ޚަބަރު / މޯލްޑިވްސް ބްރޯޑްކާސްޓިން ކޮމިޝަން

ޕީއެސްއެމް މައާފަށް އެދެން އެންގި މައްސަލާގައި އަމަލުކުރީ އާންމު އުސޫލުން: ބްރޯޑްކޮމް

ބްރޯޑްކާސްޓިން ކޮމިޝަންގެ މެމްބަރުން: ޕީއެސްއެމް މައާފަށް އެދެން އެންގި މައްސަލާގައި އަމަލުކުރީ އާންމު އުސޫލުގެ ތެރެއިން ކަމަށް އެ ކޮމިޝަނުން ބުނޭ -- ފޮޓޯ/މިހާރު

މުއިއްޒު އިބްރާހިމް، މިހާރު

03 ޖޫން 2019 - 19:22

11 comments

ބްރޯޑްކާސްޓް ކުރުމުގެ ކޯޑް އޮފް ޕްރެކްޓިސްއާ ޚިލާފްވި މައްސަލާގައި ޕީއެސްއެމް އިން މައާފަށް އެދެން އެންގި މައްސަލާގައި އަމަލުކުރީ އާންމު އުސޫލުތަކުގެ ތެރެއިން ކަމަށް ބްރޯޑްކާސްޓިން ކޮމިޝަނުން މިއަދު ބުނެފި އެވެ.

މައާފަށް އެދި ބަޔާން ނެރުމަށް ފެބްރުއަރީ، 2018 ގައި ބްރޯޑްކާސްޓިން ކޮމިޝަނުން ޕީއެސްއެމްއަށް އެންގީ އެ އަހަރުގެ އާ އަހަރު ފާހަގަކުރަން ބޭއްވި ޝޯގައި ނިވާކަން ކުޑަ ހެދުންތަކެއް ލައިގެން ބަޔަކު ނެށި މަންޒަރު ދެއްކި މައްސަލާގަ އެވެ. އެކަމަކީ ބްރޯޑްކާސްޓް ކުރުމުގެ ކޯޑް އޮފް ޕްރެކްޓިސްއާ ޚިލާފް ކަމަކަށްވާތީ ބްރޯޑްކާސްޓިން ކޮމިޝަނުން އަންގާފައި އޮތީ މައާފަށް އެދި ބަޔާނެއް އާންމު ކުރުމަށެވެ.

ޕީއެސްއެމް އިން އެ އެންގުމާ އެއްގޮތަށް މައާފަށް އެދުނީ އޭގެ އަހަރަކަށް ވުރެ ގިނަ ދުވަސް ފަހުން މިދިޔަ މަހު އެވެ. މައާފަށް އެދި ޕީއެސްއެމް އިން ނެރުނު ބަޔާނުގައިވަނީ ޕީއެސްއެމްގެ ކުރީގެ މެނޭޖްމަންޓް އޮތްއިރު އެ އެންގުން ތަންފީޒު ކުރަން ކޮމިޝަނުން މަސައްކަތް ނުކޮށް ތިބުމަށް ފަހު އެ މަސައްކަތް ކޮމިޝަނުން ފެށީ މިދިޔަ އޭޕްރީލް މަހު ކަމަށެވެ.

