މައްކާގައި ބޭއްވި ޖީސީސީ ސަމިޓްގައި ގަތަރުގެ ބޮޑުވަޒީރު ނާސިރު ބިން ޚަލީފާ އައް ސާނީ ބައިވެރިވެވަޑައިގަންނަވަނީ
03 ޖޫން 2019 - 13:50
11 comments
މާތްވެގެންވާ މައްކާގައި މިދިޔަ ހަފުތާގައި ބޭއްވި ގަލްފް ކޯޕަރޭޝަން ކައުންސިލް (ޖީސީސީ)ގެ ސަމިޓްގައި ފާސްކުރި ގަރާރަށް ތާއީދު ނުކުރުމުން ސައުދީ އަރަބިއްޔާގެ ބައިވެރިން ގަތަރަށް އަނެއްކާ ވެސް ފާޑުކިޔަން ފަށައިފި އެވެ.
އީރާނާ ދެކޮޅު ހެދުމުގައި ސައުދީ އާއި އެ ގައުމުގެ ބައިވެރިންނާ އެއް ވިސްނުމަކަށް ނައުމުން އެ ގައުމުތަކުން 2017 ވަނަ އަހަރު ގަތަރާ ގުޅުން ކަނޑައިލި އެވެ. އެ ފަހަރު ގުޅުން ކަނޑައިލުމަށް ފަހު އެ ގައުމުތަކުގެ ވަޔާއި ކަނޑުގެ ސަރަހައްދު ވެސް އޮތީ ބަންދުކޮށްފަ އެވެ. ނަމަވެސް މިދިޔަ ހަފުތާގައި ސައުދީން އިސްނަގައިގެން މައްކާގައި ބޭއްވި ސަމިޓުގައި ބައިވެރިވުމަށް ގަތަރުގެ އަމީރަށް ސައުދީ ރަސްގެފާނު ދައުވަތު ދެއްވި އެވެ.
އެކަމަކު މައްކާ ސަމިޓްގައި ފާސްކުރި ގަރާރަށް ތާއީދު ނުކުރާކަން ގަތަރުން އިއްޔެ ވަނީ ބުނެފަ އެވެ. އެ ގައުމުން ބުނީ އެ ގަރާރަށް ތާއީދު ކުރެވެން ނެތީ ގަތަރުގެ ޚާރިޖީ ސިޔާސަތާ ހިލާފު ގަރާރަކަށް ވާތީ ކަމަށެވެ. ގަތަރުން ދެކޮޅު ހެދި ގަރާރުގައި ގޮވާލާފައި ވަނީ ގަލްފު ސަރަހައްދުގެ ކަންތައްތަކާ އީރާނުން ނުބެހުމަށެވެ.
މައްކާ ސަމިޓްގައި ފަލަސްތީނު މައްސަލަ ފަދަ މުހިއްމު މައްސަލަތަކަށް ސަމާލުކަން ދޭނެ ކަމަށް އުންމީދުކުރި ކަމަށް ގަތަރުން ބުންޏެވެ.
ގަރާރަށް ފުރިހަމައަށް ތާއީދު ކުރެވެން ނެތް ކަމަށް ގަތަރުން ބުނުމުން އެ ގައުމަށް ފާޑުވިދާޅުވަމުން ސައުދީ އަރަބިއްޔާގެ ފޮރިން މިނިސްޓަރު އާދިލް އަލް ޖުބައިރު ވިދާޅުވީ ގަތަރުން ހަގީގަތް އޮޅުވާލާފައިވާ ކަމަށެވެ. އޭނާ ވިދާޅުވީ ގަތަރުން ދެކޮޅު ހަދާ ކަންތައްތަކެއް ހުރި ނަމަ ބައްދަލުވުމުގައި އެކަން ފާޅުކުރަން ޖެހޭނެ ކަމަށާއި އެކަން އަންނަން ޖެހޭނީ ބައްދަލުވުމުގެ ފަހުން ނޫން ކަމަށެވެ.
