ކިންގް ސަ؛ލްމާން މިސްކިތް. މަސައްކަތް ނިމޭނެ ކަމަށް މިހާރު ލަފާ ކުރަނީ ޖުލައި 31 އަށް. ފައިލް ފޮޓޯ/މިހާރު
11 ޖޫން 2019 - 11:01
31 comments
ސައޫދީ އަރަބިއްޔާގެ ރަސްގެފާނު ސަލްމާން އަބްދުލްއަޒީޒްގެ ޚަރަދުގައި މާލޭގައި އިމާރާތްކުރާ މިސްކިތުގެ މަސައްކަތް މަޑުޖެހުމަށް ފަހު، މިހާރު އަލުން ފަށާފައިވާ ކަމަށާއި އަންނަ ޖުލައި މަހުގެ ނިޔަލަށް އެ މަސައްކަތް ނިންމަން ކަނޑައަޅާފައިވާ ކަމަށް ޕްލޭނިން މިނިސްޓްރީން މިއަދު ބުނެފި އެވެ.
ކިންގް ސަލްމާން މިސްކިތުގެ މަސައްކަތްތައް ނިންމަން ކުރިން ކަނޑައެޅި ތާރީޚުތަކަށް ނުނިމުނީ އެ މިސްކިތް އިމާރާތް ކުރުމުގެ މަސައްކަތް ކުރަމުން އަންނަ ތުރުކީގެ ކުންފުންޏަށް ފައިސާ ލިބުން ލަސްވެގެންނެވެ. އެ މިސްކިތުގެ މަސައްކަތް މީގެ ކުރިން ދެ ފަހަރެއްގެ މަތިން މަޑުޖެހުނެވެ.
މިސްކިތުގެ މަސައްކަތް އަލުން ފެށުމަށް ފަހު އިސްލާމިކް މިިނިސްޓަރު ޑރ. އަހުމަދު ޒާހިރު މިދިޔަ އޭޕްރިލް މަހު ވިދާޅުވެފައި ވަނީ ޖުލައި މަހު މިސްކިތް ހުޅުވޭ ވަރު ވާނެ ކަމަށް ތުރުކީގެ ކުންފުނި އޭރު އެންގި ކަމަށެވެ. ނަމަވެސް ފައިސާ ލިބުން ލަސްވެއްޖެ ނަމަ އަނެއްކާ ވެސް މަސައްކަތް މަޑުޖެހުން އެކަށީގެންވާ ކަމަށް މިނިސްޓަރު އޭރު ވެސް ވިދާޅުވި އެވެ.
އޭގެ ފަހުން މިސްކިތުގެ މަސައްކަތް އަނެއްކާ ވެސް މަޑުޖެހި ޖުލައި މަހު ނުހުޅުވޭނެކަން މިހާރު ވަނީ ޔަގީން ވެފަ އެވެ.
ޕްލޭނިން މިނިސްޓްރީގެ ޑިރެކްޓާ ޖެނެރަލް ފާތިމަތު ޝާނާ ފާރޫގު މިއަދު ވިދާޅުވީ ފައިސާގެ މައްސަލަ މިހާރު ހައްލުވެފައިވާ ކަމަށާއި މިސްކިތުގެ މަސައްކަތް ބާރަށް ކުރިއަށް ދާ ކަމަށެވެ.
"މިހާރުގެ ޑެޑްލައިނަކީ ޖުލައި 31، އެ ތާރީޚަށް ނިމޭނެ ކަމަށް ބެލެވެނީ،" އޭނާ ވިދާޅުވި އެވެ.
ހަ ބުރި އަށް ހަދާ އެ މިސްކިތުގެ މަސައްކަތުގެ އަގަކީ 24 މިލިއަން ޑޮލަރު (370 މިލިއަން ރުފިޔާ) އެވެ. އެ މިސްކިތުގެ މަސައްކަތް ފެށީ މީގެ ތިން އަހަރު ކުރިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޮކްތެރަޕީ
11 June 2019
ހާދަ ކުރީގެ ފޮޓޯއެކޭ މިފެންނަނީ. މިހާރުގެ ފޮޓޯއެއްޖަހާބަލަ.
