ކިންގް ސަލްމާން މިސްކިތް: ބޭރަކުން ނޭނގޭނެ! އެތެރެ ވަރަށް ފުރިހަމަ!

ކިންގް ސަލްމާން މިސްކިތުގައި ފިރިހެނުން ނަމާދު ކުރަން ހާއްސަ ބައި: މިއީ ރީތި އަދި ފުރިހަމަ މިސްކިތެއް -- ފޮޓޯ: ނިޝާން އަލީ/މިހާރު

އަހުމަދު ސާއިލް އަލީ، މިހާރު

07 ޖެނުއަރީ 2020 - 16:36

80 comments

ސައޫދީ އަރަބިއްޔާގެ ރަސްގެފާނު ސަލްމާން އަބްދުލްއަޒީޒްގެ ޚަރަދުގައި މާލޭގައި އިމާރާތް ކުރި މިސްކިތުގެ ފުރާޅާއި މުންނާރު ހުރި ގޮތަށް، ބައެއް މީހުންގެ ފާޑުކިއުން އަމާޒުވި އެވެ. އެކަމަކު ތަނެއްގެ ރީތިކަން ހަމައެކަނި ބޭރުން ބަލައިގެން ނޭނގިދާނެ އެވެ. އެ ބޮޑު، ފަސް ބުރީގެ މިސްކިތުގެ އެތެރެ ފުރަތަމަ ފަހަރަށް ނޫސްވެރިންނަށް ދެއްކި އިރު، ފެނުނީ ހިތްގައިމު، ތަނަވަސް އަދި ވަސީލަތްތައް ގިނަ، ވަރަށް ތަފާތު މިސްކިތެއްގެ ގޮތުގަ އެވެ.

މިސްކިތުގެ ވައްކޮށް ހަދާފައި ހުރި މިސްކިތުގައި މިހާރު ކުރިއަށް ދަނީ ތަން ސާފުކުރުމާއި އެންމެ ފަހުގެ ކުދިކުދި މަސައްކަތްތަކެވެ. މިސްކިތަށް ހާއްސަ ބައިގައި ދޫލަ އަޅައި، ބޮކިތައް ހަރުކޮށް ވަނީ ނިންމައިފަ އެވެ.

ކިންގް ސަލްމާން މިސްކިތުގައި ނަމާދު ކުރަން ހާއްސަ ބައިިގެ ދޫލަ ސާފުކުރަނީ-- ފޮޓޯ: ނިޝާން އަލީ/މިހާރު

ކުރީގެ ރައީސް އަބްދުﷲ ޔާމީންގެ ވެރިކަމުގައި، އެންމެ އިސްކަން ދިން މަޝްރޫއުތަކުގެ ތެރޭގައި ހިމެނޭ މި މިސްކިތުގައި ނަމާދު ކުރަން ހާއްސަކޮށްފައި ވަނީ ފުރަތަމަ ބުރި އާއި ދެ ވަނަ ބުރި އެވެ. އެ ދެ ބުރީގައި އެއް ފަހަރާ 4،000 މީހުންނަށް ނަމާދުކުރެވޭނެ އެވެ. އަދި މިސްކިތުގެ ބޭރުގައި ވަށައިގެން އޮތް ސަރަހައްދުގައި 6،000 މީހުންނަށް ނަމާދުކުރެވޭނެ ކަމަށް، ޕްލޭނިން މިނިސްޓްރީން ބުންޏެވެ.

މުޅި މިސްކިތުގައި ބޮޑެތި ބިއްލޫރި ދޮރުތައް ހުރުމުން، ބޭރު ވަރަށް ރީއްޗަށް ފެނެ އެވެ. ދޮރުތަކުގެ ދެމެދުގައި ހިމެނޭ ފާރުތައް ރީތިކޮށްފައި ވަނީ ރަން ކުލައަކަށް ދާ މާބުލް ޖަހައިގެންނެވެ.