އެކަމާ ގުޅިގެން ބްރޯޑްކާސްޓިން ކޮމިޝަނުން ޕީއެސްއެމްއަށް ފޮނުވި ސިޓީގައިވަނީ ޕީއެސްއެމް އިން އެ ކޮމިޝަންގެ އެންގުމަށް އަމަލު ނުކުރާތީ އެ މައްސަލަ ކޯޓަށް ފޮނުވަން އެޓާނީ ޖެނެރަލްގެ އޮފީހަށް އޭޕްރީލް، 2018 ގައި ފޮނުވި ކަމަށެވެ. އެކަމަކު އެ މައްސަލަ ކޯޓަށް ފޮނުވުމުގެ ބަދަލުގައި ދެ ފަރާތުން ވާހަކަ ދައްކައިގެން ހައްލު ކުރުމަށް އޮކްޓޫބަރު، 2018 ގައި އެޓާނީ ޖެނެރަލްގެ އޮފީހުން އަންގާފައިވާ ކަމަށް އެ ސިޓީގައިވެ އެވެ. އަދި ޕީއެސްއެމްގެ މެނޭޖްމަންޓް ފަހުން ބަދަލުވެފައި ވިޔަސް، އެ ކޮމިޝަންގެ އެ އެންގުން ތަންފީޒު ކުރަން ޖެހޭނެ ކަމަށާއި އެހެންވެ، އެކަން ޕީއެސްއެމް އަށް މިދިޔަ މަހު އެންގީ ކަމަށް ބްރޯޑްކާސްޓިން ކޮމިޝަންގެ ސިޓީގައިވެ އެވެ.

"މި މައްސަލާގައި ކޮމިޝަނުން އަމަލު ކޮށްފައިވާނީ ޕީއެސްއެމްގެ ބަޔާނުގައި ތުހުމަތުކޮށްފައިވާ އެއްވެސް ކަމަކާ ގުޅުމެއް ނެތި، އެހެން މައްސަލަތަކުގައި ވެސް މި ކޮމިޝަނުން އަމަލުކުރާ އުސޫލުން ކަމުގައި ދަންނަވަމެވެ." އެ ސިޓީގައިވެ އެވެ.

އެ ސިޓީގައި ވަނީ ޕީއެސްއެމްގެ ބަޔާނުގައި ކޮމިޝަންގެ ޒިންމާތަކާ މެދު ސުވާލު އުފެދޭ ގޮތަށް އަދި ހަގީގަތް އޮޅޭ ގޮތަށް މައުލޫމާތު ހިމަނާފައި އޮތްއޮތުމަކީ ދައުލަތުގެ މީޑިއާ އިން ދައުލަތުގެ އެހެން މުއައްސަސާއެއްގެ އަގު ވައްޓާލަން މަސައްކަތް ކުރުން ކަމަށް ދެކޭ ކަމަށެވެ. އަދި ވަކި ފަރާތަކަށް ނުޖެހި މަސައްކަތް ކުރަން ޕީއެސްއެމް އިން މަސައްކަތް ކުރަމުން ދާއިރު، މިފަދަ ކަންކަން ތަކުރާރު ނުކުރަން އެދޭ ކަމަށް އެ ސިޓީގައިވެ އެވެ.

މީޑިއާ މޯލްޑިވްސް ބްރޯޑްކާސްޓިން ކޮމިޝަން ބްރޯޑްކާސްޓަރުން ޕީއެސްއެމް

11 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޯކާބެ

05 June 2019

ތިޔަ ބުރޯޑް ކޮމޭ ތިކިޔަނީ މީޑިއާނެޓް ނުކިޔަން ވެގެން މިރާއްޖޭގައި ހިންގާ ހުރިހާ ކުދި ކޭބަލް އޮޕްރޭޓަރުން ޖޫރިމަނާކޮއް ގާނޫނީ ބިރުދައްކައިގެން މީޑިއާ ނެޓްއާގުޅުވައި ކުދި ވިޔަފާރިތައް ހަލާކޮއް ކުރީގަ ދިރާގް އެކަނި އޮވެގެން ރަށްޔަތުން އަތުން ބޮޑުއަގުޕެކޭޖް ތައް ވިއްކާ ހެން މީޑިއާނެޓް މަނަޕޮލީ ކުޅެނީ ރަށްޔަތުން ފަނާ ވީމާ އެބަލަނީ ޕީއެސް އެމުން ރަށްޔަތުންނައް އަގުހެޔޮކޮއް ޓީވީގެ ހިދުމަތް ދީފާނެތީ ފަނާކޮއްލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީމުއްދީން ބާޝާ

03 June 2019

ކޮންއިރަކުން ހަލީލާ އިކޫގެ މައްސަލަ ބަލަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛުންޖުން

