ޑީޖޭއޭ: ކުރިން އުފައްދާފައި އޮތް ފަނޑިޔާރުންގެ ޖަމްއިއްޔާއަކީ ގާނޫނުގެ ދަށުން އޮތް ޖަމްއިއްޔާއެއް ކަމަކަށް ނުބެލެވޭނެ ކަމަށް ޑީޖޭއޭ އިން ބުނޭ -- ފޮޓޯ/މިހާރު
13 ޖޫން 2019 - 15:01
16 comments
ކުރިން ފަނޑިޔާރުންގެ ޖަމިއްޔާ އުފައްދާފައި އޮތީ ފަނޑިޔާރުންގެ ގާނޫނުގެ ދަށުން ކަމަށް ނުބެލެވޭނެ ކަމަށް ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން މިއަދު ބުނެފި އެވެ.
ފަނޑިޔާރުންގެ ގާނޫނު ބުނާގޮތުން ފަނޑިޔާރުންގެ މިނިވަންކަން ހިމާޔަތް ކުރަން މަސައްކަތް ކުރުމަށްޓަކައި ޖަމްއިިއްޔާއެއް އުފެއްދިދާނެ އެވެ. އެގޮތަށް އުފެއްދޭނީ އެންމެ ޖަމިއްޔާއެއް ކަމަށް އެ ގާނޫނުގައިވެ އެވެ. އެ ގާނޫނު އައުމުގެ ކުރިން ފަނޑިޔާރުންތަކެއް އިސްނަގައިގެން 2008 ވަނަ އަހަރު އޮތީ ފަނޑިޔާރުންގެ ޖަމިއްޔާއެއް އުފައްދައިފަ އެވެ. ނަމަވެސް ފަހުން އެ ޖަމްއިއްޔާގެ މަސައްކަތްތައް އޮތީ ހުއްޓިފަ އެވެ.
އެ ޖަމިއްޔާ އެގޮތުގައި އޮއްވާ ފަނޑިޔާރުންގެ އެހެން ޖަމިއްޔާއެއް އުފައްދަން ދާދި ފަހުން ޖުޑީޝަލް ކައުންސިލުން ނިންމުމާ އެކު، އެކަމުގައި ސުވާލު އުފެދޭ ކަންތައްތަކެއް ހުރި ކަމަށް ބުނެ ޔޫތު މިނިސްޓްރީން ވަނީ ބަންޑާރަ ނައިބުގެ ލަފައަކަށް އެދިފަ އެވެ.
އެކަމާ ގުޅިގެން ޑީޖޭއޭ އިން ބުނީ ގާނޫނު އައުމުގެ ކުރިން ފަނޑިޔާރުންތަކެއް އިސް ނަގައިގެން ޖަމިއްޔާއެއް 2008 ގައި އުފައްދާފައި އޮތަސް، އެއީ ފަނޑިޔާރުންގެ ގާނޫނުގައި ބުނާ ފަދައިން ޝަރުއީ ދާއިރާގައި މަސައްކަތްކުރާ ފަނޑިޔާރުން ތަމްސީލުކުރާ ޖަމިއްޔާއެއް ނޫން ކަމަށެވެ. އަދި ސުޕްރީމް ކޯޓުން 2015 ގައި ނެރުނު ސާކިއުލާއެއްގައި، ކޯޓުތަކާއި ޝަރުއީ ދާއިރާގެ ކްލަބް ޖަމިއްޔާތައް ހެދޭނީ ސުޕްރީމް ކޯޓުގެ ހުއްދަ ލިބިގެން އަދި ޑީޖޭއޭގެ ބެލުމުގެ ދަށުން ކަމަށް ބުނެފައި ވާއިރު، ކުރިން އުފައްދާފައި އޮތް ޖަމިއްޔާގެ މަސައްކަތް އަލުން ފެށުމުގެ ހުއްދަ ސުޕްރީމް ކޯޓުން ދޫކޮށްފައި ނުވާ ކަމަށާއި އެހެންވެ ކުރީގެ ޖަމިއްޔާ އަކީ ފަނޑިޔާރުންގެ ގާނޫނުގައި ބުނާ ފަދަ ޖަމިއްޔާއެއް ނޫން ކަމަށް ޑީޖޭއޭ އިން ބުންޏެވެ.
