ތާޖުއްދީން ސްކޫލުގެ ދަރިވަރުންތަކެއް ހެނދުނުގެ ނާސްތާ ކަނީ -- ފޮޓޯ: ހުސެއިން ވަހީދު/މިހާރު
11 ޖޫން 2019 - 09:42
30 comments
ރާއްޖޭގެ ހުރިހާ ސްކޫލްތަކެއްގައި ހެނދުނުގެ ނާސްތާ ޕްރޮގްރާމް ދޭން މިއަދު ފަށައިފި އެވެ.
ދަރިވަރުންނަށް ހެނދުގެ ނާސްތާ ދިނުމަށް ރައީސް އިބްރާހިމް މުހައްމަދު ސޯލިހް ވެ ވަޑައިގެންނެވި ވައުދުގެ ދަށުން އެންމެ ފުރަތަމަ މި އަހަރުގެ ފުރަތަމަ ޓާމުގައި ނާސްތާ ދިނީ 25 ސްކޫލެއްގަ އެވެ. އަޖުމާ ބެލުމުގެ މި މަރުހަލާ އަށް ފަހު، ދެން ހުރި 188 ސްކޫލުގައި މި ޕްރޮގްރާމު މިއަދު ފެށުމުން 203 ސްކޫލެއްގެ ދަރިވަރުންނަށް މިހާރު ނާސްތާ ލިބޭނެ އެވެ.
މިހާރު ސަރުކާރުގެ ހުރިހާ ސްކޫލެއްގައި ނާސްދޭ ދޭއިރު އެ ލިބޭ ދަރިވަރުންގެ އަދަދަކީ 57،816 އެވެ.
ނައިބު ރައީސް ފައިސަލް ނަސީމް ތާޖުއްދީން ސްކޫލުގެ ދަރިވަރަކާ ވާހަކަދައްކަވަނީ -- ފޮޓޯ: ހުސެއިން ވަހީދު/މިހާރު
ހުރިހާ ސްކޫލެއްގައި ނާސްތާ ދޭން ފެށުން އިފްތިތާހު ކުރުމަށް ތާޖުއްދީން ސްކޫލުގައި ބޭއްވި ރަސްމިއްޔާތުގައި ނައިބު ރައީސް ފައިސަލް ނަސީމް ވިދާޅުވީ ހެނދުނު ކިޔަވާ ދަރިވަރުންގެ ސިކުނޑިތައް ހުޅުވެން ޖެހޭނެ ކަމަށެވެ. އަދި ކޮންމެ ކަމެއް ވެސް ރަނގަޅަށް ފަށައިފި ނަމަ، ލިބޭ ނަތީޖާ ރަނގަޅު ވާނެ ކަމަށް ވިދާޅުވި އެވެ.
"[ކިޔަވާ ކުދިންނަކީ] ފިލާވަޅުތަކަށް ރަނގަޅަށް ބެލޭ ދަރިވަރުންނަށް ވާން ޖެހޭ. މުޅި ދުވަހުގެ ކިޔެވުންތަކަށް ފުރިހަމަ ކޮންސަންޓްރޭޝަން ދެވޭ ވަރުގެ ކުދިންނަށް ވާން ޖެހޭ،" ނައިބު ރައީސް ވިދާޅުވި އެވެ.
މުޅި ރާއްޖެއަށް ނާސްތާ ޕްރޮގްރާމް ފަށަން ބޭއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އައިޝަތު އަލީ ވާހަކަދައްކަވަނީ -- ފޮޓޯ: ހުސެއިން ވަހީދު/މިހާރު
އެޑިއުކޭޝަން މިނިސްޓަރު ޑރ. އައިޝަތު އަލީ މި ރަސްމިއްޔާތުގައި ވިދާޅުވީ މިއަދަކީ ރާއްޖޭގެ މަދަރުސީ ތާރީހުގައި ވަރަށް ހާއްސަ ކަމެއް ފަށާ ދުވަހެއް ކަމަށެވެ. ހުސްބަނޑާ ކިޔެވަން ފެށުން މިއަދުން ފެށިގެން ނިމުނީ ކަމަށް އޭނާ ވިދާޅުވި އެވެ. އަދި ހެނދުނުގެ ނާސްތާ ދެނީ، އެކަމުގެ ސަބަބުން ދަރިވަރުންގެ ތަރުބިއްޔަތަށާއި އަހުލާގަށް އަދި ހެދި ބޮޑުވުމަށް ހެޔޮ އަސަރުތަކެއް ކުރާ ކަން ޔަގީން ވާތީ ކަމަށް އޭނާ ވިދާޅުވި އެވެ.
