2022

ޓީޗަރުންނައް ފުލެޓުވެސް. މުސާރަވެސް ބޮޑުވީ ޓީޗަރުންނައް. މަސައްކަތުމީހުން މި ބައެއްނޫންތޯ. ހޮސްޕިޓަލްތަކުގަވެސް މަސައްކަތު މީހުންނައް އެއްވެސް ފުލެޓެއް މުސާރައެއް ބޮޑެއްނުވޭ. މީ ދެރަވަރުކަމެއް. ރައީސް މިކަމައްވެސް ވިސްނުން ރަގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރުސް

04 February 2022

ކުރިން ބުނީ 2-3 މަސް ތެރޭ ބޮޑުވާނޭ މިހާރު ދެން ކޮންދިރާސާއެކޭ މި ކިޔަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުތްއާދަނު

04 February 2022

ކޮބާ ސޮފްޓްވެއަރ އިންޖިނިއަރުންނާއި، އެޕް ޑިވެލޮޕަރުނ .. މިހާރުވެސް ވަޒީފާއަށް ދާއިރާގެ މީހުން ހޯދަން ދަތި، ކިޔެވިއަކަސް އަދި ނުވާނެ އެތަން އަހަރެއްގެ ތަޖުރިބާ ބޭނުންވޭ. ޑިވެލޮޕަރެއް ކައިރީ އަހާލަބަލަ ކިހާވަގުތެއް ހޭދަ ކުރޭތޯ ސަރުކާރުގެ އޮފީސްތަކުގައި . ހަމަ އެކަނި ޓީޗަރުން ނެއްނޫން ރޭގަނޑު ހަތަރު ދަމު މަސައްކަތް ކުރަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަހާ

04 February 2022

ބަލާބަލަ ސަރުކާރުން ކުރުވާ މަސައްކަތް ތަކަށް 30 ދުވަހުގެ ތެރޭގައި ފައިސާ ދެވޭތޯ؟ ސަރުކާރުން ހިތައްއެރި ދުވަހެއްގައި ދިނީމައި ކަމަކުނުދޭ. ހައްތާ ކިޔަނީ ކުދިވިޔަފާރިތައް ކުރިއަރުވަނީއޭ. އެސް އެމް އީބޭންކުން 1 ބިލިއަން ރުފިޔާ ގެ ލޯނުދީފީމޭ. އެކަމަކު ފައިސާ ލިބެނީ 3 މަހާއި 9 މަހާއިދޭތެރޭ. މިއީ ކުދިވިޔަފާރިތަކަށް ދެވޭބޮޑު ގެއްލުމެއްކަން ނުވިސްނެނީބާ