"ޖުޑީޝަލް ކައުންސިލްގެ ނިންމުމާ އެއްގޮތަށް މި ޑިޕާޓްމެންޓުން ހުށަހެޅި އެޕްލިކޭޝަން ޕްރޮސެސް ކުރުން ލަސް ކުރައްވައި، މީގެ ކުރިން 2008 ވަނަ އަހަރު އުފައްދާފައިވާ އަދި މިހާރު އެއްވެސް ހަރަކާތެއް ނުހިންގާ އޮތް ދިވެހި ފަނޑިޔާރުންގެ ޖަމްއިއްޔާއަކީ ވުޖޫދުގައި އޮތް ޖަމްއިއްޔާއެއް ކަމުގައި ބައްލަވައި، އެ ޖަމްއިއްޔާއަށް އިތުރު ފުރުސަތު ދެއްވާފައިވަނީ ހަމަޖެހިފައިވާ އުސޫލުތަކާއި ދިވެހިރާއްޖޭގެ ސުޕްރީމް ކޯޓުގެ ސާކިއުލާތަކާ ޚިލާފަށް،" ޑީޖޭއޭ އިން ބުންޏެވެ.
ޑީޖޭއޭ އިން ބުނިގޮތުގައި ފަނޑިޔާރުންގެ ކުރީގެ ޖަމްއިއްޔާ އަލުން ފެށުމުގެ ހުއްދަ ސުޕްރީމް ކޯޓުން ދީފައި ނެތްއިރު، ޖަމްއިއްޔާތަކާ ބެހޭ ގަވާއިދުގައި ޖަމްއިއްޔާއެއް އުފައްދަނީ ސަރުކާރުގެ އޮފީހަކަށް ނިސްބަތްވާ ގޮތަށް ކަމަށް ވާ ނަމަ، އެ އޮފީހެއްގެ އިއުތިރާޒެއް ނެތް ކަމުގެ ލިޔުން ވެސް ހުށަހެޅުން ލާޒިމްވާ ކަމަށެވެ. އަދި ޖުޑީޝަލް ކައުންސިލްގެ ނިންމުމާ އެއްގޮތަށް ޖަމްއިއްޔާ އުފައްދަން ހުށަހެޅިއިރު، އެކަމުގެ އިއުތިރާޒެއް ނެތްކަމުގެ ލިޔުން ހުށަހަޅާފައިވާނެ ކަމަށް ވެސް ޑީޖޭއޭ އިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިވެއްޓޭ
13 June 2019
2008 ގަ ޢަބްދުﷲ ގާޒީ އިސްކޮށް ހުންނަވައި ހެއްދެވި ޖަމުޢިއްޔާއަކީ މިހާރު އެއްވެސް ޤާނޫނީ ހައިސިއްޔތެއް އޮތް އެއްޗެއްނޫން. މިހާރު އޭނާ މި ޖަމުއިއްޔާ އަލުން ހިންގަން މިއުޅެނީ ރައީސް ނަޝީދުގެއެޖެންޑާ 19 އަށް ގޮންޖަހަން ރަގަނޅު ފޯރަމެއް ހަދަން. މިނިސްޓަރ މަހްލޫފު މިކަމާމެދު ވިސްނަވާ!
ނަޝީދުއެލެކްސް
13 June 2019
ދުނިޔޭގެ އެއްވެސް ޤައުމެއްގައި ޖުޑިޝަރީއާ މިގޮތަށް ދިމާކޮއްގެން އެބަޔަަށް މާބޮޑުކާމިޔާބީއެއް ލިބިފައެއް ނުވޭ. ޢިބްރަތް ލިބިގަންނަމާ ހިނގާ.