ޔޫއޭއީގެ ފޮރިން މިނިސްޓަރު އަންވަރު ގަރުގާޝް ވިދާޅުވީ ބައްދަލުވުމަށް ފަހު ގަތަރުގެ ސިޔާސަތު ބަދަލުވުމަކީ އެގައުމުގެ ބަލިކަށިކަން ދައްކައިދޭ އަދި އިތުބާރު ކުޑަވެގެންދާނެ ކަމެއް ކަމަށެެވެ. ބަހްރައިނުން ބުނީ ގަތަރުގެ ނިންމުމުން ދޭހަވަނީ ސަރަހައްދުގެ ގައުމުތަކާ އެގައުމާ ދެމެދު އޮތް ގުޅުމުގެ ބަލިކަށިކަން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަކްމެޑް
08 June 2019
ގަތަރަށް ދަތިކުރުމުން ގަތަރު އެރީ ކުރިއަށް. ތަރުކާރީއާއި ކިރުފަދަ ތަކެތި މިހާރު އެކްސްޕޯޓްކުރަނީ. ކުރިން ސައޫދީއން އމްޕޯޓް ކުރާ ތަކެތި
ޙިނި
05 June 2019
ގަތަރެއް ސައުދީއެއް ކިޔާނެކަމެއް ނެތް، ތީހަމަ އެކައްޗެއް، އެމެރިކާގެ ޕަޕެޓު ޝާހީ ވެރިކަންތައް
ކަނބިލި
04 June 2019
އަރަބި ދުނިޔޭގެ ހުރިހާވެސް މައްސަލައަކީ ސައޫދީއާއި އިމާރާތުގައި ތިބި ދެވެރިން ޔަހޫދީންނާ ގުޅިގެން އިޒްރޭލާއި އެމެރިކާގެ ސިޔާސަތު ތަންފީޒުކުރަން އުޅޭ މައްސަލަ. އަރަބި ގައުމެއްގައި ޑިމޮކްރަސީ ގެންނަން ރައްޔިތުން ހިންގާ ހަރަކާތްތަކުގެ ތެރެއަށް ވަދެ، އެކަން ކާމިޔާބު ވިޔަނުދިނުމަށްވެސް އުޅެނީ މި ދެމީހުން. މިސާލު އެހެރީ ފެންނަން މިސްރު، ސޫރިޔާ، ލީބިޔާ، ޔަމަން، ސޫދާން. ހުރިހާވެސް މައްސަލައަކީި ބިން ސަލްމާނާއި ބިން ޒާއިދު
ކަކުނިބޯ
04 June 2019
މި ސަމިޓުގަ ރާއްޖެބައިވެރިވިތަ ކޮބާބާ ހިޔާލަކީ
އިހުސާން
03 June 2019
ގަތަރާއި ދެކޮޅަށް ތިގައުމުތަކުން އެޅި އެކަހެރި ފިޔަވަޅުތަކުންނާއި ގުޅުން ކަނޑާލުމުން އެނގެނީ , އަވަށްޓެރިންނާއި މުސްލިމުންގެ މެދުގައި ގުޅުން ކަނޑާނުލުމަށް ﷲ ވަހީކުރެއްވި އާޔަތާއި ދެކޮޅަށް އިސްލާމްދީނުގެ އެންމެ ބޮޑު ދުސްތޫރަ އަދި ﷲ ގެ އެންގެވުމަށް ކާފިރުވީކަމަށް.
އާދަމް ބާއީ
03 June 2019
މައްކާ ސަމިޓާ އޯއައިސީ ސަމިޓާބެހޭގޮތުން ސަންގައި މުހައްމަދު ޖަވާދު ޔޫސުފް އޮތް ވަރަށް ސަޅި އާޓިކަލެއް ލިޔެލާފާ. ކޮންމެ ބޭފުޅަކުވެސް ކިޔާލަން ހަމަ ވަރަށް ރަގަޅު އާޓީކަލެއް އެއީ.
އާދު
03 June 2019
ދެން ލިންކުވައްޓާލިނަމަ ސަޅިވީސް
ދަލޭ
03 June 2019
އެއީ ތެދެއް. އެއީ ވަރަށް ސަޅި އާޓިކަލްެެއް. ގަތަރަށް އޯއައިސީ ސަމިޓުގަެި ވާހަކަ ދައްކަން ފުރުސަތު ނެތްކަން އެނގޭނެ އެކިޔާލުމުން. މެދުއިރުމަތީގެ ހާއިނު 3 ގައުމުގެ ނުބައިކަންވެސް އެނގިގެންދާނެ.
ހަމަ ބުއްދި
03 June 2019
މަޖްލީސްގެ ކޮމެޓީ ތަށް ހިގާ ފެންވަރުގައި ބޭއްވި ކޮންފަރެންސް އެއް ތާއެވެ. ކޮންފަރެންސް ފެށޭއިރު ވެސް މި އޮތީ ވޯޓް ދޭންވީގޮތް އަންގާ ނިމިފައެވެ.ރާއްޖޭގެ މުވަސަސާތަށް ވެސް ހިނގާނީ މިގޮތަށެވެ.
ހަސަން ދެވަނަ
03 June 2019
ވިޕެއްނެރެފައޮތީތޯއްޗެ ؟
ކިއްލިބާޝާ
03 June 2019
އެމްޑީޕީން ވިޕުއަޅާގޮތަށް ވިޕުއަޅާފަ އޮތީ.