މާލޭގައި މިރޭ ހިނގި އެކްސިޑެންޓެއްގައި ފިހާރައެއްގެ ތެރެއަށް ސައިކަލެއްގެ އެއްކޮޅު ވަދެފައި
29 މެއި 2019 - 22:51
13 comments
މާލޭގައި މިރޭ ހިނގި އެކްސިޑެންޓެއްގައި ފިހާރައެއްގެ ބިއްލޫރިގަނޑު ތަޅާލައި އެ ފިހާރައިގެ ތެރެއަށް ސައިކަލެއް ވަދެއްޖެ އެވެ.
ފުލުހުން ބުނީ އުމުރުން 34 އަހަރުގެ އަންހެނަކު ދުއްވި ސައިކަލެއް އެކްސިޑެންޓުވީ އޭގެ ކުރިމައްޗަށް އެރި ކުޑަ ކުއްޖެއްގެ ގައިން ނައްޓުވަން އުޅުމުގެ ތެރޭގައި ކަމަށެވެ. ބޮޑުރަސްގެފާނު މަގުގެ އިރުން ހުޅަނގަށް ސައިކަލް ދުއްވާފައި ދަނިކޮށް ހިނގި މި އެކްސިޑެންޓުގައި، އެ ދުއްވަން އިން މީހާ އަށް އަނިޔާއެއް ނުވާ ކަމަށް ފުލުހުން ބުންޏެވެ. ނަމަވެސް އެ ސައިކަލްގެ ފަހަތުގައި އިން އުމުރުން 10 އަހަރުގެ ކުއްޖާގެ އަތް ކަފައިގެން ގޮސްފައިވާ ކަމަށް ފުލުހުން ބުނެ އެވެ.
ފުލުހުން ބުނި ގޮތުގައި އެކްސިޑެންޓް ވުމާ އެކު، ސައިކަލް ދުއްވަން އިން އަންހެން މީހާ ހޭނެތުމުން އޭނާ ހޮސްޕިޓަލަށް ގެންގޮސް ފަރުވާ ދިނެވެ. އެކަމަކު، އޭނާ ހޭނެތުނީ ލޭ ފެނުމުން ކަމަށް ފުލުހުން ބުންޏެވެ.
ސައިކަލް ދުއްވި މީހާގެ އަތުގައި ލައިސަންސެއް ނެތް ކަމަށާއި އެ މައްސަލަ ތަހުގީގު ކުރަމުން އަންނަ ކަމަށް ވެސް ފުލުހުން ބުންޏެވެ.
މާލޭގައި މިރޭ ހިނގި އެހެން އެކްސިޑެންޓެއްގައި ދެ ސައިކަލެއް ޖެހުމުގެ ސަބަބުން ފިރިހެނަކަށް އަނިޔާ ވިއެވެ. ސެނަހިޔާ ކުރިމަތިން ބޮޑުތަކުރުފާނުމަގުގައި ހިނގި އެ އެކްސިޑެންޓުގައި، އެއް ސައިކަލް ދުއްވަން އިން މީހާގެ ފައިގެ ކަށިމަތިން ފުންކޮށް ކަފައިގެން ދިޔަ އެވެ. އޭނާ އަށް ވެސް ފަރުވާ ދިނުމަށް ފަހު ހޮސްޕިޓަލުން ވަނީ ދޫކޮށްލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކްސްޕާޓް
30 May 2019
ހެޑް ލައިން ކިޔާލީމާ ހިތަށްއެރި މިވާނީ އަންހެނަކަށޭ، ދެން ކިޔާލީމާ އެގިއްޖެ ހަމަ އެހެންކަން މިވީ، ދެން ނެތް ހަމަ ބުނާނެ އެއްޗެއްވެސް
ނެކްސްޓްޕާޓް
30 May 2019
މިހާތަނަށް އެންމެ ގިނައިން އެކްސިޑެންޓްވެފައިވަނީ ފިރިހެނުން. ތަފާސް ހިސާބު ބަލައިގެން އުޅޭ.