ލިންކޭ
13 June 2019
https://archive.mv/dv/articles/yx6gv ފަނޑިޔާރުންގެ ޖަމިއްޔާއިން 2010 ގައި ނެރުނު ބަޔާން ކިޔާލުން މުހިއްމު! މިކަމުން ޝައްކެއް ށުބުހަ އެއްނެތް މިންވަރަށް އޭރުއްސުރެވެސް ފަނޑިޔާރުންގެ ޖަމިއްޔާއެއް އޮންނަކަން ބުއްދި ހުރި ކޮންމެ އިންސާނަކަށްމެ ސާބިތުވޭ! ދެންމިހާރު ނެތޭ ބުންޏަސް ކިހިނެތް ޤަބޫލް ކުރާނީ ! އެ ބަޔާންނެރުނު ޖަމިއްޔާގެ ރައީސް މިއަދު ވެސް ފަނޑިޔާރުކަމުގައި އެބަހުންނެވި! ބަޔާންތައްނެރުނު އިރު އަދި ނެރޭއިރު ފަނޑިޔާރުންނަށް ވާނުވާ އެނގޭބާ ؟؟
އިބްނު ސީނާ
13 June 2019
ޖުޑިޝަރީއަށް އެއްވެސް ކަމެއް ވިޔަނުދޭން އުޅުއްވާހެން ހީވަނީ!
ކަނޑުމަސް
13 June 2019
ސްޕްރީމް ކޯޓްގެ ސާރކިއުލާ އެހެން އޮއްވާ ކިހިނެތްތޯ ޔޫތު މިނިސްޓްރީން ވަޅުޖެހިފައި އޮތް ޖަުއިއްޔާއެއް ހިންގަން ހުއްދަ ދޭނީ!
ކޮވެލި
13 June 2019
ދައުލަތުގެ މުއައްސަސާތަކުން ހެދިފައިވާ އުޞޫލުތަކަށް ތަބާނުވެވަޒީރުން ވެސް މިހާރު މުޅިންވެސް މީސް މީޑިއާ މެދުވެރިކޮށް މިފަދަ ކަންކަން މި ނިންމަނީ. ކިހާ ދެރަދޯ
ކިޔު
13 June 2019
ޑީޖޭއޭ އަކީ ޖަމްއިއްޔާ އުފައްދަން އޮތް ތަނެއްނޫނޭ. އަދި ފަނޑިޔާރުންގެ މަސައްކަތާއި އިތުރު ހަރަކާތްތަށްވެސް ހުރަސްއަޅައި، ފަނޑިޔާރުންގެ ނަފްރަތާއި ހިތްހަމަނުޖެހުން އަމާޒުވާން އުފެދިފައި އޮތް ތަނެއްނޫނޭ.
މަރޭމިތުރު
13 June 2019
މިދިޔަ މާއި ޖެހެންދެންވެސް އެއީ ވަރުގަދަ ޖަމްއިއްޔާއެއް. ހަމަ ކުއްލިއަކަށް އެ ޖަމްއިއްޔާއަކަށް ނުވި! އެޖަމްއިއްޔާގައި ތިބި މީހުންވެސް އެއީ ބުދުތަކެއް! ބުނަން ތިޔަމީހުން ބުނެފާނެ ދުވާލުމެންދުރަކީ ހެނދުނުގެ ފަސްގަޑި ސުންމިނެޓް ކަމަށްވެސް. މިވެރިންގެ ކިބައިން ރައްޔިތުންނާއި މިގައުމު ސަލާމަތްކޮށްދެއވާ!
އަލްޖިބްރާ
13 June 2019
ވެގެންއުޅޭ ގޮތަކީ ، ހިންގާފަ ހުރި ޖަރީމާތަށް ފޮރުވެން އަންނަނީ އިތުރު ޖަމިއްޔާއެއް އުފައްދާ އެޖަމިއްޔާއަކީ އެއްވެސް ފަރާތެއްގެ ބާރު ނުފޯރުވޭ ގޮތަށް ހެދުން ! އެހެންނޫނީ ތި އެންމެންގެ ވަޒީފާތައް ގެއްލޭނެ ! އަދި ޝަރީއަތް ކޮށް ޖަލަށްވެސް ވަންނަން ޖެހޭނެ !
ހުތާ
13 June 2019
މިއޮތްހާ ދުވަހު ކޮބާ ތިޔަ ޖުޑީޝަލް ކައުންސިލް، ހަމަޓަސްލާފަ ތިޔަކަމެއް ކުރަންވެގެން ތިޔަތަނެއް އޮތްކަމަށްވީވެސް. ކުރިން އޮތް ޖަމްއިއްޔާ އެބައޮތް ވުޖޫދުގައި އުވައެއްނުލާ.