ފޮޓޯ ގެލަރީ / ކިންގް ސަލްމާން މިސްކިތް ހުޅުވުމާ ގާތަށް

މިސްކިތުގެ އެކި ހިސާބުތަކުގައި ހަރުކޮށްފައިވާ ގުރުއާންގެ އާޔަތްތައް، ކަނޑާ ނަގާފައި ވަނީ، އާންމުކޮށް ރާއްޖޭގެ މިސްކިތްތަކުގައި ހުންނަ ގޮތަށް، ލަކުޑިއަކު ނޫނެވެ. އޭގެ ބަދަލުގައި އާޔަތްތައް ކަނޑާ ނަގާފައި ވަނީ ވެސް މާބުލްތަކުގަ އެވެ.

މިސްކިތުގެ ލައިޓްތަކުން ނުކުންނަ މަޑުމަޑު ރަން އަލިން ވަރަށް ބޮޑު ހިތްގައިމުކަމެއް ފަތުރާލަ ދެ އެވެ. އެއީ މިހާތަނަށް ރާއްޖޭގެ މިސްކިތަކުން އެހާ ބޮޑަށް ފެނުނު މަންޒަރެއް ނޫނެވެ.

މިސްކިތުގެ އެންމެ ތިރީގައި ވަނީ ފާހާނާތަކާއި ވުލޫކުރަން އިސްކުރު ބަރިތަކެވެ. އެ ދެ ބައި ހުރީ ދެ ޖިންސުގެ މީހުންނަށް ވަކިން ބޭނުންކުރެވޭ ގޮތަށެވެ.

އޭސީކޮށްފައިވާ މިސްކިތުގައި ތިން ލިފްޓާއި ހަތަރު ސިޑި ހިމެނެ އެވެ.

ކިންގް ސަލްމާން މިސްކިތުގެ އެންމެ ތިރި: މި ތަނުގައި ހިމެނެނީ ފާހާނާތަކާއި ފުލޫކުރާ ބައި -- ފޮޓޯ: ނިޝާން އަލީ/މިހާރު

ވަރަށް ފުރިހަމަ އޮޑިޓޯރިއަމްއެއް

ގާތްގަނޑަކަށް 24 މިލިއަން ޑޮލަރު (370 މިލިއަން ރުފިޔާ) ހޭދަކޮށްގެން ތުރުކީގެ ޓާމެކްސް ކުންފުނިން ހަދާފައިވާ މިސްކިތުގެ ތިން ވަނަ ބުރީގެ އެއް ބަ އާއި ހަތަރު ވަނަ ބުރި އެއްކޮށްލައިގެން ހަދާފައިވާ އޮޑިޓޯރިއަމް ވެސް ވަރަށް ރީއްޗެވެ. ޖުމްލަ 350 ގޮނޑި ޖަހާފައިވާ މި ތަނަކީ ރާއްޖޭގެ އެންމެ ބޮޑު އެއް އޮޑިޓޯރިއަމެވެ.

އޮޑިޓޯރިއަމަށް ވަންނަ ތަނުގައި ފުދޭވަރެއްގެ ބޮޑު ލޮބީ އޭރިޔާއެއް ހިމެނެ އެވެ. އެއީ ސައި ފަދަ އިންތިޒާމްތައް ހަމަޖެއްސޭ ގޮތަށް ދީފައި އޮތް ޖާގައެކެވެ.

ފަސް ވަނަ ބުރީގައި ހަދާފައި ވަނީ އެކި އިވެންޓްތައް ބޭއްވޭ ކަހަލަ ހޯލެކެވެ.

ކިންގް ސަލްމާން މިސްކިތުގެ އޮޑިޓޯރިއަމް: މިތަނުގައި 350 މީހުންގެ ޖާގަ އޮވޭ-- ފޮޓޯ: ނިޝާން އަލީ/މިހާރު

ނޫސްވެރިންނާ ވާހަކަ ދައްކަވަމުން ޕްލޭނިން މިނިސްޓްރީގެ އެސިސްޓެންޓް އިންޖީނިއަރު ހަސަން ސާމީ ވިދާޅުވީ މި މަސް ނިމުމުގެ ކުރިން މިސްކިތުގެ ހުރިހާ ކަމެއް ނިންމާލެވޭނެ ކަމަށެވެ.