އަފޫ
30 May 2019
އެއީ އެކްސިޑެންޓެއް. ލައިސަންސް ނެތި ދުއްވުމަކީ ކުށެއް. އެކަމަކު އެ އަންހެން މީހާގެ މަސައްކަތުން ސައިކަލު ކުރިމައްޗަށް އެރި ކުޑަކުއްޖާއަށް އަނިޔާނުވެ އެ ކުއްޖާ ސަލާމައްވީ ކަމަށްޓަކައި އަހަރެމެން ޝުކުރު ކުރަންޖެހޭ. ސްޓޮޕް ސީއިންގ ދަ ބޭޑް އިން އެވްރީތިންގ އެންޑް އެޕްރިޝިއޭޓް ދަ ގުޑް.
ހަސަން ނުވަވަނަ
30 May 2019
އަންހެނެއްވީމަ އޭނައަށް އޮންނާނެ ހައްގު. މިމީހުން ފައިވެސް ރަނގަޅަށް ނުފޯރާ އެއްޗިއްސަށް އަރައިގެން ފައިވާނުގެ ކޮޅު ބިންމަތީގަ ދަމަމުން ނުބައި އަތަށް ސިގްނަލް އަޅަމުން. ތިބެބަލަ ގޭގަ.
ހަސަން ދިހަވަނަ
30 May 2019
ކަލޭ ހުރެބަލަ ގޭގަ
ހަސަން ނުވަވަނަ
30 May 2019
މި މިހުރީ ގޭގެ. ދެން ކިހިނެއް ހަދަންވީ
ޕޮގުބާ
30 May 2019
ލައިސަންސް އޮތަސް ނެތަސް ވާކަމެއްވާނެ ލައިސަންސް އޮންނަމީހުންވެސް ވަރަށް ނުފަރިތަ؟ މީހުންތިބެ އެކަމަކު ލައިސަންސް ނެތުމަކީ ގާނޫނީ ކުށެއް
ޅަބޭ
30 May 2019
ޕަކަޕަކަޕަކަޕަކަޕަކަޕަކަޕަކަޕަޕކަކަޕކަޕކޕަ.... ހަމަ އެއްލަކިން އުތަ...
ހަކީމު
30 May 2019
މީނާ މި ޕަކަ ޕަކަ ލައްވަނީ ހަމައެކަނި ހެޑިން ކިޔާފަ .. އަންހެން މީހާ އަތުގެ ލައިސަންސް ނެތްވާހަކަ އެބައޮތް ލިޔެފަ.
ކޮތަރު
30 May 2019
އަންހެނަކުވިއްޔާ ހެޔޮ ލައިސަންސް ނެތަސް، ޤަވާއިދާހިލާފަށްދުއްވިޔަސް. ފުލުހުންނަކަށް ނުކެރޭ އެއްވެސް ފިޔަވަޅެއްއަޅާކަށް.
ްއަދުރޭ
30 May 2019
ލައިސަންސުނެތަސް އެކަކު ދުއްވަންޏާ އަނެކަކު ދުއްވަންވާނެ މިއީ ބައެއް އަންހެނުންގެވިސްނުން. ވަރަށް ނުފަރިތަ އަންހެނުންވެސް ސައިކަލުގަ އުޅޭ ކުޑަކުދިން ފަހަތަށްއަރުވަިގެން.
ރަންދެލި
29 May 2019
އެއްވެސް އެއްޗެއް ދުއްވަން ލައިސެންސް ނަގަން ނުޖެހޭ ގޮތަށް ގާނޫނު ބަދަލު ކުރަންވީ ނޫނީ ގާނޫނާ އެއްގޮތަށް ލައިސެންސް ނެތި ދުއްވާ މީހުނަށް އަދަބެއް ދޭންވީ... ކަނބަލުންވެސް ލައިސެންސް ނެތި ސައިކަލުގަ ހަމަ ހަބޭސް...
ކޮކްޓެއިލްރައީސް
29 May 2019
ހާދަ ފޯރިގަދައޭ ދެއްތޮ، ތިފަދަ ހާދިސާތައް ރޭގަނޑާ ދުވާލު އަބަދުވެސް ނުހިނގައްޏާ ސޯޝަލް ލައިފް އަކަށް ނުވާނެ، މިޒާތުގެ ސޯޝަލް ލައިފެއް ދުނިޔޭގެ އެހެން އެއްވެސް ޤައުމެއްގަ އޮންނާނެހެން ހިއެއްނުވޭ.