އަދީބު ފުރާނީ ކަރެކްޝަންސާއި ފުލުހުންގެ އޮފިސަރުންނާ އެކު

ސުޕްރީމް ކޯޓުގައި އޮތް ޝަރީއަތަކަށް އަދީބު ވަޑައިގަންނަވަނީ: އެމަނިކުފާނު ބޭސްފަރުވާ އަށް އިންޑިއާ އަށް ފުރާވަޑައިގަތުމުގެ ހުއްދަ ވަނީ ދީފައި. --ފޮޓޯ/މިހާރު

ފަޒީނާ އަހުމަދު، މިހާރު

12 ޖޫން 2019 - 10:52

40 comments

ކުރީގެ ނައިބު ރައީސް އަހްމަދު އަދީބު ބޭސްފަރުވާ އަށް ރާއްޖެ އިން ބޭރަށް ފުރާވަޑައިގަންނަވާނީ މޯލްޑިވްސް ކަރެކްޝަނަލް ސާވިސް އާއި ފުލުހުންގެ އޮފިސަރުންނާ އެކު ކަމަށް ހޯމް މިނިސްޓްރީން މިއަދު ބުނެފި އެވެ.

އަދީބުގެ ސިއްހީ ހާލަތު ހުރި ގޮތުން ރާއްޖޭގައި ދެވެން ނެތް ފަރުވާއަކަށް އިންޑިއާ އަށް ފޮނުވަން މެޑިކަލް ބޯޑުން ވަނީ ނިންމައިފަ އެވެ. ބޮޑެތި ކުށްތަކެއް ސާބިތުވެ އިއްވި 33 އަހަރުގެ ޖަލު ހުކުމް ބާތިލްކޮށް އަދީބު ބޭރަށް ފޮނުވާތީ ގިނަ ބަޔަކު ދަނީ ކަންބޮޑުވުންފާޅުކުރަމުންނެވެ.

ހޯމް މިނިސްޓްރީން ބުނީ، އަދީބުގެ ދަތުރުގައި ފުލުހުންނާއި ކަރެކްޝަންސްގެ އޮފިސަރުން ބައިވެރިވާނެ ކަމަށެވެ. އަދި ސަލާމަތީ ގޮތުން ފުރިހަމަ ކުރަން ޖެހޭ ހުރިހާ އިންތިޒާމެއް ހަމަޖައްސާފައިވާ ކަމަށް ވެސް އެ މިނިސްޓްރީން ބުންޏެވެ.

އަދީބުގެ ދަތުރުގައި އޮފިސަރުން ބައިވެރިވާނެ ކަން އާއިލާ އަށް ވެސް އަންގާފައިވާ ކަމަށް އެމަނިކުފާނުގެ އަނބިކަނބަލުން މަރިޔަމް ނަޝްވާ ވަނީ ވިދާޅުވެފަ އެވެ.

We have also been informed that security officials from both Maldives Police Service and Maldives Correctional Service would be accompanying us throughout our medical trip.
— Nash (@maryam_nashwa) June 11, 2019

އަދީބުގެ އަނބިކަނބަލުންގެ ޓުވީޓް.

ހޯމް މިނިސްޓްރީން ބުނިގޮތުގައި އަދީބުގެ ސިއްހީ ހާލަތާ ގުޅޭ ގޮތުން ކަށަވަރު ކޮށްދޭންޖެހޭ އަސާސީ އަދި އިންސާނީ ހައްގުތައް ކަށަވަރުކޮށް ދިނުމަކީ އިންސާފުގެ ކުރިމައްޗަށް އެމަނިކުފާނު ހާޒިރުކުރަން ހުރަސްއެޅޭނެ ކަމެއް ނޫނެވެ.

އަދީބު މިހާރު ހުންނެވީ 15 ދުވަހުގެ ގޭ ބަންދެއްގަ އެވެ. އެ މަނިކުފާނު ބަންދުކުރަން އަމުރުކުރީ ރިޔާސީ ލޯންޗްކޮޅުގައި އެއްޗެއް ގޮއްވާލި މައްސަލައިގެ ހުކުމް ހައި ކޯޓުން ބާތިލްކޮށް، އެ މައްސަލަ ވެސް އަލުން ބަލަން ދަށު ކޯޓަށް އެންގި އިރެވެ. އެނގިފައިވާ ގޮތުގައި މި ހަފުތާ ތެރޭގައި އެ މުއްދަތު ހަމަވެ އަދީބު ގޭބަންދުން ވެސް މިނިވަންވާނެ އެވެ.