ނަމަވެސް މިސްކިތް ހުޅުވާނެ ދުވަހަކާއި އެ މިސްކިތުގެ އެހެން ވަސީލަތްތައް ބޭނުން ކުރާނެ ގޮތް ކަނޑައަޅާނީ އިސްލާމިކް މިނިސްޓްރީން ކަމަށް އޭނާ ވިދާޅުވި އެވެ.

މިސްކިތްތައް އިސްލާމީ މަރުކަޒު ރާއްޖެ-ސައުދީ ކިންގް ސަލްމާން މިސްކިތް ކިންގް ސަލްމާން މިސްކިތް ހައުސިން، ލޭންޑް އެންޑް އާބަން މިނިސްޓްރީ ސައޫދީ އަރަބިއްޔާ ސަލްމާން ރަސްގެފާނު ތުރުކީ

80 ކޮމެންޓް, 256 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނެކްސްޓް

08 January 2020

ރަގަޅަށް ބަލަހައްޓާނެބާ؟ ތަނެއްހެދެނިކޮށް ނިމުނީ ދެން ވީރާވާން ދޫކޮށްލާތަން މިފެންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރަބި ބަސް

08 January 2020

އެތެރެ ރީތިކުރަން ބޭނުން ނަމަ ޢަރަބި ބަސް ދަސްކުރޭ. އޭރުން ޤުރުއާން ކިޔަވާއިރު ތިމާއަށް ޤުރުއާނުގެ އަސަރެއް ކުރާނީ. ފަހު ޒަމާނުގެ މީހުންް ރީތި ރާގު ރާގަށް ޤުރުއާން ކިޔަވާ އިރު އެމީހުންގެ ހިތަށް އޭގެ އެއްވެސް އަސަރެއް ނުކުރަނީ ޢަރަބި ބަސް ނޭގޭތީ. ޢަރަބި ބަހަކީ ދަސްކުރަން ފަސޭހަ ބަހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

08 January 2020

މިސްކިތްތައް ރީތިވަނީ މިސްކިތުގައި ނަމާދުކުރާމީހުނާ ގުރުއާންކިޔަވާ މީހުންނާއި ﷲ އަށް ޛިކުރުކުރާމީހުން ގިނަވިވަރަކަށެވެ. ތިމިސްކިތުގައި މިސްކިތެއްގެ ސިފައެއްނެތެވެ. ސަރުކާރުތަކުން ޚަރަދު ކޮށްގެން މިސްކިތްތަކުގެ ރީތި ޑިޒައިން އަދި ތަފާތު އެކިގޮތްގޮތަށް ޒީނަތްތެރި ކޮށްގެންނުވާނެއެވެ. އަމިއްލަ މީހުން އަމިއްލަ ޚަރަދުގައި ކުރުމަކީ މަކްރޫހަކަމެއްކަމަށް އިލްމުވެރިން ބުނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒީރޯ ޓޮލަރަންސް

08 January 2020

ރަސްފަންނުގަ ހެދި ޕެވިލިއަންއަށް ހެދިހެން ތިތަނަށް ނުހަދާތި އިބޫ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭރު

08 January 2020

ބަލާބެލުމަށް މިސްކިތުގެ ފެންވަރު އެހާ ރަގަޅު ހެނެއް ހިޔެއް ނުވެއެވެ. ކިތައް އަހަރުގެ ގެރެންޓީއެއް ދީފައިވޭބާ؟ އިސްލާމީ މަރުކަޒު އެހެރީ 100 އަހަރުގެ ގެރެންޓީއަކާއެކު. ދެން އުފެދޭ ސުވާލަކީ އެސީއާއި ލައިޓްތައް ގިނަކަމާއެކު ކަރަންޓްބިލު ކިހާވަރަށް އަރައިގެންދާނެތޯއެވެ. އެއީ އާންމުކޮށް މިސްކިތައް އަރާނީ ދެތިން ހަތަރު ސަތޭކަ މީހުން. އެކަމަކު މުޅި މިސްކިތް އެއްކޮށް އެސީތަކާއި ލައިޓްތައް ޖައްސަންޖެހޭ ގޮތަށް ހުރިކަމަށް ފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަރަދު

