ހުޅުމާލޭގައި މިދިޔަ ހަފުތާގައި އެންމެ ގިނައީ ޓްރެފިކް ގަވައިދާ ޚިލާފުވުމުގެ މައްސަލަތައް ކަމަށް ފުލުހުންގެ ތަފާސްހިސާބުތަކުން ދައްކައިފި އެވެ.
ފުލުހުން މިއަދު އާންމުކުރި މިދިޔަ ހަފުތާގެ ތަފާސްހިސާބުތައް ދައްކާ ގޮތުން މިދިޔަ ހަފުތާގައި ހުޅުމާލޭގައި ޓްރެފިކް ގަވާއިދާ ޚިލާފްވުމުގެ 233 މައްސަލައެއް ހުށަހެޅި އެވެ. އަދި ވައްކަމުގެ 10 މައްސަލައެއް، މަގުމަތީ އެކްސިޑެންޓްތަކުގެ ނުވަ މައްސަލައެއް ވެސް އެ މުއްދަތުގައި ފުލުހުންނަށް ރިޕޯޓު ކޮށްފައިވާ ކަމަށް ހިސާބުތަކުން ދައްކަ އެވެ.
އަދި، ވައްކަމުގެ ތިން މައްސަލައަކާއި ފޭރުމުގެ ތިން މައްސަލައެއް، މަސްތުވާތަކެތީގެ މައްސަލައެއް ވެސް ހިމެނޭ ކަމަށް ހިސާބުތަކުން ދައްކަ އެވެ.
ކުޑަކުދިން ޓްރެފިކް ގަވާއިދާ ހިލާފްވުމުގެ ދެ މައްސަލައެއް ވެސް ހުޅުމާލެ އިން މިދިޔަ ހަފުތާގައި ފުލުހުންނަށް ހުށަހެޅި އެވެ.