ކުރީގެ ނައިބު ރައީސް އަދީބު ހޯމްލޭންޑް ސެކިއުރިޓީ މިނިސްޓްރީ ކަރެކްޝަނަލް ސާވިސް ކުށްކުރުން ފުލުހުން އަހުމަދު އަދީބު ކޮރަޕްޝަން އެމްއެމްޕީއާރްސީގެ ކޮރަޕްޝަން

40 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރެއްފިއު

12 June 2019

ރާއްޖޭން ބޭރުގައި ދިވެހި ފުލުހުނަށް އޮތީ ކޮންބާރެއްބާ އަދީބު ހިފަހައްޓަން. ދިވެހި ގާނޫން ހިނގާނީ ގާދޫންކޮލުން އެެތެރޭ. ގޭމް ނުޖައްސާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންއޮތްގޮތް

12 June 2019

އެކުގައިތިދާމީހުން ވާވައްދާލައި، ތިކަލޭގެފިލަން 5 މިނިޓު ބޭނުންނުވާނެކަން ފޮނުވާމީހުނަށް ނޭނގެނީކީނޫނެވެ. އެދެބެން މިހާރުތިބޭނީ އިންތިޒާރުގަކަންވެސް ތިފޮނުވާފަރާތްތަކަށް އެނގޭނެއެވެ. ވާގޮތް މިތިބީ ބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

12 June 2019

ހެޔޮނުވާނެ! އަދީބު އަތުނުޖެހުނަސް އޭނައާއިއެކުދާ ކުދިން އަތުޖެހޭތޯބަލާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނާނާ ރައީސް

12 June 2019

އަދީބު އެކަނިފުރިޔަސް ކޮބާ މައްސަލައެ؟އަދީބަކީ ކުށެނެތް މައުސޫމުމީހެއް މިހާރު ދެން ކަންބޮޑުވާންވީ ކީއްވެ؟މޑޕ ކަސޯޓީ ކުޅުންހުއްޓާލާ އެޖެންޑާ19ގެން ކުރިޔަށްދާންވީނުން. ވަޒީފާނެތް ކޮއްމެމީހަކަށް ލިބޭނެކަމަށްބުނި އެލަވަންސް ދޭންފަށަންވީނުން. ސޯލިހު ޒިންމާނަގަންޖެހޭ ކަމެނެތް ސަރުކާރުގަ މިނިސްޓަރުންގެ ޒިންމާއެވެސްނެތް. ކުދި މަނާތަކުގެ ބޮލުގައަޅުވާލީމަ ބޮޑުން ސަލާމަތްވީ އަދީބު މިނިވަންކުރިގޮތް މޑޕއަށް ނުވެސްއިގޭ ފަޑިޔާރުން ގޯސްވީ 1ފެބްގެ ހުކުން ރަގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ބެއްޔާ

12 June 2019

މިފަހަރު އަދީބު ފިލައިފިނަމަ އަހަރެން ޤަބޫލު ކުރާނީ ޤަސްތުގަ ސަރުކާރުން ފިލުވީކަމަށް. އެހެން ވެއްޖެ ނަމަ ދުވަހަކު އެމްޑީޕީއަށް ވޯޓު ނުދޭނަން. މިކަމާ އެއްބަސް ބޭފުޅުން ލައިކް ކޮށްދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައްޓަޖޯކު

12 June 2019

މިހަފްތާނިިމި އަންނަހަފްތާ ފެށޭއިރު އަދީބު ހުންނާނީ މައުސޫމު ކުށެއްނެތް މިނިވަން ދިވެހިރައްޔަތެއްގެ ގޮތުގައި ކަމަކަށްވާއިރު ދައުލަތުގެ ޚަރަދުގައި ކަރެކުޝަންސް އޮފިސަރުންނާއި ފުލުހުންގެ އޮފިސަރުން އަދީބުއާއިއެކު ފޮނުވުން އެއީ މިނިވަން ދިވެހި ރައްޔަތެއްގެ މިނިވަންކަމަށް އަރައިގަތުން ނޫންކަމުގައި ނިންމޭނެ ހަމައެއްވެސް ގާނޫނެއްނެތް.