"އެ ޕްރޮގްރާމުގެ ނަތީޖާ ދައްކާ ގޮތުން ނާސްތާގެ ސަބަބުން ދަރިވަރުން ފިލާވަޅާށް ދޭ ސަމާލުކަން ވަނީ އިތުރުވެފަ. ސްކޫލަށް ގަޑިެޖހިގެން އަންނަ ދަރިވަރުން ވަނީ މަދުވެފަ. އެސެމްބްލީގައި އަނބުރާ ގަނެގެން ވެއްޓޭ ކުދިންގެ އަދަދު ވަނީ މަދުވެފަ. އަދި ބަނޑާއި ބޮލުގައި ރިއްސާތީ ހެލްތު ރޫމަށް ދާ ކުދިންގެ އަދަދު ވެސް ވަނީ މަދުވެފަ،" މިނިސްޓަރު ވިދާޅުވި އެވެ.
ތާޖުއްދީން ސްކޫލުގެ ދަރިވަރުންތަކެއް ހެނދުނުގެ ނާސްތާގައި. -- ފޮޓޯ: ހުސެއިން ވަހީދު/މިހާރު
މީގެ އިތުރުން މި ޕްރޮގްރާމުގެ ސަބަބުން ފައިދާ ކުރާނީ ހަމައެކަނި ދަރިވަރުންނާއި ބެލެނިވެރިންނަށް ނޫން ކަން ފާހަގަކުރައްވަމުން އޭނާ ވިދާޅުވީ ރަށްތަކުގެ އިގްތިސާދަށް ވެސް މި ޕްރޮގްރާމުގެ ސަބަބުން ފައިދާ ކުރާނެ ކަމަށެވެ. މިނިސްޓަރު އިޝާރާތް ކުރެއްވީ ނާސްތާ ދިނުމުގެ މަސައްކަތްތަކާ ވިޔަފާރި އުސޫލުން ހަވާލުކޮށްފައިވާ ފަރާތްތަކަށެވެ.
ކިޔަވާ ދަރިވަރުންނަށް ނާސްތާ ފޯރުކޮށްދިނުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެކެވެ. މި ޕްރޮގްރާމުގެ ފުރަތަމަ އަހަރަށް 123 މިލިއަން ރުފިޔާގެ ބަޖެޓެއް ކަނޑައަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެހެންތޭ
11 June 2019
ކޮންމެހެން ނުޖެހެއޭ ސަރުކާރުން ނާސްތާދޭކަށް.. ތިއީ ދައުލަތުންކުރާ ބޭކާރު ޙަރަދެކޭ.. ތިއީ ގޭދޮށުކުދިން އަންބޮޑި ބޮޑުކުރަންކޮއްދޭކަމެކޭ.. ގިނަކާތަކެތި އުކާލާށޭ ޖެހެނީ.. އެއްޗެއްދެންޔާ ދަރިވަރެއްގެ ބޮލަކަށް ވަކި އަދަދެއް ހަމަ ޖައްސާފަދޭށޭ.. އޭރުން ބެލެނިވެރިން އެކުދިން ކާހިތްވާ ރަގަޅުއެއްޗެއް ހޯދާދޭނޭ.
ރޔޒ ރށދ
11 June 2019
ހުސް ޕްލާސްޓިކާއި ކަރުދާސް ކުނިން ކޮންމެ ދުވަހަކު ދެ ދަންފަޅިއަށް ތިމާވެށި ހިމާޔަތްކުރަނީ.
ޔޫވީ
11 June 2019
މި ސަރުކާރަށް ނިސްބަތްވާ މީހުންވެސް ބުނަނީ ގައުމުގެ ދަރަނި ބޮޑުވަނީ ކަމަށް. ގައުމުގައި ހުރި ބޮޑެތި ކަންކަމަށް އެޓެންޑްނުކޮށް މިފަދަ ބޭކާރު ޚަރަދު ކުރުން މިއީ ހަމަ އެންމެ ފައިދާ ބޮޑު ގޮތްތަ؟ ކޮންމެ ގެއަކުން އެކުއްޖަކަށް މާ ތާޒާ ނާސްތާއެއް ދެވޭނެއިރު އެތައް ގަޑިއެއްކުރިން ތައްޔާރުކޮށްފައިވާ ކާނާ ކުދިންނަށް ދިނުމަކީ ސިއްހީ ގޮތުން އެންމެ ރަގަޅު ގޮތްތަ؟ ފައިސާ ނެތިގެން ނާސްތާ ނުދެވޭ ކުދިންނަށް އެކަން މާލީ ގޮތުން ތަނަވަސްކޮށްދެވިދާނެ.
އަހަރެން...
11 June 2019
ބުނެވުނު އެއްޗެއް ގާ ހިފާ ނުދަމާ.. މިކަމެއްމިހެނެއް ނުވާނެ... ހަރަދު ތަކެއް ކޮއްގެން ދަރަނި ދާނީ މައްޗަށް... މިއަދު ވެސް ނާސްތާ އަށް ގެންދިޔަ ތަކެތި ހުރީ ބާކީވެފަ ،އިސްރާފު މީ ހަމަ...