03 June 2019

ކޮޅު ބަދަލު ކޮއްލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯހަލާކ

03 June 2019

ރާއްޖެޓީވީނަމަ އެއްމިލިއަން ރުފިޔާއިން ޖޫރިމާނާކުރުން އެހެނިހެން ސްޓޭޝަންތަކަށް އޮންނަނީ މާފަށް އެދުން. އިންސާފަކީ މިހެން އޮންނަ އެއްޗެކޭ ކުދިންނޭ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

03 June 2019

ޕީއެސްއެމް ހިންގަން ބަޔަކަށް ދޭން ވީއެވެ. ސަރުކާރުން 100 މިލިއަނަށް ވުރެ ގިނައިން ހަރަދު ކުރެއެވެ. ނަތީޖާ ނުފެނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

dhanbi

03 June 2019

މައާފަށް އެދެން ބްރޯޑްކާސްޓިން ކޮމިޝަނުން ޕީއެސްއެމްއަށް އެންގި - ފެބްރުއަރީ، 2018 އެންގުމަށް އަމަލު ނުކުރާތީ އެޓާނީ ޖެނެރަލްގެ އޮފީހަށް ފޮނުވި - އޭޕްރީލް، 2018 ވާހަކަ ދައްކައިގެން ހައްލު ކުރުމަށް އެޓާނީ ޖެނެރަލްގެ އޮފީހުން އަންގާފައިވޭ - އޮކްޓޫބަރު، 2018 ކޮމިޝަނުން އެކަން ޕީއެސްއެމް އަށް މިދިޔަ މަހު އެންގި - އޭޕްރިލް 2018

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު.

03 June 2019

ސަރުކާރު ބަދަލުވެއްޖެ މަޖިލިސް ބަދަލުވެއްޖެ. އެކަމަކު މިނިވަން މުއައްސަސާ ތަކާ ސަރުކާރު ކުންފުނިތަކުން ރައްޔިތުންނަށް ޖެއްސުންކުރި މީހުން މަދެއްނުވޭ. އަދިވެސް ހަމަ ބޮޑު މުސާރަޔާ އިނާޔަތް ނަގައިގެން އާރާ ބާރުގަ ރައްޔިތުންނަށް ފުރައްސާރަކުރަން. މީ ބޮޑުވަރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

04 June 2019

މިނިވަން މުއައްސަސާއޭ ކިޔަނީ ކަމަކު ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯލްޑްއޮން

03 June 2019

ޕީއެސްއެމް މައާފަށް އެދެން އެންގި މައްސަލާގައި އަމަލުކުރީ އާންމު އުސޫލުން ކަމަށް ބްރޯޑް ކޮމް އިން ބުނާނަމަ މަމެން އެކަން ގަބޫލުކުރަމޭ ޕީއެސްއެމް އަށް ކުރާ ޚަރަދާއި އަޅާބަލާ އާންމުން ހޭލުން ތެރި ކުރުވަން އެމެން ކުރާ މަސައްކަތަކީ އެއީ ޔާރާ ދިލްދާރާ ލަވަ ކިޔާ މީހުންނާއި ކޮޕީ ޕޭސްޓް ދިވެހި ފިލްމް ކުޅޭ މީހުންގެ ވާހަކަ ތައް ގެނެސްދިނުމޭ މިރާއްޖޭގެ އިގްތިސާދު ކޮއްޅަށް ޖަހަން ބުރަ ކޮށް މަސައްކަތް ކުރާ އަމިއްލަ ވިޔަފާރިވެރިންގެ ވާހަކަ ތައް ނުގެނެސްދެއޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ބަދީއު

03 June 2019

‫މިޒަމާނުގަ ތިޒާތު ކަންކަމަކީ މާފައް އެދެން ޖެހޭނެ ކަމެއް ނޫން. އެހެން ކަމަށް ވާނަމަ މީޑިއާ ނެޓުން އަބަދު ޖެހޭނެ މާފައް އެދެން. ދެއުޅިއެއްނުވާ ޤަވާއިދު.