ކާފަބޭ2019
11 June 2019
މިނިސްޓަރ ތިޔަހެންދެއްވާތާރީޚު ޤަބޫލުކުރެވޭކަށް ހަމަނެތޭދެންނެވޭނީ މިދިޔަރޯދަމަހުގެދެވަނަހަފްތާހަގަ ހުޅުވޭނެކަމަށްވިދާޅުވިމިސްކިތް ރޯދަމަސްހުސްވެ ހަރޯދަވެސްނިމުނީ އަދިނިމުންވީހިސާބެއްވެސްނޭނގެ މިނިސްޓަރަށްވެދުން
ސަކީނާއްތަ
11 June 2019
ތިމިސްކިތް ހަދަން ފެށުމުން އަހަރެން ހީކުރީ އިސްލާމީ މަރުކަޒުގެ ހައިބަތު ގެއްލި އާމިސްކިތް މާލޭގެ އެއްމެ ރީތި އަދި ހިތްފަސޭހަކަން ގެނެސްދޭވަރުގެ ބިނާއެއްކަމުގައި ވާނެކަމަށް. އެކަމަކު އެހެނެތްނުވި. އިސްލާމީމަރުކަޒު އަދިވެސް ގައުމުގެ އެއްމެ ރީތިވެފައި ދިވެހިންގެ އިސްލާމީވަންތަކަން ދައްކައިދެނީ.
ކަހަނބު
11 June 2019
އެންޓި އެއާކުރާފްޓް މިސައިލް ސިސްޓަމެއް ވެސް ހުންނަން ޖެހޭތަ؟
ޙުސް
11 June 2019
މިކަހަލަ މޮނިއުމެންޓް އިމާރަތްތައް މިސްކިއްތައް ޑިޒައިން ކޮއް ހަދާއިރު އާންމުންގެ ހިޔާލު ހޯދަން ވެސް ހުޅުވާލާނަމަ. މިކަހަލަ ހިޔާލާ ވިނުން މީކީ ޕުލޭނިން މިނިސްޓުރީގެ މުވަޒަފުންނައް ފަމުނުވާވަރުގެ ރޮކެޓު ސައިންސެއް ނޫން
ޕިކްސް
11 June 2019
މިސްކިތުގެ ފުރާޅާހެދި މުޅި މިސްކިތުގެ ރީތިކަންވަނީ ގެއްލިފަ.
އެހެން
11 June 2019
ފޮޓޯ ނެގި މީހާގެ މަގްސަދަކީ ފުރާޅު ދައްކައިގެން މިސްކިތުގެ ރީތި އެހެން ތަންތަން ގެއްލުވާލުން.
ޔާން
11 June 2019
200 މިލިއަން ޑޮލަރު ޚަރަދުކޮއްގެން 25ބުރީގެ ކޮތަރުކޮއްޓެއް އަޅާ ކަޓުޖެއްސި ސަރުކާރުން 24މިލިއަން ޑޮލަރު ޚަރަދުކޮށްގެން އާދައިގެ ޓިނުޖެހީތީވެ ޝުކުރުކޮއްބަލަ! ނަސީބެންނު މުޅިތަން ފުލައިވުޑުން ހަދާ މަތީގަ ނޫސަތަރި ނުދަމާކަން! މުޅިތަން މުއިއްޒުވެފަ!
ބާން
11 June 2019
ކޮތަރުކޮށި ހިންގާނެ ގޮތެއްވެސް ނޭނގިގެން އުޅެނީ މިސަރުކާރުން. ނަސީބުތާ 25 ބުރީގެ ހޮސްޕިޓަލެއް އަޅާފަ ހިންގަން ނުދިންކަން.
ދޮން ބުޅާ
11 June 2019
ދުނިޔޭގެ ލޭންޑް މާރކް އަކަށް ވާކަހަލަ ޑިޒައިނެއް ހަދާލި ނަމަ ހާދަ ސަޅި ވީހޭ..
ކަޅުބުޅާ
11 June 2019
މި ސަރުކާރަށްވުރެ ސަޅިކޮށް ތަނެއް ނުހެދޭނެ އެއްވެސް ބަޔަކަށް. މިހާރުވެސް ފަށާފަ އެހެރަ ތަންތަން ފެނުނު މީހަކު ސޮނިވެއްޓޭނެ.
ހުތްއަނބު
11 June 2019
ކޮން ޓިނެއް ޖަހާފަ މިހިރީ؟!!
ހުތްއަނބު
11 June 2019
ކޮން ޓިނެއް ޖަހާފަ މިހިރީ؟!!