ހަސީނު
11 June 2019
ގެޒެޓްގައި ހުރި އިޢުލާނުތައް ކިޔާލާއިރު، ބައެއް ސްކޫލްތަކުގެ ނާސްތާ ބިޑް ހުޅުވުން އޮތީ މި މަހުގެ ފަހުކޮޅު. އަނެއްކާ އެ ސްކޫލްތަކުގެ ދަރިވަރުންނަށް ނާސްތާ ތިޔަ ދެނީ ކިހިނެއްބާ؟ ދަރިވަރަކަށް ގެއްލުން ނުވުން އިންތިހާއަށް އެދެން
މުހައްމަދު އަހްމަދު
11 June 2019
ތިޔަ ނާސްތާގެ ސަބަބުން، ހިތާމައެއް ކުރިމަތިވެދާނެ.. މިހެން މިދެންނވީ، ގިނަ ރަށްރަށުގައި ކަން ހިނގާގޮތުން މައްސުނި ހަދަން ބޭނުންވާ ހުނި ގާނާފަ 2 ދުވަހު 3 ދުވަހު އެބަ ބަހައްޓާ.. ދުވަސްވީ ޕާން އެބަ ބޭނުންކުރޭ.. އެއްދުވަސް ވެފައި ހުންނަ ރޮށި އެބަ ބޭނުންކުރޭ.. 300 އަށް ވުރެ ގިނަ ކުދިންގެ ނާސްތާ ތައްޔާރުކުރުމަށް އުޅެނީ 2 ބަންގާޅީން.. އެހުރިހާ ކުދިންނަށް ފަތިހު ތެދުވެ ނާސްތާއެއް ތައްޔާރެއް ނުކުރެވޭނެ... ދެންވާނީ ކާނާ ވިހަ...
ޙޫރު
11 June 2019
ނާސްތާ ދިނުމަކު ނެތް މައްސަލައެއް. މައްސަލައަކީ ވަގުތުތަކެއް ބޭކާރުވާތީ.ޚާއްސަކޮށް އަހަރެމެންރަށު ސުކޫލްކަހަލަ ދެދަންފަޅިއަށް ގެންދާ ސުކޫލްތަކުގަ. ޢިރުއަރާތަނުން ސުކޫލަށް ގެންދިޔަޔަސް ފުރަތަމަގަޑި އެކަމުގަ ދަނީ. ޢަވަހަށް އެއްދަނަފަޅިއަށް ހަދައ8ދީބަލަ ހުރިހާ ސުކޫލެއް..
އައިމިނާ
11 June 2019
ރަނގަޅު ނާސްތާއެއް އެއީ ވަރަށްމުހިއްމުކަމެއް. ޤަބޫލުކުރަން. ވަރަށްރަނގަޅުކަމެއް. ޝުކުރުވެރިވަން. އެކަމު އެއާއެއްވަރަށް އެހެންކަންތައްވެސް ރަނގަޅުވާންޖެހޭ. ސްކޫލްތަކުގެ އިމާރާތުގެ ދަތިކަން ފިލުވަންޖެހޭ. ކްލާހެއްގަ 35 ކުދިން ތިބެފަ އެއްމެ އާދައިގެ ކުޑަފަންކާއެއްހުރުމުން ބުނެވޭނީ އޭތި.. އޭ. އެކަންތައް ރަނގަޅުވާންޖެހޭ. އޭގެސަބަބުން ކުދިންގެ ހަމުގެ މައްސަލަ ވަރަށްބޮޑުވޭ. އޭރުން އެވަނީ ގަރުދިޔައާއި ބަތްކޮޅެއްކައިގެންތިބެ އައިފޯނު ގެންގުޅުންކަހަލަ ކަމަ
އަލިބެއްޔާ1111
11 June 2019
ދައުލަތުގެ ބަޖެޓް އިން ޙަރަދުކޮއްގެން ކުރާވަރުކަމެއްނޫން. ދައުލަތުގެ ޙަޒާނާ ދާދި އަވަހަށް މިފަދަ ބޭކާރުޙަރަދު ކުރަމުން ގޮސް ހުސްވާކަށް މާގިނަދުވަހެއްނެތް. ސަރުކާރުން ހުރިހާ ކަމެއް ރައޔިތުންނަކަށް ކޮއްދޭކަށް ނުޖެހޭ. އާސަންދަ ވެސް ލިބެންޖެހެނީ ފަގީރުންނަށް.
ކަނބުރުކަލޭގެ
11 June 2019
ސަރުކާރު އައި އިރު ގައުމުގެ އެންމެ ބޮޑު މައްސަލައަކަށްވެފަ އޮތީ މައިންބަފައިން ދަރިންނަށް ކާންނުދޭ މައްސަލަ. އެހެންވެ އެހެން ހުރިހާ ކަމެއް ބަހައްޓާފަ އެކަމާ އުޅެގަތީ.