08 January 2020

ކުރާ އިސްރާފަށް ބަލާއިރު ބިލުތައް ބޮޑުވިޔަސް މައްސަލައެއްނޫން. ޔާމީން ކުރި ކަމަކަށް ވީމާ ތިއުޅެނީ ހަޖަމްކުރަން އުނދަގޫވެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖުދާ

08 January 2020

ދިވެހިގައުމު ދުއް އެންމެ ހިންގުންތެރި ގައުމުދެކެ ލޯބިވާ އަދި ދިވެހިރައްޔިތުންގެ ހާދިމެއްގެ ގޮތުގައި މަސައްކަތްކުރި ވެރިއަކީ ރައީސް ޔާމީން. ސްޓެލްކޯގެ ހުޅުމާލެ އިންޖީނުގެއާއި ހުޅުމާލެ ދެވަނި ފިޔަވައްސާއި، ދަރުމަވަންތަ ހޮސްޕިޓަލާއި ބުރިޖާއި ރަސްފަންނާ ސޓއ ގެ އޮއިލް ބާޖާއި މޓސސ ގެ ޑްރެޖަރ. ކިޔާނެކަމެއްނެތް ހިދްމަތުގެ އަގު ވަޒަން ނުކުރެވޭ. 2019 ގައި 32 މިލިއަން ފެންފޮދަކާ ނުލައިދިރުވާލު ވަގު ސަރުކާރަކީ ނާގާބިލް ޖާހިލުންގެ ސަރުކާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދާލަތު1

08 January 2020

ހަޤީޤަތަކީ ބޭރުވެސް އެތެރެވެސް ހަޑި. އެތެރޭގަ ބޭނުންކޮށްފައިވާ ކުލަތައްވެސް ހަޑި. ޑިޒައިނިން އަދި އާކިޓެކްޗަރަލް "ޑިޒާސްޓަރ" އެއް ތިޔައީ. ޚުދު ކިންގް ސަލްމާން ވެސް ތިޔަ ޒާތުގެ މިސްކިތެއް ސައޫދީގެ އައްސޭރިފަށުގައި ރަށުގެ މަލަމާތީގައި ނާޅާނެ. މިސްކިތެއްވީމަ ކުރާ އިހުތިރާމް އެއީ ވަކި ކަމެއް. އެކި މީހުންނަށް ރީތި ހުތުރު ވާގޮތް ތަފާތުވާނެ. ރައްޔިތުންގެ ވޯޓެއް ނެގިޔަސް ތިޔަ މިސްކިތުގެ ޑިޒައިން ހަޑިކަމަށް ނިމޭނެކަމުގެ ވަރަށް ބޮޑު ޔަޤީންކަމެއް އެބައޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހާލަތު2

08 January 2020

ކޮމެންޓް ކިޔާލީމާ އެނގިއްޖެ ކަލެއަށް އެތަން ޑިޒައިން ކޮށް ކޮންސްޓްރަކްޝަން ނުދިނީމަ ކަޑަވެފަ ހުރިކަން...ހަޖަމް ޕުލީޒް! ހަޖަމް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމްބޯލް

08 January 2020

މިސްކިތެއްގެ ރީތިކަންފެންނާނީކިހިނެއް އެތެރޭގަ ލާފަތިހުރިކުލައިން ހީވަނީ ފައްޅިއެއްފެންނަހެން އެހެންޏާފަހެ ދެން ބޮޑުވަރު މިމީހުންނާ ކަމެއްހަވާލުކޮށްފިއްޔާ މިނޫންކުލައެއްނުލާނެ ކީއްކުރަން ނޫކުލައިގެ ގޮނޑިބެހެއްޓީ ތިތާވެސް ރީނދޫގޮނޑި ބެހެއްޓިނަމައެއްނު ކީއްތަވާނީ ފެހިކުލަލިނަމަ މާރީތިވީސް ތިވެސް ޔާމީންގެ ސަރުކާރުން ކޮއްނިއްމާލިނަމަ ވވވވވ ފުރިހަމަވީސް.